Category: ڈیرہ غازی خان

ڈیرہ غازی خان(باغی ٹی وی سٹی رپورٹرجواد اکبر)ڈیرہ غازی خان میں 12 ربیع الاول کے مرکزی جلوس کے موقع پر شہر میں امن و امان کی صورتحال کو یقینی بنانے کے لیے پولیس نے خصوصی اقدامات کیے ہیں۔

ڈسٹرکٹ پولیس آفیسر سید علی نے بتایا ہے کہ وہ خود سمیت ایس ڈی پی او، ڈی ایس پیز اور تمام ایس ایچ اوز مرکزی جلوس میں موجود ہیں اور حفاظتی انتظامات کی نگرانی کر رہے ہیں۔ انہوں نے کہا کہ پنجاب پولیس ہمیشہ عوام کی خدمت کے لیے تیار رہتی ہے۔

ڈیرہ غازی خان میں 12 ربیع الاول کا مرکزی جلوس امن سے منعقد ہوا۔پولیس نے جلوس کی سیکیورٹی کے لیے خصوصی انتظامات کیے۔
ڈسٹرکٹ پولیس آفیسر سمیت اعلیٰ پولیس افسران خود جلوس میں موجود رہے۔

ویڈیو دیکھنے کیلئے لنک پر کلک کریں

ڈیرہ غازیخان: 12 ربیع الاول کے مرکزی جلوس کے موقع پر شہر میں امن و امان کی صورتحال کو یقینی بنانے کے لیے پولیس نے خصوصی اقدامات کیے ڈسٹرکٹ پولیس آفیسر سید علی نے بتایا کہ وہ خود سمیت ایس ڈی پی او، ڈی ایس پیز اور تمام ایس ایچ اوز مرکزی جلوس میں موجود ہیں اور حفاظتی انتظامات کی… pic.twitter.com/ZAucXiMCEi

— Baaghi TV باغی ٹی وی (@BaaghiTV) September 17, 2024

پولیس نے عوام کو یقین دہانی کرائی کہ وہ امن و امان کی بحالی کے لیے کوشاں ہیں۔

ڈیرہ غازیخان(باغی ٹی وی رپورٹ)پنجاب ہاؤسنگ کا کمرشل فیس مانگناغیر قانونی،ایم پی اے سیخ پا،اسمبلی میں آواز اٹھانے کا اعلان.ذرائع
حنیف پتافی کے بھائی محمد رفیق اور محمد شفیق 70 لاکھ روپے سے زائد کی رقم کے ڈیفالٹر ہیں، جبکہ سپیریئر کالج بھی فیس کی عدم ادائیگی کا شکار ہے

تفصیل کے مطابق ڈیرہ غازیخان میں پنجاب ہاؤسنگ اینڈ ٹاؤن پلاننگ ایجنسی کی جانب سے کمرشل فیس کی ریکوری پر تنازع شدت اختیار کر گیا ہے۔ذرائع کے مطابق ڈائریکٹر محکمہ پنجاب ہاؤسنگ اینڈ ٹاؤن پلاننگ ایجنسی ڈیرہ غازیخان سے گفتگو میں ایم پی اے حنیف پتافی نے اس معاملے کو پنجاب اسمبلی میں اٹھانے کاعندیہ دے دیا،جس کی وجہ سے پنجاب ہاؤسنگ کی ریکوری نہ ہوسکی،

اطلاعات کے مطابق حنیف پتافی کے بھائی محمد رفیق اور محمد شفیق 70 لاکھ روپے سے زائد کی رقم کے ڈیفالٹر ہیں، جبکہ سپیریئر کالج بھی فیس کی عدم ادائیگی کا شکار ہے۔ایم پی اے حنیف پتافی کی وجہ سے دیگر سرکاری افسران، بااثر سیاسی رہنماؤں، سماجی تنظیموں، پرائیویٹ کالجز، اسکولز، اکیڈمیاں، بیوٹی پارلرز، ہوٹلز اور ڈاکٹروں نے بھی کمرشل فیس ادا نہیں کی ہے جبکہ خود اپنی کمرشل فیس ادا کرچکے ہیں۔ اس صورت حال کے باعث محکمہ پنجاب ہاؤسنگ اینڈ ٹاؤن پلاننگ ایجنسی ڈیرہ غازیخان کے ملازمین سخت پریشانی کا شکار ہیں، کیونکہ وہ ان بااثر افراد کی وجہ سے کمرشل ٹیکس فیس اکٹھی کرنے میں ناکام ہوچکے ہیں ۔

محکمہ پنجاب ہاؤسنگ اینڈ ٹاؤن پلاننگ ایجنسی نے متعدد نوٹس جاری کیے ہیں اور کئی پلاٹس کو منسوخ کیا ہے، مگر بااثر افراد کی جانب سے مزاحمت کی وجہ سے ان اقدامات کا کوئی خاطر خواہ اثر نہیں ہوا۔ اس کے نتیجے میں حکومت پنجاب بھاری مالی نقصان کا شکار ہے، اور موجودہ حکومت کے بعض اہم شخصیات جن ڈاکٹرحافظ عبدالکریم بھی شامل ہے اس بہتی گنگا میں ہاتھ دھوتے نظر آئے ہیں۔

اب دیکھنا یہ ہے کہ ایم پی اے حنیف پتافی پنجاب اسمبلی میں اس مسئلے پر کس طرح آواز اٹھاتے ہیں؟وزیراعلیٰ پنجاب محترمہ مریم نوازشریف صاحبہ حکومت پنجاب کے اس ہونے والے نقصان پر خاموش رہیں گی؟ اس کا حل کیا ہوگا؟کیا محکمہ ہاؤسنگ کمرشل فیس وصول کرنے میں کامیاب ہوگا؟یہ ایک اہم معاملہ ہے جس پر تمام متعلقہ اداروں کو توجہ دینے کی ضرورت ہے، اس تناظر میں یہ بھی دیکھنا ہوگا کہ آیا کوئی مؤثر قانونی اقدام اٹھایا جائے گا یا یہ معاملہ مزید سیاستدانوں اور حکومتی افسران کی گٹھ جوڑ کی نذر ہو جائے گا؟۔

ڈیرہ غازیخان (باغی ٹی وی رپورٹ) آنکھوں کی بیماری آشوب چشم کا تیزی سےپھیلاؤ،عوام بے بس، تشویشناک صورتحال

تفصیل کے مطابق ڈیرہ غازیخان شہر کے مضافاتی علاقوں پیرعادل، لاڈن، اور دری میرو میں آنکھوں کی ایک مہلک بیماری نے ہنگامہ مچا دیا ہے۔ اس بیماری کی زد میں سکول جانے والے بچے، نوجوان اور بوڑھے سبھی آ رہے ہیں۔ آنکھوں سے پانی بہنا، شدید خارش، سوزش اور لالی کی شکایات عام ہیں۔

اس صورتحال میں محکمہ صحت کے ارباب اختیار غائب ہیں۔ شہریوں کو اس بیماری سے بچاؤ کے لیے کوئی سرکاری کیمپ یا احتیاطی تدابیر نہیں بتائی جا رہی ہیں۔ محکمہ صحت کے افسران اپنے ائیر کنڈیشنڈ کمروں سے باہر نکلنے کو تیار نہیں ہیں۔ عوام کو نہیں پتا کہ اس مشکل وقت میں کہاں جائیں۔

طبی ماہرین کا کہنا ہے کہ اس بیماری کی جلد از جلد تشخیص اور علاج بہت ضروری ہے۔ انہوں نے لوگوں سے اپنی آنکھوں کی دیکھ بھال پر خاص توجہ دینے اور کسی بھی قسم کی علامت ظاہر ہونے پر فوراً ڈاکٹر سے رجوع کرنے کی اپیل کی ہے۔

متاثرہ علاقوں کے لوگوں نے حکومت اور محکمہ صحت سے فوری مدد کی اپیل کی ہے۔ انہوں نے مطالبہ کیا ہے کہ متاثرین کو مفت طبی سہولیات فراہم کی جائیں اور اس بیماری کی روک تھام کے لیے فوری اقدامات کیے جائیں۔

ڈیرہ غازیخان(باغی ٹی وی رپورٹ)ایم پی اے حنیف پتافی ضلعی انتظامیہ اور میونسپل کارپوریشن پر بھاری پڑگیا،خیابان سرورمیں تجاوزات کے خلاف آپریشن نہ ہوسکا۔

تفصیلات کے مطابق مورخہ 20اگست2024ء کو ڈپٹی کمشنر ڈیرہ غازیخان نے لیٹرنمبری No.DC/DGK/HC(G)11090-91 اسسٹنٹ کمشنرڈیرہ غازیخان اور چیف آفیسر میونسپل کارپوریشن ڈیرہ غازیخان ک و جاری کیا جس میں حکم دیا گیاکہ غیر قانونی قبضے اور گرین بیلٹ واگزار کرانے کیلئے لکھاگیا ،جس میں ڈپٹی ڈائریکٹر PHATA ڈی جی خان کی طرف سے لکھے گئے لیٹر نمبر DD/PHATA/DSG/1125-1127 کا حوالہ دیاگیا اور حکم دیاگیا کہ جو زمینیں غیر قانونی طور پر قبضے میں ہیں، ان کو خالی کروایا جائے اور گرین بیلٹ والی زمین کو دوبارہ سرکارکی عملداری میں لایا جائے اور یہ بھی لیٹرمیں لکھاگیا کہ اس معاملے پر فوری طور پر کارروائی کی جائے اور قانون کے مطابق جو بھی اقدامات اٹھانے کی ضرورت ہو، وہ اٹھائے جائیں

لیکن ایم پی اے حنیف پتافی کے کاروباری دفاترجن میں سن کراپ گروپ آف کمپنیز ودیگرشامل ہیں ،اس طرح ایم پی اے حنیف پتافی سرکاری زمین اور گرین بیلٹ پر دیدہ دلیری سےقابض ہے اور ضلعی انتظامیہ اور میونسپل کارپوریشن اور محکمہ پنجاب ہاؤسنگ اینڈٹاؤن پلاننگ ایجنسی پر بھاری پڑگیاہے جس کی وجہ سے خیابان سرورمیں تجاوزات کے خلاف آپریشن نہ ہوسکااور میونسپل کارپوریشن نے اس لیٹرکی آڑمیں کسی مافیاء پرہاتھ ڈالنے کی بجائے غریب مزدورریڑھی والوں پر چڑھ دوڑے اور کاغذی کارروائی کرڈالی ہے حالانکہ جہاں آپریشن کرنا تھااس علاقہ میں گئے ہی نہیں ،

یاد رہے اس قبل بھی پنجاب ہائوسنگ اینڈٹائون پلاننگ ایجنسی ڈیرہ غازیخان نے ایک لیٹرنمبری. Memo No.DD/PHATAIDGK1929 Dated.03/11/2020 چیف آفیسرمیونسپل کارپوریشن ڈیرہ غازیخان کولکھاجس میں انہوں نے لکھاکہ پبلک لینڈکی غیر تعمیراتی استعمال گرین بیلٹس اور پارکس وغیرہ اور ان کے بنیادی مقاصد کے لئے ان کی بحالی کے اقدامات کرنے کیلئے میمو نمبر ایس او (H-II) -2- 8/2020 مورخہ 24-8-2020 کے تحت محکمہ HUD اور پی ایچ ای میں گور نینٹ ممبرزآف کالونیزریونیوبورڈکی جانب سے بھیجاگیاایک لیٹرنمبری 2020/290-CL-11 جوکہ 21-08-2020کوموصول ہوا،جس کے ساتھ ایڈیشنل ایڈووکیٹ جنرل پنجاب کے ذریعہ جاری کردہ نمبر 430 مورخہ 20-8-22020 اور ایچ آر ایم اے میں سپریم کورٹ کے حکم کی تاریخ 19-8-2020 ہے ، جس میں ایک ممبر(کالونیوں) نے مطلع کیا ہے کہ 2020 کا ایچ آر ایم اے نمبر 35 ، جہاں کمشنر ، فیصل آباد اور خانیو ال کے پارک پر گرین بیلٹس پر بنے پیٹرول پمپ میسرز جہانزیب پیٹرولیم / سی این جی اسٹیشن کی تعمیر کے بارے میں عدالت میں پیشی میں حاضرہوئے۔

معزز عدالت کا فیصلہ حسب ذیل ہے ہم ممبر کالونیوں کو متنبہ کرتے ہیں کہ ایسی کوئی بھی زمین جو عوام کی سہولت کے لئے مخصوص کی گئی ہویا شہر کے باسیوں کے استعمال کے لئے ہو ، اسے کسی اور مقصد کے لئے استعمال کرنے کی اجازت نہیں دی جاسکتی اوریہ جگہیں عوام کی تفریح اور ان کے لطف اندوز ہونے کے لئے کھلی رہیںگی- اگست میں سپریم کورٹ آف پاکستان کے فیصلے کی روشنی میں اے ڈی ایس۔خیابان سرورڈی جی خان میں گرین بیلٹس کے کچھ حصے مانکا کینال اور ملتان سخی سرورروڈ کے ساتھ ساتھ تجاوزات / قبضے میں ہیں جنہیں ہٹانا مقصودہے کیونکہ یہ اسکیم میونسپل کارپوریشن ڈی جی خان کے حوالے کردی گئی ہے۔

انہوں نے لکھاتھاکہ تجاوزات کو دور کرنے کیلئے محکمہ پنجاب ہاؤسنگ اینڈٹاؤن پلاننگ ایجنسی ڈیرہ غازیخان کے پاس مین پاور اور مشینری نہیں ہے۔ براہ کرم تجاوزات کو دور کرنے کیلئے مین پاور اور مشینری مہیا کریں۔اس لیٹرکی کاپی ڈائریکٹر جنرل پی ایچ اے ڈی جی خان، ڈائریکٹر ، پنجاب ہاؤسنگ اینڈٹاؤن پلاننگ ریجن ملتان اوردوران آپریشن امن عامہ برقراررکھنے کیلئے ڈسٹرکٹ پولیس آفیسر کوپولیس فورس تعینات کرنے کی درخواست کی گئی

لیکن چیف آفیسرمیونسپل کارپوریشن ڈیرہ غازیخان نے محکمہ پنجاب ہاؤسنگ اینڈٹاؤن پلاننگ ایجنسی ڈیرہ غازیخان کے سپریم کورٹ آف پاکستان کی ہدایات کی روشنی میں لکھے گئے لیٹرکوردی کی ٹوکری کی نظرکردیا ہے اورنہ ہی محکمہ پی ایچ اے نے اس لیٹرپرتوجہ دی دوسری طرف ذرائع کابتاناہے اگرچیف میونسپل آفیسر محکمہ پنجاب ہاؤسنگ اینڈٹؤن پلاننگ ایجنسی ڈیرہ غازیخان کے لکھے گئے لیٹرپرکارروائی کرتاہے توبہت سے بااثرافرادکیساتھ ساتھ اس وقت کےمشیرصحت اور موجودہ ایم پی اےحنیف پتافی اورسنیٹرحافظ عبدالکریم کامقابلہ نہیں کرسکتاکیونکہ چیف میونسپل آفیسرکواپنی نوکری خطرے میں محسوس ہوتی ہے،

جب ان لیٹرزکے سلسلہ میں چیف میونسپل آفیسرسے ان کامؤقف لینے ان کے آفس گئے تووہ سیٹ پرموجودنہیں تھے اورموبائل بھی بند تھا۔دوسری طرف گرین بیلٹس اورپارکس کی تحفظ کی ذمہ داری محکمہ پی ایچ اے کی ہے ،پی ایچ اے کے پاس مشینری اورافرادی قوت بھی موجود ہے اس سب کے باوجود اس محکمہ نے مجرمانہ خاموشی اختیارکررکھی ہے ،عوامی وسماجی اورمذہبی حلقوں نے حکام سے نوٹس لینے کامطالبہ کیاہے۔

ڈیرہ غازی خان (باغی ٹی وی رپورٹ) ایم پی اے کے ٹاؤٹس قانون سے بالاتر، قانون کا راج ختم، ایم پی اے کے ٹاؤٹس کی دہشت گردی،حنیف پتافی کے پی اے کی نگرانی میں پانی کی پائپ لائن میں غیر قانونی تبدیلی،پانی کی لائن کاٹنے سے روکنے پر شہریوں کوسنگین نتائج کی دھمکیاں

تفصیلات کے مطابق شہر میں قانون کی پامالی کا سلسلہ بدستور جاری ہے، جہاں مقامی ایم پی اے حنیف پتافی کے ٹاؤٹس نے شہر میں دہشت گردی کی صورت حال پیدا کر رکھی ہے۔ ایم پی اے حنیف پتافی کے پی اے کے سامنے ضلعی انتظامیہ، سی ای او کارپوریشن، اور کمشنر ڈیرہ غازی خان بے بس دکھائی دیتے ہیں، اور ان کے خلاف کوئی مؤثر کارروائی عمل میں نہیں لائی جا سکی۔

گزشتہ چند دنوں میں جاوید ساقی، ناصر شاہ اور دیگر افراد نے غیر قانونی طور پر مین لائن واٹرسپلائی کو کاٹ کر اسے دوسری لائن میں منتقل کر دیا۔ اس غیر قانونی عمل کے خلاف شہری شکیل احمد نے سی ای او کارپوریشن کو درخواست دی اور واٹرسپلائی انچارج کو فون کرکے صورتحال سے آگاہ کیا۔ انچارج نے غیر قانونی کنکشن کاٹ دیا، لیکن کنکشن لگانے والوں کے خلاف کوئی قانونی کارروائی نہیں کی گئی۔

کچھ دن کے بعد جاوید ساقی نے کمشنر ڈیرہ غازی خان کے پاس شہری شکیل احمد کے خلاف درخواست دی اور سپلائی لائن کو دوبارہ بحال کرنے کی درخواست کی۔ شہری شکیل احمد نے کمشنر ڈیرہ غازی خان سے ملاقات کی اور آسان رسائی میں درخواست بھی دی،کمشنر کی طرف سے کارروائی کی یقین دہانی کے بعدشہری شکیل احمد کا واپس آ گیا، مگر اس پر کوئی پیشرفت نہیں ہوئی۔

رکن آباد کالونی میں سیوریج اور واٹرسپلائی کے مسائل کئی ماہ سے جاری ہیں، جس کی وجہ سے علاقے میں سیوریج کی حالت خراب رہتی ہے اور کوئی مستقل انتظام نہیں کیا جا سکا۔ جن علاقوں میں سیوریج اور واٹرسپلائی ٹھیک کام کر رہی ہے، وہاں ایم پی اے حنیف پتافی کے پی اے آئے روز خود ہی گڑھے کھود کر اور لائنیں کاٹ کر غیر قانونی کنکشن لگوارہے ہیں، جس کی وجہ سے اہل محلہ میں لڑائی جھگڑا جاری رہتا ہے۔

آج، 11 ستمبر 2024 کو، 30 سے 35 افراد جن میں جاوید ساقی، ناصر شاہ اور ایم پی اے حنیف پتافی کا پی اے باقر راجپوت شامل ہیں، نے ایک بار پھر مین واٹرسپلائی لائن کو کاٹ کر دوسری لائن میں منتقل کر دیا۔ اہل محلہ نے احتجاج کیا، جس کے دوران درخواست گزار شہری شکیل احمد کو جان سے مارنے کی دھمکیاں دی گئیں اور زبردستی کنکشن لگایا گیا۔ اہل محلہ نے اعلیٰ حکام سے فوری طور پر نوٹس لینے اور اس غیر قانونی عمل کے خلاف سخت کارروائی کرنے کا مطالبہ کیا ہے۔

ڈیرہ غازیخان(باغی ٹی وی رپورٹ)بلین ٹری منصوبے کی ناکامی کے بعد، 15 فیصد کا ہدف، کیا یہ بھی کرپشن کے سونامی کا شکار ہوگا؟

تفصیل کے مطابق پنجاب حکومت نے 2035 تک جنگلات کی تعداد میں 15 فیصد اضافے کا فیصلہ کیا ہے۔ اس سے قبل پی ٹی آئی کے دورحکومت میں بلین ٹری پلانٹیشن کی مہم زوروشور سے چلائی گئی ، بلین ٹری پلانٹیشن منصوبہ میں ہونے والی کرپشن کی داستانیں مسلسل منظرعام پر آرہی ہیں

ایک حالیہ رپورٹ کے مطابق ڈیرہ غازی خان میں بلین ٹری پلانٹیشن کے نام پر بڑے پیمانے پر کرپشن ہوئی ہے۔ محکمہ جنگلات کے ذمہ داروں نے اس منصوبے میں کروڑوں روپے کاغبن کیا ہے، جس کے نتیجے میں لگائے گئے درخت خشک ہو چکے ہیں اور جنگلات کی حالت زار انتہائی خراب ہے۔

2000 سے 2001 کے دوران محکمہ جنگلات نے بڑے پیمانے پر درخت لگانے کا دعوی کیا تھا، لیکن ناقص دیکھ بھال اور انتظام کی کمی نے ان جنگلات کو اجاڑ دیا ہے

اس دوران جنگلات کی مناسب دیکھ بھال نہیں کی گئی، نرسریاں تباہ ہو گئیں، اور درخت کاٹے جانے لگے۔ کھالہ جات سسٹم بھی ختم ہو گیا، اور تالاب مکمل طور پر ٹوٹ پھوٹ کا شکار ہو گئے۔

مقامی لوگوں نے اس اسکینڈل پر شدید تشویش کا اظہار کرتے ہوئے کمشنر ڈیرہ غازی خان سے فوری تحقیقات کا مطالبہ کیا ہے۔ ان کا کہنا ہے کہ کرپٹ افسران نے بلین ٹری پلانٹیشن کے نام پر کروڑوں روپے ضائع کیے، جبکہ جنگلات کی حالت دگرگوں ہو گئی۔

عوام نے جنگلات کی بحالی کے لیے فوری اقدامات کرنے کا بھی مطالبہ کیا ہے۔محکمہ جنگلات کے حکام نے تاحال اس معاملے پر کوئی باضابطہ جواب نہیں دیا، جس سے عوام کی تشویش مزید بڑھ گئی ہے۔

اس سیکنڈل کے بارے میں اگر محکمہ جنگلات کے ارباب اختیار اپنا کوئی مؤقف یا وضاحت دینا چاہیں تو باغی ٹی وی ان کا مؤقف شائع کرے گا۔

تونسہ (باغی ٹی وی ،نامہ نگار)گناہ چھپانے کیلئے،نومولود کی لاش قبرستان میں پھینک دی گئی

تفصیل کے مطابق تونسہ شہر میں ایک انتہائی افسوسناک واقعہ پیش آیا ہے جہاں نامعلوم افرادنے کسی کنواری ماں یا ناجائز تعلقات میں اپنا گناہ چھپانے کے لیے 2 دن کے نومولود بچے کی لاش قبرستان میں پھینک دی۔اس واقعہ سے پورے علاقے میں سنسنی پھیلی ہوئی ہے۔

مقامی لوگوں کا کہنا ہے کہ ظالموں کو چاہیے تھا کہ وہ بچے کو مارنے کی بجائے کسی محفوظ جگہ پر چھوڑ دیتے جہاں کوئی اللہ والا اسے اپنا لیتا اور اسے نئی زندگی کا موقع فراہم کرتالیکن ان سفاک درندوں نے معصوم کی جان ہی لے لی ،جس کااپنا کوئی گناہ یا جرم نہیں تھا

یاد ر ہے کہ تونسہ شہر کے قبرستان سے اس طرح مردہ بچے کی لاش ملنے کا یہ چوتھا واقعہ ہے ،جن ملزمان کو تلاش کرنے کی اب تک پولیس نے کوئی کوشش ہی نہیں کی

شہریوں کا الزام ہے کہ اس گھناؤنے جرم میں مقامی طور پرگلی محلوں میں غیرقانونی میٹرنٹی ہوم اوراتائی ڈاکٹربھی ملوث ہوسکتے ہیں اورپولیس سے مطالبہ کیاے کہ وہ اس گھناؤنے جرم میں ملوث ملزمان کو جلد از جلد تلاش کرکے انہیں قانون کے کٹہرے میں لاکرسخت سے سخت سزا دلوائے۔

ڈیرہ غازیخان (باغی ٹی وی ،نامہ نگار شہزاد خان): وزیراعلیٰ کا صاف ستھرا پنجاب پروگرام انتظامیہ کی نااہلی کے باعث ناکام ہو چکا ہے۔ گلشن آباد کالونی میں سیوریج کا نظام مکمل طور پر درہم برہم ہو چکا ہے جس کی وجہ سے گندا پانی لوگوں کے گھروں میں داخل ہونے لگا ہے۔

خدا بخش چوک کے عقب میں واقع گلشن آباد کالونی کے مکینوں کے مطابق، سیوریج لائنیں بند ہونے کی وجہ سے گندا پانی گلیوں اور گھروں میں جمع ہو رہا ہے۔ اس سے بدبو اور مچھروں کی تعداد میں اضافہ ہو گیا ہے جس کی وجہ سے لوگ سانس لینے میں دشواری محسوس کر رہے ہیں۔

علاقہ مکین بشیر احمد خان، رب نواز، رحیم بخش، غلام فرید، حاجی جندو خان، منظور حسین، راشد حسین، نادر حسین اور قاری احمد سعیدی نے ڈپٹی کمشنر ڈیرہ غازیخان اور کمشنر ڈیرہ غازیخان سے مطالبہ کیا ہے کہ وہ فوری طور پر گلشن آباد کالونی میں سیوریج کے مسئلے کا حل نکالیں اور پانی کی نکاسی کا بندوبست کریں۔

ڈیرہ غازی خان(باغی ٹی وی رپورٹ)حکومت پنجاب کی ہدایات پر ضلع ڈیرہ غازی خان میں پرائس چیکنگ کا عمل تیز کر دیا گیا ہے۔

ڈپٹی کمشنر مہر شاہد زمان لک کی زیر نگرانی ضلع بھر میں 31 پرائس کنٹرول مجسٹریٹس نے گزشتہ روز 1394 دکانوں کی چھاپہ مار کارروائیاں کیں۔

اس دوران 38 گراں فروشوں کو 125,000 روپے کے جرمانے عائد کیے گئے جبکہ 9 کو گرفتار بھی کر لیا گیا۔

ضلع انتظامیہ نے عوام سے اپیل کی ہے کہ وہ اگر کسی دکاندار کی جانب سے قیمت بڑھانے کی شکایت معلوم ہو تو فوری طور پر ضلعی انتظامیہ سے رابطہ کریں۔

کوٹ مبارک (باغی ٹی وی ،نامہ نگارامداداللہ تھہیم) دو روز قبل بنیادی مرکز صحت یارو کھوسہ کے سامنے ایک نوجوان عبدالحمید ڈوم کوشدید حادثہ پیش آیا تھا جس میں اس کی ایک بازو اور ٹانگ ٹوٹ گئی تھی۔ زخمی کو فوری طور پر ڈیرہ غازی خان کے ٹراما سنٹر منتقل کر دیا گیا تھا۔

کل رات نوجوان کی ٹوٹی ہوئی ٹانگ کا آپریشن کیا گیا۔ ڈاکٹروں نے آپریشن کے بعد ٹانگ پر ٹانکے لگانے کے بجائے سادہ پٹی باندھ دی۔ چند منٹ بعد ہی پٹی خود بخود کھل گئی جس کے نتیجے میں نوجوان سے زائد خون بہنے لگا اور اس کا سارا بستر خون سے لبریز ہو گیا۔

اس واقعے کو ڈاکٹروں کی سنگین غفلت قرار دیتے ہوئے، نوجوان کے اہل خانہ نے اسے سرکاری ہسپتال سے نکال کر کسی اور نجی ہسپتال منتقل کر دیا ہے۔

ورثاء اس سنگین واقعہ پر ڈپٹی کمشنر، کمشنر اور وزیر اعلیٰ پنجاب سے مطالبہ کیا ہے کہ وہ اس کا نوٹس لیں اور متاثرہ نوجوان کو انصاف دلانے کے لیے فوری کارروائی کریں۔ ساتھ ہی ہسپتال انتظامیہ کے خلاف سخت کارروائی کرتے ہوئے ذمہ دار ڈاکٹروں کو سزا دی جائے۔