تلہ گنگ میں 4سالہ بچہ 8انچ چوڑے بور میں گر کر جانبحق: ریسکیو
4سالہ بچہ ٹیوشن جا رہا تھا کہ زیر تعمیر گھر کے بور میں گر گیا بور 8 انچ چوڑا اور 220 فٹ گہرا تھا، ریسکیو آپریشن کمانڈر بلال قاسم نے بتایا کہ قاسم عباس ولد غلام جعفر نامی 4 سالہ بچہ بور میں بیگ سمیت گرا جو 12 فٹ گہرائی میں جا کر رک گیا، ریسکیو ٹیمیں اطلاع ملتے ہی ریسکیو اسٹیشن چکوال سے روانہ ہوئیں اہل علاقہ اور ریسکیو 1122 ٹیم نے مل کر بچے کو 4 گھنٹے کے مسلسل آپریشن کے بعد نکالا، بچے کا سانس اور دل کی دھڑکن نہیں چل رہے تھے CPR کرتے ہوئے سٹی ہسپتال منتقل کیا گیا جہاں ڈاکٹر نے بچے کی موت کی تصدیق کر دی ۔
رپورٹ عمران رسول تلہ گنگ

چکوال۔ (اے پی پی)محلہ فاروقی تھانہ سٹی چکوال میں وکیل پر حملہ آور ہونے والے تین افراد کیخلاف سٹی پولیس نے مقدمہ درج کرلیا۔اشتیاق احمد ولد محمد لطیف نے درخواست دی کہ وہ پیشہ کے لحاظ سے وکیل ہے اپنے گھر موجود تھا اچانک ملزمان اظہر حسین مسلح پسٹل تیس بور، منور حسین مسلح سریا اور حاجی مظفر گھر میں گھس آئے گالی گلوچ شروع کردی، اظہر حسین نے پسٹل کا بٹ مارا جو بائیں آنکھ کے اوپر لگا منور حسین نے وارسریا کیا جو دائیں پاؤں کے انگوٹھے پر لگا، مظفر حسین نے وار سریا کیا جو پاؤں کے بائیں انگوٹھے پر لگا۔ سب انسپکٹر محمد حسین نے میڈیکل رپورٹ کی روشنی مقدمہ درج کر کے ملزمان کی تلاش شروع کردی ہے۔

وزیراعلی پنجاب نے چکوال میں یونیورسٹی کے قیام کی منظوری دے دی ہے، یونیورسٹی کا نام یونیورسٹی آف نارتھ پنجاب رکھا گیا ہے،

باغی ٹی وی کی رپورٹ کے مطابق پنجاب حکومت کا چکوال میں یونیورسٹی آف نارتھ پنجاب کے قیام کا فیصلہ کیا گیا ہے
،وزیراعلیٰ پنجاب عثمان بزدار نے یونیورسٹی آف نارتھ پنجاب کے قیام کی منظوری دے دی ،وزیراعلیٰ پنجاب کا کہنا ہے کہ پنجاب حکومت چکوال میں یونیورسٹی قائم کرے گی ،یونیورسٹی کے قیام کے لیےڈرافٹ بل تیار کر لیا گیا ہے،

پنجاب کی صوبائی کابینہ کے آئندہ اجلاس میں ڈرافٹ بل پیش کیا جائے گا.

صوبائی وزیر ہائر ایجوکیشن و انفارمیشن ٹیکنالوجی راجہ یاسر ہمایوں سرفراز کا کہنا ہے کہ وزیراعلیٰ پنجاب جلد چکوال میں یونیورسٹی کا سنگ بنیاد رکھیں گے ،اس ضمن میں وزیراعلیٰ پنجاب نے چکوال کےد ورہ کی دعوت قبول کر لی ہے،صوبہ پنجاب میں چھ یونیورسٹیاں قائم کی جا رہی ہیں جن کے فنڈز بجٹ میں رکھے گئے ہیں

چکوال (اے پی پی) مسلم لیگ ق کے رہنما ملک حفیظ انجم کی ہمشیرہ کی نماز جنازہ غربی قبرستان میں ادا کردی گئی۔نمازہ جنازہ میں چکوال کی سیاسی سماجی و سرکاری شخصیات کی شرکت۔ جن میں راجہ عثمان ہارون، ہارون انچارج منسٹر ہاوس، میاں خاور سلیم،میاں افتخار حسین سابق نائب ناظم،میاں خرم کامران، ملک غلام مرتضی صدر چکوال چیمبر،حاجی نزیر سلطان،حاجی نور سلطان، سابق صدر چیمبر خواجہ عارف یوسف،چوھدری وسیم ظفر ایڈووکیٹ، ملک ذوالفقار علی، چوھدری عابد، چوھدری سجاد، ضلع کونسل، جمیل اختر بالم،عزیز اختر بالم ملک غضنفر رہنماء تحریک انصاف، افتخار حسین بھٹی صدر انجمن قصاباں، میاں شوکت نثار، ملک دوریز، طارق گولڈن ساجد نذیر آڑھتی،سیٹھ مبشر رشید شیخ ریاض فاروقی کے علاوہ عمائدین علاقہ کی بڑی تعداد نے شرکت کی۔

تلہ گنگ کے شہری عارف ملک نے قومی و عسکری ادارے کے سربراہ لیفٹیننٹ جنرل فیض حمید پر بے بنیاد الزامات لگانے پر سینیٹر میر حاصل بزنجو کے خلاف ایف آئی آر کے اندراج کے لیے ایڈیشنل سیشن جج تلہ گنگ کی عدالت میں 22A 22B کی پٹیشن دائر کر دی ہے۔

حاصل بزنجو کے خلاف اندراج مقدمہ کی درخواست سماعت کے لئے منظور

باغی ٹی وی کی رپورٹ کے مطابق عدالت نے ڈی پی او چکوال اور ایس ایچ او تھانہ سٹی تلہ گنگ کو نوٹس جاری کرتے ہوئے 4 ستمبر کو تحریری جواب طلب کر لیا ہے۔

تلہ گنگ بار اور ضلع چکوال کے معروف قانون دان چودھری شیر افضل ایڈووکیٹ پٹیشنر کی طرف سے پیروی کر رہے ہیں۔ چونکہ قومی و عسکری ادارے کے سربراہ کا تعلق ضلع چکوال سے ہے اور پٹیشنر کو بھی ضلع چکوال کے عوامی حلقوں میں بے پناہ مقبولیت حاصل ہے اس لیے ضلع بھر میں یہ معاملہ اہمیت اختیار کر گیا ہے اور لوگوں کی نظریں عدالت کے فیصلے پر لگ گئی ہیں۔ پٹیشنر عارف ملک کو اس معاملے میں تلہ گنگ شہر کی معروف عسکری شخصیت کی بھرپور رہنمائی حاصل ہےعارف ملک صحافی ہیں .

حاصل بزنجو نے بھارت کی زبان بولی، غداری کا مقدمہ درج ہونا چاہیے، وفاقی وزیر

واضح رہے کہ حاصل بزنجو نے الزام لگایا تھا کہ سینیٹ میں اپوزیشن کے جن چودہ لوگوں نے حکومت کو ووٹ دئیے وہ مبینہ طور پر جنرل فیض کے بندے تھے

حاصل بزنجو کے بیان پر ڈی جی آئی ای پی آر نے بھی رد عمل دیا تھا اور کہا تھا کہ جس طرح انہوں نے زہر آلود بیان دیا یہ کوئی جمہوریت کی خدمت نہیں‌.ذرا سے سیاسی فائدے کے لیے پورے جمہوری عمل کو بدنام کرنا ایک بہت غلط سوچ ہے. اس بیان سے جمہوریت کا کوئی فائدہ نہیں ہوا . میر حاصل بزنجوکی طرف سے یہ الزام بے بنیاد ہیں

حاصل بزنجو کے مبینہ الزام پر وفاقی وزیر دفاع پرویز خٹک میدان میں آ گئے