Category: کشمیر

اسلام آباد:پی این سی اے میں تقریبات یوم یکجہتی کشمیر کا آغاز,سٹیج ڈرامہ اور ثقافتی شو پیش کیا گیا۔،اطلاعات کےمطابق پاکستان نیشنل کونسل آف دی آرٹس کے زیر اہتمام یوم ِ یکجہتی کشمیر کے سلسلے میں منعقدہ پروگراموں کے سلسلے میں پی این سی اے آڈیٹوریم میں سٹیج ڈارمہ پاکستان کا بیٹا اور صدائے کشمیر پیش کیا گیا۔

ذرائع کےمطابق سٹیج ڈرامہ میں کشمیر ی فنکاروں نے اسلام اور پاکستان سے اپنے بے پنا ہ محبت کا اظہار کرتے اپنی آزادی کے لئے اُٹھانے والی تمام مشکلات اور تکالیف کو خوبصورت انداز میں پیش کیا۔ ڈرامہ میں دشمن ملک بھارت کے پاکستان اور کشمیر میں را کی خفیہ کاروائیوں کو سامنے لانے کی کوشش کی گئی ہے۔

جس میں بھارتی ایجنٹ پاکستان میں انتشار پھیلانے کی کوشش کرتے ہیں۔ اشتیاق آتش کا لکھا یہ ڈرامہ پہلی بار 1988 میں لیاقت ہال میں پیس کیا گیا تھا۔ ڈرامہ اور صدائے کشمیر کے ذریعے کشمیر میں بھارتی مظالم کو دنیا کے سامنے پیش کیا گیا اور اقوام عالم سے انصاف دلانے کی اپیل کی گئی۔

یوم یکجہتی کشمیر کے پروگراموں کی اگلی گڑی ثقافتی شو میں کشمیر ی فنکارں اور گلوکاروں نے کشمیر ی لوک گیت، سوہنیا کشمیر ماڑے سوہنے کشمیر،منے دی موج وچ ہسناں میرے وطن تیری جنت میں آئیں گے اِک دن، دیکھ تو یہ وادی ِ کشمیر، ہر زبان پر نعرہ تکبیر ہے اور لہو مانگتی ہے چناروں کی دھرتی پیش کی۔ اسی سلسلے میں آج مورخہ 28 جنوری کو نیشنل آرٹ گیلری میں تصویری نمائش ہو گی جبکہ 29 جنوری کو دن 11 بجے پتلی تماشہ پیش کیا جائے گا۔

اسلام آباد : کشمیر ہاوس میں کشمیر یوتھ الائنس کے زیر اہتمام صدر آزاد کشمیر سردار مسعود خان سے سوال و جواب کی خصوصی نشست منعقد ہوئی جسے پاکستان ٹیلی ویژن نے بھارت کے یوم جمہوریہ پر یوم سیاہ سے متعلق خصوصی نشریات میں نشر بھی کیا، میزبانی کے فرائض سیکرٹری جنرل کشمیر یوتھ الائنس رضی طاہر، ترجمان کشمیر یوتھ الائنس مخدوم شہاب الدین نے سرانجام دیئے، جبکہ نشست میں صدر کشمیر یوتھ الائنس ڈاکٹر سید مجاہد گیلانی بھی شریک تھے۔

صدر آزاد کشمیر سردار مسعود خان نے طلبہ و طالبات کے سوالات کے جواب میں کہا کہ بھارت نے کشمیر پر غاصبانہ قبضہ کر رکھا ہے، بھارتی یومِ جمہوریہ ہمارے لیے یومِ سیاہ ہے۔ کنٹرول لائن کے دونوں جانب اور دنیا بھر میں کشمیری بھارت کے یومِ جمہوریہ پر آج یوم سیاہ منا رہے ہیں۔ بھارت کی جانب سے 70 سال سے مقبوضہ کشمیر میں غیر جمہوری طریقہ اپنایا گیا ہے، بین الاقوامی مبصرین مقبوضہ کشمیر جا کر صورتِ حال کا جائزہ لیں۔

سردار مسعود احمد خان نے یہ بھی کہا ہے کہ بھارت نے اقوام متحدہ کی قراردادوں کی خلاف ورزی کی ہے، کشمیریوں کو شامل کر کے مسئلہ کشمیر پر سہ فریقی مذاکرات ہونے چاہئیں۔ دنیا اب برملا تسلیم کر رہی ہے کہ مقبوضہ کشمیر اور بھارت میں غیر جمہوری اور فاشسٹ نظریہ مسلط کیا جا رہا ہے۔ یہ صورتِ حال خطے کی سلامتی اور امن کے لیے سب سے بڑا خطرہ ہے۔ 80 لاکھ کشمیری اور بھارت میں بسنے والے مسلمان پہلے ہی مودی کی سفاک پالیسیوں کی بھینٹ چڑھ رہے ہیں۔

یاد رہے کہ مقبوضہ وادی سمیت دنیا بھرمیں مقیم کشمیری آج بھارتی یوم جمہوریہ کو یوم سیاہ کے طور پر منارہے ہیں۔یوم سیاہ منانے کی اپیل حسب سابق حریت رہنماو¿ں کی جانب سے کی گئی تھی۔کشمیریوں کی آوازکو دبانے کیلئے بھارت نے پہلے سے کرفیو کا شکاروادی میں مزید سختیاںعائد کردی ہیں۔متوقع احتجاج کے پیش نظر جگہ جگہ بھارتی فوجی اہلکاروں کی اضافی نفری تعینات کر دی گئی ہے۔

مقبوضہ کشمیر میں 5 اگست کو شروع ہونے والے بھارتی محاصرے کو 175 دن ہو گئے ہیں۔ وادی میں انٹرنیٹ ، ذرائع نقل و حمل سب منجمد ہیں۔خوراک اور ادویات کی شدید قلت ہے مگر بھارت اپنی ڈھٹائی پر قائم ہے۔

امریکہ کے بعد ایک اور ملک نے کشمیر پر ثالثی کی پیشکش کر دی

باغی ٹی وی کی رپورٹ کے مطابق امریکی صدر ڈونلڈ ٹرمپ کے بعد ایک اور ملک نے کشمیر پر ثالثی کی پیشکش کر دی ہے،

خبر رساں ادارے کے مطابق نیپال نے کشمیر کے بارے میں بھارت اور پاکستان کے مابین "ثالثی” کرنے کی پیش کش کی ہے۔ نیپال نے کہا ہے کہ کسی بھی مسئلے کے حل کے لئے پر امن بات چیت بہترین طریقہ ہے۔ اس میں تضادات اور اختلافات ہوسکتے ہیں لیکن اس کو مذاکرات کے ذریعے ہی حل کیا جاسکتا ہے۔ اگر ضرورت ہو تو ، ہم ثالث کا کردار ادا کرسکتے ہیں کیونکہ نیپال ایک آزاد ، غیر جانبدار اور امن پسند ملک ہے۔

خبر رساں ادارے کے ذرائع نے نیپال کا دورہ کرنے والے بھارتی صحافیوں کے ایک گروپ کو بتایا کہ ہم سہولت فراہم کر سکتے ہیں لیکن دونوں فریقوں کے لئے براہ راست بات چیت سب سے بہتر راستہ ہے۔

نیپال نے کہا کہ جب ہم اکٹھے ہوں گے ، مل بیٹھ کرتبادلہ خیال کریں گے تب معاملات حل ہوجائیں گے۔ ہر صورتحال میں ہمیں مل بیٹھ کر مسئلے کو حل کرنے کی کوشش کرنی ہوگی بصورت دیگر حالات خراب ہوسکتے ہیں۔

ذرائع کے مطابق ساوتھ ایشین ایسوسی ایشن برائے علاقائی تعاون (سارک) سربراہی اجلاس کے مابین موجود غیر یقینی صورتحال پر تشویش کا اظہار کرتے ہوئے نیپال نے کہا کہ آٹھ ممبران کے گروپ کو دوبارہ متحد کیا جانا چاہئے اور غلط فہمیوں کو دور کیا جانا چاہئے۔سارک ختم نہیں ہوا ہے۔ یہ زندہ ہے۔ صرف ایک بات یہ ہے کہ ہم سے ملاقات نہیں ہوئی۔

کپتان ہو تو ایسا،اپوزیشن کی سازشوں کے باوجود وزیراعظم عمران خان کو ملی اہم ترین کامیابیاں

وزیراعظم عمران خان نے ٹرمپ سے کشمیر بارے بڑا مطالبہ کر دیا

وزیراعظم عمران خان سے چینی وزیر خارجہ کی ملاقات، اہم امور پر تبادلہ خیال

ہم اپنی سرزمین پرکسی دہشتگرد گروپ کوکام کرنے کی اجازت نہیں دیں گے، وزیراعظم

نائن الیون کے بعد پاکستان نے امریکہ کی جنگ میں شامل ہو کر بہت بڑی غلطی کی، وزیراعظم عمران خان

کشمیر سے متعلق سوال پر ٹرمپ نے کیا جواب دیا؟ جان کر ہوں حیران

اسی ہفتے امریکی صدر ڈونلڈ ٹرمپ نے سوئٹزرلینڈ کے شہر ڈیووس میں ورلڈ اکنامک فورم کے موقع پر وزیر اعظم عمران خان سے ملاقات کے دوران بھارت اور پاکستان کے مابین مسئلہ کشمیر حل کرنے میں مدد کی پیش کش کو دہرایا تھا،

کشمیریوں کے قاتل کے ساتھ میں بیٹھوں ،بالکل ممکن نہیں،شاہ محمود قریشی کا بھارتی ہم منصب کی تقریر کا بائیکاٹ

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

کشمیر پر بھارتی سپریم کورٹ کا فیصلہ بڑی کامیابی ہے، وزیر خارجہ

مقبوضہ کشمیر،کشمیری سڑکوں‌ پر،عمران خان زندہ باد کے نعرے، کہا اللہ کے بعدعمران خان پر بھروسہ

مودی سرکار نےتمام حریت قائدین، سیاسی رہنماؤں کو گرفتار کر رکھا ہے،احتجاج کرنے والے اور گھروں سے نکلنے والے ہزاروں کشمیریوں کو بھی گرفتار کیا گیا ہے. مقبوضہ کشمیر کے گورنر ستیاپال نے محبوبہ مفتی اور عمر عبداللہ کو اس شرط پر رہا کرنے کا کہا تھا کہ وہ رہائی کے بعد خاموش رہیں گے. اور مقبوضہ کشمیر کی خصوصی حیثیت کے خاتمے کے حوالے سے کوئی بات نہیں کریں گے لیکن عمرعبداللہ اور محبوبہ مفتی نے مودی سرکار کی شرائط ماننے سے انکار کر دیا

کشمیریوں سے یکجہتی، وزیراعظم کی کال پر قوم لبیک کہنے کو تیار

بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

واضح رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔ بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے۔

سری نگر: مقبوضہ کشمیر میں ریاستی دہشت گردی میں تیزی، 2 نوجوان شہید،اطلاعات کےمطابق بھارت کے نام نہاد یوم جمہوریہ سے محض ایک دن قبل قابض فوج کے سرچ آپریشن کے دوران مزید 2 کشمیری نوجوانوں کی شہادت کے بعد صرف ایک ہفتے کے دوران شہید ہونے والے کشمیری نوجوانوں کی تعداد 7 ہوگئی ہے۔

عالمی خبر رساں ادارے کے مطابق جنت نظیر وادی کے ضلع پلوامہ کے علاقے اوانتی پورہ میں بھارتی فوج نے داخلی و خارجی راستوں کو بند کر کے نام نہاد سرچ آپریشن کیا جس کے دوران قابض فوج نے فائرنگ کے دو کشمیری نوجوانوں کو شہید کر دیا۔ حریت قیادت نے کل بھارت کے یوم جمہوریہ کو یوم سیاہ کے طور منانے کا اعلان کیا ہے جس پرقابض بھارتی فوج نے یہ بزدلانہ کارروائی کی ہے۔

بھارت کے یوم جمہوریہ سے ایک دن قبل 2 نہتے کشمیری نوجوانوں کے ماورائے عدالت قتل سے نام نہاد سیکولر ریاست کا مکروہ چہرہ بے نقاب ہوگیا ہے۔ خو د کو جمہوریت کا چیمپئن کہلوانے والا بھارت حق آزادی دینے سے انکاری اور کشمیریوں کی نسل کشی کا ذمہ دار ہے۔ کشمیریوں کو بنیادی انسانی حقوق اور آزادی اظہار رائے سے محروم رکھا ہوا ہے۔

واضح رہے کہ محض ایک ہفتے کے دوران قابض بھارتی کی فائرنگ سے شہید ہونے والے کشمیری نوجوانوں کی تعداد 7 ہوگئی ہے اور تاحال وادی میں انٹرنیٹ سروس معطل، ذرائع آمد و رفت مفقود، جان بچانے والی داؤں کی قلت اور اجناس کا فقدان ہے۔ تمام تر پابندیوں اور مظالم کے باوجود غیور کشمیریوں نے بھارت کے یوم جمہوریہ کو یوم سیاہ کے طور پر منانے کا اعلان کیا ہے۔

محبوبہ مفتی کو بھارتی سیکورٹی ادارے کر رہے ہیں ہراساں

باغی ٹی وی کی رپورٹ کے مطابق مقبوضہ کشمیر کی کی خصوصی حیثیت کو منسوخ کرنے کے بعد جموں و کشمیر میں لگ بھگ 500 سیاسی رہنماوں کو حراست میں لیا گیاتھا۔ ریاستی سیاستدانوں کی طرف سے احتجاج اور اشتعال انگیزی کی توقع کرتے ہوئے ، ان میں سے بہت سے افراد کو اپنے گھروں یا دوسری جگہوں پر نظربند کیا گیا ہے ۔

جموں و کشمیر کی سابقہ وزیر اعلیٰ محبوبہ مفتی گذشتہ اگست سے گھر میں نظربند ہیں ۔مفتی جو پیپلز ڈیموکریٹک پارٹی کی سربراہ بھی ہیں ، نے ٹویٹر کے ذریعے الزام لگایا ہے کہ انہیں خصوصی سیکیورٹی گروپس کی طرف سے ہراساں کیا جارہا ہے۔ انہوں نے ایس ایس جی ، کرائم انویسٹی گیشن ڈیپارٹمنٹ (سی آئی ڈی) اور انٹلیجنس بیورو (آئی بی)کی نگرانی کرنے کا بھی ذکر کیا۔

محبوبہ مفتی نے کہا کہ سری نگر میں ایس ایس جی ، آئی بی اور سی آئی ڈی میری مسلسل نگرانی کرتے ہیں۔ کاش وزارت داخلہ اپنے وسائل کو زیادہ اہمیت کے حامل معاملات پر مرکوز کرے ۔ مجھ جیسی خواتین کو ڈنڈے مارنے کے لئے ٹیکس دہندگان کا پیسہ کیوں ضائع کیا جائے؟ کشمیر میں غیر قانونی طور پر نظربندی کے بعد ، اب مجھے ایس ایس جی کے ذریعہ ہراساں کیا جارہا ہے جو میری سرگرمیوں کی رپورٹ وزارت داخلہ کو رپورٹ کرتا ہے۔ میرے حق رائے دہی کو سیکیورٹی اینڈ سیفٹی کی آڑ میں کم کیا جائے گا۔ میں پولیس اور سیکورٹی اہلکاروں کے بغیر یقینی طور پر زیادہ محفوظ ہوں۔

محبوبہ مفتی نے پارٹی وفد سے ملنے سے انکار کیوں کیا؟

التجا مفتی کی ایک ٹوئٹ میں مطابق کشمیر کی جیلوں میں قید بھارت نوازسیاسی رہنماﺅں کو مودی حکومت نے دھمکی دی ہے کہ وہ خاموش رہیں۔ اگر انھوں نے اپنی نظر بندی کو عدالت میں چیلنج کیا تو ان پر پبلک سیفٹی ایکٹ یعنی پی ایس اے لگایا جائے گا۔

التجا کے اس ٹوئٹ کے بعد سیاسی حلقوں میں نئی بحث شروع ہو گئی ہے۔ دوسری طرف مقبوضہ کشمیر کے کسی بھی بھارت نواز سیاستدان نے ابھی تک عدالت سے رجوع نہیں کیا اس لیے التجا کی ٹوئٹ کو سنجیدگی سے لیا جا رہا ہے۔یاد رہے کہ بھارت نواز سیاستدان 5اگست سے نظربند یا قید ہیں۔

پنڈتوں کے کشمیر چھوڑنے کی وجہ محبوبہ مفتی نے بتا دی

دریں اثناء نیشنل کانفرنس کے رہنما فاروق عبداللہ 5 اگست سے گھر میں نظر بند ہیں۔ جب تامل ناڈو میں ایس ڈی ایم کے لیڈر وائیکو نے سپریم کورٹ میں ان کی رِہائی کے لیے درخواست دائر کی تو قابض انتظامیہ نے فاروق عبداللہ کے خلاف پی ایس اے لگا دیا۔

التجا جاوید کو اپنی ماں محبوبہ مفتی سے ملنے کی اجازت مل گئی

اسی سرح انگریزی ویب سائٹ ’دی ٹیلی گراف‘ نے جیل میں بند ایک سیاسی لیڈر کے بیٹے کے حوالے سے بتایا کہ انھوں نے ظلم کے ڈر سے عدالتوں میں درخواست دائرنہیں کی۔ اگر ہم عدالت میں اپیل کرتے ہیں تو میرے والد کو طویل مدت تک حراست میں رکھا جا سکتا ہے

حریت رہنما سید علی گیلانی شدید علیل، دعاؤں کی اپیل

باغی ٹی وی کی رپورٹ کے مطابق کل جماعتی حریت کانفرنس آزاد جموں کشمیر شاخ کے کنوینر سید عبداللہ گیلانی نے کشمیری عوام سے کہا ہے کہ حریت چیئرمین سیدعلی گیلانی گزشتہ کئی دنوں سے علیل ہیں اور وہ انکی جلد صحت یابی کیلئے دعا کریں۔

سید عبداللہ گیلانی نے اسلام آباد میں جاری ایک بیان میں مقبوضہ کشمیر ، پاکستان اور دنیا بھر میں مقیم کشمیری عوام بالخصوص عالم اسلام کے مسلمانوں سے اپیل کی ہے کہ وہ حریت چیئرمین سیدعلی گیلانی کی صحت یابی کیلئے دعا کریں۔انہوں نے آئمہ مساجد سے دردمندانہ اپیل کی ہے کہ وہ نماز جمعہ کے اجتماعات میں رب کے حضور قائد تحریک سیدعلی گیلانی کو صحت کاملہ عطافرمانے کیلئے دعائوں کا اہتمام کریں.

واضح رہے کہ کل جماعتی حریت کانفرنس کے چیئرمین سیّد علی گیلانی نے کشمیر کاز کی بھرپور حمایت اور مظلوم کشمیریوں کے لیے قربانیوں پر پاکستان کے وزیراعظم عمران خان اورعوام کا شکریہ ادا کیا ہے۔

کشمیر کے لیے ‏‎آخری گولی،آخری سپاہی،آخری حد تک جائیں گے،ترجمان پاک فوج

کشمیر میڈیا سروس کے مطابق حریت چیئرمین نے وزیراعظم پاکستان کے نام ایک خط میں اللہ تعالیٰ سے دعا کی ہے کہ وہ وزیراعظم کواپنی عظیم ذمہ داریاں پوری کرنے کی طاقت اورہمت عطافرمائے کیونکہ اللہ ہی نے انہیںاسلامی جمہوریہ پاکستان کی قیادت کے لیے چناہے۔ سیّد علی گیلانی نے اقوام متحدہ کی جنرل اسمبلی کے حالیہ اجلاس میں مظلوم کشمیریوں کی حمایت میں اورجموںوکشمیر کی متنازعہ حیثیت غیرقانونی طریقے سے تبدیل کرنے کے بھارتی فیصلے کے خلاف وزیراعظم عمران خان کے خطاب کی تعریف کی۔

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

انہوں نے کہاکہ یہ غیر قانونی فیصلہ کشمیریوں پر مسلط کرنے کی بھارتی کوشش کے نتیجے میں خطے میں بڑے پیمانے پر کرفیو لگایا گیا۔ سیّد علی گیلانی نے کہاکہ1947ء سے بھارتی قبضے اورمظالم کے خلاف کشمیریوں کی جدوجہد آزادی کئی مراحل سے گزری ہے۔1988، 2008، 2010 اور2016 اس جدوجہد کے تاریخی سال ہیں۔

انہوں نے کہاکہ لوگوں کی مجموعی مزاحمت کی وجہ سے بھارت جدوجہد آزادی کو دبانے میں ناکام ہوگیا ہے۔ مقبوضہ علاقے میں فون اور انٹرنیٹ سمیت مواصلات کے ہرقسم کے ذرائع منقطع کردیئے گئے ہیں۔ سیّد علی گیلانی نے کہاکہ بچوں، بزرگوں، نوجوانوں، تاجروں، وکلائ، طلباء اورحریت قیادت اوران کے عزیزوں سمیت ہزاروں لوگوں کوشدید تشدد کا نشانہ بنایا جارہا ہے۔ 2010ء سے نوجوانوں کو اندھا کرنا کا سلسلہ جاری ہے اورجدوجہد کے اس مرحلے میں بھی سینکڑوں نوجوانوں کو پیلٹ گن کے ذریعے زخمی کیا گیاہے۔

مقبوضہ کشمیر، خواتین مظاہرہ کے حوالے سے اہم خبر آگئی

انہوں نے کہاکہ خواتین کے ساتھ بدسلوکی ، جنسی ہراسانی اورزیادتی کو لوگوں کو دبانے کے لیے مسلسل ریاستی پالیسی کے طورپر استعمال کیا جارہا ہے۔ قابض بھارتی فورسز اب بھی گھروںمیں داخل ہوکر خواتین کے ساتھ بدسلوکی کررہی ہیں۔ نوجوان لڑکیوں کے والدین سے ان کی عمریں پوچھی جارہی ہیں اورقابض فورسز لوگوں کو کشمیر ی مسلم خواتین کی بے حرمتی کے اپنے ارادوں کے بارے میں بتارہی ہیں۔ نوے سالہ بزرگ رہنما نے کہاکہ بہت سے لوگوں کو دھمکیاں دی گئی ہیں کہ ان کو اپنے گھروں سے باہر پھینکا جائے گااور ان لوگوں کے گھروں کو ضبط کرنے کے لیے نوٹسز جاری کئے جارہے ہیں ۔ یہ بات قابل ذکر ہے کہ لداخ کے مسلمانوں کو ظالم بھارتی فورسز کے رحم وکرم پر چھوڑ دیا گیا ہے کیونکہ اس خطے کے لوگ بھی بھارت کے غیر قانونی اقدام کی مخالفت کررہے ہیں۔

مقبوضہ کشمیر، موبائل فون سروس کی بحالی کے بعد ہی اہم سروس بند

حریت چیئرمین نے وزیراعظم عمران خان سے اپیل کی کہ وہ تاشقند، شملہ اور لاہور معاہدوں سمیت بھارت کے ساتھ تمام معاہدوں سے علیحدہ ہونے کا اعلان کریں کیونکہ بھارت نے یکطرفہ طوپر ان معاہدوں کو ختم کردیا ہے۔ انہوں نے عمران خان پرزوردیا کہ وہ کنٹرول لائن کو دوبارہ جنگ بندی لائن کا نام دے دیں کیونکہ بھارت مقبوضہ علاقے کی صورتحال کو 1947 اور1948سے پہلے والی پوزیشن پر واپس لے گیا ہے۔

سیّد علی گیلانی نے کہاکہ حکومت پاکستان کو کشمیریوں کو ان کا حق خودارادیت دلوانے کیلئے اقوام متحدہ میں ہرممکن کوششیں اور عالمی برادری کی توجہ مبذول کرانی چاہیے۔ انہوں نے کہاکہ اگر بھارت کشمیریوں کو ان کا ناقابل تنسیخ حق دینے سے انکار کرتا ہے تو پاکستان کو اس کے خلاف پابندیاں عائد کرانے کیلئے کوششیں کرنی چاہئیں۔

سید علی گیلانی کے خط کے بعد وزیراعظم کشمیر کے لئے کیا اقدامات کریں؟ جماعت اسلامی کا مشورہ

نئی دہلی :بھارتی تفتیشی ادارے این آئی اے نے دیویندرسنگھ کومزید تحقیقات کے لیے دہلی منتقل کردیا ،اطلاعات کےمطابق بھارتی قومی تفتیشی ایجنسی (این آئی اے)نے بتایا ہے کہ کشمیر کے معطل ڈپٹی سپرنٹنڈنٹ پولیس (ڈی ایس پی) دیویندر سنگھ کو ہفتے کے آخر میں دہلی لایا جائے گا۔
ساوتھ ایشین وائر کے مطابق این آئی اے دہشت گردوں کی مدد کرنے پر اس کی تحقیقات کر رہی ہے۔

ذرائع کے مطابق ، دیویندر سنگھ کو ٹرانزٹ ریمانڈ پر جموں لایا گیا تھا اور جمعرات کو این آئی اے عدالت سے باضابطہ ریمانڈ لیا گہا۔بدھ کے روز ، این آئی اے نے سری نگر میں سنگھ کی رہائش گاہوں پر تازہ چھاپے مارے ۔معطل ڈی ایس پی دیویندر سنگھ، نوید بابو ، رفیع راتھر اور ایڈوکیٹ عرفان شفیع کو مزید پوچھ گچھ کے لیے جمعرات کی صبح جموں منتقل کردیا گیا۔

ساوتھ ایشین وائر کے مطابق ذرائع نے بتایا کہ این آئی اے کی سات رکنی ٹیم وادی میں تین دن کے لیے باضابطہ طور پر اس معاملے کے حوالے سے اور ملزمان سے مزید پوچھ گچھ کے لیے گئی تھی۔دیویندر کو جموں شاہراہ پر گاڑی میں سوار دو عسکریت پسندوں کے ساتھ گرفتار کیا گیا تھا۔جموں وکشمیر کے ڈپٹی سپرنٹنڈنٹ پولیس دیویندر سنگھ کو سنہ 2018 میں شیر کشمیر پولیس میڈل سے نوازا گیا تھا۔ یہ میڈل ان سے واپس لے لیا گیا۔ اوران کے خلاف قانونی کاروائی کی جا رہی ہے