اوچ شریف،باغی ٹی وی (نامہ نگارحبیب خان )گندم کی تھریشر پر کام کرتے ہوئے نوجوان جاں بحق ہوگیا
اوچ شریف کے نواحی علاقہ بیری والا میں نوجوان تھریشر مشین پر کام کرتے جاں بحق ہوگیا، لواحقین کے مطابق شاہد نامی مزدور کو ہارٹ اٹیک ہوا، جو جان لیوا ثابت ہوا، ابتدائی طبی امداد بھی دی گئی لیکن نوجوان جانبر نہ ہوسکا اور خالق حقیقی سے جاملا
مزدورنوجوان کی ناگہانی موت پر لواحقین صدمے سے نڈھال ہوگئے،
اوچ شریف باغی ٹی وی (نامہ نگار حبیب خان) اوچ شریف میلہ،جعلی حکیموں کے روہی اورچولستانی سانڈے کاقتل عام جاری،محکمہ وائلڈ لائف غائبریگستانی جانوروں کا غیر قانونی شکار ، نایاب نسل کے سانپ اور سانڈے معدومیت کا شکار
تفصیلات کے مطابق تاریخی وقدیمی شہر اوچ شریف میلہ کے موقع پر روہی کے ریگستانی جانوروں کا شکار کر کے میلہ پر ان کا قتل عام کیا گیا جس سے غیر قانونی طور پر نایاب جانوروں کا شکار کرنے سے ان کی نسل کشی کا خطرہ لاحق ہے ۔ان نایاب جانوروں میں ریگستان میں پایا جانے والا سانڈا ،سانپ ، اور دیگر جانور شامل ہیں ۔
ریگستان اور دیگر علاقوں سے خوراک کی تلاش میں آنے والے ان جانوروں کو بڑے پیمانے پر شکار کیا جاتا ہے ۔اگر اس طرح سے غیر قانونی طور پر شکار کرنے سے روکا نہیں گیا تو ایک توابن جانوروں کی نسل کشی کا خطرہ ہے
خاص طورپر صحرائی علاقوں میں ریت پر رینگنے والا بے ضرر سا سانڈھا کہلانے والا جانور جعلی اور نام نہیاد حکماء کے ہاتھوں قتل عام کیا جانے لگا یہ سبزہ کھاتے اور شکاری پرندوں اور درندوں سے خود کو بچاتے اس کے دن گزرتے ہیں۔ مگر یہ خود کو انسان سے نہیں بچا پاتا۔دوسرے ہر جانور کی طرح اس میں بھی چربی پائی جاتی ہے۔ مگر اس کی چربی پر انسان کی خاص نظر ہے۔
میلے کے موقع پر فٹ پاتھوں پر نیم حکیم سانڈھے کے خالص تیل کی شیشیاں سجائے ، گاہکوں کا انتظار اور خاص طور نوجوان ان کانشانہ ہوتے ہیں،یہ نیم حکیم گاہک سامنے چاقو کی مدد سے ساندحے کا نرم پیٹ چاک کرتے ہیں اور اندر موجود چربی نکال لیتے ہیں۔یہ سب کچھ گاہک کی آنکھوں کے سامنے کیا جاتا ہے تا کہ اس کی تسلی ہو کہ وہ ’اصلی تیل‘ لے کر جا رہا ہے۔
اوچ شریف،باغی ٹی وی (نامہ نگارحبیب خان)تاریخی قدیمی میلہ اوچ شریف کے تمام تر انتظامات مکمل سیکورٹی کے سخت انتظامات بھر پور ہجوم میں اپنے موبائل فون اپنی جیب پرس کی خود احتیاط کریں اپنی موٹر سائیکل کار وغیرہ کو یونہی چھوڑ کر نہ جائیں لڑائی جھگڑے سے مکمل پرہیز کریں مشکوک افراد کے بارے میں فوری پولیس کو اگاہ کریں ایس ایچ او سجاد حسین لغاری
تفصیل کے مطابق گذشتہ روز سجاد حسین لغاری ایس ایچ او تھانہ اوچشریف نے اپنے جاری کردہ بیان میں میڈیا کو بتایا کہ تاریخی میلہ اوچشریف کی رسومات جاری ہیں ڈی پی او بہاولپور کے احکامات کے مطابق میلے کے تمام تر انتظامات مکمل کرلیئے ہیں شہر بھر میں فول پروف سیکیورٹی تعینات ہوچکی ہے شہر کے داخلی خارجی راستوں سمیت اہم پوائنٹ پر ناکہ بندی ،گشت ڈیوٹیاں سر انجام دی جارہی ہیں
ضلعی انتظامیہ کی جانب سے جاری کردہ شیڈول کے مطابق 18اپریل کو شروع ہونے والا میلہ 24اپریل کو اختتام پذیر ہوگا جبکہ داخلی اور خارجی راستوں پر سکیورٹی کے فل انتظامات کئے گئے ہیں ۔زائرین کو واک تھروگیٹ سے گزار کرتلاشی لینے کے انتظامات بھی ہیں
سیکورٹی کے حوالے سے زائرین نے ایس ایچ او سجاد لغاری کی خراج تحسین پیش کیا سجاد لغاری ایس ایچ او تھانہ اوچ شریف نے کہا کہ ڈی ایس پی احمد پور شرقیہ میلے کے تمام تر انتظامات کی نگرانی کررہے ہیں میلے کی نگرانی اور عوام کی حفاظت کیلئے ٹریفک پولیس پٹرولنگ پولیس ایلٹ فورس کے جوان پنجاب پولیس اہلکاروں سمیت خفیہ ایجنسی اشپیشل برانچ سیکیورٹی برانچ اہلکار تقریبا 400 اہلکار اپنی ڈیوٹی سرانجام دے رہے ہیں
ایس ایچ او سجاد لغاری نے پیغام دیا ہے کہ عوام سے گزارش ہے کہ میلے میں آے والے افراد اپنے آس پاس احتیاط کریں، اپنی جیب پرس اپنے موبائل فون کو محفوظ رکھیں تاکہ چوروں سے محفوظ رہ سکیں، ارد گرد اپنی گاڑی موٹر سائیکل کو ہر گز اکیلا نہ چھوڑیں
کسی محفوظ جگہ پر کھڑی کریں تاکہ پریشانی کا سامنا نہ کرنا پڑے کسی بھی مشکوک فرد کے بارے میں فوری پولیس کو اطلاح دیں، میلے میں کسی سے لڑائی جھگڑا ہر گز نہ کریں.
اوچ شریف،باغی ٹی وی (نامہ نگارحبیب خان) تاریخی میلہ آنے والے شائقین لکی ایرانی سرکس سے مایوس، سالہا سال سے ایک طرح کے کرتب کو دکھانے والے عوامی رش کو گھیرنے میں ناکام، 30 سالہ پرانے غیر معیاری پروگرام پیش کرنے پر بچوں ، بوڑھوں اور خواتین نے خیر باد کہہ دیا، نیو سرکس دھوم کی خاصی پزیرائی،
اوچشریف میلہ پر پرانی لکی ایرانی سرکس فلاپ شو ثابت ہورہی ہے، سرکس کے غیر معیاری پروگراموں کی وجہ سے عوام کا اعتماد کھو بیٹھی ہے، ذرائع کے مطابق عوام کو پرفارمنس کی بجائے فحش ڈانس اور عریاں لباس میں ملبوس ہوکر اشارے کرتی فنکارائیں اپنی جانب لبھانے میں ناکام نظر آتی ہیں،
عوام کا لکی ایرانی سرکس کے بوڑھے فنکاروں کے پرانے غیر معیاری پروگراموں کی وجہ سے لکی ایرانی سرکس کے مقابلے میں دھوم سرکس پر عوام کا ریکارڈ توڑ رش لگ گیا، شائقین کا کہنا ہے کہ لکی ایرانی سرکس کی مقابلہ میں دھوم سرکس نۓ اور نوجوان فنکاروں کے ساتھ عوام کو معیاری تفریح فراہم کر رہی ہے، جسکی وجہ سے عوام میں دھوم سرکس بھر پور پزیرائی سمیٹ رہی ہے
گذشتہ شب لکی ایرانی کے پہلے شو میں پنڈال تقریباً خالی ہونے پر پہلا شو 9 بجے کی بجائے ساڑھے دس بجے شروع ہوا ،لکی ایرانی سرکس والے اپنی ناکامی پر غمگین ہو گئے، جبکہ دیگر کھیل تماشہ کرنے والوں کی بھی خوب چاندی لگی ہوئی ہے، مقامی شائقین نے لکی ایرانی سرکس انتظامیہ کو مشورہ دیا ہے کہ فحش جگت بازی یااشاروں کی بجائے اپنے پروگراموں میں فیملی طرز کو سپورٹ کریں.
اوچ شریف ،باغی ٹی وی(نامہ نگارحبیبخان)اوچ شریف میں بارش رحمت کے بجائے زحمت بن گئی موسلا دھار بارش سے شہر میں جگہ جگہ گٹر ابل پڑے شہریوں کی زندگی اجیرن بن گئی
تفصیلات کے مطابق اوچ شریف شہر میں گزشتہ روز ہونے والی بارش رحمت کے بجائے اوچشریف کے شہریوں کے لیے زحمت بن گئی، گٹر ابل پڑے گٹروں کا پانی مارکیٹوں سمیت گھروں میں داخل شہر کی گلیاں ، سڑکیں گندے جوہڑ تالاب میں تبدیل بارش سے شہر بھر کی گلیاں ، سڑکیں تالاب بن گئیں سارا شہر جل تھل ہو گیا
میونسپل کمیٹی کی کارکردگی کا ایک مرتبہ پھر پول کھول دیا جو کہ مبینہ غفلت اور لاپرواہی کا منہ بولتا ثبوت ہے شہر کی ابتر صورتحال کے باعث شہریوں کو شدید دشواری کا سامنا ہے
خوشحالی بینک گلی سمیت اختر کالونی ،امیر آباد ،اکبر ٹاؤن، ناصر ٹاؤن، عمر ٹاؤن، محلہ گیلانی اور موبائل مارکیٹ سمیت شہر کی اندرون گلیاں تالاب بن گئیں گذشتہ روز ہونے والی بارش کے باعث سڑکیں ندی نالوں کا منظر پیش کررہی ہیں
جب کہ نشیبی علاقے زیر آب آگئے ہیں، شہر کی رابطہ سڑکوں پر بارش کا پانی جمع ہے دیگر شہر کی رابطہ شاہراہیں بھی متاثر ہیں ایک طرف بارش اور دوسری طرف سیوریج کے گندے پانی نے علاقہ مکینوں کو مشکلات سے دوچار کردیا ہے،
شہر کا نکاسی آب ڈرینج سسٹم تباہ حال ہے گندے پانی کی وجہ سے شہر میں تعفن پھیلنے اور مچھروں کی افزائش کا خدشہ ہے شہریوں کا ڈی سی بہاولپور سے فوری نوٹس لینے کا مطالبہ
اوچ شریف باغی ٹی وی ( نامہ نگار حبیب خان)ڈسٹرکٹ پولیس آفیسر اسد سرفراز خان کی جانب سے سرکل احمد پور شرقیہ کے ڈی ایس پی آفس کے سبزہ زار میں کھلی کچہری کا انعقاد کیا گیا۔ کھلی کچہری میں شہریوں کی بڑی تعداد کو سنا اور انفرادی طور پر متعلقہ افسران شہریوں کے مسائل بر وقت حل کرنے کے احکامات جاری کیے، کھلی کچہری کا مقصد بلاتاخیر شہریوں کے مسائل کو میرٹ پر حل کرنا اور گھر کی دہلیز پر انصاف فراہم کرنا ہے ،ڈی پی او اسد سرفراز خان
تفصیل کے مطابق انسپکٹر جنرل آف پولیس پنجاب کے احکامات کی روشنی میں ڈی پی او سرفراز خان نے احمد پور شرقیہ کے ڈی ایس پی احمد پور شرقیہ آفس کے سبزہ زار میں کھلی کچہری کا انعقاد کی جس میں 70 کے قریب شہریوں نے شرکت کی۔
ڈی پی او کے ہمراہ ڈی ایس پی احمد پور شرقیہ، ایس ایچ اوز، میڈیا نمائندگان اور تحصیل کی دیگر معزز شخصیات نے بھی شرکت کی ۔ڈی پی او اسد سرفراز خان نے کھلی کچہری میں تمام سائلین کو تفصیل سے سنا اور انفرادی طور پر متعلقہ افسران کو بروقت قانونی کارروائی اور واپسی رپورٹ کے احکامات جاری کیے۔
ڈی پی او نے کھلی کچہری میں شہریوں سے بات کرتے ہوئے کہا کہ دور دراز کے علاقوں میں کھلی کچہری کا انقعاد ہماری اولین ترجیح ہے تاکہ شہریوں کے مسائل سن کر ان کی دہلیز پر بروقت دادرسی کی جاسکے۔ڈی پی اونے دوران کھلی کچہری افسران کو ہدایات جاری کرتے ہوئے کہاکہ میرٹ کو مقدم رکھتے ہوئے شہریوں کے مسائل تھانہ کی سطح پر ہی حل کیے جائیں جوکہ ہماری اولین ذمہ داری ہے۔
کھلی کچہری کا مقصد عوام کے مسائل کو ترجیحی بنیادوں پر حل کرنا اور عوام اور پولیس کے مابین فاصلے مٹانا ہے ۔ کھلی کچہری کے اختتام پر ڈسٹرکٹ پولیس آفیسر اسد سرفراز خان نے ایس ڈی پی او سرکل احمدپور شرقیہ اور ایس ایچ اوز کو ہدایات جاری کرتے ہوئے کہا کہ عوام الناس کے ساتھ بہتر رویہ اپنائیں۔ عوام کی خدمت اور ان کے جان و مال کا تحفظ ہماری اولین ذمہ داری ہے۔
جبکہ شہریوں کا کہنا تھا کہ ہم بہت مطمئن ہیں کہ ڈسٹرکٹ پولیس آفیسر خود ہمارے مسائل کے حل کے لئے احمد پور شرقیہ تشریف لائے اور مسائل کو فوری حل کرنے کے متعلق افسران کو حکم جاری کئے۔
ڈی پی او بہاولپور کے اس احسن اقدام سے انصاف کا بول بالا ہو رہا ہے۔ آخر میں ڈی پی او اسد سرفراز خان نے شہریوں کی شرکت پر بھی ان کا شکریہ ادا کیا
اوچ شریف،باغی ٹی وی (نامہ نگارحبیب خان)ڈسٹرکٹ پولیس آفیسر اسد سرفراز خان کا سرکل احمد پور شرقیہ کے مختلف تھانوں، پولیس خدمت مرکز اور تھانہ اوچ شریف کے علاقہ میں منعقد ہونے والے عرس میلے کی جگہ کا وزٹ، شہریوں کو دی جانے والی سہولیات کا جائزہ لیا۔ دفاتر کا معائنہ کیا۔ پولیس کیس فائلز کی انسپیکشن کی، تھانہ انصاف کی بنیادی اکائی ہے، فرائض میں غفلت کسی صورت برداشت نہیں کی جائے گی۔ڈی پی او اسد سرفراز خان
تفصیلات کے مطابق انسپکٹر جنرل آف پولیس پنجاب کی انویسٹیگیشن کو ترجیحی بنیادوں پر بہتر بنانے اور شہریوں کو ہر ممکن ریلیف مہیا کرنے بارے احکامات کی روشنی میں ڈی پی او اسد سرفراز خان نے سرکل احمد پور شرقیہ کے تھانہ صدر احمد پور شرقیہ، اوچشریف اور دھوڑ کوٹ کا اچانک وزٹ کیا،
ایس ایچ اوز نے ڈی پی او اسد سرفراز خان کو دوران وزٹ بریف کیا۔ وزٹ کے دوران ڈی پی او اسد سرفراز خان نے فرنٹ ڈیسک، محرر آفس، حوالات، تھانہ کا ریکارڈ، مالخانہ، اسلحہ خانہ اور تھانہ کی صفائی ستھرائی کو چیک کیا اور مناسب ہدایات جاری کیں۔
تھانہ کی حوالات میں موجود ملزمان سے استفسار بھی کیا اور حوالات کے باہر لگی لسٹ کے مطابق ملزمان کی جانچ کی، اس موقع پر افسران کو ہدایات دیتے ہوئے کہا کہ غیر قانونی حراست کسی صورت قابل قبول نہیں، ملزمان پر کسی قسم کی تشدد کی شکایت نہیں آنی چاہیے”نفرت جرم سے ہونی چاہیے انسان سے نہیں
"فرنٹ ڈیسک پر آن لائن ریکارڈ کی تکمیل کو چیک کیا، تھانہ کے ریکارڈ کو اپ ڈیٹ رکھیں، تکمیل ریکارڈ میں کسی قسم کی سستی و لاپرواہی کا مظاہرہ نہ کیا جائے۔ ڈی پی او اسد سرفراز خان نے اس موقع پر بات کرتے ہوئے کہا کہ ہر جرم کے بارے میں مقدمہ درج کرنے کا ٹائم فریم وضع کیا گیا ہے جو کہ تھانے میں آویزاں کیا گیا ہے، جرم کی نوعیت کے مطابق مقدمہ کا اندراج وضع کردہ دورانیہ میں ہر صورت ہونا چاہیے۔
انہوں نے مزید کہا کہ تھانے قانون کا گھر ہیں یہیں سے پولیس کا سافٹ امیج معاشرے میں جاتا ہے لہذا ہر آنے والے سائل سے خوش اسلوبی سے پیش آیا جائے اور بغیر تاخیر کیے ان کا مسئلہ فوری حل کیا جائے ۔
بعد ازاں ڈسٹرکٹ پولیس آفیسر نے تھانہ اوچشریف کی حدود میں منعقد ہونے والے عرس میلے کی جگہ کا وزٹ کیا اور فول پروف سکیورٹی کو یقینی بنانے کے حوالے سے ہدایات جاری کیں
اوچ شریف،باغی ٹی وی (نامہ نگارحبیب خان ) تاریخی میلہ اوچ شریف کی تقریبات کا آغاز ہو گیا، مشہور بائیسویں والا میلہ 18 اپریل سے شروع ہو کر 24اپریل کو اختتام پذیر ہو گا، مقامی لوگوں نے میلے کی تیاریاں شروع کردی،
تفصیل کے مطابق برصغیر پاک و ہند میں دین اسلام کا پرچار کرنے والی نامور بزرگ شخصیات حضرت شیخ بہاؤالدین زکریا ملتانی(ملتان)، حضرت بابا فرید الدین مسعود گنج شکر (پاکپتن)، حضرت سید عثمان علی مروندی لعل شہباز قلندر(سیہون شریف) اور حضرت سید جلال الدین سرخ پوش بخاری(اوچ شریف) جنھیں چہار درویش بھی کہا جاتا ہے کی یاد میں منائے جانے والے تاریخی میلہ اوچ شریف کی تیاریاں شروع کردی گئی ہیں چار ہفتوں تک جاری رہنے والی میلے کی تقریبات اب محض ہفتہ بھر تک محدود ہو کر رہ گئی ہیں
میلے کے منتظمین کی طرف سے جاری کردہ اعلامیہ کے مطابق بائیسویں والا میلہ 18 اپریل سے شروع ہو کر 24 اپریل کو اختتام پذیر ہو جائے گا جس میں ملک بھر سے لوگ شریک ہونگے میلے کے موقع پر کھیل تماشے، سرکس، اور روائتی تھیٹروں کے کشتیوں کے مقابلے بھی منعقد کئے جاتے ہیں،
میلے کے انتظامات ترتیب دینے اور امن و امان برقرار رکھنے کیلئے مقامی پولیس کی زیر نگرانی ضلعی انتظامیہ اضافی نفری تعینات کرتی ہے،
گزشتہ سال کی طرح اس سال اوچ شریف کی عوام میں جوش وخروش پایا جا رہا ہے اس دفعہ میلہ اوچ شریف کے انعقاد کے اعلان سے شہری پرجوش انداز سے میلے کی تیاریوں میں مصروف ہیں اور میلوں میں کاروبار سے وابستہ افراد کے چہروں پر رونق آگئی ہے.
اوچ شریف،باغی ٹی وی (نامہ نگارحبیب خان)مچھروں کی بہتات،شہری پریشان ،وبائی امراض پھیلنے لگیں ،شہری بیماریوں کا شکار،الٹی ،موشن، ملیریا ، جلدی امراض میں خطرناک اضافہ ،کمشنر بہاولپور سے نوٹس لیکر شہر میں سپرے کرانے کا مطالبہ
تفصیلات کے مطابق اوچ شریف کے شہریوں رجب حسین .مجاہد حسین. محی الدین. محمد اکبر سمیت دیگر نے بتایا کہ اوچ شریف میں موسم تبدیل ہوتے ہی بیماریوں نے سر اٹھا لیا .سرکاری اور پرائیویٹ ہسپتال مریضوں سے بھر چکے ہیں. مچھروں اورمکھیوں کی بہتات سے شہر بھر میں مختلف بیماریاں قے ، دست، ملیریا بخار جیسے امراض میں خطرناک حد تک اضافہ ہو رہا ہے
بیماریوں کے شدید وار سے شہری عاجز آچکے ہیں، بیماریوں کے علاج پرہزاروں روپے لگا کر بھی تندرست نہیں ہو پا رہے اوچ شریف میں مچھروں اور مکھیوں کی افزائش میں اضافے نے شہریوں کا جینا دوبھر کردیا۔ہر مکان و دکان میں مچھروں و مکھیوں کی بہتات، شہری پریشان محکمہ صحت محکمہ بلدیات کا اسپرے مہم کا کہیں نام و نشان نظر نہیں آرہا،ڈائریا، ملیریا سمیت دیگر وبائی امراض میں اضافہ ہو رہا ہے،
اوچ شریف شہر میں صفائی ستھرائی کی صورتحال انتہائی ابتر ہوگئی، جس سےمکھیوں اور مچھروں کی بہتات ن ہوگئی ہے گلی، محلوں دکانوں اور گھروں میں سکون سے بیٹھنا تک محال ہوگیاہے،
دوسری جانب ہسپتالوں میں آنے والے ملیریا اور ڈائریا کے کیسز میں بھی اضافہ ہورہا ہے، دن میں مکھیوں اور رات میں مچھروں سے پریشان شہریوں کا کہنا تھا کہ مچھروں اور مکھیوں کی بڑھتی ہوئی تعداد پر قابو پانے کے لئے محکمہ صحت اورمحکمہ بلدیات والوں نے کوئی اقدام نہیں اٹھایا جا رہا
شہریوں نے کہا کہ شہر کی دکانوں پر ملنے والی کھانے پینے کی اشیا پر مکھیاں بیٹھتی ہیں اور جراثیم چھوڑ دیتی ہیں اور وہ اشیا جب ہم کھاتے ہیں تو وہ ہمارے معدے پر اثر کرتی ہیں جس سے پیٹ کے امراض جیسے ہیضہ، ڈائیریا ہوجاتا ہے اور ہاضمے کا نظام بھی متاثر ہوتا ہے، جبکہ مچھروں کی تعداد بڑھ جانے سے ڈینگی اور ملیریا ہونے کا خدشہ بڑھ چکا ہے
شہریوں نے کمشنر بہاولپور سے نوٹس لیکر شہر میں سپرے کرانے کا مطالبہ کیا ہے
اوچ شریف،باغی ٹی وی (نامہ نگارحبیب خان)ای این ٹی اسپشلسٹ (کان ،ناک اور گلے ) کے ماہر ڈاکٹر ناصر وکیل نے اوچ شریف شہر کے میڈیا کے نمائندوں کے ذریعے کان ناک اور گلے کے انفیکشن بارے اوچ شریف کی عوام کو آگاہی فراہم کی
تفصیلات کے مطابق ای این ٹی اسپشلسٹ (کان ،ناک،اور گلے) کے ماہر ڈاکٹر ناصر وکیل نے گزشتہ روز اوچ شریف کے میڈیا سے ٹیلی فون پر بات کرتے ہوئے کہا کہ باشعور عوام کو چاہیے کہ ماہر امراض کان ناک اور گلے کے ڈاکٹر کے مشورے کے مطابق علاجِ کروائیں ناکہ اپنے دیسی نسخوں پر انحصار کریں کان ناک گلہ اللہ تعالیٰ کی عطا کردہ نعمتوں میں سے یہ تینوں اہم ترین ہیں انہوں نے کہا کہ ای این ٹی اسپشلسٹ سے مراد وہ ماہر ڈاکٹر ہوتے ہیں جو کان ، ناک اور گلے کے ماہر ڈاکٹر ہوتے ہیں ۔ جسم کے یہ تمام حصے اگرچے ایک دوسرے سے جڑے ہوتے ہیں ، لیکن اس کے باوجود اپنے افعال جداگانہ طور پر انجام دیتے ہیں اور ان کی بیماریاں اور مسائل بھی الگ ہوتے ہیں ۔ جن کے علاج کے لیۓ ای این ٹی اسپشلسٹ ہی بہتر طور پر سمجھ سکتے ہیں
انہوں نے کہا کہ عوام کی خدمت کے لیے میں نے بہاول پور میں مڈ ویسٹ ہسپتال کے نام سے بنائی ہے جسمیں ناک کان اور گلے کی سرجری بھی کی جاتی ہے ،انہوں نے کہا کہ عوام اپنے دیسی نسخوں پر انحصار کر بیٹھتے ہیں جن کی وجہ سے ناک کان پر برے اثرات مرتب ہوتے ہیں انہوں نے کہا کہ کان انسانی جسم ایک ایسا عضو ہے جس کی نالی ہماری ناک اور گلے سے منسلک ہے۔
انسانی جسم کے بعض اعضا ایسے ہیں جن میں سے کوئی ایک کسی بیماری یا تکلیف کا شکار ہوجائے تو اس کا اثر دوسرے عضو پر بھی پڑتا ہے۔ کان ایک ایسا ہی عضو ہے جس کی نالی ہماری ناک اور گلے سے منسلک ہے اور یہ جسم کے اندر ایک ہی مقام پر ملتے ہیں۔ کانوں کا کام صرف سماعت کرنا ہی نہیں بلکہ قدرت نے اسے پورے جسم کا توازن برقرار رکھنے کی ذمہ داری بھی سونپی ہے۔
اگر کسی وجہ سے ہمارے کان اپنا کام ٹھیک طریقے سے انجام نہ دے سکیں تو ہم لڑکھڑا سکتے ہیں اور اکثر تیز چکر محسوس ہوتے ہیں۔ کان، ہمارے جسم کے ان اعضا میں سے ایک ہے جن کا کسی وجہ سے درد میں مبتلا ہو جانا ناقابلِ برداشت ہوسکتا ہے۔ مثلاً دانت، گردے، اپینڈکس کا درد انسان کے لیے ناقابل برداشت ہوتا ہے۔ کسی بھی عمر میں سماعت کی کمزوری کے علاوہ کان مختلف امراض اور خرابیوں کا شکار ہوسکتا ہے، مگر ایک یا دونوں کانوں کی صفائی، نہانے کے دوران اندر داخل ہوجانے والا پانی نکالنے کے لیے غیرمحفوظ طریقے اپنانے اور اس عضو سے ’چھیڑ چھاڑ‘ کی صورت میں درد کی شکایت عام بات ہے۔
اس کے علاوہ مستقل نزلہ، ناک کی کوئی دوسری بیماری، گلے کی خراش یا شدید انفیکشن بھی کان میں درد کی وجہ بن سکتا ہے، کیوں کہ یہ تینوں اعضا ایک دوسرے سے جڑے ہوئے ہیں۔ ماہر ڈاکٹر کان ناک اور گلے کو دیکھائیں.