Category: کشمیر

چالیس گھنٹے تک دو عسکریت پسندوں نے بھارتی فوج کو تگنی کا ناچ نچائے رکھا، بزدل بھارتی فوج نے چالیس گھنٹے بعد کشمیریوں کے سات گھر جلا دئیے، مقبوضہ کشمیر کے علاقے سوپور اور شوپیاں میں بھارتی فوج نےسرچ آپریشن کے دوران عسکریت پسندوں کے ساتھ تصادم کے بعد کشمیریوں پر اندھا دھند گولیاں چلا دیں، چار کشمیری عسکریت پسند شہید، دس سے زیادہ کشمیری زخمی ہو گئے، ایک بھارتی فوجی مقابلے میں ہلاک ہو گیا، بھارتی فوج نے کشمیریوں پر غصہ نکالتے ہوئے کشمیریوں کے 7 گھر جلا دئیے.

باغی ٹی وی کی رپورٹ کے مطابق مقبوضہ کشمیر کے علاقے شوپیاں میں بھارتی فوج کے سرچ آپریشن کے دوران کشمیری عسکریت پسندوں کی جانب سے بھارتی فوج پر فائرنگ کی گئی جس کے بعد بھارت سرکار نے عسکریت پسندوں کے خلاف علاقہ میں آپریشن مزید سخت کر دیا، تمام علاقہ کی ناکہ بندی کر دی گئی، وہیل گاؤں کے نواحی بستی پوندشن میں بھارتی فوج نے جمعہ کو سرچ آپریشن شروع کیا تو کشمیری عسکریت پسندوں کی جانب سے فائرنگ کے بعد مقابلہ شروع ہوا، بھارتی فوج نے علاقہ میں کشمیریوں پر تشدد کرنا شروع کر دیا، علاقہ بھر میں انٹرنیٹ و موبائل سروس بند کر دی، چالیس گھنٹے کے طویل ترین آپریشن کے بعد بھارتی فوج نے دو عسکریت پسندوں کو شہید کر دیا تا ہم کشمیری عسکریت پسنوں کی فائرنگ سے ایک بھارتی فوجی بھی ہلاک اور ایک زخمی ہوا.

شوپیاں میں شہید ہونے والے کشمیری کی شناخت زینت الاسلام کے نام سے ہوئی، جبکہ دوسرے کشمیری کی شناخت منظور احمد بٹ کے نام سے ہوئی، بھارتی فوج کی فائرنگ سے ایک مزدور بھی جاں بحق ہو گیا.

بھارتی فوج نے چالیس گھنٹے کے طویل آپریشن کے بعد کشمیریوں کے گھروں کو آگ لگا دی، شوپیاں میں محمد یوسف، فیاض احمد ،گلزار سمیت سات کشمیریوں کے گھر جلا دئیے گئے. بھارتی فوج کی جانب سے پیلٹ گن کا بھی استعمال کیا گیا جس سے درجنوں کشمیری زخمی ہوئے

بھارتی فوج نے کشمیر کے علاقے سوپور میں بھی سرچ آپریشن کے دورن عمر شہباز وانی کو شہید کر دیا

اقوام متحدہ کے انٹرنیشنل آبزرور بھارت کی نئی دہلی جیل میں قید جموں کشمیر لبریشن فرنٹ کے چیئرمین محمد یٰسین ملک سے ملاقات کریں‌ اور بھارتی دہشت گردی کا نوٹس لیں کیونکہ ان کی زندگی شدید خطرے میں ہے،

باغی ٹی وی کی طرف سے اقوام متحدہ سے کئے جانے والے مطالبہ میں کہا گیا ہے کہ یٰسین ملک کی زندگی کو درپیش خطرات سے متعلق ان کی اہلیہ مشعال ملک نے بھی پریس کانفرنس کی اور کہا ہے کہ ان کے شوہر کو ڈیتھ سیل میں رکھا گیا ہے اس لئے اقوام متحدہ کے آبزرور گروپ کو فوری طور پر اس صورتحال کا نوٹس لینا چاہیے اور بھارت پر دباؤ بڑھانا چاہیے کہ وہ یٰسین ملک کو رہا کرے،

واضح رہے کہ حریت کانفرنس ع کے سربراہ میر واعظ عمر فاروق بھی اس بات کا مطالبہ کر چکے ہیں کہ یٰسن ملک کی زندگی کو شدی خطرات لاحق ہیں اور انہیں فی الفور رہا کیا جائے، یاد رہے کہ مقبوضہ کشمیر میں اس وقت حالات انتہائی سنگین رخ اختیار کر چکے ہیں، حریت قیادت کو نظربند کر دیا گیا ہے اور بڑے پیمانے پر قتل و غارت گری کی پالیسیوں پر عمل درآمد کیا جارہا ہے یہی وجہ ہے کہ سید علی گیلانی نے بھی کہا ہے کہ بھارت جموں‌ کشمیر میں تاریخ کا بڑا قتل عام کرنے جارہا ہے،

مقبوضہ کشمیر میں بھارت سرکار کی جانب سے سیاحوں کو کشمیر چھوڑنے کے حکم کے بعد سیاحوں نے کشمیر سے جانا شروع کر دیا ہے، مقبوضہ کشمیر میں 38 ہزار مزید بھارتی فوج کی تعیناتی کے بعد کشمییر میں کرفیو کا سا سماں ہے، پٹرول پمپوں پر پٹرول ختم اور اے ٹی ایم پر بھی رش دیکھنے کو ملا

باغی ٹی وی کی رپورٹ کے مطابق مقبوضہ کشمیر میں سیاحوں کو بھارت سرکار کی جانب سے نکل جانے کے حکم کے بعد سیاحوں نے کشمیر سے جانا شروع کر دیا ہے، ایک رپورٹ کے مطابق کشمیر کے مختلف علاقوں میں بیس ہزار سے زیادہ سیاح تھے جنہیں بھارت سرکار کی جانب سے نکل جانے کے حکم کے بعد انہیں زبردستی ہوٹلوں سے نکالا گیا اور نئی دہلی روانہ کر دیا گیا، اس ضمن میں سیاحوں کو بسوں اور جہاز کے ذریعے روانہ کیا گیا. سرینگر ائیر پورٹ سے پہلی بار ہر دس منٹ بعد دہلی کے لئے پرواز گئی، ائیر پورٹ پر سیاحوں کا رش دیکھنے کو ملا دوسری جانب سیاحوں کو ائیر پورٹ پر ٹکٹ کی قیمتیں زیادہ کر کے انہیں لوٹا گیا.

دوسری جانب مقبوضہ کشمیر میں ایک ہفتے میں 38 ہزار فوجیوں کے اضافے کے بعد مقبوضہ کشمیر کے تمام علاقوں میں کرفیو کا سماں ہے، بھارت سرکار کشمیر مین کیا کرنے والی ہے ؟ اس پر کشمیری پریشان ہیں انہیں کچھ نہیں بتایا جا رہا، کشمیر کو بھارتی فوج کی چھاؤنی بنا دیا گیا ہے، بھارتی فوجیوں کی تعداد میں اچانک اضافے کے بعد کشمیر میں پٹرول پمپوں پر شہریوں کا رش ختم نہیں ہو رہا ،کشمیری پٹرول جمع کر رہے ہین ،کئی پٹرول پمپوں پر فوج نے قبضہ کر لیا ،کئی پمپوں پر پٹرول ختم ہو گیا، اسی طرح کشمیر کے مختلف علاقوں میں موجود بینکوں کی اے ٹی یم کے باہر بھی لمبی لائنیں دیکھنے کو ملیں.

واضح رہے کہ بھارت سرکار نے گزشتہ روز سیاحوں کو کشمیر چھوڑنے کا حکم دیا تھا

محکمہ داخلہ آزاد کشمیر نے کنٹرول لائن پر آئے دن بھارتی فائرنگ اور جارحیت سے خراب ہونے والے حالات کے پیش نظر ای نیا نوٹیفکیشن جاری کیا ہے جس کے تحت لائن آف کنٹرول سے متصل پانچ کلومیٹر کے اندر رہنے والے مکینوں‌ کو اسلحہ لائسنس جاری کرنے کا فیصلہ کیا گیا ہے،

باغی ٹی وی کی رپورٹ کے مطابق صدر آزاد کشمیر نے ایل او سی پر پانچ کلومیٹر کی حدود میں قائم دیہی و دفاعی کمیٹیوں‌ کے حق میں‌ جاری ہونے والے اسلحہ لائسنسز کے اجراء اور تجدیدی اسلحہ فیسیں ختم کرنے کی بھی منظوری دی ہے اور اس کیلئے یہ شرائط رکھی گئی ہیں کہ متعلقہ مجسٹریٹ سالانہ بنیادوں‌ پر ایل او سی کے پانچ کلومیٹر کے اندر ویلج ڈیفنس کمیٹیوں کے ممبران کے نام نوٹیفائی کریں گے،

اسی طرح کہا گیا ہے کہ متعلقہ اسسٹنٹ کمشنرز، ایس ایچ او حضرات ممبران کمیٹی کے حق میں‌ غیر ممنوعہ بور کے لائسنس کے اجراء، تجدید کی نسبت تصدیق سفارش کریں گے، واضح‌ رہے کہ یہ لیٹر محکمہ داخلہ مقبوضہ کشمیر کی جانب سے جاری کیا گیا ہے،