Category: چنیوٹ

چنیوٹ ،باغی ٹی وی(نامہ نگار) ضلع بھر میں انسداد پولیو مہم دوسرے روز بھی بھرپور انداز میں جاری رہی۔ ڈپٹی کمشنر صفی اللہ گوندل نے مختلف علاقوں اور ہیلتھ مراکز کا دورہ کرکے مہم پر عملدرآمد کا جائزہ لیا۔

ڈپٹی کمشنر نے پولیو ٹیموں کی موجودگی کی تصدیق کے ساتھ ساتھ ریکارڈ بھی چیک کیا۔ گھروں کے دروازے کھٹکھٹا کر والدین سے بچوں کو پولیو کے قطرے پلانے کے بارے میں دریافت کیا اور بچوں کی انگلیوں پر نشان دیکھ کر اطمینان کا اظہار کیا۔

انہوں نے والدین سے اپیل کی کہ وہ پولیو ٹیموں سے مکمل تعاون کریں اور اپنے بچوں کو معذوری سے بچانے کے لیے ہر مہم میں پولیو کے حفاظتی قطرے ضرور پلوائیں۔ ان کا کہنا تھا کہ "ہر بچہ، ہر بار، دو قطرے ضروری ہیں۔”

چنیوٹ ،باغی ٹی وی(نامہ نگارحافظ حسن معاویہ) معروف سماجی شخصیت چوہدری محمد اقبال گجر انتقال کر گئے

تفصیل کے مطابق معروف سماجی و تعلیمی شخصیت چوہدری محمد اقبال گجر قضائے الٰہی سے انتقال کر گئے۔ وہ عاصم اقبال گجر (سابق ضلعی صدر ایپکا)، قاسم اقبال گجر اور ہاشم اقبال گجر (علامہ اقبال ماڈل سکول سیٹلائٹ ٹاؤن) کے والد تھے۔

مرحوم کی نماز جنازہ یکم فروری 2025 کو سیٹلائٹ ٹاؤن پارک میں ادا کی گئی، جس میں سیاسی، سماجی، تعلیمی، تجارتی اور صحافتی شخصیات سمیت عوام کی بڑی تعداد نے شرکت کی۔ جنازے میں شریک افراد نے اہل خانہ سے دلی تعزیت کا اظہار کرتے ہوئے مرحوم کے بلند درجات اور لواحقین کے لیے صبر جمیل کی دعا کی۔

چنیوٹ ،باغی ٹی وی(نامہ نگارحافظ حسن معاویہ) ڈپٹی کمشنر صفی اللہ گوندل کی زیر صدارت ڈسٹرکٹ پولیو اِریڈیکیشن کمیٹی کا اجلاس منعقد ہوا، جس میں محکمہ صحت، ڈبلیو ایچ او، ایجوکیشن، پولیس، سوشل ویلفیئر اور دیگر اداروں کے نمائندوں نے شرکت کی۔

سی ای او ہیلتھ ڈاکٹر شہزاد خلیل اور ڈی ایچ او ڈاکٹر رانا خوشنود حسین نے بریفنگ میں بتایا کہ انسداد پولیو مہم 3 سے 7 فروری تک جاری رہے گی، جس کے دوران ضلع بھر میں پانچ سال تک کی عمر کے 2 لاکھ 97 ہزار 122 بچوں کو حفاظتی قطرے پلانے کے لیے 1467 ٹیمیں تشکیل دی گئی ہیں۔

ڈپٹی کمشنر نے ہدایت کی کہ مائیکروپلان پر مکمل عملدرآمد یقینی بنایا جائے تاکہ سابقہ خامیوں کا ازالہ ہو۔ انہوں نے کہا کہ والدین کی آگاہی کے لیے تشہیری ذرائع کو مؤثر بنایا جائے اور عملے کی جدید تربیت پر توجہ دی جائے۔ ان کا کہنا تھا کہ کسی قسم کی کوتاہی برداشت نہیں کی جائے گی، تمام محکمے ذمہ داری سے فرائض انجام دیں تاکہ چنیوٹ کو پولیو فری بنایا جا سکے۔

چنیوٹ،باغی ٹی وی (نامہ نگار ڈاکٹر طاہر سیال سے)ضلعی انتظامیہ چنیوٹ کے زیر اہتمام 28 مئی یوم تکبیر کے حوالے سے ریلی کا انعقاد کیا گیا جس کی قیادت اسسٹنٹ کمشنر چنیوٹ شمس الرحمن نے کی

ریلی میں چیمبر آف کامرس کے نمائندوں ،سول سوسائٹی، سرکاری ملازمین نے کثیر تعداد میں شرکت کی ،ریلی اے سی آفس تا ختم نبوت چوک یادگار تک نکالی گئی ،ریلی کے شرکاء نے پاکستان زندہ باد، پاک فوج زندہ کے نعرے لگائے ،

آخر میں ملک پاکستان کی سلامتی و ترقی کے لیے دعا کی گئی،ریلی سے خطاب کرتے ہوئے اےسی چنیوٹ شمس الرحمن نے کہا کہ پاکستان نے اپنے دفاع کا حق استعمال کرتے ہوئے ایٹمی دھماکے کئیے اور ملک کا وقار بلند کیا ، ملک کا دفاع ناقابل تسخیر بنایا۔

اے سی چنیوٹ شمس الرحمن نے مزید کہا کہ ایٹمی طاقت بننے کے بعد ملک دشمنوں کی جرات نہیں کہ ہماری دھرتی کی طرف میلی آنکھ سے بھی دیکھ سکیں.

چنیوٹ،باغی ٹی وی (ڈاکٹر طاہر سیال کی رپورٹ)سیکرٹری پرائمری اینڈ سیکنڈری ہیلتھ کیئر پنجاب علی جان کا ڈسٹرکٹ ہیڈ کوارٹر ہسپتال چنیوٹ کا وزٹ،ڈپٹی کمشنر محمد آصف رضا ،ایم پی اے مولنا الیاس چنیوٹی اور سی ای او ہیلتھ ضلع چنیوٹ ڈاکٹر سہیل طارق کے ہمراہ وزٹ کے دوران مریضوں اور لواحقین سے سہولیات بارے دریافت کیا،

ہسپتال میں بہتر انتظامات پر ڈپٹی کمشنر محمد آصف رضا اور ضلعی ہیلتھ افسران کے اقدامات کو سراہا،اس موقع پر سیکرٹری ہیلتھ پنجاب علی جان نے کہا کہ ہسپتال میں شہریوں کا بہت زیادہ رش ہے اس کا مطلب ہے تمام سہولیات مل رہی ہیں،صفائی کی صورتحال بہت بہتر ہے،

انہوں نے اس موقع پر بڑی خوشخبری دیتے ہوئے کہا کہ ڈیڑھ سال کے اندر ہم نئے تعمیر ہونے والے ڈی ایچ کیو کو مکمل کر دیں گے،

وزیر اعلیٰ پنجاب کی ہدایات پر تمام ہسپتالوں میں وزٹ کا سلسلہ جاری ہے، ہر ہسپتال میں ادویات کی فراہمی اور سہولیات پر کام جاری ہے، ڈی ایچ کیو چنیوٹ کے بارے انہوں نے کہا کہ اس ہسپتال میں رش اتنا زیادہ ہے کہ اسے ایکسٹینشن کی فوری ضرورت ہے،