Category: ڈیرہ غازی خان

ریجنل پولیس آفیسر ڈیرہ غازی خان سید خرم علی کا راجن پورکچہ ایریا کا دورہ ۔کچہ ایریا میں امن وامان کی صورتحال اور پولیس کی جانب سے اقدامات کاجائزہ ۔پولیس پکٹس بہارماچھی ،پتن چانڈیہ کا وزٹ ،اچھی کارکردگی پر ملازمان کی حوصلہ افزائی ،نقدانعام اور سرٹیفکیٹس دینے کا حکم ۔ کچہ میں جرائم پیشہ عناصرکے خلاف جاری ٹارگیٹڈ آپریشن تیز کرنے کا حکم۔کچہ کے علاقوں میں تمام دستیاب وسائل کو بروئے کارلاکر معاشرے کا امن پامال کرنے والوں سے آہنی ہاتھوں سے نمٹا جائے.
باغی ٹی وی ، ڈیرہ غازیخان (نامہ نگار) تفصیلات کے مطابق ریجنل پولیس آفیسر سید خرم علی ایک روزہ دورے پر ضلع راجن پور پہنچے ۔ ڈی پی او راجن پور احمد محی الدین نے آر پی او کا پر تپاک استقبال کیا ۔ آر پی او سید خرم علی نے ڈی پی او راجن پور کے ہمراہ راجن پورکچہ ایریا کا تفصیلی دورہ کیا ۔ ڈی پی او نے کچہ ایریا میں امن و امان کے قیام، مقامی آبادی کے تحفظ کے لیے پولیس کی جانب سے کیئےگئے اقدامات ، کچہ میں قائم پولیس پکٹس ،تعینات نفری اورمجموعی کارکردگی سےمتعلق آر پی او کو بریف کیا۔ آر پی او نے وزٹ کے دوران کچہ کے علاقہ میں کرائم، امن وامان کی صورتحال اور پولیس کی جانب سے کیے گئے اقدامات کا جائزہ لیا۔

آر پی او سید خرم علی نے کچہ ایریا میں قائم پولیس پکٹس بہار ماچھی اور پتن چانڈیہ کا وزٹ کرکے پکٹس پر فراہم کردہ سہولیات ، گاڑیوں ، اسلحہ ایمونیشن اور مورچوں کوچیک کیا ۔ کچہ ایریا میں فرنٹ لائن پر تعینات افسران و جوانوں سے ملاقات کی اور حوصلے و جوانمردی سے فرائض کی انجام دہی پر حوصلہ افزائی کرتے ہوئے انہیں شاباش دی اور بہترین کارکردگی کا مظاہرہ کرنے والے افسران و جوانوں کو نقدانعام اور تعریفی سرٹیفکیٹ دینے کا اعلان کیا۔

آر پی او نے جوانوں سے گفتگو کرتے ہوئے ان سے مسائل دریافت کیئے اور مسائل کے فوری حل کے لیے احکامات جاری کیئے ۔اس موقع پر آر پی او کا کہنا تھا کہ کچہ ایریا سے جرائم پیشہ عناصر اور ان کی کمین گاہوں کے خاتمے میں پولیس کے جوانوں نے جرت اور بہادری کا مظاہرہ کیا ہے ۔امن و امان کے قیام کےلیے پولیس کےجوانوں اور شہدا کی قربانیوں کو کبھی بھی فراموش نہیں کیا جاسکتا ۔ کچہ سے جرائم کے مکمل خاتمہ ،جرائم پیشہ عناصر اور ان کے سہولت کاروں کی سرکوبی کےلیے جامع حکمت عملی ترتیب دے دی ہے ۔کچہ ایریا میں پولیس فورس کو تمام وسائل فراہم کرکے مزید مضبوط کیا گیا ہے جرائم پیشہ عناصرکے خلاف کارروائیوں کےسلسلے کو جاری رکھا جائے گا۔ اس موقع پر آر پی او سید خرم علی نے مزید احکامات جاری کیئے کہ کچہ کے علاقوں میں تمام وسائل کو بروئے کارلاکر معاشرے کا امن پامال کرنے والوں سے آہنی ہاتھوں سے نمٹا جائے ۔

قصبہ سمینہ: ڈکیتی کی بڑھتی وارداتیں ، شہری پریشانی کاشکار
قصبہ سمینہ سادات (جواد اکبر ) سے آج صبح سویرے ڈیرہ غازی خان کے تھانہ دراہمہ کے علاقہ بورانہ چوک پر ایک نوجوان لڑکے سے اسلحہ کے زور پر ڈکیتی۔ پولیس موقع پر پہنچ گئی اور تفتیش کے لیے سی سی ٹی وی کیمرے کی مدد لی گئی ایس آئی سیف اللہ ارشد تھانہ دراہمہ نے چیک کیا کچھ گھنٹے بعد وہی ڈاکو دوسری واردات کے لئے پہنچ گئے تھے جس پر پولیس اور عوام نے پیچھا کیا ڈاکو کماد کے کھیت میں جاکر چھپے جس میں سے صرف ایک ڈاکو شبیر ولد واحد بخش قوم سنجرانی پکڑا گیااورباقی 2بھاگ نکلنے میں کامیاب ہوئے پولیس نے کافی دور تک پیچھا کیا مگر ناکام رہے دوران تفتیش پکڑے گئے ڈکیت نے باقی ساتھیوں کے نام بھی بتا دیے ۔عوام کا علاقے میں امن کا مطالبہ۔
لڑکے کی فوٹو جس سے اسلحہ کے زور پر ڈکیتی

باغی ٹی وی ، شاہصدردین ( شاہد عمران گاڈی نامہ نگار)پنجاب ہائی وے پٹرول ریجن کی طرف سے 12 ربیع الاول کے موقع پر پٹرولنگ پوسٹس پر چراغاں اور جلوسوں کی کڑی نگرانی کی گئی
تفصیلات کے مطابق ریجنل پبلک ریلیشن آفیسر ممتاز حسین سب انسپکٹر نے بتایا کہ ایس پی پنجاب ہائی وے پٹرول ڈیرہ غازی خان چوہدری محمد شریف کی ہدایت پر سرکار دو عالم صلی اللہ علیہ وسلم کے ظہور پاک کے موقع پر تمام پٹرولنگ پوسٹس پر چراغاں کیا گیا اور محفل حمد و ثناء اور ذکر و میلاد کا انعقاد کیا گیا اس کے ساتھ پٹرولنگ پولیس کے ایریاز میں منعقد ہونے والی محافل اور گزرنے والے جلوسوں کی کڑی نگرانی کی گئی تاکہ اس مبارک دن کے موقع پر کسی ناخوشگوار واقع سے بچا جا سکے۔
ایس پی چوہدری محمد شریف نے کہا کہ نبی کریم صلی اللہ علیہ وسلم کی زندگی ہمارے لئے بہترین نمونہ ہے نبی پاک کی تعلیم سے ہی ہم نے سیکھا کہ دوسروں کی مدد اور مصیبت زدوں کی دادرسی ہر مسلمان پر فرض ہے اور پٹرولنگ پولیس کی ڈیوٹی میں بھی یہی درس شامل ہے، اس لئے زیادہ سے زیادہ لوگوں کی مدد کریں دنیا اور آخرت دونوں میں اجر ملے گا۔آخر میں ایس پی نے تمام مسلمانوں کو مبارک باد دی اور کہا کہ پٹرولنگ پولیس 24 گھنٹے ہائی ویز پر موجود ہے کسی بھی پریشانی کی صورت میں ہیلپ لائن 1124 ملائیں پٹرولنگ پولیس کم سے کم وقت میں آپ کے پاس ہو گی اور آپ کی ہر ممکن مدد کی جائے گی۔

باغی ٹی وی ،ڈیرہ غازی خان – امریکی خاتون اربیلا ارپی کیس کے اشتہاری اذان کھوسہ کو عدالت میں پیش کرکے 13 اکتوبر تک ریمانڈ لے لیا گیا ہے، امریکی خاتون اربیلا ارپی سے فورٹ منرو میں زیادتی کیس کے دوسرے ملزم اشتہاری اذان کھوسہ کوبھی گرفتار کرلیا گیااور عدالت میں پیش کرکے 13 اکتوبر تک ریمانڈ لے لیا ایس ایچ او در محمدخان نے عدالت میں پیش کیا ۔ڈپٹی کمشنر ڈیرہ غازی خان و سینئر کمانڈنٹ محمد انور بریار اور پولیٹیکل اسسٹنٹ کوہ سلیمان محمد اسد چانڈیہ نے رات گئے پریس کانفرنس کرتے ہوئے بتایا تھا کہ قبائلی فورس بی ایم پی نے ٹیکنالوجی کا استعمال کرتے ہوئے اذان کھوسہ کو اندر پہاڑ سے گرفتار کیا۔سینئیر کمانڈنٹ ڈپٹی کمشنر محمد انور بریار اور پولیٹیکل اسسٹنٹ کوہ سلیمان محمد اسد چانڈیہ نے پریس کانفرنس کی. انہوں نے بتایا کہ اذان کھوسہ عبوری ضمانت خارج ہونے پر روپوش ہوگیا تھا۔اشتہاری اذان صفدر کھوسہ کی گرفتاری کیلئے تین چھاپہ مار ٹیمیں تین ماہ سے کام کررہی تھیں۔ پریس کانفرنس میں بتایا گیا کہ فورٹ منرو میں 18 جولائی کی رات اجتماعی زیادتی کا واقعہ رپورٹ ہوا اور 19 جولائی کو ایف آئی آر درج کرکے مرکزی ملزم محمد مزمل کو راجنپور سے گرفتار کرلیا گیا تھامرکزی ملزم محمد مزمل چالان کے بعد جیل میں ہے۔ڈپٹی کمشنر محمد انور بریار نے پولیٹیکل اسسٹنٹ کوہ سلیمان محمد اسد چانڈیہ اور ملزم کو گرفتار کرنے والی ٹیموں کو تعریفی اسناد دینے کا اعلان کردیا

باغی ٹی وی ،ڈیرہ غازی خان : بارڈر ملٹری پولیس کا سخی سرور موضع جیدی میں منشیات فروشوں کے خلاف کریک ڈاؤن
ایس ایچ او تھانہ سخی سرور باقر خان نے شراب کی بڑی چالو بھٹی کو چھاپہ مارکر پکڑ لیا ہے .
تفصیل کت مطابق ڈیرہ غازیخان کمانڈنڈنٹ محمد اسد چانڈیہ کی خصوصی ہدایت پر بارڈر ملٹری پولیس کا سخی سرور موضع جیدی میں منشیات فروشوں کے خلاف کریک ڈاؤن ،ایس ایچ او بی ایم پی تھانہ سخی سرور باقر خان لغاری نے بدنام زمانہ منشیات فروش خدا بخش عرف خدی کو پکڑ کر بھاری مقدار میں دیسی شراب برآمد کر لی ہے، شراب کی چالو بھٹی لہن آلات کشیدہ برآمد کر کے ملزم خدا بخش کو گرفتار کر لیا ہے، ایس ایچ او باقر خان لغاری نے کہا ہے کہ کمانڈنٹ محمد اسد چانڈیہ کی نگرانی میں سخی سرور میں منشیات کے خلاف خصوصی مہم شروع کر دی گئی ہے۔

باغی ٹی وی ،ڈیرہ غازی خان (ڈاکٹر غلام مصطفی بڈانی سے ) امریکن خاتون اربیلا ارپی زیادتی کا کیس کا مرکزی ملزم کمانڈنٹ بی ایم پی محمد اسد چانڈیہ وقار عزیز رسالداروقار عزیز کی نگرانی میں بارڈر ملٹری پولیس گرفتار نے کر لیا ہے . فورٹ منرو میں امریکی خاتون اربیلہ ارپی سے زیادتی کا مرکزی ملزم اذان کھوسہ تین ماہ سے روپوش تھا۔ کمانڈنٹ محمد اسد چانڈیہ رسالداروقار عزیز ایس ایچ او بی ایم پی در محمد نے بارڈر ملٹری پولیس کے ہمراہ بڑی جانفشانی سے کام کرتے ہوئے گرفتار کرلیا ہےتفصیل کے مطابق۔ ڈیرہ غازی خان کے صحت افزاء مقام فورٹ منرو میں امریکی نیشنلٹی خاتون کے ساتھ مبینہ زیادتی کا واقعہ خاتون کی درخواست پر زیادتی کرنے والا نوجوان گرفتار ہوا تھا بارڈر ملٹری پولیس کے تھانہ فورٹ منرو نے ایف آئی آر درج کرلی تھی۔ امریکی خاتون اربیلا راجنپور کے رہائشی مزمل شہزاد نامی نوجوان جوکہ ٹور گائیڈ بتایا جاتا ہے کے ساتھ سیر کے لیے فورٹ منرو آئی وہ کراچی راجنپور آئی اور وہاں سے ڈیرہ غازی خان پھر فورٹ منرو پہنچی ۔ دونوں نے فورٹ منرو کے انمول ہوٹل میں رہائش رکھی۔ ارابیلا نے درخواست میں موقف اختیار کیا تھا کہ مزمل شہزاد نے اپنے ساتھیوں کی مدد سے اس کو جنسی زیادتی کا نشانہ بنایا تھا۔

ارابیلا نے درخواست میں یہ بھی موقف اختیار کیا تھا کہ اذان نامی نوجوان کے ساتھ بھی اس کی ویڈیو ریکارڈ کی گئی ہے اور اس کے فیملی ممبران سے بھی رابطہ کیا گیا۔ وہ مجھے بلیک میل کرچکا ہے اور بھاری رقم کا بھی تقاضا کیا گیا۔ مزمل شہزاد پر بھی الزام عائد کیا کہ اس نے جنسی زیادتی کی اور فوٹو ،ویڈیو بھی بنائیں جن کو وائرل کی گئیں (اس کی فیملی کو سینڈ کی گئیں)امریکن خاتون ارابیلا دختر لیو النگزینڈر کراچی سے راجنپور آئی اور پھر فورٹ اس کو مزمل شہزاد سپرا اس کو لے کر فورٹ منرو آیا ۔اس وقت کے بارڈر ملٹری پولیس کے کمانڈنٹ اکرام اللہ نے بتایا تھا کہ خاتون کا میزبان مزمل شہزاد نامی نوجوان جوکہ راجنپور کا رہائشی ہے اس کو فورٹ منرو لے کر آیا تھا ۔ انہوں نے اس بات کی تصدیق کی ہے کہ لڑکی یا اس کے میزبان نے اپنی ڈیرہ غازی خان آمد کی اطلاع انتظامیہ یا پولیس کو نہیں دی اور ان کی ڈیرہ غازی خان ٹریولنگ ،رہائش غیر قانونی تھی۔ اکرام اللہ نے بتایا تھا کہ تھانہ فورٹ منرو نے ملزمان کے خلاف زیر دفعہ 376/292ii مقدمہ درج کر لیا تھا اور مزید تحقیق و تفتیش کی جا رہی ہے ۔ وقوعہ 18جولائی کا بتایا جاتا ہے ۔ یہ بات اہم ہے کہ ڈیرہ غازی خان میں کسی بھی غیر ملکی کی انٹری پر پابندی عائد ہے اور اگر اجازت بھی ہو تو وہ آزادانہ گھوم پھر نہیں سکتا پہلے اجازت دی جاتی ہے کہ وہ کہاں اور کس مقام پر جائے گا اس علاقے کے پولیس اسٹیشن میں ان کی آمد کا اندارج بھی ہوتا ہے مگر یہ سب قانونی تقاضے پورے نہیں کئے گئے امریکن خاتون ڈیرہ غازی خان سٹی میں بھی گھومتی رہی اور وہ غازی خان کے مقبرے پر بھی گئی جہاں کے وزٹ کی فوٹو بھی وائرل ہوئی ۔ بارڈ ملٹری پولیس نےنوجوان آزان کھوسہ کو بھی اج گرفتار کر لیا ہے ۔