Category: کشمیر

سری نگر: جموں و کشمیر پیپلز ڈیموکریکٹک پارٹی کی صدر محبوہ مفتی کو سری نگر میں نظر بند کردیا گیا.

تفصیلات کے مطابق جمعہ کے روز بھارتی فوج نے سری نگر میں جموں و کشمیر پیپلز ڈیموکریکٹک پارٹی کی صدر محبوہ مفتی کو نظر بند کردیا. بھارتی فوج کا یہ رویہ انتہائی افسوسناک اور تشویشناک پے. دوسری جانب محبوبہ مفتی نے نظر بند ہونے سے پہلے بھارتی حکومت کو سخت تنقید کا نشانہ بنایا تھا اور اپنے ایک ٹویٹ میں کشمیر کی صورتحال بتاتے ہوئے کہا تھا کہ اس وقت سری نگر کی سڑکوں پر انتشار ہے. لوگ پٹرول پمپوں‌ کے باہر لمبی لمبی قطاروں میں موجود ہیں جبکہ اے ٹی ایم کے باہر بھی لوگوں کی لمبی قطاریں موجود ہیں. اس حوالے سے محبوبہ مفتی نے بھارتی حکومت کو سخت تنقید کا نشانہ بنایا تھا.

Complete chaos on the streets of Srinagar. People rushing to ATMs, petrol pumps & stocking up on essential supplies. Is GOI only concerned about the safety of yatris while Kashmiris have been left to their own devices?

— Mehbooba Mufti (@MehboobaMufti) August 2, 2019

سرینگر (اے پی پی) مقبوضہ کشمیر میں بھارتی فوج اورفضائیہ ہائی الرٹ کردی گئی.

بھارت نے مقبوضہ کشمیر میں مزید فورسز اہلکاروں کی تعیناتی کے بعد فوج اور فضائیہ کوبھی مقبوضہ علاقے میں ہائی الرٹ کر دیاہے۔ کشمیر میڈیاسروس کے مطابق ذرائع ابلاغ کی رپورٹوں میں کہا گیا کہ بھارتی پیرا ملٹر ی کے مزید28 ہزار اہلکار سرینگر اور مقبوضہ وادی کے دیگر علاقوںمیں تعینات کیے جا رہے ہیں ۔ سرینگر کے تمام داخلی اور خارجی راستوں پربھارتی پیرا ملٹری سینٹرل ریزرو پولیس فورس کے اہلکار تعینات کر دیے گئے ہیں۔ کنٹرول لائن پر تعینات بھارتی فوج کوبھی ہائی الرٹ کر دیا گیا ہے۔ بھارتی ائر فورس کے طیارے جمعرات کی شام سے مقبوضہ کشمیر کی فضاﺅں میں گشت کر رہے ہیں ۔ دریں اثنابھارت اپنی پیرا ملٹری کی مزید 280سے زائد کمپنیاں مقبوضہ وادی میں تعینات کر رہا ہے ۔ قبل ازیں چندروز قبل پیرا ملٹری کے دس ہزار اہلکار وادی میں تعینات کیے گئے تھے اور اب مزید 28ہزار اہلکار تعینات کیے جا رہے ہیں۔

سرینگر (اے پی پی) بھارتی پولیس نے ممتاز کشمیری صحافی قاضی شبلی کو گرفتار کرلیا

مقبوضہ کشمیر میں بھارتی پولیس نے اسلام آباد قصبے سے معروف صحافی قاضی شبلی کو گرفتار کرلیا ہے۔ کشمیرمیڈیاسروس کے مطابق قاضی شبلی جو خبروں کی ایک ویب سائیٹ کے ایڈیٹر ہیں کو بھارتی پولیس نے گرفتار کر کے اسلام آباد قصبے کے شبیر باغ پولیس اسٹیشن میں نظربند کردیا ہے۔ ایک صحافی نے میڈیا کو بتایا کہ انتظامیہ نے قاضی شبلی کو بلا جواز طورپر گرفتار کیا ہے اور انہیں عدالت میںبھی پیش نہیں کیا گیا ۔ قاضی شبلی تنازعہ آزادی صحافت اورمقبوضہ کشمیرمیں ذرائع ابلاغ پر عائد قدغنوں کے خلاف موقف رکھنے اور کشمیر کے بارے میں اپنی غیر جانبدارنہ تحریوں کے باعث مشہور ہیں ۔ ماضی میں بھی ان سے ان کی تحریروں بارے پوچھ گچھ کی جاتی رہی ہے۔ قاضی شبلی آزادی پسند رہنماءقاضی احمد یاسر کے بھائی ہیں۔ قاضی یاسر پہلے ہی کالے قانون پبلک سیفٹی ایکٹ کے تحت غیر قانونی طورپر نظربند ہیں۔

سرینگر ۔ 02 اگست (اے پی پی) حریت کانفرنس نے اسلامک پولیٹکل پارٹی کی رکنیت ختم کر دی.

تفصیلات کے مطابق مقبوضہ کشمیرمیں کل جماعتی حریت کانفرنس پریس اینڈ پبلی کیشن ڈویژن نے کہاہے کہ حریت کانفرنس کے چند روز قبل منعقدہ ایک غیر معمولی اجلاس میں حریت کانفرنس کی ایک اکائی اسلامک پولیٹکل پارٹی سے متعلق شکایات پر تفصیلی غورو خوص کیاگیا ہے۔ کشمیرمیڈیا سروس کے مطابق حریت کانفرنس کی طرف سے سرینگر میں جاری ایک بیان میں کہاگیا ہے کہ اجلاس میں تمام شواہد، رپورٹوں اور چند حریت اکائیوں کے سربراہوں کی گواہی کی روشنی میں اس پارٹی کو حریت کی بنیادی رُکنیت سے خارج کر دیا گیا۔ اس فیصلے کی اطلاع اسلامک پولیٹکل پارٹی کے سربراہ کو تحریراً دے دی گئی ہے۔

سرینگر (اے پی پی) مقبوضہ کشمیرمیں کل جماعتی حریت کانفرنس کے چیئرمین سید علی گیلانی نے نامعلوم افراد کی طرف سے معروف حریت رہنماءشکیل احمد بخشی پر قاتلانہ حملے کی شدید مذمت کی ہے ۔ کشمیرمیڈیاسروس کے مطابق سیدعلی گیلانی نے سرینگرمیں جاری ایک بیان میں کہاکہ ان واقعات میں ہاتھ چاہے جو بھی استعمال ہوں لیکن ان منصوبہ بند سازشوں کے لئے وہی سوچ کام کر رہی ہے جو کشمیرمیں آزادی پسندوں کو ایک دوسرے کی گردن زنی پر اکسا کر اس لہولہان وادی کشمیر کو مزید لال کرنا چاہتی ہے۔

انہوں نے کہاکہ ان مذموم کارروائیوں سے دشمن ایک تیر سے کئی شکار کرکے ایک تو تحریک آزادی کو ناقابل تلافی نقصان پہنچا رہا ہے اور دوسری طرف نامعلوم افراد کی آڑ میں معروف شخصیات کو نشانہ بنایا جارہا ہے۔ انہوں نے کہا کہ جوافراد نوجوانی سے ہی کارووان حریت میں شامل رہے ہوں جنہوں نے اس پُرخار راہ میں بہت سی مشکلات اور مصائب جھیل کر بھی دامن حق وصداقت تھامے رکھا ہو انہیں اس بزدلی سے نشانہ بنانا ہم سب کے لیے لمحہ فکریہ ہے۔ سیدعلی گیلانی نے کہاکہ دشمن دو ربیٹھا تماشا دیکھ رہا ہوگا کہ اس تشویش ناک فضا میں بھی یہ قوم ایک دوسرے کے گلے کاٹنے کے لیے بڑی آسانی سے استعمال ہورہی ہے۔ انہوں نے اپنی مظلوم قوم خاص کر نوجوانوں سے دردمندانہ اپیل کرتے ہوئے کہا کہ اس دورِ پُرآشوب میں کندھے سے کندھا ملاکر یکسو اور یکجا ہوکر ایک سیسہ پلائی ہوئی دیوار کی طرح دشمن کا مقابلہ کرنے کی اشد ضرورت ہے اور اگر ہم آج بھی دشمن کی سازشوں کا شکار ہو کر ٹکڑوں اور ٹولیوں میں بٹ گئے توہماری آنے والی نسلیں ہمیں کبھی معاف نہیں کریں گی۔ ادھر حریت رہنماءبلال احمد صدیقی نے ایک بیان میں حریت رہنماءشکیل احمد بخشی پر قاتلانہ حملے کی شدید مذمت کی ہے ۔ انہوںنے کہاکہ اس حملے سے بھارتی خفیہ ایجنسیوں کی بوکھلاہٹ اور مذموم عزائم کی عکاسی ہوتی ہے جو آزادی پسند قوم میں غلط فہمیاں پھیلا کر انہیں تقسیم کرنا چاہتی ہیں۔ واضح رہے کہ نامعلوم افراد نے بدھ کی شب سرینگر کے علاقے بمنہ میں شکیل احمد بخشی کے گھر میں گھس کر ان پر قاتلانہ حملہ کیاتھا تاہم وہ حملے میں محفوظ رہے تھے۔