Category: ڈیرہ غازی خان

ڈیرہ غازیخان(باغی ٹی وی رپورٹ)چیئرمین پریس کلب بخت محمد خان کھوسہ کی مکہ مکرمہ میں امام کعبہ شیخ صالح بن حمید سے ملاقات

تفصیل کے مطابق سعودی عرب مکہ مکرمہ میں امام کعبہ شیخ صالح بن حمید سے ڈیرہ غازی خان پریس کلب کے چیئرمین بخت محمد خان کھوسہ انکے صاحبزادے عمران علی خان کھوسہ بھتیجے عزیز بختیار اور محمد یوسف سمیت عمیر بختیار کھوسہ کی ملاقات

دوران گفتگو امام کعبہ شیخ صالح بن حمید نے پاکستان سے سعودی گئے ہوئے عمرہ زائرین بخت کھوسہ و دیگر مہمانان کی عربی روایت کے مطابق قہوہ سے تواضع کی ۔

اس موقع پر خوشگوار ماحول پیدا ہوگیا اور امام کعبہ ننھے زائر عمیر بختیار کھوسہ کا ہاتھ پکڑ کر انہیں پیار کرتے رہے یاد رہے کہ 23 مارچ 2024 کو ڈیرہ غازی خان سے تعلق رکھنے والے چیئرمین پریس کلب بخت محمد خان کھوسہ اور انکے اہلخانہ عمرہ کی ادائیگی کے لئے سعودی عرب پہنچے جہاں پر وہ سب گذشتہ تین روز سے اللہ تعالی کے مہمان بنے ہوئے ہیں

گذشتہ روز چیئرمین پریس کلب ڈیرہ غازی خان بخت کھوسہ کی امام کعبہ شیخ صالح بن حمید سے انکے دوست شیخ سیف اللہ نے ملاقات کیلئے بعد تراویح وقت طے کیا اس دوران بخت محمد خان کھوسہ چیئرمین پریس کلب سمیت انکے فرزند عمران علی خان کھوسہ جو کہ لاء کےسٹوڈنٹ ہیں اور بھتیجے محمد یوسف اور عزیز بختیار سمیت عمیربختیار بھی ہمراہ تھے

ملاقات امام کعبہ شیخ صالح بن حمید کے ساتھ خانہ کعبہ میں انکے آفس میں ہوئی اور انکے خلوص و محبت نے نہ صرف مہمان نوازی کی شاندار روایت کی تجدید کی بلکہ انہوں نے اپنے سٹاف کو مہمانوں کو حرم پاک سے بطور تحفہ قران شریف کا نسخہ دینے کیلئے بھی ہدایت کی ۔

الوداعی موقع پر گروپ فوٹو بنوائے اس موقع پر پاکستان کی سلامتی کیلئے دعا بھی کی گئی

ڈیرہ غازی خان باغی ٹی وی( نیوز رپورٹر شاہد خان )پرنسپل غازیخان میڈیکل کالج پروفیسر ڈاکٹر محمد آصف قریشی نے کہا ہےکہ تھیلیسیمیا کے مرض میں اضافے کو روکنے کے لیے عوام کو اپنی سطح پر بچاو کیلئے آگاہی حاصل کرنے کی ضرور کوشش کرنی چاہیے تب ہی اس موروثی مرض کے خلاف جنگ میں کامیاب ہوا جاسکتا ہے

ان خیالات کا اظہار انہوں نے گزشتہ روز علامہ اقبال ٹیچنگ ہسپتال کے کانفرنس روزم میں تھیلیسیمیا کے مرض میں مبتلا بچوں میں بلڈ اور عید گفٹ تقسیم کر نے کی تقریب سے خطاب کرتے ہو ئے کیا

اس موقع پر پروگرام کے آرگنائزر، انچارج سنٹرل آئی سی یو ٹیچنگ ہسپتال و ڈائریکٹر بلڈ بنک ڈاکٹر ابرار حسین کھوسہ، پروفیسر ڈاکٹر محمد خالد،ڈاکٹر راشد قریشی ،ڈاکٹر بشیر ملک ،اے ایم ایس ڈاکٹر حفیظ اللہ لُنڈ و دیگر شرکاء میں ڈاکٹرز، پیرامیڈیکل سٹاف اور سول سوسائٹی سے تعلق رکھنے والوں کے علاوہ اس مرض میں مبتلا بچوں کے والدین نے خصوصی شرکت کی

شرکاء سے خطاب کرتے ہوئےپرنسپل پروفیسر ڈاکٹر محمد آصف قریشی نے مزید کہا کہ ضروری ہے کہ جو لوگ بھی شادی کرنے والے ہوں، وہ تھیلیسیمیا کیریئر اسکیننگ کا اپنا چھوٹا سا بلڈ ٹیسٹ ضرور کروائیں اس سے پتہ چل جاتا ہے کہ اگر وہ کیریئر ہیں، تو ان کا آپس میں شادی نہ کرنا بہتر ہو گا اگر کسی مجبوری کی وجہ سے ایسے دو انسانوں کی شادی ہو بھی جاتی ہے، تو بچے کی پیدائش سے پہلے ٹیسٹ کی سہولت بھی موجود ہے۔

ایک خاص ٹیسٹ کے ذریعے حمل کے بارہویں ہفتے میں پتہ چلایا جا سکتا ہے کہ مستقبل میں پیدا ہونے والا بچہ تھیلیسیمیا میجر کا شکار ہوگا یا نہیں انچارج سنٹرل آئی سی یو ٹیچنگ ہسپتال و ڈائریکٹر بلڈ بنک ڈاکٹر ابرار حسین کھوسہ نے کہا کہ تھیلیسیمیا میں مبتلا بچوں کو ہفتہ وار خون دینے کا سلسلہ جاری رہتا ہے اور امسال اب تک ہم2845 بچوں کو خون کا عطیہ دے چکے ہیں ہمارے پاس ٹوٹل 830 بچے رجسٹرڈ ہیں انہوں نے عوام سے اپیل کی کہ خون کا عطیہ دینے کا سلسلہ جاری رکھیں تاکہ تھیلیسیمیا میں مبتلا بچوں کو خون فراہمی کا سلسلہ چلتا رہے۔

ڈاکٹر ابرار حسین کھوسہ نے کہا کہ تھیلیسیمیا کا شکار بچوں کو ہفتہ وار خون کی فراہمی کا سلسلہ جاری رہے گااس سلسلہ میں انہوں نے بلڈ بنک کے ڈاکٹر حماد ،نرسنگ اسٹاف سونیا فرزانہ، شبنم نورین، خالدہ ،ثمینہ، امر مہدی، احسن، دیگر کے کردار کو سراہتے ہوئے انہیں خراج تحسین پیش کیا۔

کوٹ مبارک،باغی ٹی وی(نامہ نگارامداداللہ تھیم) گورنمنٹ ایسوسی ایٹ کالج برائے خواتین کوٹ مبارک کا نوٹی فکیشن جاری

رکن صوبائی اسمبلی حلقہ پی پی 286 سردار صلاح الدین خان کھوسہ اور سیاسی رہنما کوٹ مبارک سردار آصف سعید کھوسہ کی کوششوں سے اہل علاقہ بہت بڑا تحفہ دیا گیا ہے علاقہ بھر کی وہ بچیاں جو سکول کے بعد آگے اپنی تعلیم جاری رکھنا چاہتی تھیں اور وسائل نہ ہونے کی وجہ سے شہر جانا ان کیلیے ناممکن ہو گیا اب ایسی بچیوں کیلیے پریشانی ختم ہو گئی ہے

گورنمنٹ ایسوسی ایٹ کالج برائے خواتین کوٹ مبارک کا نوٹی فکیشن جاری ہو چکا ہے جس سے علاقہ بھر میں ایک سنگ میل ہے ان باتوں کا اظہار سردار صلاح الدین کھوسہ نے سردار آصف سعید کھوسہ و دیگر کے ہمراہ صحافیوں سے کیا انہوں نے مزید کہا کہ مسلم لیگ ن نے ہمیشہ اجتماعی کاموں کو ترجیح دی ہے آنے والے دنوں میں علاقہ میں ترقیاتی کاموں کی واضح تبدیلی نظر آئے گی اہل علاقہ نے اس بے مثال کاوش پر وزیر اعلیٰ پنجاب مریم نواز شریف سردار صلاح الدین کھوسہ کو خراج تحسین پیش کیا ہے

ڈیرہ غازی خان، باغی ٹی وی( نیوز رپورٹرشاہد خان )وزیر اعلی پنجاب مریم نواز شریف کے نگہبان پیکج کے تحت ڈیرہ غازی خان ڈویژن کے 65 فیصد رجسٹرڈ خاندانوں تک رمضان بیگز پہنچا دئیے گئے۔

کمشنر ڈاکٹر ناصر محمود بشیر نے ویڈیو لنک جائزہ اجلاس کی صدارت کرتے ہوئے گھر گھر جاکر امداد یقینی بنانے کے احکامات جاری کردئیے ہیں۔اجلاس میں ڈپٹی کمشنرز ،اسسٹنٹ کمشنرز اور متعلقہ افسران شریک تھے ۔

کمشنر ڈاکٹر ناصر محمود بشیر نے کہا کہ 17 مارچ تک چار لاکھ 94 ہزار 113 رمضان راشن بیگز گھر گھر پہنچا ئے گئے ہیں۔ 1373 ٹیمیں گھروں کی دہلیز تک رمضان پیکج تقسیم کرنےاور 2503 لاگن/یوذر بار کوڈ کی سکینگ اور ڈیش بورڈ پر آن لائن ریکارڈ مرتب کرنے میں مصروف ہیں ۔

انہوں نے کہا کہ ڈی جی خان ڈویژن میں سات لاکھ 54 ہزار 402 خاندانوں تک ان کا حق پہنچائیں گے۔

کمشنر ڈاکٹر ناصر محمود بشیر نے کہا کہ وزیر اعلی کی ہدایت پر حقداروں کا حق ان کی دہلیز تک پہنچا رہے ہیں۔

سیاسی وابستگی سے بالاتر ہوکر رجسٹرڈ خاندانوں کو ان کا حق ملے گا۔نادار خاندانوں کو بلانے کی بجائے گھروں تک جاکر عزت و تکریم کے ساتھ امداد دی جارہی ہے۔

ڈیرہ غازی خان،باغی ٹی وی(نامہ نگار شہزادخان)محکمہ ہائی وے مظفر گڑھ ایکسئن شاہد ریاض ٹینڈروں میں میرٹ کروانے پر چھا گئے۔1ارب 30کروڑوں سے زیادہ کے 14اسکیمں کے ٹینڈروں مقابلہ کروا کر تاریخ رقم کر دی۔

ایکسئن ہائی وے مظفر گڑھ نے ٹینڈروں کے حوالے سے میڈیا سے بات کرتے ہوئے بتایا کہ الحَمْد اللہ ہماری بہترین حکمت عملی کی وجہ سے اسکیموں پر اپلائی کرنے والے ٹھیکیداروں کی 400 سے زائد درخواستیں موصول ہوئیں، جس سے درخواست فیسیوں کی مد میں 6کروڑ روپے قومی خزانے کو فائدہ حاصل ہوا۔

اسکے علاوہ ہونے والے ٹینڈروں میں 30فیصد سے لیکر 35فیصد تک کم ریٹ بھرنے سے بھی قومی خزانے کو 25کروڑ سے زیادہ فائدہ حاصل ہوا۔
ایکسئن شاہد ریاض نے مزید کہا کہ میری اولین ترجیح ہمیشہ میرٹ ہوتی ہے اور تاریخ گواہ ہے میری حکمت عملی سے ہمیشہ قومی خزانے کو فائدہ حاصل ہوا ہے۔

اب میری اگلی کوشش ہوگی کہ ٹینڈروں میں مقابلے کے بعد ٹھیکیدار کاموں میں ایک نمبر میٹریل استعمال کریں۔کمی کوتاہی اور ڈنڈی مارنے والے ٹھیکیدار کسی صورت قابل قبول نہیں ہونگے۔

کوشش ہوگی کہ میٹریل کو روزانہ کی بنیاد پر خود موقع پر جا کر چیک کرتا رہوں گا۔امید کروں گا کہ ٹھیکیدار کاموں کو بہتر انداز میں کرنے پر پابند ہوگے۔

اس موقع پر ایکسئن ہائی وے شاہد ریاض کو میرٹ پر ٹینڈر زکروانے مبارکبادیں بھی دی گئیں۔

ڈیرہ غازی خان باغی ٹی وی (نیوز رپورٹر شاہد خان )کمشنر ڈیرہ غازی خان ڈویژن ڈاکٹر ناصر محمود بشیر نے آر پی او کیپٹن ریٹائرڈ سجاد حسن خان اور ڈپٹی کمشنر مہر شاہد زمان لک کے ہمراہ ماڈل بازار میں قائم رمضان بازار کا اچانک دورہ کیا۔اے ڈی سی آر میاں رضوان نذیر ،اے سی صدر عثمان غنی اور دیگر افسران موجود تھے۔

کمشنر ڈی جی خان نے رمضان بازار میں ایگریکلچر فئیر پرائس شاپ پر موجود اشیاء کے معیار ،پھل، سبزیوں کی تازگی اور قیمتوں کا جائزہ لیا۔خریداری میں مصروف لوگوں سے نرخ کے بارے میں معلومات لیں۔

کمشنر نے رمضان بازار اور مارکیٹ کے نرخ کا موازنہ کا چارٹ آویزاں کرنے کے احکامات جاری کئے۔انہوں نے کہا کہ سرکاری نرخ پر اشیاء خوردونوش کی دستیابی یقینی بنائی جائے۔رمضان بازاروں میں سیکیورٹی اور محفوظ پارکنگ یقینی بنائی جائے۔

رمضان بازار میں موجود ہر اشیاء پر بن کارڈ آویزاں کئے جائیں۔کمشنر ڈاکٹر ناصر محمود بشیر نے کہا کہ پھل،سبزیوں اور دیگر اشیاء خوردونوش کے معیار پر ہرگز سمجھوتہ نہیں کریں گے ،

کمشنر ڈی جی خان نے کہا کہ رمضان بازاروں میں عوامی شکایات کے بروقت ازالہ کےلئے سیل قائم کیا جائے ۔اشیاء خوردونوش کے وژن کےلئے موقع پر اوزان رکھے جائیں

ڈیرہ غازی خان، باغی ٹی وی (نیوز رپورٹر شاہد خان) ڈیرہ غازی خان ڈویژن میں نگہبان رمضان پیکج کے تحت خشک راشن کی تقسیم آئندہ 15 روز کے اندر مکمل کرنے کا فیصلہ کیا گیا ہے ۔کمشنر ڈاکٹر ناصر محمود بشیر نے ڈپٹی کمشنرز کو اضافی گاڑیوں اور افرادی قوت کے احکامات جاری کردئیے

کمشنر ڈی جی خان ڈویژن ڈاکٹر ناصر محمود بشیر کی زیر صدارت وزیر اعلی پنجاب مریم نواز شریف کے نگہبان رمضان پیکج کے معاملات کا جائزہ لینے کیلئے ویڈیو لنک اجلاس منعقد ہوا جس میں آر پی او کیپٹن ریٹائرڈ سجاد حسن خان ،ڈپٹی کمشنرز ،ڈی پی اوز،اے ڈی سیز،اسسٹنٹ کمشنرز،ڈی ایس پیز اور متعلقہ افسران شریک تھے ۔

کمشنر ڈاکٹر ناصر محمود بشیر نے کہا کہ ماہ صیام سے قبل اکثریت نادار خاندانوں تک راشن پہنچایا جائے۔گھروں کی دہلیز تک عزت وتکریم کے ساتھ 18 کلوگرام کے راشن بیگز دئیے جائیں۔

کسی کی عزت نفس مجروح نہ کی جائے تاہم شفافیت برقرار رکھنے کےلئے جدید ایپ کا ریکارڈ اور ڈیش بورڈ پر معلومات کا اندراج لازمی کیا جائے۔کمشنر ڈی جی خان نے کہا کہ پیکج کا تھرڈ پارٹی آڈٹ کرائیں گے۔انہوں نے کہا کہ پولیس ڈیوٹی کی موجودگی میں اشیاء خوردونوش کی ترسیل اور تقسیم یقینی بنائی جائے۔

آر پی او کیپٹن ریٹائرڈ سجاد حسن خان نے سیکیورٹی اور دیگر متعلقہ معاملات پر ڈی پی اوز،ڈی ایس پیز اور متعلقہ افسران کو ہدایات جاری کیں۔