Category: کشمیر

سرینگر:لاک ڈاون جہنم میں جائے، شراب نوشی جاری رہنی چاہئے، یہ ہے 2020 کا بھارت ، عمرعبداللہ برس پڑے ،اطلاعات کےمطابق مقبوضہ کشمیر میں سابق حکمران جماعت نیشنل کانفرنس کے نائب صدر اور سابق وزیر اعلی عمر عبداللہ نے بھارت میں دہرے معیارپرسخت غصے کا اظہارکیا ہے ،

باغی ٹی وی کےمطابق عمر عبداللہ نے اپنے ایک ٹوئٹ میں کہا ہے کہ کشمیر واد ی میں لوگوں کو لاک ڈائون کے دوران اشیائے ضروریہ کی دکانات کو کھولنے کی اجازت نہیں دی جا رہی ہے جبکہ بھارت کی بعض ریاستوں میں شراب کی دکانوں کو لازمی خدمات میں شامل کیا جارہا ہے۔

ساوتھ ایشین وائر کے مطابق عمر عبداللہ نے اپنے ایک ٹوئٹ میں لکھا کہ لاک ڈاون جہنم میں جائے، شراب نوشی جاری رہنی چاہئے۔ عمر عبداللہ نے اپنے ٹوئٹر ہینڈل پر بھارتی اخبارہندوستان ٹائمز اور ایک خبر رساں ایجنسی کے دو ٹوئٹس پوسٹ کئے ہیں جن میں کہا گیا ہے کہ میگھالیہ اور آسام حکومتوں نے شراب کی دکانوں کو پیر سے کھلے رہنے کی اجازت دی ہے۔

سرینگر: کشتواڑ: رہا شدہ ملزم کے حملے میں دوپولیس افسر ہلاک،اونتی پورہ میں سیکورٹی اہلکاروں پر فائرنگ ،اطلاعات کے مطابق جموں و کشمیر کے ضلع کشتواڑ میں دو حملہ آوروں نے ، جن میں ایک جنسی زیادتی کا رہاشدہ ملزم تھا،نے دو پولیس افسروں پر کلہاڑی سے حملہ کیا جس کے نتیجے میں ایک پولیس اہلکار ہلاک جبکہ دوسرا شدید زخمی ہوگیا۔

ساوتھ ایشین وائر کے مطابق دوسرا اہلکار بعد میں ہسپتال میں چل بسا۔ پولیس نے کہا کہ’ کورونا وائرس کے پھیلاو کے پیش نظر 20 دن قبل عصمت دری کے ملزم عاشق حسین کو رہا کیا گیا تھا۔ پولیس کے مطابق پیر کوکشتواڑ کے دیچھن علاقے میںدو اسپیشل پولیس آفیسرز باسط اقبال اور وشال پرعاشق حسین نے ایک اور ملزم کے ساتھ اس وقت حملہ کیا جب وہ دونوں پہاڑی علاقے کی طرف تیز رفتار موبائل سگنل کے غرض سے گئے تھے تاکہ وہ اپنے موبائلز کو ریچارچ کرسکیں ۔

علاقے کے ایک پولیس اہلکار اعجاز احمد وانی نے بتایاکہ ملزمان ہلاک ہونے والے اہلکاروں سے اسلحہ بھی لے کر موقع سے فرار ہونے میں کامیاب ہوگئے۔پچھلے 48 گھنٹوں کے دوران اس علاقے میں پولیس پر یہ دوسرا حملہ ہے ۔

اونتی پورہ میں عسکریت پسندوں نے جنوبی کشمیر کے پلوامہ ملنگ پورہ علاقے میں ناکہ پر پولیس اور سی آر پی ایف کی مشترکہ جماعت پر پیر کی شام فائرنگ کی۔ساوتھ ایشین وائر کے مطابق پولیس کے ایک سینئرافسر نے بتایا کہ عسکریت پسندوں نے اونتی پورہ کے علاقے ملنگ پورہ میں مشترکہ پارٹی پر حملہ کیا۔ مشترکہ جماعت نے جوابی کاروائی کی جس کے نتیجے میں فائرنگ کا تبادلہ ہوا۔

مقبوضہ کشمیر، کرونا کے مریضوں کی تعداد مسلسل بڑھنے لگی

باغی ٹی وی کی رپورٹ کے مطابق مقبوضہ جموں وکشمیر میں کرونا وائرس کے مریضوں میں اضافہ ہوا ہےل گزشتہ 24 گھنٹوں میں 21 نئے مثبت کیس سامنے آئے جس کے بعد مثبت کیسز کی کل تعداد 245 ہوگئی مقبوضہ کشمیر میں چار کرونا مریضوں ک کی موت ہوچکی ہے۔

لداخ میں کورونا وائرس کے کل کیسز کی تعداد 15 ہے جن میں اب تک گیارہ افراد صحتیاب ہو چکے ہیں۔ساوتھ ایشین وائر کے مطابق لداخ میں مزید چھ نمونے کوروناوائرس کے لیے منفی پائے گئے اور یہ تمام افراد ضلع لیہہ کے رہنے والے ہیں اوران میں سے چار ایران سے آئے ہوئے تھے۔ اس طرح مقبوضہ جموں وکشمیر اور لداخ میں کل کیسز کی تعداد 260ہو گئی ہے۔

مقبوضہ جموں و کشمیر میں پچھلے دس دنوں میں دوسو سے زیادہ کیس رپورٹ ہوئے ہیں ۔مقبوضہ کشمیر میں کرونا وائرس کا پہلا کیس 9 مارچ کو پیش آیا تھا۔ ان کیسزکو 50 کی حد تک پہنچنے میں قریب تین ہفتوں کا وقت لگا تھا۔ اگلے پانچ دنوں میں کیسز نے 200کا ہندسہ عبور کر لیا۔

لاہور:ایک طرف کرونا کی تباہ کاریاں تودوسری طرف بھارتی فوج کا ظلم وتشدد جاری ، کپواڑہ کے لوگ احتجاج کرتے گھروں سے نکل آئے،باغی ٹی وی کےمطابق مقبوضہ کشمیرمیں کشمیری اس وقت تاریخ کے مشکل ترین دورسے گزررہے ہیں

ایک طرف کرونا کی تباہ کاریاں تودوسری طرف بھارتی فوج کا ظلم وتشدد جاری ، کپواڑہ کے لوگ احتجاج کرتے گھروں سے نکل آئے pic.twitter.com/oAo7PqAxzK

— Baaghi TV باغی ٹی وی (@BaaghiTV) April 12, 2020

باغی ٹی وی کےمطابق بھارتی فوج نے سرحدی ضلع کپواڑہ میں کشمیریوں کا جینا حرام کردیا ہے اورگرفتاریوں کا سلسلہ جاری ہے ، یہ بھی اطلاعات ہیں‌کہ بھارتی فوج کرونا کے بہانے نوجوانوں کواٹھا کرٹارچرسیلوں میں لے کرجارہے ہیں

ادھرمقبوضہ وادی سے اطلاعات کےمطابق کپواڑہ کے عوام نے بھارتی فوج کی طرف سے پاکستانی علاقوں میں فائرنگ کے خلاف بھارتی فوجی کے سامنے آکراحتجاجی مظاہرے بھی کیئے ہیں‌

کپواڑہ سے ذرائع کے مطابق بھارتی فوج کی ظالمانہ کاروائیوں کے خلاف مردوخواتین گھروں سے باہرنکل آئے بھارتی فوج کے خلاف نعرے لگاکرپاکستان کے ساتھ اپنی محبت کا کھل کراظہارکیا

اسلام آباد:بھارت کشمیریوں پرمظالم سے بازآجائے، مقبوضہ کشمیر میں طبی سامان کی کمی پر پاکستان کا اظہار تشویش،اطلاعات کےمطابق دفتر خارجہ کی ترجمان عائشہ فاروقی کا کہنا ہے کہ مقبوضہ کشمیر میں 170 کورونا وائرس کے کیسز سامنے اانے اور 5 ہلاکتوں کے باوجود وہاں طبی سامان اور معاونت کی کمی پر پاکستان کو ’گہری تشویش‘ ہے۔

ہفتہ وار پریس بریفنگ کے دوران انہوں نے کہا کہ بھارت کے اندر اور دنیا بھر سے آنے والی آوازیں جموں و کشمیر کے عوام پر غیر انسانی ظلم کی مذمت کرتی رہیں۔ان کا کہنا تھا کہ ’حال ہی میں ایک مشترکہ بیان میں انسانی حقوق کی 6 بین الاقوامی انسانی حقوق کی تنظیموں نے اس بات کی تاکید کی کہ کورونا وائرس کا مقابلہ کرنے کے اقدامات میں ہر فرد کے انسانی حقوق کا احترام کرنا چاہیے اور 5 اگست 2019 کے بعد مقبوضہ کشمیر میں گرفتار تمام سیاسی قیدیوں، انسانی حقوق کے محافظوں اور ان تمام افراد کو فوری طور پر رہا کرنا چاہیے۔

دفتر خارجہ کی ترجمان عائشہ فاروقی کا کہنا ہے کہ ’ان تنظیموں نے اپنے مشترکہ بیان میں بھارت کو بین الاقوامی قوانین کے تحت قیدیوں کی جسمانی اور دماغی صحت اور تندرستی کو یقینی بنانے کی یاد دہانی کرائی تھی‘۔انہوں نے خطے میں نئے ڈومیسائل قوانین کی بھی مذمت کی جس کے تحت کوئی بھی شخص مقبوضہ کشمیر میں 15 سال سے موجود ہے وہ اس علاقے کا ڈومیسائل حاصل کرسکے گا۔

دفتر خارجہ کی ترجمان عائشہ فاروقی کا کہنا تھا کہ ’یہ قانون بھارت کی طرف سے مقبوضہ وادی میں غیر کشمیریوں کو ڈومیسائل قوانین میں تبدیلی کرکے آباد کرنے کا ایک اور غیر قانونی اقدام ہے‘۔انہوں نے کہا کہ ’عالمی سطح پر صحت کے حوالے سے جاری بحران کے اس وقت میں (قانون کو تبدیل کرنا) خاص طور پر قابل مذمت عمل ہے کیونکہ وہ عالمی برادری کی کورونا وائرس پر توجہ سے فائدہ اٹھانا چاہتے ہیں اور بھارتیا جنتا پارٹی کے مذموم ہندوتوا ایجنڈے کو آگے بڑھانا چاہتے ہیں‘۔

سری نگر:کشمیری بچوں پلانے کے لیے دودھ نہیں ملے گا،ایک طرف کرفیوتودوسری طرف لاک ڈاون بھارتی فوج ظالم بن گئی ،اطلاعات کے مطابق مقبوضہ کشمیر میں کورونا وائرس کے سبب لاک ڈاون مزید سخت ہونے کے باعث علاقے میں بنیادی اشیائے ضروریہ کی سخت قلت پیدا ہوگئی ہے اور کشمیری تازہ سبزیوں، پھلوں کیساتھ ساتھ دودھ اور روٹی سے محروم ہو رہے ہیں جبکہ بچوں کی غذائی اشیابھی نایاب ہو چکی ہے۔

ساوتھ ایشین وائر کے مطابق مسلسل محاصرے اور کرفیو جیسی پابندیوں کے سبب لوگوں میں ذہنی دباو میں اضافہ ہو رہا ہے اوربنیادی سہولیات کے فقدان کے نتیجے میں مشکلات کا شکار ہیں۔ سرینگر سول لائنز کے کئی علاقوں کے رہائشیوں نے بتایا کہ بھارتی انتظامیہ انہیں کورونا سے بچنے کیلئے احتیاطی تدابیر اپنانے کیلئے کہہ رہی ہے لیکن لوگ گھروں میں بھوک پیاس سے مر رہے ہیں۔ القمرآن لائن کے مطابق عالی کدل سے تعلق رکھنے والے غلام محمد نے بتایا کہ لوگوں کے گھروں میں تازہ سبزیاں، سبزیاں اور دودھ موجود نہیں ۔ انہوں نے کہاکہ نانبائیوں نے بھی اپنی دکانیں بند کر رکھی ہیں جبکہ دودھ کی ہوم ڈیلوری بھی نہیں ہورہی ہے۔

متعدد علاقوں میں دودھ سپلائی کرنے والوں کو بھی روک دیا گیا۔ شہر سرینگر میں اس وقت جو دودھ پہنچ رہا ہے وہ چاڈورہ ، پلوامہ ، بڈگا م اور دیگر علاقوں سے آتا ہے اور دودھ سپلائی کرنے والوں کو روکنے سے شہر میں دودھ کی کمی ہونے کا امکان ہے۔ساوتھ ایشین وائر کے مطابق حیدرپورہ ، صنعت نگر ، چھان پورہ ، باغات ، برزلہ ، بمنہ ، ایچ ایم ٹی سمیت کئی علاقوں سے لوگوں نے بتایا کہ کئی دودھ والے ان کے گھروں تک موٹر سا ئیکلوں اور سائیکلوں اور چھوٹی گاڑیوں پر دودھ لاکر گھروں میں سپلائی کرتے ہیں لیکن کرفیو کی وجہ سے سیکورٹی حکام نے دودھ سپلائی کرنے والوں کو روک دیا ہے۔

القمرآن لائن کے مطابق کئی دود ھ فروشوں نے بتایا کہ وہ شہر آنے سے قاصر ہیں کیونکہ انہیں نوگام اور دیگر علاقوں سے شہر میں گاڑیوں اور موٹر سائیکلوں پر آنے کی اجازت نہیں دی جاتی ۔ایس ایس پی سرینگر حسیب مغل کا کہنا ہے کہ دودھ فروخت کرنے والوں کو محکمہ خوراک یا ضلع ترقیاتی کمشنر سے کرفیو پاس حاصل کرنا چاہئے ۔

مقبوضہ کشمیر سے ذرائع کےمطابق شہریوں کا کہنا ہے کہ انتظامیہ نے لازمی ضروریات کی دکانیں بھی مکمل طور پر بند کروا رکھی ہیں اور دکانیں محض چند گھنٹوں کیلئے بھی کھولنے کی اجازت نہیں دے رہی ۔ عابد احمد نامی شہری نے بتایا کہ بچوں کی پیکڈ (packed)غذائی اشیا بھی دستیاب نہیں ہیں۔

بھوپال میں زیرتعلیم کشمیرکے چالیس طلبا لاک ڈائون کے نتیجے میں کسمپرسی کی حالت میں ہیں اورانہوں نے مقبوضہ جموں کشمیرانتظامیہ سے اپیل کی ہے کہ ان کی کشمیرواپسی کیلئے اقدام کئے جائیں۔

ساوتھ ایشین وائر کے مطابق بھوپال کی شری ستیہ سائیں یونیورسٹی میں ایم بی بی ایس کرنے والے کپوارہ کے طالب علم نے کہ کشمیری طالب علم بہت پریشان ہیں۔انہوں نے کہا کہ لاک ڈائون کی وجہ سے ان کا یہاں کوئی پرسان حال نہیں ہے ۔ارشادنے بتایا کہ بھوپال کی یونیورسٹیوں اور کالجوں میں زیرتعلیم طلبا جن کی تعداد 40ہے،اولڈ بھوپال کملا پارک فلیٹ میں مقیم ہیں اوراب ان کے پاس کھانے پینے کی تمام چیزیں ختم ہوگئی ہیں اوریہاں دودھ کے سواکچھ نہیں ملتا ۔