Category: ڈیرہ غازی خان

ڈیرہ غازیخان(باغی ٹی وی رپورٹ)وزیراعلی مریم نواز شریف نے پنجاب سوشو اکنامک رجسٹری کا باقاعدہ افتتاح کردیا۔صوبہ بھر کے مستحقین کا پی ایس ای آر کے تحت ایگزٹ ڈیٹا اکٹھا کرنیکا عمل جاری ہے۔رجسٹرڈ افراد حکومت پنجاب کے ہمت کارڈ،کسان کارڈ،لیپ ٹاپ،سکالرشپ پروگرام ،ٹریکٹر سکیم،مویشی کارڈ،اپنی چھت اپنا گھر سے مستفید ہوسکیں گے۔

کمشنر ڈیرہ غازی خان ڈاکٹر ناصر محمود بشیر کی زیرصدارت پنجاب سوشو اکنامک رجسٹری بارے ویڈیو لنک اجلاس منعقد ہوا۔اجلاس میں مہر شاہد زمان لک،ڈی پی او سید علی سمیت ڈویژن بھر کے ڈپٹی کمشنرز موجود تھے۔

کمشنر ڈاکٹر ناصر محمود بشیر نے خطاب کرتے ہوئے کہا کہ وزیراعلی پنجاب مریم نواز شریف کے انقلابی رجسٹری پروگرام کیلئے ایگزٹ ڈیٹا کا حصول ترجیح ہے،مستحقین ڈویژن بھر میں قائم مراکز اور آن لائن بھی اپنی رجسٹریشن کروا سکتے ہیں،ڈی جی خان ڈویژن کو مختلف بیجزمیں تقسیم کرکے سٹاف کی ٹریننگ کا عمل بھی جاری ہے،کمشنر ڈی جی خان نے کہا ڈویژن کےڈپٹی کمشنرز پی ایس ای آر اور ستھرا پنجاب پروگرام کے عمل کی باقاعدہ نگرانی کریں،رجسٹرڈ افراد کا ڈیٹا روزانہ براہ راست شیئر بھی کیاجائے،

معتبر اور قابل اعتماد ڈیٹا کیلئے متعین سٹاف اپنی ذمہ داریاں احسن طریقے سے انجام دیں،شفاف انداز میں حقیقی ڈیٹا کو ہرصورت یقینی بنایا جائے۔

ڈیرہ غازیخان،باغی ٹی وی (سٹی رپورٹرجواداکبر)بلڈنگ مٹیریل کی قیمت بڑھنے سے تعمیراتی کام رک گئے،دیہاڑی دار طبقہ شدید متاثر ہوچکا ہے ،سیمنٹ،بجری،ریت،اینٹ کی قیمتوں میں ہوشربا اضافے سے غریب آدمی کے لئے چھت بنانا مزید مشکل ہو گیا جبکہ بلڈنگ میٹریل مہنگا ہونے سے سینکڑوں مزدور بھی بیروزگار ہو گئے۔

حکومت کی جانب سے بلڈنگ میٹریل کی قیمتیں کنٹرول نہ ہونے سے تاریخ کی بلند ترین سطح پر پہنچ گئیں ہیں،تعمیراتی میٹریل کی قیمتوں میں اضافے کے بعد عام آدمی کا گھر بنانے کا خواب ،خواب ہو کر رہ گیا ہے۔

مہنگائی کے مسئلے پر گفتگو کرتے ہوئے سیاسی و سماجی ورکر فاورق بلوچ،رانا انتظار،محبوب کھوسہ،اسد کھوسہ،مومن لغاری،سمیع اللہ لغاری،اعظم خان،اور رفیق خان نے کہا کہ مہنگائی میں ہوشربا اضافے کی وجہ سے سیمنٹ کی بوری 1700روپے،سریا 270روپے فی کلو،اینٹ فی ہزار 17000روپے،بجری 130فی فٹ ریت کا ٹرالا 25 ہزار روپے تک پہنچ گیا ہے۔

میٹریل کی بڑھتی قیمتوں کے پیش نظر لوگوں نے اپنے تعمیراتی کام رکوا دئیے ہیں جس سے مزدور طبقہ بے روزگار ہو گیا ہے۔حکومت وقت کو چاہیے کہ مصنوعی مہنگائی ختم کرنے کے اقدامات کو یقینی بنائیں تاکہ مزدوروں کی چولہے بھی جلتے رہیں اوروہ فاقہ کشی سے بچ سکیں.

ڈیرہ غازیخان،باغی ٹی وی(سٹی رپورٹرجواداکبر) آل پنجاب سیکرٹریزایسوسی ایشن کے ضلعی انتظامیہ سے مذکرات کامیاب ،کسی سیکرٹری یا اہلکار کی عزت نفس مجروح نہیں کی جائےگی، سوشل اکنامک سروے پر سیکرٹریز آج سے کام شروع کریں گے، ہٹرتال ختم ،آج سے تمام دفاتر معمول کے مطابق امور سرانجام دیں گے،محرم الحرام کا معاوضہ دیا جائے گاتمام غیر متعلقہ ڈیوٹیاں ختم ،عیدالضحی کا اعزازیہ بھی ادا کیا جائیگا۔

تفصیلات کے مطابق آل پنجاب سیکرٹریزایسوسی ایشن کے زیر اہتمام جاری احتجاجی مظاہرہ کامیاب مذاکرات کے بعد ختم کردیا گیا مذاکرات میں اسسٹنٹ کمشنر سید غلام علی مصطفی ،ڈائریکٹر لوکل گورنمنٹ محمد زمان وٹو،ڈپٹی ڈائریکٹر لوکل گورنمنٹ ملک ذوالقر نین ،ڈویژنل صدرعلی رضا مہناس شامل تھے،

صدر پنجاب سیکرٹریز ایسوسی ایشن نے پنجاب بھر میں ہڑتال کی کال دی تھی ،کوئی بھی آفس سیکرٹریز سے بات نہیں کرے گا بلکہ ڈائریکٹر لوکل گورنمنٹ کو آگاہ کرے گاصدر سردار عبدالعزیز چانڈیہ نے خطاب کرتے ہوئے کہا کہ محرم الحرام میں سیکرٹریز بڑی محنت سے کام کیا آفیسران کا رویہ قابل مذمت تھا

اس موقع پر ،شاہد مجید لودھی ،عارف نذیر ،الطاف احمد بھٹہ ،ایاز احمد،سلیمان فرید،قیصر حمید،مظفر قربان ،ملک فلک شیر ،فیصل اکبر،ممتاز قریشی ،عبدالرحما ن گجر ،چوہدری ارشاد ،ملک فکر اللہ ،نصراللہ بھٹہ ،امداد حُسین نے خطاب کیا.

ڈیرہ غازیخان،باغی ٹی وی (سٹی رپورٹر) مشکل حالات میں ملکر پاکستان کی تعمیرو ترقی کےلیےکردار ادا کرناہوگا صحافیوں کے حقوق کا تحفظ میری اولین ترجیحی ہے سٹی ایم پی اے ،ادارےمضبوط پاکستان محفوظ قلم کامثبت استعمال پڑھےلکھےصحافی کی پہچان ہے نویدنقوی

تفصیلات کے مطابق صحافیوں کےایک وفدنے سٹی ایم پی اے حنیف خان پتافی کو حج کے ادائیگی پر مبارک باد دی اس موقع پر سٹی ایم پی اے حنیف خان پتافی نے کہا کہ صحافیوں کے بنیادی حقوق ان کے مسائل کے حل کےلیے ہمیشہ سے کردار ادا کیا اور کرتے رہیں گے اور بہت جلد وزیر اعلی پنجاب مریم نواز سے ملاقات میں صحافتی کالونی دیگر مسائل پر سنجیدگی سے گفتگو کریں گے کیونکہ صحافی معاشرہ کی آنکھ اورکان ہیں ان کی رپورٹنگ کی وجہ سے مسائل کی نشاندہی ہوتی ہے

ہم اپنے بھائیوں کو کسی صورت تنہاء نہیں چھوڑیں گے آئیے آج اس مشکل وقت میں پاکستان کا ساتھ دیں اس موقع پر سینئرصحافی اورہردل عزیز شخصیت سیدنوید نقوی نے کہا کہ اچھی اور مثبت رپورٹنگ ہمارا نصب العین ہے ادارےمضبوط ہوں گے پاکستان اور عوام محفوظ ہوگی

حکومت پنجاب اچھے لکھاری اور تعلیم یافتہ صحافیوں کی حوصلا افزائی کرے اور ان کے اوپر ہونے والے ناجائز مقدمات ختم کرے اور ان کے حقوق کے تحفظ کےلیے کردار ادا کرے اس موقع پر ملک جمیل ماڑھا ،ملک ربنواز آرائیں ،زوہیب کمبوہ، فیاض کھوسہ ،فضل حسین سولنگی ،میر اعجاز رند ،میر خالد فرید رند، قاسم خان چانڈیہ رائے نواز ،بشیر بلوچ، آصف بلوچ ،کاشف بلوچ، نصراللہ گورمانی، سجاد سومرو ،اکبر خان چانڈیہ ،حشمت کوریجہ
سمیع اللہ، ملک نذر حسین، اختر لسکانی ،فرحت عباس ،فیض احمد چنگوانی، سید غلام عباس شاہ، سیف اللہ احمدانی ودیگرصحافیوں نے شرکت کی

کوٹ مبارک،باغی ٹی وی(امداداللہ تھہیم) یاروکھوسہ میں جامعہ انوار القرآن میں تحریک منہاج القرآن کے زیراہتمام ،مقام اہلبیت اور ذکرشہادت امام حسین علیہ سلام کانفرنس منعقد ہوئی. کانفرنس کی صدارت حضرت علامہ عبدالرحمن نقشبندی نے کی اور بطور مہمان خصوصی پیر طریقت حضرت ڈاکٹرشوکت محمود نقشبندی نے شرکت کی.

کانفرنس میں علامہ مولانا پیر پروفیسر عبدالقدوس درانی فاضل منہاج یونیورسٹی اور ہیڈاف اسلامک ایجوکیشن ورچوئل یونیورسٹی اسلام آباد نے خصوصی خطاب فرمایا.انہوں نے کہا کہ شہادت حسین اصل میں حضور نبی اکرم ﷺ کی سیرت کے ایک باب کی تکمیل ہے. آپ کی شہادت سے دین اسلام کو ایک نئی زندگی ملی. آج ہر جگہ حسین کے نام لیوا توموجود ہیں. لیکن یزیداوراس کی نسل کا نام ونشان تک نہیں.

حضورﷺکافرمان الحسین منی وانامن الحسین کی سمجھ واقعہ کربلا کے بعد آتی ہے. کربلا سے پہلے حسین مجھ سے تھا. لیکن کربلا کے بعدمیں حسین سے ہوں. یعنی حسین کی وجہ سے دین قیامت تک زندہ رہے گا. یزید نے امام حسین علیہ سلام کو شہید کرکے حضورنبی اکرم کو اذیت دی اور جس نے حضور کو اذیت دی گویا اس نے اللہ کو اذیت دی. اہلبیت سے محبت اور مودت ہماراایمان ہے. اگر اہلبیت سے محبت نہیں تو ہمارا اسلام سے کوئی تعلق نہیں.

حضورنﷺے فرمایا میں دوچیزیں چھوڑکے جارہاہوں ایک قرآن اودوسرا اہلبیت جو ان کادامن پکڑے رہے گا وہی کامیاب ہوگا.حسن اورحسین علیہ سلام نوجوانان اہل جنت کے سردار ہیں. شہادت حسین کا پیغام یہ ہے کہ ہم اپنی زندگی کو اسلام کے مطابق بسرکریں.

کانفرنس سے عرفان الحق نقشبندی ، علامہ محمد خان باروی،عبدالعزیز،محمد بخش سعیدی، اوردیگر مقامی علماء کرام نے بھی خطاب کیا. ریاض احمدخان علیانی صدپاکستان عوامی تحریک ڈیرہ غازی خان اور قاری سراج احمد سرپرست تحریک منہاج القرآن یارو ، حافظ محمد عارف صدر تحریک یارو، محمد اعجاز کوارڈینٹر فہم دین، منظور احمد، جعفر حسین، محمد شریف رضوی، خواجہ جاوید، سردارعبدالغفورخان اورچوہدری احمد بخش,سید صفدر شاہ،مولانااستاد علما حافظ غلام رسول بڈھیانی، ذوالفقار علی کلرک ، شاہد مولانا عبدالحکیم نے خصوصی شرکت کی.

تحریک منہاج القرآن یارو کے زیراہتمام شہادت امام حسین علیہ سلام کی اس عظیم الشان کانفرنس میں کثیرتعداد میں علماء کرام اور عوام الناس نے شرکت کی جبکہ سٹیج سیکرٹری کے فرائض مولانا مدثر لنگاہ نے انجام دیئے.