Category: ڈیرہ غازی خان

ڈیرہ غازیخان باغی ٹی وی (نیوز رپورٹر شاہد خان )غازی یونیورسٹی ڈیرہ غازی خان میں وائس چانسلر پروفیسر ڈاکٹر محمد علی کی ہدایت پر چیف سکیورٹی آفیسر لیفٹیننٹ کرنل ریٹائرڈ اشفاق احمد نے ڈسٹرکٹ پولیس آفیسر کے تعاون سے یونیورسٹی کے سکیورٹی سٹاف کی دو روزہ تربیت کا انعقاد کیا۔

تربیتی پروگرام کے دوران سکیورٹی سٹاف بشمول لیڈیز گارڈ کو پولیس لائینزمیں ایلیٹ سکواڈ نے سکیورٹی ڈرل پروسیجر اور کسی بھی ہنگامی صورت حال سے نمٹنے سے متعلق تربیت دی۔ سیکورٹی سٹاف کو پولیس لائنز کے رینج ایریا میں مختلف ہتھیاروں سے فائرنگ کی مشق بھی کروائی گئی۔

اے ایس آئی اللہ نواز خان اور ان کی ٹیم صوبیدار ریٹائرڈ بشیر احمد، انسپکٹر راشد، انسپکٹر علی رضا اور ٹیکنیشن محمد اسلم نے ٹریننگ میں اہم کردار ادا کیا۔

چیف سیکورٹی آفیسراشفاق احمد نے رجسٹرار ڈاکٹر عابد محمود علوی، ڈسٹرکٹ پولیس آفیسرلیفٹیننٹ ریٹائرڈ احمد محی الدین، اور کنوینر سیکورٹی کمیٹی پروفیسر ڈاکٹر سہیل عباس خان کا شکریہ ادا کیا.

ڈیرہ غازیخان(نامہ نگار) انسداد پولیو کی قومی مہم کا افتتاح کردیا گیا۔ڈپٹی کمشنر مہر شاہد زمان لک نے ڈی سی آفس میں انسداد پولیو مہم کاافتتاح کیا۔
ضلع ڈیرہ غازیخان میں انسداد پولیو مہم26فروری تایکم مارچ تک جاری رہے گی۔ضلع میں8لاکھ562بچوں کو پولیو کے حفاظتی قطرے پلائےجائینگے

ڈپٹی کمشنر نے پانچ سال سے کم عمر بچوں کو پولیو کے حفاظتی قطرے پلائے اور انکی فنگر مارکنگ بھی کی۔افتتاحی تقریب میں ایڈیشنل ڈپٹی کمشنر ریونیو میاں رضوان نذیر،پولیٹیکل اسسٹنٹ محمد اسد چانڈیہ،سی ای او ہیلتھ ڈاکٹرادریس لغاری،ڈی ایچ او ڈاکٹر اطہر سکھانی،ڈی ایس وی عطاء اللہ ساجد،یونیسف،ڈبلیو ایچ او کےنمائندوں ودیگر افسران شریک تھے۔

ڈپٹی کمشنر مہر شاہد زمان لک نے افتتاحی تقریب سے خطاب کرتے ہوئے کہا کہ حکومت پنجاب کی ہدایت پر انسداد پولیو مہم کو کامیاب بنائینگے،ضلعی انتظامیہ،ہیلتھ اور الائیڈ محکمے الرٹ ہیں،والدین اپنے بچوں کو پولیو کے حفاظتی قطرے ضرور پلوائیں،

ڈپٹی کمشنر نے کہا کہ سرحدی علاقوں میں بھی انسداد پولیو مہم پر خصوصی توجہ دی جارہی ہے،پولیو ٹیموں اور ورکرز کو بھرپور سکیورٹی فراہم کررہے ہیں،

پولیو مہم قومی کاز ہے،کوتاہی برداشت نہیں کریں گے،میں اور میرے افسران فیلڈ میں پولیو ورکرز کی ورکنگ کا جائزہ لینگے۔تقریب میں ایڈیشنل ڈپٹی کمشنر ریونیو میاں رضوان نذیر نے بھی بچوں کو حفاظتی پلائے۔

ڈیرہ غازیخان (ڈاکٹرغلام مصطفیٰ بڈانی سے)روڈ ا سکیم میں ریجنل ورکنگ جرنلسٹ کو پلاٹوں سے محروم رکھنا بہت بڑی ناانصافی ہے ۔پاک انٹرنیشنل میڈیاکونسل

نگران وزیراعلیٰ محسن نقوی کے علاوہ سابق وزیراعلیٰ عثمان بزدار،سابق وزیراعلیٰ چوہدری پرویزالٰہی نے بھی ڈویژنل سطح پر صحافی کالونیاں بنانے کا اعلان کیا تھا ،نئی پنجاب حکوت کی نامزدوزیراعلیٰ محترمہ مریم نوازشریف ریجنل ورکنگ جرنلسٹ کی محرومیوں کاازالہ کرتے ہوئے ڈویژنل سطح پر فوری طورپر صحافی کالونیاں بنانے کیلئے عملی اقدامات کااعلان کریں ۔منظورخان لغاری ڈویژنل صدرپاک انٹرنیشنل میڈیاکونسل

تفصیل کے مطابق ڈیرہ غازیخان میں پاک انٹرنیشنل میڈیاکونسل کا اجلاس ڈویژنل صدر منظورخان لغاری کی زیرصدارت منعقد ہوا ،اجلاس میں نائب صدر سائوتھ پنجاب چوہدری شکیل احمد خصوصی طور پر شریک ہوئے ،ان کے علاوہ ڈویژنل جنرل سیکرٹری حاجی محمدسعید گندی،ضلعی صدر پاک انٹرنیشنل میڈیاکونسل ڈاکٹرغلام مصطفی بڈانی ،جنرل سیکرٹری شہزادخان یوسفزئی،سیکرٹری اطلاعات شاہدعمران گاڈی،شہزادخان باکھری اورقیصرباپا سمیت دیگر ممبران نے شرکت کی۔

اجلاس میں ڈویژنل صدرپاک انٹرنیشنل میڈیاکونسل منظورلغاری نے کہا کہ نگران وزیراعلیٰ محسن نقوی کی طرف سے میڈیا کمیونٹی کے لیے لاہور میں 200 ایکڑ پر مشتمل رہائشی منصوبہ شروع کرنے کا حتمی اعلان کیا گیا تھاجس میں پنجاب بھر میں صحافیوں کو 3300 پلاٹس آسان اقساط پر دیے جانے تھے،اس سکیم میں راوی اربن ڈویلوپمنٹ کی جانب سے صحافیوں کو دیئے گئے پلاٹوںکی بندر بانٹ پربات نہیں کریں گے بلکہ ہم یہ بات ببانگ دہل کہیں کہ روڈ ا سکیم میں ریجنل ورکنگ جرنلسٹ کو پلاٹوں سے محروم رکھنا بہت بڑی ناانصافی ہے جس پر ہم آنکھیں بند کرکے خاموش نہیں بیٹھیں گے۔

اجلاس میں یہ بھی بتایا گیا کہ پنجاب میں جوبھی حکمران یا وزیراعلیٰ آیا اس نے صرف کھوکھلے وعدے اور بیانات دے کر ریجنل ورکنگ جرنلسٹ کو لولی پاپ دیا ،جس کی ہم بھر پورمذمت کرتے ہیں

اجلاس میں بتایاگیا کہ 20 دسمبر2019کوسابق وزیراعلیٰ عثمان بزدار نے ڈیرہ غازیخان سمیت پنجاب کے تمام ڈویژنز میں صحافی کالونیاں دینے کااعلان کیا تھااوراسی طرح 10دسمبر2022کو سابق وزیراعلیٰ پنجاب چوہدری پرویزالٰہی نے بھی نے صحافیوں کیلئے بڑے تحفہ کا اعلان کرتے ہوئے لاہو رمیں صحافی کالونی فیزII کے لئے زمین الاٹ کرنے کی منظوری دی تھی،جوابھی تک صرف منظوری ہی ہے ،

اس موقع پر پاک انٹرنیشنل میڈیا کونسل کے ڈویژنل صدر منظور خان لغاری نے گفتگو کرتے ہوئے کہنا تھا کہ نگران حکومت کا ریجنل صحافیوں کو نظر انداز کرنا قابل مذمت ہے،،نئی پنجاب حکوت کی نامزدوزیراعلیٰ محترمہ مریم نوازشریف ریجنل ورکنگ جرنلسٹ کی محرومیوں کاازالہ کرتے ہوئے ڈویژنل سطح پر فوری طورپر صحافی کالونیاں بنانے کیلئے عملی اقدامات کااعلان کریں۔

آخرمیں پاک انٹرنیشل میڈیاکونسل کی مرکزی قیادت اور خاص طورپرسینئرصحافی و مرکزی صدر جاویدفخری کے ساتھ شانہ بشانہ صحافیوں کی فلاح وبہبود اوراورعملی اقدامات کیلئے بھرپورکوششیں جاری رکھنے پر اتفاق کیا گیا۔

ڈیرہ غازیخان،باغی ٹی وی (سٹی رپورٹرجواداکبر) جشن بہاراں روایتی اور پرجوش انداز میں منانے کا فیصلہ کیا گیا ہے،یکم تا 8مارچ کے دوران پارکوں
میں رنگ بکھریں گے۔لطف سے بھرپور رنگ برنگی محفلیں سجیں گی،موسیقی کا بھی اہتمام ہوگا۔پھولوں کی نمائش ہوگی،سٹالز لگائے جائینگے،
روایتی و ثقافتی ملبوسات کی نمائش ہوگی۔ڈیرہ غازیخان کے باسیوں کو تفریح کے بھرپور مواقع فراہم کئے جائینگے۔

جشن بہاراں کے حوالے سے اجلاس ڈپٹی کمشنر آفس میں منعقد ہوا،ایڈیشنل ڈپٹی کمشنر ریونیو میاں رضوان نذیر نے صدارت کی۔اجلاس میں ایڈیشنل ڈپٹی کمشنر جنرل غلام مصطفی سیہڑ،ڈی جی پی ایچ اے قدسیہ ناز،سی ڈی او رب نواز،ڈی ای او احمد کمال،ڈپٹی ڈائریکٹر ذوالقرنین حیدر،ڈائریکٹر آرٹس کونسل نعیم اللہ طفیل،عمر فاروق،افسر شاہ، سیف اللہ سیرانی ودیگر افسران موجود تھے۔ڈی جی پی ایچ اےقدسیہ ناز نے پروگرامز بارے تفصیلی بریفنگ دی۔

ایڈیشنل ڈپٹی کمشنر ریونیو میاں رضوان نذیر نے کہا کہ حکومت پنجاب کی ہدایت پر ڈیرہ غازیخان میں جشن بہاراں پرجوش انداز میں منایا جائیگا۔ہمارے خطہ میں موسم بہار خوشیوں کا باعث ہوتا ہے،جشن بہاراں میں ڈیرہ غازیخاں کے شہریوں کو تفریحی مواقع میسر ہونگے،ثقافتی اور روایتی تہذیب و تمدن کو اجاگر کیا جائیگا،میاں رضوان نذیر نے کہابچوں کیلئے جھولوں،نوجوانوں کیلئے کھیلوں،فیمیلیز کیلئے محفل موسیقی کا اہتمام ہوگا،

جشن بہاراں کے پروگراموں میں جدت کیلئے تجاویز پر غور کیا جائیگا،تفریحی،رنگا رنگ اور روایتی پروگراموں سے پنجاب کے ثقافت کی عکاسی کی جائیگی،انہوں نے کہا کہ شہریوں کی پسند کو ملحوظ خاطر رکھ کر پروگرامز تشکیل دیئے جائیں،دلچسب،پسندیدہ محافل کے انعقاد کیلئے بھرپور وسائل فراہم کئے جائینگے،فائنل پروگراموں کیلئےمشاورت کا عمل جاری رہے گا،تمام محکمے سٹالز لگانے کیلئے پارکس اینڈ ہارٹیکلچر اتھارٹی سے تعاون کریں۔

اجلاس میں تفریحی پروگرامز،سٹالز لگانے بارے تفصیلی غور بھی کیا گیا۔

ڈیرہ غازیخان،باغی ٹی وی(نیوزرپورٹرشاہدخان)صوبائی محتسب پنجاب نے تمام صوبائی محکمہ جات کے ملازمین کی سرکاری خدمات میں بدانتظامی،لاپرواہی، کرپشن کی شکایات پرعوام کی داد رسی کیلئے دورانیہ کم کر کے 30سے 40دن کر دیاہے

اس سلسلے میں بغیر کسی فیس کے آن لائن اور بذریعہ ڈاک درخواست دی جاسکتی ہے جبکہ 1050ہیلپ لا ئن کے علاوہ دفتر صوبائی محتسب بلاک 41، نزد غازی پارک ڈیرہ غازیخان سے بھی رابطہ کیا جاسکتا ہے.

شکایت کنندہ کو بذریعہ ایس ایم ایس کارروائی سے آگاہ بھی رکھا جائے گا.

دفتر صوبائی محتسب ڈیرہ غازیخان کی طرف سے زندگی کے مختلف شعبوں سے تعلق رکھنے والے افراد میں پمفلٹس تقسیم کیے گئے اور ادارہ کی سروسز بارے آگاہی بھی دی گئی.

ڈیرہ غازیخان،باغی ٹی وی (نامہ نگارشہزادخان)ڈیرہ غازیخان کے اریگیشن چینلز میں پانی کی سپلائی اور ڈی سلٹنگ بارے اہم اجلاس ڈپٹی کمشنر مہر شاہد زمان لک کی زیرصدارت کمیٹی روم میں منعقد ہوا۔

اجلاس میں ڈپٹی ڈائریکٹر ڈویلپمنٹ امیرمسلم،ڈپٹی ڈائریکٹر معدنیات علی گوہر سمیت متعلقہ افسران نے شرکت کی۔اس موقع پر نہروں اور آبی گزر گاہوں میں بھل صفائی اور ڈی ڈی سلٹنگ بارے بریفنگ بھی دی گئی۔

ڈپٹی کمشنر مہر شاہد زمان لک نے خطاب کرتے ہوئے کہا کہ حکومت پنجاب کسانوں کے معاملات کو آسان بنارہی ہے،ڈی سلٹنگ کے عمل سے کسانوں کو ٹیل تک پانی میسر آئے گا اور وہ اپنی اجناس کی بہتر پیداوار بھی لے سکیں گے،

انہوں نے کہا کہ ضلع ڈیرہ غازیخان کے آبی گزر گاہوں میں ڈی سلٹنگ کا عمل تیزی سے جاری ہے،فیلڈ میں ٹیمیں موجود ہیں،کسانوں کو ریلیف فراہمی کا عمل جاری رہے گا۔

ڈیرہ غازیخان،باغی ٹی وی (سٹی رپورٹرجواداکبر) ڈیرہ غازی خان ڈویژن میں 26 فروری سے شروع ہونے والی قومی پولیو مہم کی سخت نگرانی کا فیصلہ کیاگیا ہے ہر ٹارگٹ بچہ تک رسائی حاصل کرکے پولیو کی حفاظتی ویکسین پلائی جائے گی۔

کمشنر ڈاکٹر ناصر محمود بشیر نے ویڈیو لنک اجلاس کی صدارت کرتے ہوئے ڈپٹی کمشنرز اور متعلقہ افسران کو ہدایات جاری کردیں۔انہوں نے کہا کہ بچوں سے ملک کا مستقبل وابستہ ہے۔پولیو ویکسین پلا کر بچوں کو عمر بھر کی معذوری سے بچایا جائے۔

کمشنر نے کہا کہ بارڈرایریا،پہاڑ،دریا اور وسیع و عریض میدانی علاقہ ہونے کی وجہ سے ڈی جی خان انتہائی چیلنجنگ ڈویژن ہے۔پولیو ٹیموں کو وسائل دینے کے ساتھ ان کی کارکردگی مانیٹر کی جائے۔بس اڈوں،مزارات اور عوامی مقامات کو خصوصی فوکس کیا جائے۔

صوبائی سرحدی راستوں کو سیل کرکے ہر بچہ کو پولیو کے قطرے پلا کر ڈویژن کی حدود میں داخل ہونے دیا جائے۔ٹیمیں مائیکرو پلان کے تحت کام کریں۔کوئی بھی بچہ پولیو کے قطروں سے محروم نہ رہے۔

ڈائریکٹر ہیلتھ سروسز ڈاکٹر ادریس لغاری نے یکم مارچ تک جاری رہنے والی پولیو مہم کے انتظامات پر بریفنگ دی۔

اجلاس میں ڈپٹی کمشنرز مہر شاہد زمان لک،خالد پرویز،ڈاکٹر منصور بلوچ،عثمان علی،منور عباس،ایڈیشنل کمشنر کوآرڈینیشن کریم بخش اور دیگر متعلقہ افسران شریک تھے۔

ڈیرہ غازیخان .بینظیرانکم سپورٹ پروگرام قسط کی متوقع آمد،ڈیوائس کے حصول کیلئے بولیاں،2 تک وصولی کاانکشاف،امدادی رقم کی آمد کاسن کر نوسر بازوں نے لنگوٹ کس لئے، زونل منیجرنسیم قیصرانی نے مظفر شہزاداور عمران کھوکھر کو اختیارات دیدیئے، فرنچائزر مظفر اور بی ڈی او عمران کھوکھر نے مانہ احمدانی درخواست جمال خان کے علاوہ دو درجن سے زائد احساس سنٹرز قائم کر لئے ڈائریکٹر اسٹنٹ، ڈائر یکٹر بھی مافیاء کے سامنے بے بس
عوامی سماجی حلقوں کا چیئر پرسن ڈائریکٹر جنرل سے فوری کارروائی کا مطالبہ

روزنامہ خبریں ملتان کے مطابق بینظیر انکم سپورٹ پروگرام کی جانب سے مستحق خواتین کو ملنے والی سہہ ماہی امدادی قسط کی رقوم تقسیم کرنے کیلئے 25 فروری کو آمد کی اطلاعات ہیں ، امدادی رقم کی آمد کا سن کر امدادی رقوم پر ڈاکہ مارنے اور ٹیکہ لگانے کیلئے متعدد نوسر بازوں نے لنگوٹ کس لئے ہیں ،

ایچ بی ایل مین برانچ ڈیرہ غازیخان میں تعینات ایک اہلکار نے اپنا نام نہ ظاہر کرنے کی شرط پر خبریں کو بتایا کی ایچ بی ایل کنڈیکٹ انچارج ڈیو ائسز زونل منیجرنسیم قیصرانی نے تحصیل کوٹ چھٹہ میں فرنچائز ر مظفر شہزاد عرف پنکی اور پی ڈی او عمران کھوکھر کو اپنے مکمل اختیارات دے رکھے ہیں

تحصیل کوٹ چھٹہ میں پہلے احساس سنٹرز کوٹ چھٹہ، چوٹی زیریں ،سخی سر ور، جکھڑامام شاہ و دیگر مقامات پر قائم تھے اور مذکورہ سنٹروں پر تقریبا چار درجن سے زائد ڈیو ائسز سابقہ تقسیم ہونے والی قسط پر ایک ایک لاکھ روپے وصول کر کے تقریبا پچاس لاکھ روپے وصول کر کے ڈیو ائسز دی تھیں، سہ ماہی قسط کی رقم کی زونل منیجر نسیم قیصرانی کی ملی بھگت سے فرنچایز ر مظفر اور بی ڈی او عمران کھوکھر نے مانہ احمدانی درخواست جمال خان کے علاوہ دو درجن سے زائد احساس سنٹرز قائم کر لیے ہیں، مزکورہ سنٹروں پر ڈیوائس حاصل کرنے کیلئے درجنوں افراد زونل منیجر نسیم قیصرانی کے پاس جانے کی بجائے انکے چہیتے کمائو پتر فرنچایز رمظفر شہزاد عرف پنکی اور بی ڈی او عمران کھوکھر کے ڈیروں پر پہنچ گئے،

ذرائع سے معلوم ہوا ہے کہ ڈیوائسز کی بولیاں لگتی رہیں ڈیٹرھ لاکھ سے دو لاکھ روپے تک فی ڈیواسز وصول کرنے کا انکشاف ہوا ہے اور یہ بھی بتایا گیا ہے کہ مذکورہ نئے قائم ہونے والے دو درجن سے زائد ڈیوائسز پر تقریبا پچاس لاکھ روپے وصول کر لینے کا انکشاف ہوا ہے
،
یہ بھی معلوم ہوا ہے کہ سابقہ امدادی رقوم کی تقسیم کے وقت زونل منیجر نسیم قیصرانی کی ملی بھگت سے بی ڈی او عمران کھوکھر کی سرپرستی میں جھوک روڈ پر قائم ملک موبائل سنٹر پر ڈیوائس ما لک لوکیشن توڑ کر ڈیوائس چلاتا رہا اور دو ہزار سے تین ہزار روپے کٹوتی کرنے کی اطلاعات ملتی رہیں کوٹ چھٹہ کے ایک متاثرہ شہری نے ڈائریکٹر بے نظیر انکم سپورٹ پروگرام کو بذریعہ فون کر کے صورتحال سے آگاہ کیا گیا مگر انہوں نے بھی چپ سادھ لی تھی

ڈائریکٹر اور اسسٹنٹ ڈائر یکٹر بھی مافیاء کے سامنے بے بس دکھائی دیتے ہیں عوامی و سماجی حلقوں کے علاوہ شہر یوں فدا حسین، رحم علی، عمران خان، نور الدین خان نے چیئر پرسن بے نظیر انکم سپورٹ پروگرام اسلام آباد ڈائریکٹر جنرل بے نظیر انکم سپورٹ پروگرام سے فوری
تحقیقات کر کے کارروائی کا مطالبہ کیا ہے