Category: ڈیرہ غازی خان

ڈیرہ غازیخان(باغی ٹی وی رپورٹ)پولیس کی طرف سے یوم عاشورہ 10 محرم الحرام پر سیکورٹی انتظامات مکمل،ڈی پی او سید علی خود سیکیورٹی معاملات کی نگرانی کررہے ہیں ۔

ضلع بھر میں ٹوٹل 89 مجالس اور 117 جلوس برآمد ہوں گے،جن میں اے کیٹیگری کی 32 جبکہ بی کیٹیگری کی 37 اور سی کیٹیگری کی 20 مجالس ہوں گی۔اسی طرح اے کیٹیگری کا 14 جبکہ بی کیٹیگری کے 43 اور سی کیٹیگری کے 60 جلوس برآمد ہوں گے۔

ڈیرہ پولیس کی طرف سے ایلیٹ فورس، ڈولفن فورس، ضلع پولیس، ٹریفک پولیس اور منتظمین کی طرف سے نامزد کردہ وولینٹییرز بھی پولیس کے ہمراہ فرائض سر انجام دیں گے۔خواتین عزاداروں کے لئے الگ سے لیڈیز پولیس تعینات ہے۔

حکومت پنجاب کی ہدایت پر دفعہ 144 پر عمل درآمد کو یقینی بنایا جا رہا ہے۔ہوائی فائرنگ، اسلحہ کی نمائش، نفرت آمیز مواد کی تشہیر، اور اشتعال انگیزی پر پابندی ہے۔

خلاف ورزی کرنے والوں کے خلاف سخت قانونی کاروائی عمل میں لائی جائے گی۔

کوٹ مبارک،باغی ٹی وی(نامہ نگار امداداللہ تھہیم)ڈی ایس اپی صدر سرکل حماد نبی اور ایس ایچ او کوٹ مبارک ارشد سیال نے محرم الحرام کے انتظامات کے حوالے سے میڈیا سے مشترکہ گفتگو کرتے ہوئے کہا کہ سیکیورٹی کے حوالے سے سخت انتظامات کیے گئے ہیں اور پولیس موبائل ،ایلیٹ فورس و دیگر خفیہ ادارے اور سیکیورٹی ادارے بھی متحرک ہیں ۔

خاص کر پیر عادل ،لاڈن شہر ،شاہ صدر دین ، کالا شہر ،شادن لنڈ ،یارو کھوسہ وغیرہ میں انتظامات مکمل ہیں ۔کسی بھی شخص کو قانون ہاتھ میں لینے کہ اجازت نہیں ہے ۔جہاں پر مجالس ،جلوس یا دیگر تقریبا منعقد ہونگے ان کی فول پروف سیکیورٹی ہوگی جبکہ روڈز و دیگر مقامات پر چیکنگ کے انتظامات بھی ہے ۔

شہریوں سے التماس ہے کہ ہم سب مسلمان ہیں اور یہ دن شہدائے کربلا ،اہل بیت اور اللہ کے نبی کی آل کی قربانیوں کو خروج تحسین پیش کرنا اور ظلم و جبر کے خلاف برسرپیکار رہ کر اپنے دین کی سربلندی اور بقا کے لیےکربلا کا واقعہ ہوا۔

اہل بیت نے اللہ کے دین اور نبی کی پیروی کرتے ہوئے اپنی جانوں کے نذرانے پیش کیے ۔

ہمیں عقیدت و احترام سے یہ ایام منانے چاہیں اور تفرقہ بازی اور دہشت گردی کے خلاف مل جل کر لڑنا چاہیے ۔ کسی بھی مشکوک شخص کو دیکھیں تو فورا ہم سے یا پولیس لائن کے نمبر پر رابطہ کریں اور پاکستان کا اچھی شہری ہونے کا ثبوت دیں ۔

ڈیرہ غازی خان، باغی ٹی وی( نیوز رپورٹرشاہد خان )عبداللہ ٹاؤن میں شرابی کا ڈرنک کارنرپر دھاوا،ہاتھاپائی،توڑپھوڑ،15کال اٹینڈ نہ ہوئی،متاثرہ کی حکام بالا سے دُہائی

تفصیل کے مطابق ڈیرہ غازی خان میں عبداللہ ٹاؤن کالونی میں کاشف ڈرنک کارنر پر وقاص نامی لڑکے نے شراب کے نشے میں دھت ہو کر دکان پر غل غپاڑہ کیااور دکان میں شدید توڑ پھوڑبھی کی اور دکان کے مالک کاشف کے ساتھ ہاتھا پائی کی اور دکان سے مدعی کاشف کے مطابق 30000 روپے کی رقم لڑائی کے دوران اٹھا کر لے گیا

ڈرنک کارنرکے مالک کاشف نے کئی بار 15 پر کال کی لیکن کوئی ریسپانس نہیں ملا ، ڈرنک کارنرکے مالک کاشف نے DPO ڈیرہ غازیخان سید علی سے اپیل کی ہے کے ایسے شر پسند عناصر کے خلاف سخت سے سخت کارروائی عمل میں لائی جاۓ اور وقاص نامی شخص کو حراست میں لے کر اس کے نقصان کا ازالہ کیا جائے

دوسری طرف ذرائع کابتانا ہے کہ مطابق عبداللہ ٹاؤن کالونی میں اس وقت شراب کا دھندہ عروج پر ہے جس سے نوجوان نسل کا مستقبل تباہ ہو رہا ہے

مقامی لوگوں نے DPO سید علی اپیل کی ہے خدارا تھانہ صدر پولیس سے ایسے لوگوں کے خلاف سخت کارروائی عمل میں لائی جائے تاکہ نوجوان نسل کا مستقبل برباد ہونے سے بچ سکے.

ڈیرہ غازیخان (باغی ٹی وی رپورٹ)پراونشل ڈیزاسٹرمینجمنٹ اتھارٹی (پی ڈی ایم اے) نے 8 اور 9 محرم الحرام کو ڈیرہ غازی خان کے پہاڑی علاقوں میں طغیانی کا خدشہ اور پنجاب بھر میں طوفانی بارشوں کا الرٹ جاری کردیا ہے

ترجمان پی ڈی ایم اے کا کہنا ہے کہ پنجاب کے مختلف اضلاع میں آج رات بھی شدید بارشوں کا امکان ہے۔پی ڈی ایم اے ترجمان نے ہدایت کی ہے کہ محرم الحرام کے جلوسوں کی انتظامیہ موسمی شدت کو مدنظر رکھ کرحفاظتی تدابیراختیارکرے، بجلی کے کھمبوں اور تاروں سے فاصلہ رکھیں اور خستہ حال چھتوں کے اوپر محافل کے انعقاد سے گریز کیا جائے، دریاؤں، ندی نالوں کی کراسنگ سے ممکنہ حد تک گریز کریں۔

ڈی جی پی ڈی ایم اے عرفان علی نے ڈیرہ غازی خان کے پہاڑی علاقوں میں طغیانی کا خدشہ ظاہر کرتے ہوئے ہدایت کی ہے کہ 8 اور 9 محرم الحرام کو ریسکیو ادارے خاص طور پر الرٹ رہیں۔

یاد رہے پنجاب میں جمعے کے دن ہونے والی طوفانی بارشوں میں ایک درجن سے زائد افراد جاں بحق ہوئے تھے۔

ڈیرہ غازیخان (باغی ٹی وی رپورٹ)حکومت پنجاب کے احکامات کی روشنی میں ڈیرہ غازیخان کے سیلابی علاقوں میں ریلیف کے کام بدستور جاری ہے،تفصیلات کے مطابق گزشتہ روز کوہ سلیمان کے پہاڑی علاقوں میں بارشوں اور رود کوہیوں میں طغیانی سے ضلع ڈیرہ غازیخان کے نواحی علاقوں میں ریلیف کے کاموں میں تیزی آگئی ہے،نالہ وڈرو اور سائفن میں پانی کا فلو سب سے زیادہ تھا،تازہ ترین صورتحال کے مطابق رودکوہیوں کا پانی روٹین کے مطابق دریائے سندھ میں شامل ہوچکا ہے۔

کمشنر ڈاکٹر ناصر محمود بشیر اور ڈپٹی کمشنر مہر شاہد زمان لک کی زیرنگرانی ریلیف کے کاموں کو تسلسل کے ساتھ پایہ تکمیل تک پہنچایا جارہا ہے،وڈور سائفن کے اطراف میں پڑنے والے شگافوں کو بھاری مشینری کی مدد سے پر کیا جارہا ہے۔اس حوالے سے ممبر قومی اسمبلی عبدالقادر خان کھوسہ ، ایڈیشنل ڈپٹی کمشنر ریونیو اور ضلعی فوکل پرسن برائے فلڈ تیمور عثمان تارڑ نے وڈور سائفن کا دورہ کیا .

انہوں نے بتایا کہ متاثرین سیلاب کیلئے ہر ممکن اقدامات کو یقینی بنانے کیلئے ضلعی انتظامیہ الرٹ ہے،سوری لنڈ،ڈی جی کینال اور آر ڈی144 سے پانی کا فلو ممکن بنایا گیا ہے،اے ڈی سی آر نے بتایا کہ ضلع بھر میں رودکوہیوں کا پانی دریائے سندھ میں جاچکا ہے، ندی نالوں میں تاحال کسی قسم کی سیلابی صورتحال نہیں ہے،ہم حکومت پنجاب کی ہدایات کی روشنی میں سیلاب متاثرہ علاقوں میں امدادی کام جاری رکھے ہوئے ہیں تاکہ مزید بارشوں کی تباہ کاریوں سے بچا جا سکے،

انہوں نے بتایا کہ متاثرہ علاقوں میں تمام محکموں کے افسران اور سٹاف ہمہ وقت الرٹ ہے،متاثرین کو موقع پر تمام تر سہولیات فراہم کررہے ہیں،چٹ سرکانی کے علاقہ بستی شہانی سمیت دیگر نواحی بستیوں میں ضلعی انتظامیہ،پی ڈی ایم اے اور اپنی مدد آپ کے تحت امدادی کام جاری رکھیں گے،ریلیف کیمپس میں ادویات سمیت ضروری سامان وافر مقدار میں موجود ہے۔

دوسری طرف پر سیلاب متاثرین کی ہر ممکن امداد کیلئے انتظامی افسران نے رات فیلڈ میں گزاری۔کمشنر ڈاکٹر ناصر محمود بشیر نے آر پی او کیپٹن ریٹائرڈ سجاد حسن خان کے ہمراہ ڈی جی خان کے سیلاب سے متاثرہ علاقوں کے ہنگامی دورے کیے۔رود کوہی وڈور کے سیلاب متاثرین کیلئے قائم گورنمنٹ بوائز ہائی سکول لوہار والا کے کیمپ کا دورہ کیا۔ڈپٹی کمشنر مہر شاہد زمان لک،ڈی پی او سید علی اور دیگر افسران موجود تھے۔کمشنر نے فلڈ ریلیف کیمپ میں سہولیات کا جائزہ لیا۔

ایکسیئن انہار رانا منور اقبال نے سیلابی پانی کی آمد اور فلو بارے بریفنگ دی۔کمشنر ڈاکٹر ناصر محمود بشیر نے کہا کہ سیلاب متاثرین حکومت پنجاب کے مہمان ہیں۔ان کی سہولیات کا ہرممکن خیال رکھا جائے۔وزیر اعلیٰ پنجاب مریم نواز شریف کی ہدایت پر ریلیف کیمپس میں سہولیات کو یقینی بنارہے ہیں ۔متاثرین کیلئے فلڈ ریلیف کیمپس تک رسائی کو آسان ترین بنایا جائے۔متاثرین کی تعداد کے مطابق سہولیات میں بھی بدستور اضافہ کیا جائے ۔

کمشنر ڈاکٹر ناصر محمود بشیر نے کہا کہ ڈویژن بھر کی انتظامیہ قدرتی آفت سے نمٹنے کیلئے الرٹ ہے۔مشکل حالات میں جانفشانی سے کام کرنیوالے افسران و ملازمین شاباش کے مستحق ہیں۔

آر پی او کیپٹن ریٹائرڈ سجاد حسن خان نے کہا کہ فلڈ ریلیف کیمپس اور سیلاب سے متاثرہ علاقوں میں سکیورٹی کے بہتر انتظامات کیے جائیں۔مشکل وقت میں گھرے فلڈ متاثرین کے جان ومال کے تحفظ کو یقینی بنائیں گے۔اس موقع پر پی اے محمد اسد چانڈیہ،اے سی تیمور عثمان،کوآرڈینیٹر پی ڈی ایم اے عرفان سیال ودیگر افسران بھی ہمراہ تھے۔

ادھر سٹی ٹریفک پولیس ڈیرہ غازیخان کی جانب سے فلڈ خطرات کے پیش نظر ہنگامی حالات سے نمٹنے کے لیے ٹریفک پولیس ملازمین کا دستہ متحرک ہے ، ڈسٹرکٹ ٹریفک پولیس آفیسر امتیاز احمد چنگوانی کی سربراہی میں دستے نے بمقام چٹ سرکانی، چوٹی زیرین، لوہار والا، ریسکیو کے اہلکاروں نے لوگوں کو مدد فراہم کی۔

ڈسٹرکٹ ٹریفک پولیس آ فیسر امتیاز چنگوانی کا کہنا ہے کہ سٹی ٹریفک پولیس یمرجنسی فلڈ جیسے ہنگامی حالات سے نمٹنے کے لیے ہمہ وقت تیار ہے .

ڈیرہ غازیخان،باغی ٹی وی (سٹی رپورٹرجواداکبر)ڈی جی خان ضلع کے سیلابی علاقوں میں پولیس کی نفری تعینات،عوام اور ان کے مال مویشی سمیت دیگر سامان محفوظ مقام پر منتقل کرنے کا سلسلہ جاری ،

تفصیلات کے مطابق ضلع ڈی جی خان کی ریونیو حدود میں تھانہ گدائی کے علاقوں چٹ ڈگر،پائیگاں،تھانہ چوٹی کے علاقوں چٹ سرکانی،چاہ جھلدرای،معموری جبکہ تھانہ سٹی تونسہ میں بیٹ جھٹ لغاری میں آنے والے سیلاب کے بعد آئی جی پنجاب ڈاکٹر عثمان انور کے احکامات کی تعمیل میں ڈی پی او سید علی نے 2 سو کے قریب پولیس اہلکاروں کو سول انتظامیہ کے ساتھ عوام کو محفوظ مقامات پر پہنچانے کے لئے تعینات کر دیا ہے ،

متعلقہ ڈی ایس پیز اس عمل کی نگرانی جبکہ ڈی پی او مکمل مانیٹرنگ کریں گے،ڈی پی او سید علی کا کہنا ہے کہ پولیس عوام کی خادم ہے،مشکل وقت میں پولیس عوام کو کسی صورت تنہا نہیں چھوڑیں گے،ان کا کہنا تھا کہ ضلع بھر میں پولیس اہلکاروں کی چھٹیاں منسوخ ہیں،

ضلع بھر کی پولیسں کے تمام آفیسرز اور اہلکار محرم الحرام کی سیکورٹی ڈیوٹی اور فلڈ ڈیوٹی میں مصروف ہیں جن کی کارکردگی کو جدید سائنسی ٹیکنالوجی کی مدد سے مانیٹر کیا جا رہا ہے

ڈیرہ غازیخان(باغی ٹی وی رپورٹ)موسلادھاربارش ،ہرطرف پانی ہی پانی ،پہاڑی ندی نالوں میں طغیانی کاخطرہ

تفصیلات کے مطابق گذشتہ روزشام5:30 بجے آنے والی طوفانی بارش نے ہرطرف جل تھل کردی ،کھیت پانی سے بھر ،شہرکی سڑکیں ندی نالوں کامنظر پیش کرنے لگیں ،تیزہواؤں کے ساتھ موسلادھاربارش تقریباََ پونے دو گھنٹے بغیر کسی وقفے کے برستی رہی ،اس کے بعد رات بھر بارش کا سلسلہ وقفے وقفے سے جاری رہا ہے ،اس طوفانی بارش سے بجلی کانظام درہم برہم ہوگیا

دوسری طرف پی ڈی ایم اے پنجاب نے رودکوہیوں میں سیلابی وارننگ جا ری کر دی۔ کوہ سلیمان کے پہاڑی علاقوں میں موسلا دھار بارش کےباعث درمیانے درجے کی سیلابی صورتحال بن سکتی ہے۔

کمشنر ڈیرہ غازی خان اور ڈپٹی کمشنرز ڈیرہ غازی خان ، کوٹ ادو، راجن پورمظفر گڑھ اورلیہ کو الرٹ جاری کردیا گیا۔

ترجمان کے مطابق 12 سے 13 جولائی کے درمیان ڈیرہ غازی خان کی رود کوہیوں میں درمیانے درجے کےسیلابی ریلے گزریں گے ۔رود کوہیوں میں بارشوں کےباعث پانی کےبہاؤ میں اضافہ ہوا ہے۔

ڈی جی پی ڈی ایم اے نے ممکنہ سیلابی ریلے کےپیشِ نظرحفاظتی اقدامات تیزکرنے کی ہدایات کرتے ہوئے کہا کہ رود کوہیوں کے راستوں میں قائم آبادیوں کو محفوظ مقامات پر منتقل کیا جائے۔

حکومت پنجاب علاقہ مکینوں اور مال مویشیوں کا پوری طرح سے خیال رکھے گی۔ممکنہ سیلابی صورتحال سے نمٹنے کیلئے پیشگی انتظامات مکمل ہیں۔

ڈیرہ غازیخان(باغی ٹی وی رپورٹ)عورت کا ناک کاٹنے کامعاملہ ،صحافی کے خلاف درج جھوٹی ایف آئی آر خارج نہ ہوسکی

تفصیلات کے مطابق 19جون کو شاہ صدر دین کے مقامی صحافی نے عورت کاناک کاٹنے کی ایک خبربریک کی تھی،جسے پولیس نے جھوٹ قراردیکر صحافی کیخلاف مقدمہ درج کردیا تھاااور اسے مختلف ذرائع سے دباؤ میں لاکر خبرڈیلیٹ کروانے کیلئے ہراساں کیاگیا،

صحافی جاوید صدیقی پر درج کی گئی ایف آئی آر کے متن میں کہا گیا کہ جاوید صدیقی نے سوشل میڈیا پر کہا تھا کہ شاہ صدر دین میں ذرائع کے مطابق دو روز قبل دو خواتین ( شہراں بی بی ، سلمی بی بی) کی ناک کاٹ دی گئی اور پولیس کی طرف سے کوئی کارروائی نہیں کی گئی ۔ پولیس نے تحقیقات کیں اور ان خواتین سے رابطہ کیا تو انہوں نے واقعہ کی تردید کی،جھوٹی خبر پھیلانے پر صحافی جاوید صدیقی پر مقدمہ درج کیا جائے۔

جب خاتون کے ناک کاٹنے کی کوشش کرنے کی ویڈیو منظر عام پر آئی تو نیشنل کمیشن فار ہیومن رائٹس نے نوٹس لیاتوڈی پی او کے حکم پر پولیس نےاسی وقوعہ کی ایف آئی آر 6جولائی کو درج کر کے ایک ملزم کوبھی گرفتار کرلیاجسے پولیس19جون کو جھوٹ اور من گھڑت قراردیکر ٹیلی گراف ایکٹ تحت صحافی کو سبق سکھانے کیلئے اس کے خلاف جھوٹی ایف آئی آر درج کی تھی۔

صحافی جاوید صدیقی نے باغی ٹی وی سے فون پر بات کرتے ہوئے کہنا تھا کہ یہ واقعہ عید الاضحی سے دو یا تین دن روز قبل پیش آیا ، مجھے میرے سورس نے خبر دی اور میں نے خبر فیس بک پر شیئر کی ۔ جس کے بعد ایس ایچ او شاہ صدر دین نے کال کر کے مجھے کہا کہ آپ کی خبر جھوٹی ہے پوسٹ ڈیلیٹ کریں ورنہ آپ کے خلاف کارروائی کی جائے گی، میں اپنی خبر پر قائم رہااور میں نے تمام ثبوت بھی ان کے حوالے کئے ، لیکن پولیس والے مبینہ طور ملزمان سے پیسے لے کر ڈیل کر چکے تھے۔ اور ان کے خلاف کارروائی کرنے کی بجائے میرے اوپر ہی مقدمہ درج کر دیا گیا اور ملزمان کو چھوڑ دیا گیا۔

صحافی جاوید صدیقی کاکہنا تھا کہ پولیس نے میری خبرکو جھوٹ ثابت کرنے کیلئے خواتین کا ویڈیو بیان جاری کرایا جس میں ان کا کہنا تھا کہ ان کے ساتھ اس قسم کا کوئی واقعہ پیش ہی نہیں آیا اور خبر جھوٹی اورجعلی ہے۔

یہ بھی پڑھیں
ڈیرہ غازیخان : خاتون کی ناک کاٹنے کے واقعہ پر ہیومن رائٹس پاکستان کی طرف سے ڈی پی او سے3 دن میں رپورٹ طلب

قصور:صحافی کوہراساں کرنے کامعاملہ،پولیس ملازمین طلب ،کارروائی کا آغازہوگیا

قصورپولیس نے کیا صحافی کو ہراساں،اپنا تعارف نہ کراؤ،صحافیوں کی اوقات جانتے ہیں ،یہ بلیک میل کرتے ہیں

خاتون کے ناک کاٹنے کی ویڈیو منظرعام پر آنے کے بعدشاہ صدر دین پولیس نے شہراں بی بی کی مدعیت میں مقدمہ درج کرلیااس درج کئے گئے مقدمہ کی ایف آئی آر کے متن کے مطابق شہراں بی بی کی چھوٹی بہن سلمی بی بی کو ظفر لاشاری، صفدر اور دو نامعلوم افراد اغوا کر کے نامعلوم مقام پر لے کر گئے اور دوستی نہ قائم کرنے پر چھری سے ناک کاٹنے اور ڈرانے دھمکانے کی کوشش کی اور ویڈیو بنائی، ایف آئی آر میں کہا گیا کہ واقعہ سات سے آٹھ ماہ پہلے کا تھا اور سلمی بی بی خوف کی وجہ سے چپ رہی اور بالآخر پریشانی کا عالم برداشت نہ کر سکی اور واقعہ بیان کر دیا۔

جبکہ اب صحافی جاوید صدیقی کی خبرثبوتوں کے ساتھ سچ ثابت ہوچکی ہے ،جھوٹی ایف آئی آردرج کرکے مختلف ذرائع سے صحافی کو ہراساں کرنے پر پولیس نے نہ تومعافی مانگی ہے اور نہ ہی درج کی گئی جھوٹی ایف آئی آر خارج کی ہے

عوامی وسماجی حلقوں اورصحافتی تنظیموں کے نمائندوں کاکہنا ہے پولیس کے مطابق جب یہ وقوعہ ہوا ہی نہیں تھا تو پھراس کا مقدمہ کیوں درج کیا گیا اورپھر ملزم کوبھی گرفتار کرلیاگیا،اُس وقت پولیس نے تحقیق کرنے کی بجائے خبربریک کرنے والے صحافی پرجھوٹی ایف آئی آر درج کر کے معاملے کودبانے کی کوشش کی اور پولیس کے ذمہ داران نے حقائق کو چھپاکرڈی پی او ڈیرہ غازیخان اورپولیس کے دیگرآفیسران کی آنکھوں میں دھول جھونک دی اورانہیں گمراہ کیا،اس سارے معاملے پر ڈی پی او ڈیرہ غازیخان ملوث عناصر کے خلاف فوری ایکشن لیں اور صحافی کیخلاف درج کی گئی جھوٹی ایف آئی آرفوری خارج کرنے کاحکم دیں۔