Category: چارسدہ

چارسدہ ڈی ایس پی سٹی جواد خان کی قیادت میں ایس ایچ او تھانہ سٹی بہرمند شاہ اور دیگر افسران پر مشتمل ٹیم نے ایک راہزن گینگ کے 2 ملزمان غفار شہباز ولد اسرار ساکن پائندہ خیل اور جمال ولد عرفان ساکن حصارہ کو گرفتار کر لیا ہے۔ ملزمان پولیس کو مختلف مقدمات میں مطلوب تھے ،جن کے قبضے سے چھینی گئی 1 لاکھ 80 ہزار روپے، 2 موبائل فونز ، جبکہ واردات میں استعمال ہونے والے 2 پستول اور 1 موٹر سائیکل بھی برآمد کیا گیا۔ملزمان نے راہزنی کے ایک واردات میں شہری کی مزاحمت پر زخمی بھی کیا تھا دوران تفتیش ملزمان نے اپنے دوسرے ساتھی کا نام بھی بتا دیا ہے جن کی گرفتاری کے لئے پولیس کی کارروائیاں جاری ہیں۔اور اسکی گرفتاری بھی بہت جلد عمل میں لائی جائے گی،

چارسدہ تھانہ نستہ کے حدود میں فائرنگ کے نتیجےمیں ایک شخص جاں بحق جبکہ ایک پولیس اہلکار سمیت تین افراد زخمی ہو گئے،
پولیس کے مطابق بشری بی بی ایک شخص تاسیم اللہ کے ساتھ گھر چھوڑ کے آئی تھی ۔ جس پر نستہ پولیس نے بشری کو مردان دار الامان میں جمع کیا جبکہ تاسیم اللہ کو جرم 107 چالان عدالت کے بعد ضمانت مل گئی۔یہ تمام افراد نستہ سےواپس جا رہے تھے کہ نامعلوم موٹر سائیکل سواروں نے فائرنگ کردی۔

موٹر سائیکل سواروں کی فائرنگ سے تاسیم اللہ ولد غریب گل ساکن حسن آباد نستہ جان بحق جبکہ غریب گل ولد لعل گل ، وسیع اللہ ولد غریب گل ساکنان حسن آباد نستہ اور پولیس اہلکار طارق شاہ زخمی ہو گئے۔ جنکو علاج و معالجہ جبکہ مقتول کی نعش کو پوسٹ مارٹم کیلئے چارسدہ ہسپتال منتقل کیا گیا۔ نستہ پولیس نے نامعلوم ملزمان کے خلاف مقدمہ درج رجسٹرڈ کرتے ہوئے تفتیش شروع کر دی ھے۔

واقعہ کی اطلاع ملتے ہی ڈی پی او چارسدہ محمد عارف، ڈی ایس پی سرڈھیری صنوبر خان دیگر پولیس نفری کے ہمراہ جائے وقوعہ پر پہنچ گئے اور علاقہ کو گھیرے میں لے کر ملزمان کی گرفتار ی کیلئے سرچ آپریشن شروع کر دیا۔

چارسدہ میں ورکرز کنونشن سے خطاب کے دوران امیر جماعت اسلامی سراج الحق نے کہا ہے کہ حکمرانوں نے پاکستان کو مسائلستان بنا دیا۔ پی ٹی آئی کے بعد پی ڈی ایم اور پیپلز پارٹی کے طرزحکمرانی نے معیشت کا رہا سہا بیڑہ بھی غرق کردیا،کشکول مشن پوری آب و تاب سے جاری ہے۔ ذاتی مفادات کے لیے 14جماعتیں شیروشکر ہو گئیں، اب نورا کشتی کر کے عوام کو بے وقوف بنانے کی کوشش ہو رہی ہے۔ مرکزی حکومت نے خیبرپختونخوا اور ضم شدہ قبائل کے ساتھ کیے گئے وعدے فراموش کر دیے اور اپنی آئینی ذمہ داری نہیں نبھائی۔ اللہ کی مددو نصرت اور عوام کی تائید سے اقتدار میں آ کر جماعت اسلامی انصاف اور احتساب کے بے لاگ نظام، امن عامہ کے قیام اور سود فری معیشت کے تین نکاتی ایجنڈے کو فی الفور نافذ کرے گی۔
چارسدہ میں ورکرز کنونشن سے خطاب کرتے ہوئے انھوں نے کہا کہ بجلی کی پیداوار میں بڑا حصہ ہونے کے باوجود خیبر پختوانخوا میں گھنٹوں لوڈشیڈنگ ہورہی ہے، لوگ رات کو سوسکتے ہیں نہ دن میں سکون میسر ہے، نظام زندگی درہم برہم ہوگیا۔ اس موقع پر امیر جماعت اسلامی صوبہ خیبرپختونخوا پروفیسر محمد ابراہیم اور سیکرٹری جنرل کے پی عبدالواسع بھی موجود تھے۔
سراج الحق نے کہا کہ خیبرپختونخوا میں سالہا سال کی خراب حکمرانی نے مسائل کے انبار لگادیے ، وسائل سے کوئی فائدہ نہیں اٹھایا گیا، مرکز کی جانب فنڈز اور بقایا جات کی عدم ادائیگی کی وجہ سے صوبہ کی ترقی اور عوام کی خوشحالی کے دروازوں پر تالہ لگ چکا ہے،امن و امان کی صورت حال تباہ کن،کے پی کا نوجوان مایوس اور بے روزگاری کی آگ میں جل رہا ہے۔ انھوں نے کہا کہ پورے ملک میں بدترین لوڈشیڈنگ نے وزیراعظم کے دعوے کا پول کھول دیا ۔سرکاری محلات میں مفت ایئرکنڈیشنز کے مزے لینے اور بڑی گاڑیوں اور پروٹوکول میں گھومنے والوں کو عوامی مسائل کا ادراک تک نہیں کر سکے،

خیبر پختونخواہ کے سیکریٹری محکمہ ایکسائز اور اکمل خان خٹک ڈائریکٹر جنرل محکمہ ایکسائز کے خصوصی احکامات کے مطابق منشیات فروشوں، ڈیلروں، سمگلروں اور سہولت کاروں کے خلاف صوبہ بھر میں بڑے پیمانے پر کامیاب کاروائیاں جاری ضلع چارسدہ تھانہ ایکسائز مردان اور ایکسائز انٹیلجنس کی چارسدہ میں تین اہم کاروائیاں کی، تینوں کاروائیوں میں مجموعی طور پر تین من (120 کلوگرام) چرس، چھ کلوگرام ہیروئین اور تین پستول اور کارتوس برآمد جبکہ پانچ ملزمان کو گرفتار کر لیا گیا ، ترجمان ایکسائز کے مطابق پہلی کاروائی میں چارسدہ سرڈھیری کے مقام پر کیری ڈبہ سے چھ کلوگرام ہیروئین برآمد جبکہ دو ملزمان گرفتار کر لئے گئے، دوسری کاروائی میں چارسدہ مردان روڈ پر ایک خفیہ اطلاع پر گاڑی کو قابو کرکے اسکی ڈگی سے تین من (120 کلوگرام) چرس برآمد جبکہ دو ملزمان کو گرفتار کرلیا گیا، ترجمان ایکسائز
نے کہا کہ تیسری کاروائی میں رشکئی کے قریب ناکہ بندی کے دوران مشکوک ٹرک سے تین عدد پستول برآمد جبکہ ایک ملزم گرفتار کر لیا گیا ترجمان ایکسائز نے کہا کہ تینوں کاروائیاں گزشتہ چوبیس گھنٹوں کے درمیان کی گئیں، اور تمام واقعات کے مقدمات تھانہ ایکسائز مردان میں درج کرلئے گئے،