Category: ڈیرہ غازی خان

کوٹ مبارک ،باغی ٹی وی(نامہ نگارامداداللہ تھہیم) حدود تھانہ کوٹ مبارک میں لادی گینگ اور پولیس کا مقابلہ لادی گینگ کا ایک سرغنہ یعقوب والد ابراہیم لادی ہلاک جبکہ عیسی ولد جلال زخمی حالت میں گرفتار

تفصیل کے مطابق ایس ایچ او کوٹ مبارک کو مخبر نے اطلاع دی کہ لا دی گنیک کے رکن واردات کی نیت سے چک نو آباد میں موجود ہیں تو ایس ایچ او کوٹ مبارک ارشد علی نے ڈی پی او ڈیرہ کو اطلاع کر دی ڈی پی او ڈیرہ کی ہدایت پر سرکل صدر ڈیرہ کی تمام نفری موقع پر پہنچ گئی

ڈی پی او ڈیرہ نےپولیس مقابلے کی کمان خود سنبھالی جس میں بکتر بند گاڑی بھی ساتھ تھی، پولیس اور لادی گئینگ کا ایک گھنٹہ مقابلہ جاری رہا آخری اطلاعات کے مطابق لادی گنیگ کا ایک کمانڈر پولیس مقابلے میں مارا گیا جبکہ ایک عیسی ولد جلال زخمی حالت میں گرفتار ہوگیا

علاقہ کے لوگ موقع پر جمع ہو گئے جنہوں نے ڈی پی او ڈیرہ غازی خان زندہ باد کے نعرے لگائے اور پنجاب پولیس زندہ باد کے نعرے لگائے

ڈی پی او ڈیرہ نے میڈیا سے گفتگو کرتے ہوئے کہا کہ جرائم پیشہ کے خلاف جنگ جاری رہے گی آخری دم تک ان کا مقابلہ کرتے رہیں گے اور تمام جرائم پیشہ افراد کا صفایا کر کے دم لیں گے ۔

ڈیرہ غازیخان (باغی ٹی وی رپورٹ)ڈویژن کا سمگلنگ کے خلاف کریک ڈائون،3ماہ میں غیر ملکی سمگل شدہ سامان سے بھرے 7کنٹینر، 49ٹرک،15مزدے، 12ہائی ایس ،3بسیں ، 5آئل ٹینکر اور 5نان کسٹم پیڈ گاڑیاں قبضہ میں لے لیں،70 کروڑ سے زائد مالیت کا غیر ملکی دودھ ، کپڑا ، چھالیہ ، سگریٹ ، ٹائر ،ڈرائی فروٹ و دیگر سامان اور ڈیڑھ لاکھ لیٹر سے زائدڈیزل و پیٹرول ضبط اور سمگلرز کے خلاف کسٹم ایکٹ کے تحت 5مقدمات درج ۔

تفصیلات کے مطابق سید علی عباس گردیزی کلکٹر کسٹم انفورسمنٹ سرگودھاکی ہدایت پر ڈاکٹر محمد ذوہیب سندیلہ ڈپٹی کلکٹر اینٹی ڈیرہ غازیخان ڈویژن کا سمگلنگ ک ے خلاف کریک ڈائون،3ماہ میں غیر ملکی سمگل شدہ سامان سے بھرے 7کنٹینر، 49ٹرک،15مزدے، 12ہائی ایس ،3بسیں ، 5آئل ٹینکر اور 5نان کسٹم پیڈ گاڑیاں قبضہ میں لے لیں،70 کروڑ سے زائد مالیت کا غیر ملکی دودھ ، کپڑا ، چھالیہ ، سگریٹ ، ٹائر ،ڈرائی فروٹ و دیگر سامان اور ڈیڑھ لاکھ لیٹر سے زائدڈیزل و پیٹرول ضبط اور سمگلرز کے خلاف کسٹم ایکٹ کے تحت 5مقدمات درج ۔

ڈاکٹر محمد ذوہیب سندیلہ نے کہا کہ ڈیرہ غازیخان ڈویژن میں تمام جوائنٹ چیک پوسٹوں پر غیرملکی سمگل شدہ اشیا کی برآمدگی کے لیے تما م گاڑیوںکی مکمل طور پر چیکنگ کی جا رہی ہے ۔ اس کے علاوہ ڈیرہ غازیخان ڈویژن کی حدود کے اندر تمام شاہراہوں پربھرپور چیکنگ جاری ہے ۔

انہوں نے کہا کہ غیر ملکی سمگل شدہ اشیا کی غیر قانونی طور پر ترسیل کوروکنے کے لیے تمام موجود ہ وسائل بروء ے کار لاکردیگر قانون نافذ کرنے والے اداروں کے ساتھ مل کرسمگلرزکے خلاف گھیرا تنگ کر دیا گیا ہے اور سمگلنگ کے سامان کی ترسیل کو ہر ممکن طریقے سے روکنےکی کوشش کی جارہی ہے ۔

ضبط شدہ غیر ملکی اشیادودھ ،ڈرائی فروٹ ، پلاسٹک بیگز وغیرہ کا روا ں ماہ کیدوران تین بار نیلام عام مورخہ -03-27,2024-03-192024-04-03,2کو نیلام عام ہو اجس میں بڑیتعداد میں تاجر برادری نے حصہ لیا اورتین کروڑ سےزائد مالیت کا سامان نیلام کر کے رقم سرکاری خزانیمیں جمع کرائی گئی ۔

انہوں نے مزید کہا کہ کارکردگی کو بہتر بنانے کے لیے سپیشل سکواڈ تشکیل دیے گئے ہیں ۔سمینہ چوک ڈیرہ غازیخان ملتان روڈ پر بر لب سڑک اینٹی سمگلنگ ڈیرہ غازیخان ڈویژن کا دفترشفٹ کیا گیا ہے۔ جس سے دور دراز سے کسٹم سے متعلقہ امور کے لئے آئے لوگوں و تاجروں کے لیے پہنچ آسان بنا دی گئی ہے ۔

ترجمان اینٹی سمگلنگ آفس ڈیرہ غازیخان کے مطابق انہوں نے مزید کہا کہ قانونی طور پر تجارت کرنے والے تاجر میرے لیے قابل احترام ہیں ان کا مکمل طور پرخیال رکھا جائے گا اور سمگلنگ کرنے والوں کے خلاف سخت قانونی کارروائی عمل میں لائی جائے گی ۔

ڈیرہ غازیخان (باغی ٹی وی رپورٹ) کوٹ ادو میں اعتکاف میں بیٹھے 13 سالہ بچے سے مبینہ بدفعلی کرنے والے شخص کو گرفتار کر لیا گیا۔

پولیس کے مطابق سنانواں میں پیش آنے والے واقعہ کا ملزم ملتان میں رشتےداروں کےگھر چھپا ہوا تھا۔واضح رہے کہ اعتکاف میں بیٹھے 28 سالہ شخص نے اعتکاف میں بیٹھے 13 سالہ بچے کو مبینہ طور پر بدفعلی کانشانہ بنایا تھا۔

متاثرہ بچےنے پولیس کوبیان دیاکہ ملزم نے اعتکاف کے دوران اپنے بستر میں لے جاکراس سےبدفعلی کی، ملزم نے اس کے منہ پر ہاتھ رکھ دیا جس کی وجہ وہ شور نہ مچاسکا۔

متاثرہ بچے کے والد کی مدعیت میں ملزم کے خلاف زیادتی کا مقدمہ درج کر لیا گیا ہےاور پولیس نے ملزم کو گرفتارکرنے کے بعد واقعے کی مزید تفتیش کردی ہے.

ڈیرہ غازیخان،باغی ٹی وی (نیوزرپورٹرشاہدخان)ڈی جی خان ڈویژن میں گرانفروشوں کے خلاف کارروائیاں جاری ہیں

کمشنر ڈی جی خان ڈویژن ڈاکٹر ناصر محمود بشیر کی زیر صدارت ویڈیو لنک اجلاس منعقد ہوا جس میں پرائس کنٹرول اور دیگر معاملات کا جائزہ لیاگیا .

اجلاس میں بریفنگ کے دوران بتایا گیا کہ یکم سے 30مارچ کے دوران ایک کروڑ 80 لاکھ روپے جرمانہ عائد کیاگیا ،1957 ناجائز منافع خور گرفتار اور 683 مقدمات درج کیے گئے.

اسی طرح پرائس کنٹرول ایکٹ کی خلاف ورزی پر 214 کاروباری مراکز سربمہرکیے گئے .

اس دوران 119 مجسٹریٹ نے مارکیٹوں کے 275407 معائنے کیے اور26218مقامات پر پرائس کنٹرول ایکٹ کی خلاف ورزی پائی گئی جس پر ایکشن لیاگیا .

ڈیرہ غازی خان،باغی ٹی وی (سٹی رپورٹر جواد اکبر) پل ڈاٹ سے کوئٹہ روڈ گدائی چونگی اور شاہ سکندر روڈ سرکٹ ہاؤس تک کی صورتحال ابتر کوئٹہ روڈ تویہ بننے کے دوران پانچ جانیں بھی لے چکا ہے۔

روڈ پر روڑہ ڈال دیا گیا اب بس مٹی ہی مٹی اور ہر طرف دھول کے بادل ہوتے ہیں اور شاہ سکندر روڈ پر سیوریج کا پانی ساتھ بہت بڑے گڑھے پڑ گئے ہیں اور یہ حادثہ کا باعث بنتے ہیں،اہل علاقہ اور گزرنے والے سینکڑوں لوگ اذیت کا شکار۔

شہریوں نےکمشنر ڈی جی خان اور ڈی سی سے گذارش کی ہے کہ پل ڈاٹ جو سنگم چوک ہے یہاں سے گدائی چونگی اور چونگی سے شاہ سکندر روڈ سرکٹ ہاؤس تک دن میں دو وقت پانی کا چھڑکاؤ کروا دیا کریں اور شاہ سکندر روڈ پر سیوریج کا مسئلہ حل کروائیں۔

ڈیرہ غازی خان، باغی ٹی وی (نیوز رپورٹر شاہد خان)یوٹیلٹی سٹور گھنٹہ گھر پرسستے آٹے کاحصول شہریوں کیلئے وبال جان بن گیا

تفصیل کے مطابق ڈیرہ غازی خان گھنٹہ گھر یوٹیلٹی سٹور پر آنے والا رمضان پیکج آٹا لوگوں کے لیے وبال جان بن گیا ،مرد اور خواتین یوٹیلٹی سٹور پر آٹے کے 10کلو گرام ایک تھیلے کے لیے روڈ پر لمبی قطاریں لگا کر ذلیل ہو رہے ہوتے ہیں

بزرگ خواتین کا بھی کوئی لحاظ نہیں رکھا جاتا ان کو بھی قطار میں کھڑا کر ذلیل کیا جاتا ہے اسٹور کیپر جو اٹا دیتےوقت اپنے آپ کو وقت کا جلاد سمجھتے ہیں وہ بزرگ خواتین کو بھی دھکے دینے سے باز نہیں آتے ،یوٹیلٹی سٹور پر خواتین کی عزت اور احترام کا کوئی خیال نہیں رکھا جاتا

یہاں پرآٹے کے لیے عورتوں کی تذلیل کی جاتی ہے روڈ پر لمبی قطاریں لگوائی جاتی ہیں روڈ پر بٹھایا جاتا ہے بزرگ خواتین کو دھکے مارے جاتے ہیں عورتوں کی عزت اور پردے کا کوئی انتظام نہیں کیا جاتادوسری جانب مرد بیچاروں کو لمبی قطاریں لگوا کر علیحدہ سے ذلیل کیا جاتا ہے

رعائتی آٹاکے ساتھ یوٹیلٹی سٹورزوالےشہریوں کو زبردستی ایسی اشیاء بھی خریدنے پر مجبورکرتے ہیں جن کی انہیں ضرورت بھی نہیں ہوتی یا جن کے پاس اضافی اشیاء خریدنے کے کیلئے رقم نہیں ہوتی انہیں آٹا نہیں دیاجاتا،اس غریب شہری کی تذلیل کرکے دھکے دیکر باہر نکال دیا جاتا ہے،

روڈ پر لمبے قطاروں کی وجہ سے شہریوں کو بھی بڑی پریشانی کا سامنا کرنا پڑتا ہے .

شہریوں نے اعلیٰ حکام سےنوٹس لینے کامطالبہ کیا ہے