Category: کشمیر

مقبوضہ کشمیر میں بھارتی فوج کے ہاتھوں انجینئرنگ کے ایک طالب علم سمیت دونوجوانوں کی شہادت پر بدھ کو اسلام آباد(اننت ناگ) میں‌ مکمل ہڑتال کی گئی۔

باغی ٹی وی کی رپورٹ‌ کے مطابق بھارتی فورسز اہلکاروں نے فیصل نذیر کو اس کے ایک اور ساتھی کے ہمراہ ضلع کے علاقے کوکرناگ میں نام نہاد سرچ آپریشن کے دوران شہید کر دیا تھا۔ ہڑتال کی وجہ سے علاقہ میں تمام دکانیں اورکاروباری مراکز بند رہے جبکہ گاڑیوں کی آمدورفت معطل ہے۔ قابض حکام نے نوجوان کی شہادت پر طلباء کے احتجاج کو روکنے کے لیے ضلع اسلام آباد کے تعلیمی اداروں میں تدریسی کام معطل کردیا ہے.

بھارتی فورسز کی جانب سے رمضان المبارک میں بھی روزانہ کسی نہ کسی علاقہ میں سرچ آپریشن کر کے نہتے کشمیریوں‌کو شہید اور بڑے پیمانے پر گرفتاریاں‌کی جارہی ہیں.

مقبوضہ کشمیر میں بھارت سرکار کی جانب سے کشمیریوں پر مظالم کا سلسلہ رمضان المبارک میں بھی جاری ہے، کولگام کے علاقے میں بھارتی فوج نے سرچ آپریشن کےد وران احتجاج کرنے والے پچاس سے زائد کشمیریوں کو زخمی کر دیا .

باغی ٹی وی کی رپورٹ کے مطابق مقبوضہ کشمیر کے علاقے کولگام میں بھارتی فوج نے عسکریت پسندوں کی تلاش میں سرچ آپریشن شروع کیا تو کشمیری گھروں سے باہر نکل آئے اور بھارتی فوج کے خلاف احتجاج شروع کر دیا، کشمیریوں کی جانب سے پتھراو کے مقابلے میں پیلٹ گن فائر کئے اور گولیوں کا بھی استعمال کیا جس کے نیتجے میں پچاس سے زائد کشمیری زخمی ہوئے. جن میں سے چار شدید زخمیوں کو سرینگر ہسپتال منتقل کر دیا گیا. عینی شاہدین کا کہنا ہے کہ بھارتی فوج نے آنسو گیس، گولیوں اور پیلٹ کا استعمال کیا. چیف میڈیکل آفیسر کولگام ڈاکٹر فاضل کوچک نے بھی تصدیق کی ہے کہ بھارتی فوج کی فائرنگ سے پچاس کشمیری زخمی ہوئے ہیں جن میں سے 44 کو محمد پورہ کے ہسپتال میں بھجوایا گیا جبکہ چھ شدید زخمیوں کو کولگام بھجوایا گیا.جن چھ زخمیوں کو کولگام ہسپتال بھیجا گیا ان میں ندیم احمد ،نواز احمد ،عدنان احمد کو آنکھوں میں پیلٹ لگی ہیں، یاور احمد کو گولی لگی ہے جبکہ محسن احمد اور باسط احمد کو بھی پیلٹ لگا ہے ،کولگام ہسپتال بھجوائے گئے چھ میں سے چار زخمیوں نواز،ندیم،عدنان اور یاور کو سرینگر علاج کے لئے منتقل کیا گیا ہے .

جموں کشمیر پیپلزمومنٹ کے چیئرمین میر شاہد سلیم نے کہا ہے کہ بھارتی فوج نے جموں‌ کشمیر کو ایک پولیس سٹیٹ میں تبدیل کردیا ہے جہاں قابض حکام جان بوجھ کر عوام کے بنیادی انسانی حقوق کو پامال کررہے ہیں۔

باغی ٹی وی کی رپورٹ‌ کے مطابق میر شاہد سلیم نے راجوری کے علاقے تھنہ منڈی میں نزول قرآن کانفرنس سے خطاب کرتے ہوئے کہاکہ بھارتی حکومت عیدالفطر سے قبل تمام سیاسی نظربندوں کو رہا کرے تاکہ وہ یہ تہوار اپنے اہل خانہ اور دوستوں کے ساتھ منا سکیں۔

کانفرنس میں دیگر لوگوں کے علاوہ عبدالقیوم ندوی، ڈاکٹر محمد اعظم، مولانا صابر حسین،مولاناعابد رحمانی اور سید شاہ حسین نے بھی شرکت کی۔

جموں‌کشمیر پیپلز موومنٹ نے عید سے قبل تمام قیدیوں‌کی رہائی کا مطالبہ کیا ہے.

حریت کانفرنس کے قائدین سید علی گیلانی اور میر واعظ عمر فاروق نے نئی دہلی کی بدنام زمانہ تہاڑ جیل میں غیر قانونی طورپرنظربند جموںوکشمیر لبریشن فرنٹ کے سربراہ محمد یاسین ملک کو بھارتی تحقیقاتی ادارے این آئی اے کی عدالت کی طرف سے 7 جولائی تک جوڈیشل ریمانڈ میں بھیجنے کے فیصلے کی شدیدمذمت کرتے ہوئے کہا ہے کہ انہیں دانستہ طورپر سیاسی انتقام کا نشانہ بنایا جارہا ہے۔

باغی ٹی وی کی رپورٹ کے مطابق یٰسین ملک کو 22فروری کو گرفتار کیا گیا تھا جبکہ 7 مارچ کو انہیں پبلک سیفٹی ایکٹ کے تحت جموں کوٹ بلوال جیل منتقل کر لیا گیا تھا۔ بعد ازاں انہیں تہاڑ جیل منتقل کیا گیا جہاں سے این آئی اے کی تحویل میں دے دیا گیا۔بز رگ کشمیری قائد سیدعلی گیلانی اور میر واعظ عمر فاروق نے یٰسین ملک کو سات جولائی تک کیلئے جیل بھیجے جانے کی مذمت کرتے ہوئے کہاکہ یاسین ملک کے عدالتی ریمانڈ میں توسیع ان کی نظربندی کو طول دینے کی ایک کوشش ہے جس کا مقصد انہیں سیاسی انتقام کا نشانہ بنانا ہے۔انہوںنے کہا کہ یاسین ملک کو مسلسل این آئی کی حراست میں رکھنا نہ صرف بلا جواز بلکہ حد درجہ غیر جمہوری اور مسلمہ انسانی قدروں کے منافی ہے۔

انہوںنے کہاکہ کشمیری لیڈروں کو انکے خلاف درج جھوٹے اور بے بنیاد مقدمات میں گرفتار کر کے پابند سلاسل کیاجارہا ہے اورانہیں سیاسی انتقام کا نشانہ بنانے کیلئے مختلف حیلے بہانوں سے ان کی غیر قانونی نظربندی کو طول دیاجاتا ہے۔ انہوں نے کہاکہ جب ان حریت پسندوںکی عدالتوںمیں پیشی کی تاریخ قریب آتی ہے توکوئی نہ کوئی بہانہ بنا کر اسے ٹال دیا جاتا ہے جس سے قابض انتظامیہ کی آمرانہ پالیسیوں کی عکاسی ہوتی ہے۔

حریت رہنماﺅں نے انسانی حقو ق کی بین الاقوامی تنظیموں ایمنسٹی انٹرنیشنل ، ایشیا ءواچ اور عالمی ریڈ کراس سے اپیل کی ہے کہ وہ کشمیر اور بھارت کی مختلف جیلوںخصوصاً کھٹوعہ، اودھمپور، کوٹ بھلوال اور تہاڑ جیلوں میں قید سینکڑوں حریت پسند کشمیری سیاسی نظر بندوں کی حالت زار کا خود جائزہ لینے اپنی ٹیمیں بھیجیں اوران کی فوری رہائی کیلئے بھارت پر دباﺅ بڑھائیں۔

مقبوضہ کشمیر کے بانڈی پورہ ضلع میں مارٹر شیل پھٹنے سے سولہ سالہ کشمیری لڑکا جاں بحق اور ایک اور زخمی ہو گیا۔ مقامی کشمیریوں‌کا کہنا ہے کہ یہ شیل بھارتی فوجیوں‌ کی طرف سے گرایا گیا ہے.

باغی ٹی وی کی رپورٹ کے مطابق بانڈی پورہ ضلع کے علاقے گریز میں بھارتی فوج کا ایک مارٹر شیل پھٹنے سے سولہ سالہ ماجد احمد اور پندرہ سالہ اشتیاق احمد لون زخمی ہو گئے۔ جس وقت مارٹر شیل پھٹا وہ دونوں ایک میدان میں کھیل رہے تھے۔ دونوں کو فوری طورپر قریبی ہسپتال منتقل کیاگیا جہاں ڈاکٹروں کے مطابق ماجد راستے میں ہی دم توڑ گیا تاہم اشتیاق کو سری نگر کے ہسپتال منتقل کردیاگیا ہے۔

رپورٹ کے مطابق زخمی اشتیاق احمد کو علاج معالجہ کی سہولیات فراہم کی جارہی ہیں۔

مقبوضہ کشمیرمیں پولیس نے ایک کشمیری خاتون کی بے حرمتی میں ملوث بھارتی فوج کے ایک لیفٹیننٹ کرنل کے خلاف چارج شیٹ دائر کی ہے۔

باغی ٹی وی کی رپورٹ‌کے مطابق ممبئی کی 34سالہ خاتون کی طرف سے گزشتہ سال جنوری میں مانسبل کنٹونمنٹ سری نگر میں ایک لیفٹیننٹ کرنل کی طرف سے اس کی بے حرمتی کی شکایت پر ایک مقدمہ درج کیاگیا تھا۔ تفتیش کے دوران عینی شاہدین کے بیانات قلمبند کئے گئے اور جنسی طورپر حراساں کرنے کے شواہد اکٹھے کئے گئے۔

مذکورہ خاتون نے پولیس کوبتایا کہ انہوں نے اپنے شوہر کے ہمراہ گزشتہ سال یکم سے چارجنوری تک مانسبل گیریژن گیسٹ ہاﺅس گاندربل میں لیفٹیننٹ کرنل کے مہمان کے طورپر قیام کیا تاہم دو جنوری کی شب لیفٹیننٹ کرنل نے اس کے ساتھ زبردستی زیادتی کی جس پر اس کے خلاف چارج شیٹ دائر کی گئی ہے۔

مقبوضہ کشمیر میں دس سال قبل کشمیری خواتین آسیہ اور نیلوفر کے یوم شہادت پر شوپیاں‌ ضلع میں ہڑتال کی گئی.

باغی ٹی وی کی رپورٹ‌ کے مطابق حریت رہنما اور ینگ مینز لیگ کے چیئرمین امتیاز احمد ریشی کی قیادت میں ایک وفد شوپیاں میں دس سال قبل بھارتی فورسز کے ہاتھوں بے حرمتی اور قتل کا شکار بننے والی خواتین نیلوفر اور اآسیہ کے اہلخانہ سے اظہار یکجہتی کے لیے ان کے گھرگیا۔ وفد نے تعزیت کرتے ہوئے کہاکہ کشمیری بہنوں، بیٹیوں اور شہدائ کی قربانیاں‌جلد رنگ لائیں گی. اللہ تعالیٰ‌ شہداء کی قربانیوں‌ کو کبھی رائیگاں نہیں‌ جانے دیتا.

امتیاز احمد ریشی نے کہاکہ بھارت کشمیری عوام کے جذبہ حریت کو دبانے کے لیے خواتین کی بے حرمتی کو جنگی ہتھیار کے طورپراستعمال کررہا ہے۔ اقوام متحدہ اور دیگر عالمی اداروں‌کو چاہیے کہ وہ ایک ٹریبونل کے ذریعے اس واقعے کی تحقیقات کروائیں اورگھناﺅنے جرم میں ملوث بھارتی فوجیوں کو سزادلانے میں‌کردار ادا کریں. ۔حریت رہنماغلام محمد خان سوپوری و دیگر نے بھی آسیہ اور نیلوفر کے اہل خانہ سے اظہار تعزیت کیا اور واقعہ میں‌ملوث درندوں‌کو فی الفور سزا دینے کا مطالبہ کیا ہے.

بھارتی فوج نے مقبوضہ کشمیر میں سرچ آپریشن کے دوراندو اور کشمیریوں کو شہید کر دیا

باغی ٹی وی کی رپورٹ کے مطابق بھارتی فوج نے کشمیر کے علاقے ککر ناگ میں سرچ آپریشن کے دوراندو کشمیریوں کو شہید کر دیا ،بھارتی فوج نے سرچ آپریشن کے موقع پر کشمیریوں کو ہراساں بھی کیا .چادر و چاردیواری کا تقدس بھی پامال کیا. آپریشن بھارتی فوج، سی آر پی ایف اور ایس او جی نے مشترکہ طور پر کیا.

واضح رہے کہ چند دن قبل برہان وانی کے قریبی ساتھ ذاکر موسیٰ کو بھارتی فوج نے شہید کیا جس کے بعد مقبوضہ کشمیر میں احتجاج کا سلسلہ جاری ہے. ذاکر موسیٰ کی آٹھ بار نماز جنازہ ادا کی گئی تھی .

مقبوضہ کشمیر میں کشمیری کمانڈر ذاکر موسیٰ اور شہری ظہور احمد کی شہادت پر سوموار کو چوتھے دن بھی جنوبی کشمیر میں مکمل ہڑتال کی گئی جس پر تمام کاروباری مراکز اور پٹرو ل پمپ وغیرہ بند رہے۔

باغی ٹی وی کی رپورٹ‌ کے مطابق قابض انتظامیہ نے موبائل اور انٹرنیٹ سروس بند رکھی جبکہ جنوبی کشمیر میں ٹرین سروس بھی بند کر دی گئی۔ بھارتی فورسز کی جانب سے کولگام، اسلام آباد(اننت ناگ)، شوپیاں، ترال اور دیگر علاقوں میں جھڑپوں کے پیش نظر اضافی فورسز تعینات کی گئیں۔ ہڑتال کی وجہ سے کاروباری زندگی معطل رہا۔ ٹرانسپورٹ بھی کم رہی اور سرکاری دفاتر میں حاضری کم رہی۔

کشمیریوں کی بڑی تعداد نے گزشتہ روز بھی شہری ظہور احمد اور ذاکر موسیٰ کے گھروں میں جاکر اظہار تعزیت کیا۔ اس موقع پر بھارتی فورسز کی جانب سے احتجاجی مظاہروں کے پیش نظر جگہ جگہ ناکے لگا کر شہریوں کی چیکنگ کی جاتی رہی۔ قابض انتظامیہ نے تعلیمی ادارے سوموار کے دن بھی بند رکھے۔ حساس علاقوں میں اضافی نفری تعینات رکھی گئی۔ کشمیر میں احتجاجی مظاہروں‌کا سلسلہ تاحال جاری ہے.