Category: بہاولپور

بہاولپور ،باغی ٹی وی (نامہ نگارحبیب خان کی رپورٹ)تھانہ بغداد الجدیدکا ظلم و ستم ،بیوہ خاتون کی بچوں سمیت پریس کلب میں دُہائی
بہاولپور ، ذاتی عناد یا دولت کی ہوس،بیوہ خاتون اور اس کے بچوں پر پولیس تھانہ بغداد الجدید نے ظلم و ستم کے پہاڑ توڑ ڈالے۔متاثرہ خاتون اپنے بچوں کے ساتھ انصاف کے حصول کے لئیے بہاولپور پریس کلب پہنچ گئی۔عابد حمید ایس ایچ او تھانہ بغداد رشوت وصولی کی خاطر ہم پر جھوٹے مقدمات درج کروا دیتا ہے اور عابد حمید نے متعدد بار چادر اور چار دیواری کا تقدس پامال کیا اور خواتین سمیت دیگر اہل خانہ کو بھی زدوکوب کیا۔متاثرہ فیملی کا وزیر اعلیٰ پنجاب، آ ئی جی پنجاب، آ ر پی او بہاولپور اور ڈی پی او بہاولپور سے صورتحال کا نوٹس لینے تمام مقدمات کی انکوائری ایماندار پولیس افسر سے کروانے کا مطالبہ۔

تفصیل کے مطابق اڈہ تیرا سولنگ کی رہائشی بیوہ خاتون نے اپنے بیٹے عظیم کے ہمراہ بہاولپور پریس کلب میں پریس کانفرنس کرتے ہوئے الزام لگایا کہ تھانہ بغداد الجدید کا ایس ایچ او عابد حمید عظیم اور اس کے بھائیوں پر متعدد جھوٹے مقدمات کا اندراج کر چکا ہے۔متاثرہ فیملی کے مطابق 22_11_08 کو ان پر مقدمہ نمبر 960/22 درج کیا گیا اور بھاری رشوت لے کر خارج کیا گیا۔

فیملی کے مطابق 23_08_17 کو عابد حمید 10 سے 12 لوگوں کے ساتھ چادر اور چار دیواری کا تقدس پامال کرتے ہوئے متاثرہ فیملی کے گھر داخل ہوا اور خواتین کو بھی تشدد کا نشانہ بنایا۔بعد ازاں فرضی مدعی کھڑا کر کے عظیم اور اس کے دو بھائیوں پر مقدمہ نمبر 1327/23 درج کر دیا گیا اور پھر ان کے بھائی سے 10 لاکھ روپے رشوت وصول کر کے مقدمہ خارج کر دیا۔

23_10_27 کو عابد حمید کے مبینہ ایما پر ایس ایچ او فضل عباس نے جھوٹا مقدمہ نمبر 1819/23 بجرم زنا بالجبر درج کیا۔23_11_06 کو ہم نے آ ر پی او بہاولپور کو انکوائری کی درخواست دی تو آ ر پی او نے ڈی ایس پی سٹی کو مارک کر دی جس میں مقدمہ جھوٹا ثابت ہو گیا۔

متاثرہ فیملی نے وزیر اعلیٰ پنجاب، آ ئی جی پنجاب، آ ر پی او بہاولپور اور ڈی پی او بہاولپور سے مطالبہ کیا ہے کہ ہم پر درج کیے گئے تمام جھوٹے مقدمات کی کسی ایماندار افسر سے انکوائری کروائی جائے اور کرپٹ پولیس ملازمین کے خلاف تادیبی کارروائی کی جائے۔

اوچ شریف،باغی ٹی وی (نامہ نگارحبیب خان) نادرا آفس کے باہر بھتہ وصولی شروع، مبینہ غیر قانونی موٹر سائیکل اسٹینڈ اور فوٹو اسٹیٹ مشین کی آڑ میں غریب سائلین کو لوٹا جانے لگا، اوور چارجنگ اور بھتہ نہ دینے والوں کے ٹائر پنکچر اور قیمتی پرزہ جات کے نکالنے بارے انکشاف، توں تکرار معمول، ہم نے زونل انچارج نادرا میاں جہانزیب کی اجازت سے یہ اسٹینڈ بنایا اور مشین رکھی ہے، باقاعدہ منتھلی دیتے ہیں، ٹھیکیدار کا موقف

تفصیلات کے مطابق اوچ شریف نادرا آفس کے قریب انتظامیہ سے مبینہ ملی بھگت کرکے ٹوکن مافیا اور سیاسی شخصیت کے کارندوں نے مبینہ غیر قانونی موٹر سائیکل اسٹینڈ قائم کردیا ہے، جہاں دیہاتوں سے آنے والے مرد و خواتین سائلین سے زبردستی موٹر سائیکل اسٹینڈ پر کھڑی کروانے کی صورت میں آفس کے اندر جانے کی اجازت دئیے جانے بارے انکشاف ہوا ہے، بیس روپے تا سو روپے تک کی وصولی کرنے والے عناصر کے پاس سکیورٹی کے کوئی انتظامات نہیں ہیں، جبکہ نادرا آفس میں تعینات دیگر ملازمین بھی اس بہتی گنگا میں ہاتھ دھو رہے ہیں،

اسی طرح مرکزی گیٹ پر فوٹو اسٹیٹ مشین بھی رکھوا کر پرائیوٹ بندے کے ذریعے کمائی جاری ہے، روزانہ کی آمدنی کو شام کے وقت آپس میں تقسیم کرلیا جاتا ہے جبکہ زونل انچارج میاں جہانزیب کو بھی حصہ بروقت پہنچانے بارے بھی اطلاعات ہیں، زور زبردستی کرتے غنڈہ عناصر کے ساتھ شہریوں کی بحث و تقرار روز کا معمول بن گئی ہے، جبکہ دوسری طرف مبینہ غیر قانونی موٹر سائیکل اور فوٹو اسٹیٹ مشین بارے مقامی انچارج ذوالقرنین کی ملکیت بارے انکشاف ہوا ہے تاہم اس بابت یہ بھی اطلاع ہے کہ صرف فوٹو اسٹیٹ مشین زونل انچارج کی ہے اور اسٹینڈ مشترکہ ہے، اور اسٹینڈ ٹھیکیدار نے اپنے موقف میں کہا ہے کہ ہم نے زونل انچارج نادرا میاں جہانزیب اور مقامی انچارج ذوالقرنین کے حکم پر اسٹینڈ قائم کیا ہوا ہے اور ہم اسکی باقاعدہ فیس ان تک پہنچا رہے ہیں،

نادرا انچارج ذوالقرنین نے آف کیمرہ موقف دیا کہ فوٹو سٹیٹ مشین اور سائیکل سٹینڈ زونل انچارج میاں جہانزیب کی ہے انہوں نے رکھوائی ہوئی ہے باقی سیاسی کارندوں اور مافیا کے خلاف میں سی سی ٹی وی کیمروں کی مدد سے دہکھ بھال کرونگا اور جلد ٹوکن مافیا کو نکیل ڈالوں گا

شہریوں نے ڈی جی نادرا، ڈپٹی کمشنر بہاولپور سے مطالبہ کیا ہے کہ انہیں مبینہ سیاسی آشیرباد کے حامل غنڈہ عناصر سے بچایا جائے اور مزکورہ موٹر سائیکل اسٹینڈ فوری ختم کروایا جائے، تاکہ عوام کو آسانی میسر ہو .

اوچ شریف ،باغی ٹی وی(نامہ نگارحبیب خان) نادرا رجسٹریشن سنٹر عوام کے لئے درد سر بن گیا، خواتین کو شناختی کارڈز اور ب فارم کے حصول میں شدید مشکلات کا سامنا، انچارج ذوالقرنین کی مبینہ آشیرباد سے ایجنٹ مافیا کی چاندی، ٹوکن کے حصول کے لیے رشوت نہ دینے والی خواتین کی تذلیل معمول، سیاسی چمچوں کو نوازنے کا سلسلہ بھی جاری، ڈی جی نادرا فوری ایکشن لیں، شہریوں کامطالبہ،
ایم این اے اور ایم پی اے کے کارندوں کو روزانہ کے بیس بیس ٹوکن نہ دیں تو تبادلہ کی دھمکیاں ملتی ہیں، نادرا ملازم ذوالقرنین کا مبینہ انکشاف

تفصیلات کے مطابق نادرا رجسٹریشن سنٹر اوچ شریف میں دور دراز علاقوں سے آئے ہوئےسینکڑوں مرد و خواتین جو کہ سرور آباد، رتہڑنہرانوالی، دھوڑکوٹ، خیرپورڈاہا، نوناری، حلیم پور ، کوٹلہ رحمت شاہ ،بکھری چناب رسول پور ، بختیاری، چک کہل ،بنگلہ مستوئی ،بیٹ احمد ، طاہروالی، ترنڈبشارت سمیت دیگر علاقوں سے تعلق رکھنے والے اپنے شیر خوار بچوں کو گود میں لے کر موسمی شدت کو جھیلتے ہوئے علی الصبح نادرارجسٹریشن دفتر میں جمع ہوتے ہیں اور ٹوکن کے حصول کیلئے سر دھڑ کی بازی لگادیتے ہیں،

مگر یہاں پر مافیاز اور سیاسی کارندوں نے ات مچا رکھی ہے، کسی کے پانچ ٹوکن روزانہ اور کسی کے 10 ٹوکن تو کسی کے 20 ٹوکن جو کہ 1000 روپے سے لے کر 1500 روپے میں فروخت کیے جاتے ہیں، اور دور دراز سے آئے ہوئے درجنوں مرد و خواتین ذلیل و خوار ہو کر رشوت نہ دینے کی صورت میں خالی ہاتھ واپس بھیج دئیے جاتے ہیں،

ذرائع نے بتایا ہے کہ ٹوکن فروختگی کا عمل سیاسی کارندوں کی زیر نگرانی ہورہا ہے جس کو اعجاز نائی سمیت دیگر، سیاسی چاپلوسوں نے کمائی پروگرام بنا رکھا ہے، بارہا شکایت کرنے کے باوجود کوئی شنوائی نہیں ہوتی،

ذرائع نے بتایا ہے کافی تعداد میں لوگ ایک ماہ سے بھی زائد عرصہ سے چکر کاٹ رہے ہیں، مگر انکا کام نہیں ہونے دیا جاتا، سفارشی اور مافیا سے ٹوکن لینے والوں کا کام اندر تک بیٹھے ملازمین بھی منٹوں میں کرتے ہیں،

ذرائع نے بتایا ہے دفتر میں بغیر 1000 والے نوٹ کے کسی کا کام نہیں ہوتا، غریب لوگ شام کو گھر چلے جاتے ہیں اور دوسرے دن یہی مشق دوبارہ کی جاتی ہے، میڈیا رپورٹس اور شکایات میں ہوتے اضافہ بارے ذرائع کا کہنا ہے کہ ارباب اختیار اصل حقائق کی جانکاری کرنے کیلئے خفیہ سورسز کے ذریعے معلومات لیں تو سب کچھ سامنے آ جائے گا، نادرا ضلعی آفیسرز کو چاہیے کہ مافیاز کو بے نقاب کرنے کیلئے اپنا اہم کردار ادا کریں تاکہ اوچ شریف اور دورداز سے آئے ہوئے مرد و خواتین کو دوہری اذیت سے بچاتے ہوئے اور مافیاز کو کیفر کردار تک پہنچایا جا سکے،

شہریوں نے نادرا رجسٹریشن اتھارٹی ڈائریکٹر جنرل لاہور سے مطالبہ کیا ہے کہ اوچ شریف میں مافیاز کے بارے شہری و دیہی علاقوں کے لوگوں سے خفیہ بیانات لیں اور مافیاز کے خلاف تحقیقات کرتے ہوئے کارروائی کریں، تاکہ عوامی مسائل میں کمی ہو جبکہ دوسری جانب نادرا ملازم ذوالقرنین بارے مبینہ انکشاف ہوا ہے کہ نادرا ملازمین پر مقامی سیاسی شخصیات کا بہت پریشر ہوتا ہے، پانچ پانچ ٹوکن ایم این اے اور ایم پی اے کے کارندوں کو دینا پڑتے ہیں، بصورت دیگر تبادلہ سمیت نوکری خطرہ میں ہونے کی دھمکیاں دی جاتی ہیں، جسکی وجہ سے نادرا آفس یرغمال بناہوا ہے اور ایک عام شہری کو دھکے مل رہے ہیں.

اوچ شریف ،باغی ٹی وی (نامہ نگار حبیب خان)ڈی پی او بہاولپورکاحکم ،تھانوں میں رضاکاروں اور چٹی دلالوں کا داخلہ بند

ڈی پی او بہاولپور اسد سرفراز خان کے احکامات پر بہاولپور ضلع کے تمام تھانہ جات میں رضاکاروں اور چٹی دلالوں کا داخلہ بند کر دیا گیا ہے۔

جاری کئے گئےمراسلے کے مطابق ڈی پی او اسد سرفراز خان کا کہنا ہے کہ کوئی رضا کار یا پرائیویٹ شخص کسی تفتیشی افسر یا کسی ایس ایچ او کے ساتھ پایا گیا تو بمعہ متعلقہ محرر تھانہ ذمہ داران کیخلاف محکمانہ کارروائی عمل میں لائی جائے گی۔

اوچ شریف،باغی ٹی وی (نامہ نگارحبیب خان )گندم کی تھریشر پر کام کرتے ہوئے نوجوان جاں بحق ہوگیا

اوچ شریف کے نواحی علاقہ بیری والا میں نوجوان تھریشر مشین پر کام کرتے جاں بحق ہوگیا، لواحقین کے مطابق شاہد نامی مزدور کو ہارٹ اٹیک ہوا، جو جان لیوا ثابت ہوا، ابتدائی طبی امداد بھی دی گئی لیکن نوجوان جانبر نہ ہوسکا اور خالق حقیقی سے جاملا

مزدورنوجوان کی ناگہانی موت پر لواحقین صدمے سے نڈھال ہوگئے،

اوچ شریف باغی ٹی وی (نامہ نگار حبیب خان) اوچ شریف میلہ،جعلی حکیموں کے روہی اورچولستانی سانڈے کاقتل عام جاری،محکمہ وائلڈ لائف غائبریگستانی جانوروں کا غیر قانونی شکار ، نایاب نسل کے سانپ اور سانڈے معدومیت کا شکار

تفصیلات کے مطابق تاریخی وقدیمی شہر اوچ شریف میلہ کے موقع پر روہی کے ریگستانی جانوروں کا شکار کر کے میلہ پر ان کا قتل عام کیا گیا جس سے غیر قانونی طور پر نایاب جانوروں کا شکار کرنے سے ان کی نسل کشی کا خطرہ لاحق ہے ۔ان نایاب جانوروں میں ریگستان میں پایا جانے والا سانڈا ،سانپ ، اور دیگر جانور شامل ہیں ۔

ریگستان اور دیگر علاقوں سے خوراک کی تلاش میں آنے والے ان جانوروں کو بڑے پیمانے پر شکار کیا جاتا ہے ۔اگر اس طرح سے غیر قانونی طور پر شکار کرنے سے روکا نہیں گیا تو ایک توابن جانوروں کی نسل کشی کا خطرہ ہے

خاص طورپر صحرائی علاقوں میں ریت پر رینگنے والا بے ضرر سا سانڈھا کہلانے والا جانور جعلی اور نام نہیاد حکماء کے ہاتھوں قتل عام کیا جانے لگا یہ سبزہ کھاتے اور شکاری پرندوں اور درندوں سے خود کو بچاتے اس کے دن گزرتے ہیں۔ مگر یہ خود کو انسان سے نہیں بچا پاتا۔دوسرے ہر جانور کی طرح اس میں بھی چربی پائی جاتی ہے۔ مگر اس کی چربی پر انسان کی خاص نظر ہے۔

میلے کے موقع پر فٹ پاتھوں پر نیم حکیم سانڈھے کے خالص تیل کی شیشیاں سجائے ، گاہکوں کا انتظار اور خاص طور نوجوان ان کانشانہ ہوتے ہیں،یہ نیم حکیم گاہک سامنے چاقو کی مدد سے ساندحے کا نرم پیٹ چاک کرتے ہیں اور اندر موجود چربی نکال لیتے ہیں۔یہ سب کچھ گاہک کی آنکھوں کے سامنے کیا جاتا ہے تا کہ اس کی تسلی ہو کہ وہ ’اصلی تیل‘ لے کر جا رہا ہے۔

اوچ شریف،باغی ٹی وی (نامہ نگارحبیب خان)تاریخی قدیمی میلہ اوچ شریف کے تمام تر انتظامات مکمل سیکورٹی کے سخت انتظامات بھر پور ہجوم میں اپنے موبائل فون اپنی جیب پرس کی خود احتیاط کریں اپنی موٹر سائیکل کار وغیرہ کو یونہی چھوڑ کر نہ جائیں لڑائی جھگڑے سے مکمل پرہیز کریں مشکوک افراد کے بارے میں فوری پولیس کو اگاہ کریں ایس ایچ او سجاد حسین لغاری

تفصیل کے مطابق گذشتہ روز سجاد حسین لغاری ایس ایچ او تھانہ اوچشریف نے اپنے جاری کردہ بیان میں میڈیا کو بتایا کہ تاریخی میلہ اوچشریف کی رسومات جاری ہیں ڈی پی او بہاولپور کے احکامات کے مطابق میلے کے تمام تر انتظامات مکمل کرلیئے ہیں شہر بھر میں فول پروف سیکیورٹی تعینات ہوچکی ہے شہر کے داخلی خارجی راستوں سمیت اہم پوائنٹ پر ناکہ بندی ،گشت ڈیوٹیاں سر انجام دی جارہی ہیں

ضلعی انتظامیہ کی جانب سے جاری کردہ شیڈول کے مطابق 18اپریل کو شروع ہونے والا میلہ 24اپریل کو اختتام پذیر ہوگا جبکہ داخلی اور خارجی راستوں پر سکیورٹی کے فل انتظامات کئے گئے ہیں ۔زائرین کو واک تھروگیٹ سے گزار کرتلاشی لینے کے انتظامات بھی ہیں

سیکورٹی کے حوالے سے زائرین نے ایس ایچ او سجاد لغاری کی خراج تحسین پیش کیا سجاد لغاری ایس ایچ او تھانہ اوچ شریف نے کہا کہ ڈی ایس پی احمد پور شرقیہ میلے کے تمام تر انتظامات کی نگرانی کررہے ہیں میلے کی نگرانی اور عوام کی حفاظت کیلئے ٹریفک پولیس پٹرولنگ پولیس ایلٹ فورس کے جوان پنجاب پولیس اہلکاروں سمیت خفیہ ایجنسی اشپیشل برانچ سیکیورٹی برانچ اہلکار تقریبا 400 اہلکار اپنی ڈیوٹی سرانجام دے رہے ہیں

ایس ایچ او سجاد لغاری نے پیغام دیا ہے کہ عوام سے گزارش ہے کہ میلے میں آے والے افراد اپنے آس پاس احتیاط کریں، اپنی جیب پرس اپنے موبائل فون کو محفوظ رکھیں تاکہ چوروں سے محفوظ رہ سکیں، ارد گرد اپنی گاڑی موٹر سائیکل کو ہر گز اکیلا نہ چھوڑیں

کسی محفوظ جگہ پر کھڑی کریں تاکہ پریشانی کا سامنا نہ کرنا پڑے کسی بھی مشکوک فرد کے بارے میں فوری پولیس کو اطلاح دیں، میلے میں کسی سے لڑائی جھگڑا ہر گز نہ کریں.