Category: چکوال

نوجوان پر تشدد والی وائرل ویڈیو کا معاملہ

24 گھنٹے کے اندر 4 نامزد ملزمان کو پولیس نے گرفتار کر لیا.

محمد بن اشرف ڈسٹرکٹ پولیس آفیسر چکوال نے فوری نوٹس لیتے ہوئے زوہیب علی SHO تھانہ صدر چکوال کو ھدایات جاری کیں کہ ملزمان کے خلاف مقدمہ درج کرکے انکو فوری طور پر گرفتار کیا جائے.

7 ملزمان کے خلاف تشدد کا مقدمہ تھانہ صدر چکوال میں درج ہوچکا ہے.

زوہیب علی SHO تھانہ صدر چکوال اور انکی ٹیم نے کارروائی کرتے ہوئے 24 گھنٹے کی انتھک محنت کرکے تشدد کیس کے 4 ملزمان جن میں 1۔ غلام قاسم ولد خادم حسین قوم بدھوانی 2. مجاھد عرف عبدالحمید 3۔ فیصل عرف سیفل ولد محمد افضل عرف اجو خان سکنائے سید پور تحصیل علی پور ضلع مظفر گڑھ 4. عمران شاہ ولد غلام حسین قوم سید ساکن کوٹ سلطان تحصیل لالیاں ضلع چنیوٹ کو جدید تکنیکی وسائل بروئے کار لاتے ہوئے گرفتارکر لیا گیا ہے.

محمد بن اشرف ڈسٹرکٹ پولیس آفیسر چکوال کی جانب سے ملزمان کی گرفتاری پر تمام ٹیم کو بھرپور شاباش.

محمد بن اشرف ڈسٹرکٹ پولیس آفیسر چکوال نے کہا ہے کہ قانون شکن عناصر کے خلاف سخت کارروائی عمل میں لائی جارہی ہے اور تمام تر وسائل بروئے کار لاتے ہوئے بقیہ 3 ملزمان کو بھی انشاء اللہ جلد گرفتارکر کے انصاف کے کٹہرے میں لا کھڑا کیا جائیگا.

تلہ گنگ کے گاؤں جبی شاہ دلاور میں عید انوکھے انداز سے منائی گئی.

قاری محمد فیروز صدیقی صاحب کی تجویز پر اہلیان جبی شاہ دلاور نے عید کی چھٹیاں قبرستان کی صفائی میں گزاریں.

عوام نے قبرستان کی صفائ مہم میں بڑھ چڑھ کر حصہ لیا۔

قبرستان صفائی مہم کی خبر وائرل ہونے کے بعد دیگر علاقوں کے لوگوں نے قبرستان صفائی مہم کو سراہا.

مہم کے سبراہ نے باقی لوگوں سے بھی گزارش کی کہ اس مہم شامل ہوں اوراپنے پیاروں کی قبروں کو بارشی پانی کے نقصان سے بچائیں۔

انھوں نے کہا کہ ارد گرد کے گاوں بھی اپنے اپنے مقامی قبرستانوں میں ایک دن ایسی مہم ضرور کریںآج آپ کریں گے کل کوئ آپ کے لئے کرے گا۔

اہلیان جبی کے اس نیک عمل پر دیگر علاقے کے لوگوں نے اس مہم کو سراہا اور اس نیک عمل کو دیگر علاقوں تک بڑھانے کا اعلان کیا.

تلہ گنگ کے علاقے دھرابی کے قریب فارم میں غریب مزدور پر ظلم کی انتہا.

دو مزدوروں کو تشدد کا نشانہ بنایا گیا.

تفصیلات کے مطابق تلہ گنگ کے علاقے دھرابی میں ایک فارم کی ویڈیو وائرل ہوئی ہے جس میں ایک شخص کو ڈنڈوں سے دو لڑکوں کو تشدد کا نشانہ بناتے دیکھا جا سکتا ہے.

ویڈیو میں دیکھا جا سکتا ہے کہ فارم سپروائزر نامعلوم وجوہات کی بنا پر دو لڑکوں کو تشدد کا نشانہ بنا رہا ہے.

ویڈیو وائرل ہونے کے بعد عوامی اور سماجی حلقوں نے اعلی حکام سے واقعے کا نوٹس لینے کا مطالبہ کیا ہے.

تلہ گنگ کے موضع بھرپور پیرناڑہ دربار پر تالاب میں ٹہی کے تین نوجوان ڈوب کر جانبحق 01 شخص زخمی ہسپتال منتقل: ریسکیو 1122چکوال

(تلہ گنگ) بھرپور روڈ پیر ناڑہ کے مقام پر نہاتے ہوئے 3 نوجوان ڈوب گئے.
واقعے کی اطلاع ملتے ہی ریسکیو ٹیم موقع پر پہنچی.

ریسکیو کنٹرول روم کے مطابق ٹہی کے رہائشی 3 نوجوان عید کے تیسرے روز سیروتفریح اور نہانے بھرپور روڈپیر ناڑہ دربار گئے جہاں تالاب نما جگہ پر نہانے کے دوران 3 نوجوان ڈوب گئے اور موقع پر جانبحق ہو گئے.

جنہیں بچانے علاقہ کا ایک اور شخص ڈیم میں اترا جو انہیں بچاتے ہوئے زخمی بھی ہوا.

ریسکیو ٹیم نے 2 گھنٹے کی کوشش کے بعد ڈیڈ باڈیز نکالیں.

زخمی شخص اور ڈیڈ باڈیز کو ہسپتال منتقل کر دیا گیا۔