Category: کشمیر

مقبوضہ کشمیر کے شوپیاں ضلع میں بھارتی فوج اور کشمیری مجاہدین میں زبردست جھڑپ ہوئی ہے،

باغی ٹی وی کی رپورٹ‌ کے مطابق بھارتی فوج اور مجاہدین کے مابین شوپیاں میں زبردست فائرنگ کا سلسلہ جاری ہے، اس دوران بھارتی فورسز کی جانب سے پورے علاقے کو گھیرے میں لے لیا گیا ہے اور بڑے پیمانے پر سرچ آپریشن جاری ہے،

میڈیا رپورٹس کے مطابق شوپیاں قصبے کے مضافات میں پولیس لائنز کے متص رمبی آرہ کے کنارے پر واقع دگام بدرہامہ نامی بستی میں 23 پیرا اور 44 آر آر کے ساتھ ساتھ پولیس نے محاصرہ کرنے کی کوشش کی لیکن شام کے وقت سے بھارتی فورسز اور کشمیری حریت پسندوں کے مقابلہ جاری ہے، بھارتی فوج نے علاقے کا محاصرہ سخت کر کے ناکہ بندی کر لی ہے، اس موقع پر روشنی کا انتظام کیا گیا ہے اور آپریشن کو جمعرات کی صبح تک ملتوی کر دیا گیا ہے،

مقبوضہ کشمیر سے موصولہ اطلاعات کے مطابق یہ بھی کہا جارہا ہے کہ عسکریت پسند فرار ہونے میں کامیاب ہو گئے ہیں تاہم اس امر کی تصدیق نہیں‌ ہو سکی ہے،

مقبوضہ کشمیر میں اسلامک سٹوڈنٹس لیگ کے چیئر مین شکیل احمد بخشی نا معلوم بندوق برداروں کے ایک حملے میں بال بال بچ گئے ہیں تاہم وہ نیچے گرنے سے زخمی ہوگئے ہیں، جے کے ایل ایف لیڈر محمد یٰسین ملک کی اہلیہ مشعال ملک نے اس حملہ کی شدید مذمت کی ہے،

باغی ٹی وی کی رپورٹ کے مطابق ۔شکیل احمد بخشی کے چھوٹے بھائی شوکت احمد نے سماجی رابطہ گاہ فیس بک پر پوسٹ کرتے ہوئے لکھا’’ انکے بڑے بھائی شکیل احمد بخشی پر گھر کے قریب قاتلانہ حملہ کیا گیا تاہم وہ معجزاتی طور پر بچ گئے‘‘۔بتایا جاتا ہے کہ دو موٹر سائیکل سواروں نے غوثیہ کالونی بمنہ میں انکی رہائش گاہ کے باہر شام کے وقت اُن پر فائرنگ کی، تاہم وہ بچ گئے البتہ نیچے گرنے سے انہیں چوٹ آئی۔ شکیل احمد بخشی نے ایک ویڈیو پیغام میں اس بات کی تصدیق کرتے ہوئے کہا کہ جس راہ پر وہ چل رہے ہیں اُس پر اس طرح کے معاملات آسکتے ہیں تاہم 1990سے وہ سچائی کی راہ سے نہ کبھی بھٹک گئے ہیں اور نہ آئندہ ایسی کوئی اُمید کی جاسکتی ہے۔

واضح‌ رہے کہ 1996 میں بھی سرکاری بندوق برداروں کی تنظیم اخوان کے اہلکاروں نے ان پر حملہ کیا تھا تاہم وہ محفوظ رہ تھے، ایس ایس پی سرینگر ڈاکٹر حسیب مغل نے کہا کہ انہوں نے واقعہ سے متعلق کیس درج کیا ہے اور علاقے میں ناکے لگائے گئے تاکہ حملہ آوروں کو گرفتار کیا جاسکے، شکیل احمد بخشی، اسلامک سٹوڈنٹس لیگ کے چیئر مین ہیں، یٰسین ملک کی اہلیہ مشعال ملک نے شکیل احمد بخشی پر قاتلانہ حملہ کی شدید مذمت کی ہے،

بھارتی فوج کی مقبوضہ کشمیر میں ریاستی دہشت گردی جاری ہے، بانڈی پورہ میں بھارتی فوج نےسرچ آپریشن کے دوران تین کشمیری شہید کر دیئے

باغی ٹی وی کی رپورٹ کے مطابق بھارتی فوج کی جانب سے کشمیریوں پر مظالم کا سلسلہ جاری ہے، بھارتی فوج نے مقبوضہ کشمیر کے علاقے بانڈی پورہ میں سرچ آپریشن کے دوران تین کشمیریوں کو شہید کر دیا. سرچ آپریشن کے دوران کشمیریوں کی جانب سے شدید احتجاج کیا گیا

اس دوران بانڈی پورہ و دیگر قریبی علاقوں میں انٹرنیٹ و موبائل سروس بند کی گئی تھی.

واضح رہے کہ گزشتہ روز بھی بھارتی فوج نے سرچ آپریشن کے دوران دو کشمیریوں کو شہید کر دیا تھا، پلوامہ میں بھارتی فوج کے کانوائے پر حملہ کے بعد بھارتی فوج مسلسل سرچ آپریشن کر رہی ہے اور سرچ آپریشن کی آڑ میں مسلسل کشمیریوں‌ کو شہید کیا جارہا ہے،. دوسری جانب حریت رہنماوں کو مسلسل نظر بند رکھا گیا ہے،

حریت رہنماوں نے بے گناہ کشمیری نوجوانوں پر بھارتی فوج کے مظالم کی مذمت کرتے ہوئے عالمی دنیا سے مطالبہ کیا ہے کہ کشمیریوں کو حق خودارادایت جو ان کا پیدائشی حق ہے دلوانے کے لئے دنیا کردار ادا کرے.

بھارتی فوج کی آزاد کشمیر کے مختلف سیکٹرز پر گولہ باری سے خاتون سمیت دو شہری شہید 24 زخمی ہوئے ہیں، کمشنر مظفرآباد ڈویژن امتیاز احمد نے کہا ہے کہ شہید ہونیوالوں میں بسمہ بی بی دختر غلام مرتضی ساکنہ کٹھہ چوگلی اور نعمان ولد مطیع اللہ ساکنہ شاردا شامل ہیں،

باغی ٹی وی کی رپورٹ کے مطابق نیلم میں بھارتی فائرنگ سے زخمی ہونیوالوں میں شیراز ولد غلام سرور، رضوان ولد غلام مرتضی ، عادل ولد قلندر، محمد صدیق ولد برکت اللہ، لطیف ولد دلاور، مدثر ملک ولد فرید ملک، تبسم ملک زوجہ فرید ملک، انیس الرحمان ولد اسداللہ خان شامل ہیں،

اسی طرح کمشنر مظفرآباد ڈویژن امتیاز احمد کا کہنا ہے کہ پنجکوٹ سیکٹر میں محمد عمران، وسیم مقصود ، نوراں بی بی، نوری بی بی، محمد اکمل قریشی ، محمد طفیل، محمد عقیل، نبیلہ بی بی زخمی ہوئے ہیں، جبکہ وادی لیپا میں عدیل احمد، عبدالرحمان، غوثیا بی بی، گلشن بی بی زخمی ہوئے ہیں،