مقبوضہ کشمیر کے بارہمولہ ضلع میں ایک بھارتی فوجی دل کا دورہ پڑنے سے ہلاک ہو گیا ہے.
باغی ٹی وی کی رپورٹ کے مطابق ہندوستانی فوجی کی ہلاکت کا یہ واقعہ بارہمولہ میںسنگھ پورہ کے علاقہ وپلونہ میں پیش آیا ہے. مقامی پولیس کا کہنا ہے کہ فوجی اہلکار کو فوری طور پر ہسپتال پہنچایا گیا جہاں اُسے مردہ قرار دے دیا گیا۔
مقامی پولیس نے کہا ہے کہ ہلاک ہونے والے اہلکار کا پوسٹ مارٹم کراکے اُس کے موت کی اصل وجہ کا پتہ لگایا جائے گا۔
مقبوضہ کشمیر میں آسمانی بجلی گرنے سے 100 سے زائد بھیڑ بکریاں ہلاک ہو گئی ہیں.
باغی ٹی وی کی رپورٹ کے مطابق یہ افسوسناک واقعہ کشمیر کے کپواڑہ ضلع میں پیش آیا ہے جہاں چوکی بل علاقہ میں آسمانی بجلی گرنے سے ایک سو سے زائد بکریاں لقمہ اجل بل گئیں.
مقامی حکام کے مطابق خانہ بندوشوں کی ایک پارٹی نے نزدیکی جنگل میں عارضی رہائش قائم کی تھی اور اُن کے ساتھ اُن کے بھیڑ بکریاں بھی تھیں۔ مذکورہ خانہ بندوش گڈریوں کی بھیڑ بکریاں کھلے آسمان تلے تھیں کہ اس دوران موسم خراب ہوگیا اور پھر بادلوں کے گرجنے کی وجہ سے یہ بھیڑ بکریاں آسمانی بجلی کی زد میں آگئیں اور دیکھتے ہی دیکھتے102بھیڑ بکریاں لقمہ اجل بن گئیں۔
ضلع انتظامیہ کی ایک ٹیم پولیس کے ہمراہ جائے واردات پر پہنچ گئی جس نے واقعہ کی مکمل تفتیش کا حکم دیا ہے. یاد رہے کہ کشمیر میں خراب موسم کے باعث اس سے قبل بھی ایسے واقعات پیش آتے رہتے ہیں.
مقبوضہ کشمیر کے کولگام ضلع میں سوموار کو بھارتی فورسز آپریشن کے دوران مظاہرین اور فورسز کے مابین جھڑپیں بھڑک اُٹھی ہیں۔
باغی ٹی وی کی رپورٹکے مطابق یہ جھڑپیں تاریگام نامی گائوں میں بھڑک اُٹھیں جہاں فورسز نے کشمیری مجاہدین کی موجودگی کی اطلاع کے بعد نام نہاد سرچ آپریشن شروع کیا اور کشمیریوںکے گھروں میںگھس کر توڑپھوڑکی گئی ۔
بھارتی فورسز نے سنگبازی کرنے والے مظاہرین کیخلاف آنسو گیس کا استعمال کیا جس سے وہاں افرا تفری کا عالم پھیل گیا۔ بھارتی فورسز کے تشدد سے متعدد کشمیری زخمی ہوئے ہیں.
اس وقت پورے علاقہ میںسخت خوف و ہراس کی فضا ہے.
مقبوضہ جموں کشمیر میں تعینات بھارتی فوج کے ایک اور اہلکار نے فوجی کیمپ میں خود کشی کر لی
باغی ٹی وی کی رپورٹ کے مطابق جموں کے علاقہ نگروٹہ میں بھارتی فوجی کیمپ کے باہر سگنالم یوگیش نے خود کشی کر لی، سگنالم یوگیش کی لاش درخت سے لٹکتی ہوئی ملی. خودکشی کرنے والے بھارتی فوج کے اہلکار کا تعلق ضلع میرٹھ سے تھا.
بھارتی فوج کے کرنل نے کی سیاچین میں خودکشی
بھارت کشمیر میں ہار گیا، اب کشمیری سنگبازوں کا مقابلہ کریں گے روبوٹ
واضح رہے کہ سال 2018 کے دوران 80 بھارتی فوجی اہلکاروں نے خود کشی کی جبکہ بھارتی فضائیہ میں 16 اہلکاروں اور نیوی میں 8 اہلکاروں نے خود کشی کی۔ جنوری 2007 سے اب تک مقبوضہ کشمیر میں خود کشی کرنے والے بھارتی اہلکاروں کی تعداد 428 ہوگئی ہے.
مقبوضہ کشمیر میں بھارتی فوج نے پیر کو دو مزید کشمیریوں کو شہید کر دیا
باغی ٹی وی کی رپورٹ کے مطابق مقبوضہ کشمیر کے ضلع شوپیاں کے گاوں مولو چھترا گام میں بھارتی سیکورٹی اداروں نے کار میں سوار افراد پر اندھا دھند فائرنگ کر دی جس سے دو کشمیری جوان موقع پر جاں بحق ہو گئے. جن کی شناخت فردوس احمد بٹ اور سجاد احمد کے طور پر ہوئی .کار سواروں پر فائرنگ کے واقعہ پر کشمیریوں نے بھر پور احتجاج کیا ہے .
بھارت کشمیر میں ہار گیا، اب کشمیری سنگبازوں کا مقابلہ کریں گے روبوٹ
عید الفطر سے قبل یاسین ملک سمیت تمام گرفتار کشمیریوں کو رہاکیا جائے، میر واعظ
بھارتی فوج کا کشمیریوں پر تشدد، پچاس زخمی. آنکھوں میں پیلٹ ماری گئیں
بھارت میں بی جے پی لیڈر اور نو منتخب وزیرداخلہ امیت شاہ نے عہدہ سنبھالتے ہی گورنر جموںکشمیر ستیہ پال ملک سے ملاقات کی ہے جس پر اپوزیشن جماعتوں کی جانب سے مختلف نوعیت کی قیاس آرائیاں کی جارہی ہیں.
باغی ٹی وی کی رپورٹ کے مطابق کہا گیا ہے کہ امیت شاہ مقبوضہ کشمیر میں سکیورٹی کی صورتحال او ر نوجوانوںکے تیزی سے عسکری تنظیموں میں شمولیت پر سخت پریشان ہیں. اسی طرح یہ بھی کہا گیا ہے کہ جموں وکشمیرمیں آئندہ اسمبلی انتخابات کے حوالہ سے بھی اس میٹنگ میں تبادلہ خیال کیا گیا ہے۔ امیت شاہ اور گورنر ستیہ پاک ملک کے مابین ملاقات کے دوران امت شاہ نے ریاست کی سیکورٹی حالات کا جائزہ لیا۔ 15 منٹ تک ہونے والی اس میٹنگ میں ہندوستانی وزیرداخلہ کوامرناتھ یاترا سے متعلق کی جانے والی تیاریوں سے آگاہ کیا گیا۔
مقبوضہ کشمیر میں امرناتھ یاترا 46 دن کی ہو گی اور یہ یکم جولائی سے شروع ہو کر پندرہ اگست تک چلے گی. یاد رہے کہ بھارتی فوج نے گزشتہ ماہ الیکشن کے موقع پر جو اضافی بھارتی فوج کشمیر بلائی تھی اسے واپس نہیں بھیجا گیا بلکہ امر ناتھ یاترا کے بہانے یہیں تعینات کر دیا گیا ہے.
مقبوضہ کشمیر میں گورنر ستیہ پال ملک نے سیاحوں کی زندگی بچانے کیلئے اپنی جان کی قربانی دینے والے ٹورسٹ گائیڈ کو ہیرو قرار دیتے ہوئے اس کے لواحقین کیلئے پانچ لاکھ روپے امداد کا اعلان کیا ہے.
باغی ٹی وی کی رپورٹ کے مطابق ٹورسٹ گائیڈ رؤف احمد ملک جو پہلگام کے دریائے لدر میں سیاحوں کی جان بچانے کے دوران خود دریا میں ڈوب گئے اس کی بہادری کو سلام پیش کیا ہے۔ گورنر کشمیر نے گائیڈ کو ایک ہیرو قرار دیا جنہوں نے دوسروں کی جان بچانے کے لئے اپنی جان کا نذرانہ پیش کیا۔
گورنر نے رؤف احمد ڈار کے لواحقین کے لئے پانچ لاکھ روپے مالی امدا د کا بھی اعلان کیا۔ یاد رہے کہ کشمیری ٹورسٹ گائیڈ نے سات سیاحوںکی جان بچائی لیکن خود کو نہیں بچا سکا.
مقبوضہ کشمیر کے پلوامہ ضلع میں بھارتی فوج سے جھڑپ میںشہید ہونے والے دونوں کشمیریوں کی شناخت ہو گئی ہے.
باغی ٹی وی کی رپورٹکے مطابق بھارتی فورسز نے دعویٰ کیا ہے کہ شہید ہونے والے دونوںکشمیریوںکا تعلق جیش محمد سے ہے اور شہید نوجوانوںکے نام یاور احمد اور عمر ہیں. مقامی پولیس کا کہنا ہے کہ دونوںکشمیری مجاہدین بھارتی فوج کو مطلوب تھے جنہیں گزشتہ روز جھڑپ میںشہید کر دیا گیا.
مقامی کشمیریوںنے بھارتی فوج کے دعویٰکو غلط قرار دیا اور کہا ہے کہ دونوںکشمیری نوجوانوںکو نام نہاد سرچ آپریشن کے دوران شہید کیا گیا ہے.
مقبوضہ کشمیر کے سیاحتی مقام پہلگام میں کشتی الٹنے کے بعد 5 سیاحوں کی جان بچانے والا گائیڈ دریا میں ڈوب کر جاں بحق ہو گیا.
باغی ٹی وی کی رپورٹ کے مطابق دریائے لدر میں کشتی الٹنے سے سیاحوں کی زندگی خطرے میں پڑ گئی تھی تاہم بہادر کشمیری ٹورسٹ گائیڈ نے پانچ سیاحوں کی زندگی بچاتے ہوئے اپنی جان جان آفریں کے سپرد کر دی. جاں بحق ہونے والے کشمیری نوجوان کا نام رؤف احمد ڈار بتایا جاتا ہے.
رؤف احمد ڈار کی لاش بھوانی برج کے نزدیک سے مل گئی ہے. مقبوضہ کشمیر میں اسلام آباد(اننت ناگ) کے ضلعی کمشنر خالد جہانگیر نے ٹورسٹ گائیڈ کو خراج تحسین پیش کرتے ہوئے کہا ہے کہ کشمیری گائیڈ اس بات پر خراج تحسین کا مستحق ہے کہ اس نے اپنی جان پر کھیل کر پانچ سیاحوں کی زندگی بچائی.
مقبوضہ کشمیر کے پونچھ ضلع میں کنٹرول لائن پر بالاکوٹ اور منکوٹ علاقوں میں جنگل میں آگ بھڑکنے سے بھارتی فوج کی طرف سے بچھائی گئی بارودی سرنگیں پھٹنے سے زوردار دھماکے ہوئے ہیں.
باغی ٹی وی کی رپورٹکے مطابق ہفتہ کے دن لائن آف کنٹرول کے قریب جنگل میں اچانک پراسرار طور پر آگ نمودار ہوئی جو تیزی سے پھیل گئی جبکہ اسی دوران علاقے میں موجود زیر زمین بارودی مواد پھٹ پڑا جس کے نتیجے میں یہاں زور دار دھماکے سنے گئے۔ مقامی کشمیریوں کا کہنا ہے کہ دھماکوں کی گونج دور دور کے علاقوں تک سنائی دی.
رپورٹ کے مطابق کہا گیا ہے کہ یہ دھماکے بھارتی فوج کی طرف سے زیر زمین بچھائی گئی بارودی سرنگوں کے تھے جو یہاں نصب کی گئی تھیں. بھارتی قابض انتظامیہ پونچھ کے جنگل میں بھڑکنے والی آگ بجھانے کی کوششیں کر رہی ہے. بارودی سرنگیں پھٹنے سے بھارتی فورسز میں تشویش کی لہر دوڑگئ ہے.