Category: ڈیرہ غازی خان

ڈیرہ غازی خان(باغی ٹی وی)گذشتہ ادوار میں علاقہ کے حقوق کا سودا کرنیوالے چہروں کو عوام پہچانیں۔منتخب ہو کر علاقے کی پسماندگی کی آواز اسمبلی میں اٹھاؤں گا۔ان خیالات کا اظہار صوبائی حلقہ 289 کے امیدوار "میری ترجیحات عوام کی سہولیات” اور "میری ترجیحات ہمارا پاکستان” کی ویژنری شخصیت عابد یحیی خان بابر نے جاری کردہ پریس ریلیز میں کیا

انہوں نے کہا کہ ماضی سے لیکر آج تک اسمبلیوں میں جانیوالوں نے ذاتی مفادات کے عوض ضلع ڈیرہ غازی خان کی عوام کے حقوق کا ہمیشہ سے سودا کیا ہے، یہاں برطانیہ نواز سمیت سرمایہ داروں سے ہمیشہ سے ملک کی صوبائی اسمبلی اور قومی اسمبلی پر مسلط ہونیوالوں کا ساتھ دیکر اسمبلیوں میں پہنچنے میں کامیاب ہوئے ہیں اور عوامی فلاح پر ذاتی مفادات کو ترجیح دیتے رہے ہیں

انہوں نے کہا کہ منتخب ہو کر عام اور پسماندہ عوام کی فلاح کا مقدمہ اسمبلی میں لڑوں گا ،ووٹ ایک امانت ہے اور اس میں خیانت کرنیوالوں کو شکست ہی عوام کی حقیقی فتح ہو گی ،عوام ان روائتی سیاستدانوں سے خوب واقف ہیں تاہم بنیوں کی مزید پہچان کرنا ان کا فرض ہے۔

ڈیرہ غازیخان ،باغی ٹی وی کے 12 برس مکمل ہونے پر باغی ٹی وی ٹیم نے سینئر صحافی و اینکر پرسن سی ای او باغی ٹی وی مبشر لقمان اور ایڈیٹرباغی ٹی وی ممتازحیدراعوان اورانچارج نمائندگان ڈاکٹرغلام مصطفیٰ بڈانی سمیت پوری ٹیم کو مبارکباد دی اور نیک خواہشات کا اظہار کیا،

ڈیرہ غازیخان میں باغی ٹی وی کی سالگرہ کا کیک کاٹنے کی پروقاراورسادہ سی تقریب پریس کلب ڈی جی خان میں منعقد کی گئی،کیک کاٹنے کی تقریب کااہتمام باغی ٹی وی کے نمائندگان کیا ،اس تقریب میں ڈیرہ غازیخان کے سینئرصحافیوں منظورخان لغاری نائب صدرانجمن صحافیان پریس کلب ڈویژنل صدر پی آئی ایم سی اور بیوروچیف روزنامہ مرکزاسلام آباد،سینئرصحافی چوہدری شکیل احمدنائب صدرپریس کلب ڈی جی خان،نائب صدر پی آئی ایم سی جنوبی پنجاب وبیوروچیف روزنامہ آغازسفرملتان،شمیم احمدپیراماؤنٹ نیوزایجنسی،محمداشرف،نمائندگان باغی ٹی وی شاہدخان،جواداکبربھٹی،شہزادخان یوسفزئی،شاہدعمران ودیگرنے شرکت کی .

انچارج نمائندگان باغی ٹی وی ڈاکٹرغلا م مصطفیٰ بڈانی جوکہ پریس کلب ڈی جی خان کے الیکٹرانک میڈیا کے سینئرنائب صدراور پی آئی ایم سی کے ضلعی صدرہیں کی موجودگی میں باغی ٹی وی کے تمام نمائندوں اور سینئرصحافیوں نے مل کر کیک کاٹا –

سینئرصٍحافی منظورخان لغاری اور چوہدری شکیل احمدنے کہا کہ ہم باغی ٹی وی کے سی ای او مبشرلقمان اور ان کی پوری ٹیم کی جرات مندانہ صحافت کرنے اور معاشرے میں پائی جانے والی کرپشن ، جہالت ، ظلم اور زیادتی کے خلاف جدوجہدکی اورمعاشرتی برائیوں کے خاتمے کے لیے آوازبلند کی حق و سچ ، مظلوم کی مدد اوردنیا سے جہالت ختم کرنےکے لیے اپنا بھرپورکردار ادا کیا .

ڈیرہ غازیخان،باغی ٹی وی(نامہ نگار)جماعت اسلامی کی خدمات کسی سے ڈھکی چھپی نہیں،غریب عوام کے ہر دکھ درد میں اس کا نمائندہ شریک ہوتا ہے،اپوزیشن میں بھی راہ کر عوامی خدمت سےپیچھے نہیں ہوتی،واحدبخش مخلص۔

امیدوارحلقہ پی پی 291واحدبخش مخلص نےاپنےایک بیان میں کہاہے کہ پاکستان کی واحدسیاسی جماعت ہے جوبغیرکسی لالچ کےغریب لوگوں کی خدمت کرتی ہے،انہوں نے کہادیگرجماعتوں کےنمائندےصرف الیکشن والےدن حاضرہوتےہیں اور غریب سادہ لوعوام کو سبزباغ دکھا کر ان کے قیمتی ووٹ ہتھیاکررفو چکرہوجاتےہیں مگرپھر پانچ سال بعد دوبار ان کی آمد کا سلسلا شروع ہوجاتاہے۔مگرواحدجماعت ہے جماعت اسلامی جوہروقت غریب عوام کی فکرمیں رہتی ہے،

انہوں نےکہاہماری جماعت یہ سب اللّه پاک کی رضاکیلےہی کرتی ہے،انہوں نےکہاہماراراستہ سنت رسول ﷺ کا راستہ ہےہماری خدمت صرف اللّه اور اس کےرسول ﷺ کیلےہی ہےانہوں نےکہاآج اگرتم لوگ اپنےووٹ کا صحیح استمعال کروگےتوآنےوالےدنوں میں پچھتانانہیں پڑےگااگراس باربھی مداری لوگوں کو کامیاب کراؤگےتو شایدپھر کبھی موقع نہ ملےاپنی نسل کو سدھارنےکامیرا آپ سب کو ایک ہی پیغام ہے کہ اپنے ووٹ کو صحیح استعمال کرو۔

فلڈکےدن یاد کروجب فصلیں تباہ ہوگئی تھیں،گھرمنہدم ہوگئےتھےہماری مائیں بہنیں اور بیٹےبیٹیاں بے گھر ہوکردربدر تھیں اس وقت کون سی جماعت کانمائندہ تھاجس نےاپنےبھائیوں،ماؤں اوربہنوں کی خاطرگہرے پانی کو عبور کرکےراشن خیمےاور دیگرضروریات زندگی کی چیزیں پہنچائیں تھی،

جب کھاد کا بحران تھا،جب پانی کی بندش تھی،کون تھاتمہارےدرمیان،اس وقت کوئی ووٹ نہیں تھےکوئی الیکشن کااعلان نہیں ہواتھامگر یہ سب اللہ کی رضا کیلئےتھا

آج آپ بھی اپنا فرض نبھائیں اورہمدردجماعت کےنمائندوں کومنتخب کریں تاکہ تم عزت سے رہ سکو۔8فروری احتساب کا دن ہے اپنی قیمتی مہرترازو پر لگاکراپنی نسل کو اندهیرےمیں رکھنےوالوں کوہمیشہ ہمیشہ کیلئے آؤٹ کردوتاکہ تمہاری ہماری نسل ایک باشعوربنےنہ کےڈاکو اور رہزن۔اس لیئےاچھےکا انتخاب ہی ہماری کامیابی ہے۔

ڈیرہ غازی خان باغی ٹی وی( نیوز رپورٹر شاہد خان )وزیراعلی پنجاب محسن نقوی کی ہدایت پر ڈیرہ غازیخان میں بھل صفائی کی تیاریاں مکمل کرلی گئی ہیں،نہروں کی بھل صفائی کا مقصد کسانوں کیلئے ٹیل تک پانی پہنچانا ہے۔

ضلع ڈیرہ غازیخان میں سی آر بی سی سمیت67چینلز کی بھل صفائی3فیزز میں ہوگی۔26سے13جنوری کے پہلے فیز میں ڈیرہ غازیخان کا کوئی چینل شامل نہیں ہے۔14سے30جنوری تک دوسرے فیز کیلئے ضلع کے11تخمینہ میں سے8 اور30جنوری تا14اپریل کے تیسرے فیز کے32تخمینہ میں سے22منظور ہوگئے ہیں۔

ضلع میں بھل صفائی کی مانیٹرنگ پر خصوصی توجہ دی جائیگی۔بھل صفائی کے حوالےسے ڈپٹی کمشنر مہر شاہد زمان لک کی زیرصدارت اجلاس منعقد ہوا۔اجلاس میں ایڈیشنل ڈپٹی کمشنرز میاں رضوان نذیر،غلام مصطفیٰ،ایس ای شوکت حیات ورک،ایکسیئن محسن شبیر،
ممتاز حسین نے شرکت کی۔

ڈپٹی کمشنر مہر شاہد زمان لک نے خطاب کرتے ہوئے کہا کہ حکومت پنجاب کی ہدایت پر ڈیرہ غازیخان ضلع میں بھل صفائی پر فوکس ہے،
نہروں کی بھل صفائی کیلئے تمام تر تفصیلات فراہم کی جائیں،بھل صفائی کے دوران مجھ سمیت تمام انتظامی افسران فیلڈ میں رہینگے اور موثر مانیٹرنگ کو یقینی بنائیں گے،بھل صفائی کے ساتھ نہروں کی مرمت پر بھی توجہ دی جائے گی،

مہر شاہد زمان لک نے کہا گوگل میپ کے ذریعے بھل صفائی کی نہروں کی نشاندہی کی جائے،بھل صفائی کا کام ایمانداری سے کیا جائے،بیڈ لیول یکساں ہونا چاہیئے،فیلڈ میں کام نظر آنا چاہئیے،ورکنگ کی انسپکشن ضرور کی جائے گی،پانی کی فراہمی میں آنے والے ایشوز کو حل کرنے کیلئے حکام سے رابطہ بھی کیا جائے