Category: ڈیرہ غازی خان

ڈیرہ غازی خان(باغی ٹی وی سٹی رپورٹرجواد اکبر)سڑکوں کی تباہ حالی، کرپشن کے الزامات، لوگوں میں شدید بے چینی

تفصیل کے مطابق شہر میں سڑکوں کی تباہ حالی اور ان کی مرمت میں بڑے پیمانے پر کرپشن کے الزامات نے عوام کو شدید تشویش میں مبتلا کر دیا ہے۔ گزشتہ ہفتے میں ہی پاسپورٹ آفس وقار کینٹین کے سامنے سڑک چوتھی بار ٹوٹ گئی ہے جو کہ کرپشن کی ایک واضح مثال ہے۔

شہر کے باسیوں کا کہنا ہے کہ انٹی کرپشن، نیب اور ایف آئی اے جیسے ادارے اس قسم کی کرپشن کے خلاف کوئی کارروائی نہیں کر رہے اور خاموش تماشائی بنے ہوئے ہیں۔

ڈیرہ غازی خان کے کمشنر ڈاکٹر ناصر بشیر اور ڈپٹی کمشنر مہر شاہد زمان لک سے عوام کی یہ اپیل ہے کہ وہ اس مسئلے پر فوری نوٹس لیں اور کسی بڑے حادثے سے پہلے کارروائی کریں۔ عوام کا مطالبہ ہے کہ متعلقہ افسران، سیاستدان اور کرپٹ ٹھیکیداروں کے خلاف قانونی کارروائی کی جائے اور انہیں انصاف کے کٹہرے میں لایا جائے۔

علاقہ کے لوگوں کا یہ بھی کہنا ہے کہ ان کرپٹ ٹھیکیداروں کو جانی نقصان پہنچنے سے پہلے گرفتار کیا جائے اور انہیں بلیک لسٹ کیا جائے۔ ساتھ ہی ان ٹھیکیداروں کے فرنٹ مین جو سرکاری محکموں میں بیٹھے ہیں، ان کے خلاف بھی کارروائی کی جائے۔

ڈیرہ غازی خان،باغی ٹی وی (نامہ نگار شہزاد خان): میونسپل کارپوریشن کی بے حسی اور نااہلی کی وجہ سے شہر کی اہم یونین کونسل نمبر 17 صدیق آباد کالونی کھنڈرات میں تبدیل ہو چکی ہے۔ گلیوں میں گندا پانی جمع ہو جانے اور کچرے کے ڈھیر لگ جانے سے علاقہ مکین شدید مشکلات کا شکار ہیں۔

علاقہ مکینوں کے مطابق، سیوریج سسٹم مکمل طور پر ناکام ہو چکا ہے اور تھوڑی سی بارش میں ہی پورا علاقہ گندے پانی میں ڈوب جاتا ہے۔ گندا پانی گھروں میں داخل ہونے سے بیماریوں کا خطرہ بڑھ گیا ہے۔ علاوہ ازیں گلیاں پکی نہ ہونے کی وجہ سے آمد و رفت میں مشکلات کا سامنا ہے اور نماز پڑھنے والوں کو مسجد جانے میں بھی دشواری ہوتی ہے۔

علاقہ مکینوں نے بتایا کہ وہ بار بار اعلیٰ حکام سے اپنی شکایات لے کر گئے ہیں لیکن کوئی سنوائی نہیں ہوئی۔ یہ حلقہ ایم این اے زرتاج گل اور ایم پی اے سردار محمود قادر لغاری کا ہے لیکن منتخب نمائندوں کی جانب سے بھی کوئی دلچسپی نہیں لی جا رہی۔

دوسری جانب، واپڈا حکام کی لاپرواہی کی وجہ سے کالونی میں خطرناک تاریں جھول رہی ہیں جو کسی بھی وقت بڑے حادثے کا سبب بن سکتی ہیں۔

علاقہ مکینوں نے اعلیٰ حکام سے فوری نوٹس لینے اور مسائل کے حل کے لیے فوری اقدامات کرنے کا مطالبہ کیا ہے۔

ڈیرہ غازی خان،باغی ٹی وی(سٹی رپورٹر جواد اکبر) : تھانہ بی ڈویژن کی پولیس نے منشیات فروشوں کے خلاف اپنی مہم میں مزید کامیابی حاصل کرتے ہوئے ایک اور شراب فروش کو گرفتار کر لیا ہے۔

ایس ایچ او تھانہ بی ڈویژن طاہر سلیم نے اس حوالے سے بات کرتے ہوئے کہا کہ ان کا عزم ہے کہ علاقے کو منشیات سے پاک کیا جائے۔

انہوں نے بتایا کہ پولیس ٹیم نے محمد حسنین ولد محمد بلال کو گرفتار کیا ہے جس کے قبضے سے ولائیتی شراب کی 22 بوتلیں برآمد ہوئی ہیں۔ گرفتار ملزم سے مزید تفتیش جاری ہے اور شراب کے نمونے تجزیہ کے لیے بھیج دیے گئے ہیں۔

ایس ایچ او نے کہا کہ ملزم سے مزید پوچھ گچھ کرکے دیگر شراب فروشوں کے خلاف کارروائی کی جائے گی تاکہ شہر کو منشیات سے پاک کیا جا سکے۔

ڈیرہ غازی خان/تونسہ شریف(باغی ٹی وی رپورٹ) پنجاب پولیس نے خیبر پختونخواہ بارڈر پر دہشت گردوں کے چار حملوں کو ناکام بناتے ہوئے ایک شاندار آپریشن میں دو خطرناک دہشت گردوں کو جہنم واصل کردیا ہے۔

تفصیلات کے مطابق،خفیہ اطلاعات کے مطابق دہشت گرد پنجاب میں کسی حساس مقام پر حملہ کرنے کی سازش رچ رہے تھے۔ پولیس نے تونسہ شریف میں ایک انکاؤنٹر میں دہشت گردوں کو گھیر لیا۔ اس دوران شدید فائرنگ کا تبادلہ ہوا جس میں ایس ایچ او وہوا صادق برمانی اور ایک اور اہلکار زخمی ہوگئے۔

دہشت گردوں نے ہینڈ گرنیڈ اور بھاری اسلحہ سے پولیس پر حملہ کیا لیکن پولیس کی بہادری اور بروقت کارروائی سے دونوں دہشت گرد ہلاک ہوگئے۔

آر پی او ڈیرہ غازی خان کیپٹن (ر) سجاد حسن خان نے موقع کا معائنہ کرنے کے بعد زخمی اہلکاروں کی عیادت کی اور ان کی بہادری پر انہیں شاباش دی۔ انہوں نے کہا کہ حکومت پنجاب کی ہدایات کے مطابق پولیس دہشت گردی کے خلاف بھرپور کارروائی کر رہی ہے۔

ڈی پی او سید علی نے بتایا کہ علاقے میں سرچ اور سویپ آپریشن جاری ہے اور دہشت گردوں کو کسی صورت پنجاب میں داخل نہیں ہونے دیا جائے گا۔

ڈیرہ غازیخان :ایس ڈی او اریگیشن کی کرپشن اور دونمبری کی ہوشرباء داستانیں منظرعام پرآگئیں،عاقب جاوید نے بغیر NOC کے پنجاب سروس کمیشن میں درخواست دی تھی۔ڈرین کی صفائی کے نام پر 9 لاکھ روپے کا فرضی اسٹیمیٹ بنایا۔عوامی حلقوں نے اس معاملے کی شفاف انکوائری کا مطالبہ کیا ہے۔

تفصیلات کے مطابق ڈیرہ غازی خان میں ایس ڈی او عاقب جاوید چھپارستم نکلا۔ ایس ڈی او بننے سے قبل پنجاب پولیس میں بطور سب انسپکٹر پولیس ملازم تھاتو اس نےمحکمہ انہارمیں بطور ایس ڈی او اپلائی کیلئے پنجاب سروس کمیشن میں Through proper channel اپلائی کیا تھااور محکمہ پولیس سےNOCلیا تھاجبکہ ذرائع کا بتاناہے کہ اس نے پنجاب سروس کمیشن میں کوئی NOCجمع نہیں کروایا تھااور رولزکی خلاف ورزی کی،کس طرح ایک سرکاری ملازم نے رولزکی خلاف ورزی کی،کیا اس مبینہ خلاف ورزی پر چیئرمین PPSCتحقیقات کرکے ایکشن لیں گے جوکہ ایک سوالیہ نشان ہے؟

ذرائع کے مطابق عاقب جاوید نےمانکہ ڈرین اور چوٹی ڈرینیج سسٹم کی صفائی کے نام پر 9 لاکھ روپے کا فرضی اسٹیمیٹ بنایا اور یہ رقم قومی خزانے سے نکال کر ہڑپ کر لی۔

یہ بھی پڑھیں

ڈیرہ غازی خان: محکمہ انہار میں ایک افسر کا راج، متعدد عہدوں پر قبضہ

ذرائع کا کہنا ہے کہ اس سارے کھیل میں ایس ای پروجیکٹ سرکل اور ایکسیئن رانا منور بھی ملوث ہیں اور انہوں نے اس رقم کا 30 سے 40 فیصد حصہ وصول کیا۔ اس کے علاوہ عاقب جاوید نے ایس ڈی او مشینری ڈویژن عظیم بلوچ سے مل کر بھی بڑی رقم ہضم کی۔

عوامی اور سماجی حلقوں نے اس معاملے پر ارباب اختیار اور وزیراعلیٰ پنجاب محترمہ مریم نواز شریف سے نوٹس لینے اور اس معاملے کی شفاف انکوائری کرکے عاقب جاوید اور دیگر ملوث افراد کے خلاف کارروائی کا مطالبہ کیا ہے۔

ڈیرہ غازی خان (باغی ٹی وی رپورٹ)محکمہ انہار میں افسران کی کمی یا کسی اور وجہ سے، ایک ہی افسر کو متعدد عہدوں کا چارج سونپے جانے کا معاملہ سامنے آیا ہے۔ اس حوالے سے ڈیرہ غازی خان میں ایک ایس ڈی او عاقب جاوید کا نام سامنے آ رہا ہے جو ایک وقت میں متعدد عہدوں کے مزے لوٹ رہا ہے۔

ذرائع کے مطابق عاقب جاوید کے افسران بالا سے مضبوط تعلقات ہیں اور انہیں سیاسی حمایت بھی حاصل ہے۔ مزید یہ کہ ایس ڈی او بننے سے قبل وہ پنجاب پولیس میں سب انسپکٹر تھے۔ یہ بات واضح نہیں کہ پولیس سے انہیں نکالا گیا تھا یا وہاں ان کے خلاف کوئی اور کارروائی ہوئی تھی۔

سول سوسائٹی میں اس بات پر تشویش کا اظہار کیا جا رہا ہے کہ ایک افسر کے پاس اتنے زیادہ عہدوں کا چارج ہونا شفافیت اور احتساب کے اصولوں کے خلاف ہے۔ عوام کا خیال ہے کہ ایک ہی وقت میں کئی عہدوں پر براجمان ہوکرایک افسر ک اپنے فرائض میں کوتاہی کر سکتا ہے اور کرپشن میں بھی ملوث ہو سکتا ہے۔

عاقب جاوید کے پاس فی الحال دو چارجز ہیں اور اس سے قبل ان کے پاس مندرجہ ذیل چار عہدوں کے اضافی چارجز بھی تھے:کنسٹرکشن سب ڈویژن نمبر 1، ڈی جی خان،ایریگیشن زون ڈی جی خان کے اسسٹنٹ ڈیزائن انجینئر،گجانی کینال سب ڈویژن ڈی جی خان،کنسٹرکشن سب ڈویژن نمبر ڈی جی خان

یہ بات جاننے کی کوشش کی جا رہی ہے کہ ایک افسر کو اتنے زیادہ عہدے کیوں سونپے گئے ہیں اور اس کے پیچھے کیا محرکات ہیں۔ عوامی وسماجی حلقوں اور سول سوسائٹی نے ارباب اختیار اور وزیراعلیٰ پنجاب محترمہ مریم نوازشریف سے نوٹس لینے اور اس معاملے کی شفاف انکوائری کرنے اور اگر کوئی غیر قانونی کام ہوا ہے تو اس کے خلاف کارروائی کامطالبہ کیا ہے۔

ڈیرہ غازی خان (باغی ٹی وی رپورٹ) فورٹ منرو میں ڈکیتیاں کرنے والے خطرناک گینگ کے دو افراد کو ڈیرہ غازی خان بی ایم پی نے رات گئے ایک کامیاب آپریشن میں گرفتار کر لیا ہے۔

ذرائع کے مطابق گرفتار کردہ ڈاکوؤں کے نام سفیر اور مشتاق ہیں۔ یہ گینگ ڈیرہ غازی خان شہر اور اس کے گردونواح میں بھی متعدد ڈکیتیوں میں ملوث رہا ہے۔ قابل ذکر بات یہ ہے کہ کچھ عرصہ قبل ڈیرہ غازی خان میں 92 لاکھ روپے کی ایک بڑی ڈکیتی کے سلسلے میں بھی انہیں گرفتار کیا گیا تھا۔ اس ڈکیتی میں فورٹ منرو کا مقامی رہائشی بجرانی بھی ان کا ساتھی تھا۔

تاہم، عوامی حلقوں نے الزام لگایا ہے کہ بی ایم پی کے مقامی اہلکار اس معاملے کو گول مول کرنے کی کوشش کر رہے ہیں۔ عوام نے کمانڈنٹ بارڈر ملٹری اسد خان چانڈیہ سے اپیل کی ہے کہ وہ تمام مجرموں کو قانون کے مطابق سخت سزا دلوائیں تاکہ مستقبل میں ایسی وارداتوں کو روکا جا سکے۔

یہ گرفتاری علاقے میں بڑی ریلیف کی خبر ہے کیونکہ ڈکیتیوں کے واقعات میں اضافے سے عوام میں خوف و ہراس پھیلا ہوا تھا۔ عوام نے قانون نافذ کرنے والے اداروں سے مطالبہ کیا ہے کہ وہ اس طرح کے عناصر کے خلاف سخت کارروائی جاری رکھیں تاکہ علاقے میں امن و امان قائم رہ سکے۔

ڈیرہ غازیخان (باغی ٹی وی رپورٹ) بارڈر ملٹری پولیس نے علاقے میں امن و امان کی بحالی کے لیے ایک بار پھر شاندار کارکردگی کا مظاہرہ کیا ہے۔فورٹ منرومیں پیش آنے والی ایک اناری ڈکیتی کے ملزمان کو محض ایک گھنٹے کے اندر گرفتار کر لیا گیا۔

اس کامیاب آپریشن کی قیادت کمانڈنٹ بارڈر ملٹری پولیس، اسد خان چانڈیہ نے کی۔ انہوں نے اپنی ٹیم کے ساتھ مل کر نہ صرف ملزمان کو گرفتار کیا بلکہ علاقے میں پھیلے خوف و ہراس کو بھی ختم کیا۔

کمانڈنٹ اسد خان چانڈیہ کا کہنا ہے کہ بی ایم پی کے علاقوں میں جرائم پیشہ عناصر کے لیے کوئی جگہ نہیں ہے۔ ہم قانون کی بالادستی کو یقینی بنانے کے لیے ہر ممکن کوشش کریں گے۔ انہوں نے عوام سے اپیل کی ہے کہ وہ پولیس کو تعاون کریں تاکہ مل کر ہم علاقے کو جرائم سے پاک بنا سکیں۔

علاقے کے عوام نے بارڈر ملٹری پولیس کی اس فوری اور مؤثر کارروائی کو سراہا ہے۔ ان کا کہنا ہے کہ اس سے علاقے میں امن و امان کا ماحول قائم ہوگا اور لوگ اپنے گھروں میں محفوظ محسوس کریں گے۔

یاد رہے کہ آج فورٹ منرو ملتان سے آئے ہوئے سیاحوں سےڈاکوؤں نے موٹر سائیکل ،موبائل فون اور نقدی ڈکیتی کرلئے ،ان ڈاکوؤں کو ایک گھنٹے کے اندر ٹریس کرکے گرفتار کیا گیا ہے

اس واقعہ سے قبل بھی بارڈر ملٹری پولیس تھانہ مبارکی نے گزشتہ روز یکبی ٹاپ پر سیاحوں سے ڈکیتی کرنیوالے 12 نامزد ملزمان کیخلاف مقدمہ درج کر لیا ہے واضح رہے کمانڈنٹ بارڈر ملٹری پولیس اسد خان چانڈیہ کے فوری نوٹس پر 3 موٹر سائیکلیں اور موبائل فون برآمد کر لیے گئے تھے.