Category: ڈیرہ غازی خان

ڈیرہ غازیخان ( شہزادخان سے) تھانہ صدر کے علاقہ میں قبضہ گروپ کا راج۔
تھانہ صدر کے علاقہ موضع کوٹ ہیبت جروار چوک کے رہائشی اللہ یار ولد شیر محمد قوم کھوکھر نے میڈیا سے گفتگو کرتے ہوئے کہا کہ اسنے تقریبا ڈیڈھ سال قبل یہ رقبہ حاجرہ مائی اور محمد یوسف ولد حبیب سے خریدا تھا اور وہاں مکان بنا کر رہنے لگا اسنے بتایا کہ وہ محنت مزدوری کرتا ہے گزشتہ روز مصطفی ولد حسین بخش، لعل ولد اللہ وسایا ،حسین ولد اللہ ڈتہ۔صدیق ولد نامعلوم نسیم زوجہ مصطفی۔شاہراں زوجہ حسین بخش ہمراہ 6 خواتین اور 10 نامعلوم افراد سمیت میرے گھر پر حملہ آور ہوئے اور زبردستی میرے گھر سے سامان اٹھا لیا اور میرے بیوی بچوں کو زبردستی گھر سے نکالنے کی کوشش کی مزاحمت پر اینٹوں سے ہم پر تشدد کیا اہل علاقہ کے اکھٹے ہونے پر ملزمان موقع سے فرار ہوگئے ان کے تشدد سے میں اور محمد بدر زخمی ہوگئے 15 پر کال کی جو اٹینڈ نہ ہوئی اس دوران ملزمان نے اپنے بندوں کو خود زخمی کر کے ریسکیو 1122 کو بلوا لیا اور الٹا ہم پر جھوٹا الزام لگا دیا

باغی ٹی وی – کوٹ چھٹہ (شعیب خان لنگاہ کی رپورٹ )مرغیوں اور جانوروں کے مردہ باقیات کو پیس کر، جلا کر کھانے کا تیل اور مچھلیوں کی خوراک کا انکشاف علاقے میں خوف وحراس علاقہ مکینوں کا احتجاج ، انسانوں اور جانوروں میں کئی بیماریاں پھیلنے لگیں . تفصیل کے مطابق بستی کمہار والہ موضع بستی کھوسہ تحصیل وضلع ڈیرہ غازی خان میں لعلوانی رائس مل کے مالک جبین افضل نے اپنی رائس مل کے اندر ایک غیر قانونی فیکٹری لگائی ہے جس سے وہ اپنا مکروہ کام کر رہا ہے مرغیوں اور مردہ جانوروں کےباقیات کو پیس کر، جلا کر کھانے کا تیل اور مچھلیوں کی خوراک کا انکشاف ہوا ہے،جس کی وجہ سے بدبو پھیلی ہوئی ہے علاقے میں انسان جانور اور تمام قدرتی وسائل و عوامل تکلیف، مشکلات کا شکار ہیں فیکٹری کے نزدیک بستی کھوسہ میں پرائمری سکول ہے بدبو کی وجہ سے سکول کے سٹاف اور بچے کافی اذیت کا شکار ہیں علاقہ میں سانس، پھیپھڑوں، اور جلد کی امراض کافی حد تک پھیل چکی ہے اہل علاقہ کا کہنا ہے کئی بار پنجاب پولیس، اسٹنٹ کمشنر ڈیرہ، کمشنر ڈیرہ غازیخان کو درخواستیں دی مگر سیاسی اثر رسوخ ، پیسے کی وجہ سے انتظامیہ کی طرف سے اس کے خلاف کوئی قانونی کارروائی عمل میں نہیں لائی گئی اہل علاقہ نے وزیر اعظم پاکستان، وزیراعلی پنجاب، سے ایکشن لینے کا مطالبہ کیا ہے جیبن افضل نے جو غیر قانونی فیکٹری لگائی ہے اس فی الفور بند کرایا جائے، اہل علاقہ کا کہنا تھا اگر ہمیں اس بدبو سے پھیلنے والی بیماریوں سے نجات نہیں دلائی گئی تو بہت جلد کمشنر آفس کے سامنے احتجاج کریں اور دھرنا دیں گے

باغی ٹی وی : ڈیرہ غازیخان ۔ تھانہ دراہمہ کی حدود دری میرو میں مبینہ طورپر گھر میں ڈکیتی کے دوران مزاحمت پر ڈاکوئوں کی فائرنگ، میاں بیوی زخمی۔
یہ وقوعہ دری میروکے قریبی علاقہ موضع عثمان ڈونہ کی بستی چنجن والا میں رونما ہواہے جہاں پرسلطان قریشی کے گھرمیں نامعلوم افرادنے گھس کرفائرنگ کی جس سے سلطان ولدکرم حسین قوم قریشی کو سینے میں گولی ماری گئی جبکہ اس بیوی صغریٰ بی بی کی دونوں ٹانگوں میں گولیاں ماریں گئیں،مقامی لوگوں کا کہنا ہے یہ معلوم نہیں ہوسکا کہ یہ واقعہ ڈکیتی کایاکوئی پرانی دشمنی یاکسی جھگڑے کانتیجہ ہے ،دوسری طرف ریسکیو کاکہناہے کہ ریسکیو 1122 ڈی جی خان کنٹرول روم کو ایمرجنسی کال موصول ہوئی جس میں کالر نے بتایا کہ دری میرو میں ہمارے گھر کے اندر ڈاکوئوں نے ڈکیتی کے دوران دو بندوں کو فائرنگ کرکے زخمی کردیا ہے۔ آپ جلد ازجلد اپنی ایمبولینس بھیجیں ۔ کنٹرول روم نے بلاتاخیر کے ایک ایمبیولنس جائے حادثہ کی طرف بھجوا دی اور اس بات کی اطلاع پولیس کنٹرول کو بھی کر دی گئی ۔ریسکیو سٹاف نے جائے حادثہ پر بروقت رسپانس کیا اور دونوں مریضوں کو ابتدائی طبی امداد مہیا کرنے کے بعد ٹیچنگ ہسپتال ڈیرہ غازیخان شفٹ کردیا۔ پولیس اور کرائم سین یونٹ موقع پر پہنچ چکا ہے ،تحقیقات کاشروع کردی گئی ہیں۔

باغی ٹی وی :شاہصدردین (شاہد عمران گاڈی نامہ نگار) ڈیرہ غازی خان جرائم پیشہ افراد کے خلاف کارروائی کرکے تھانہ کالا تھانہ شاہ صدر دین تھانہ کوٹ مبارک نے معتدد گینگ گرفتار کرکے لاکھوں روپے کی نقدی موٹر سائیکل اسلحہ برآمد کیا . ڈی ایس پی صدر سرکل اعجاز بخاری کی میڈیا کانفرس تفصیلات کے مطابق ڈی ایس پی صدر سرکل اعجاز بخاری نے میڈیا سے سے گفتگو کرتے ہوئے کہا کہ جرائم پیشہ افراد کے خلاف گھیرا تنگ کردیا ہے تھانہ کالا اور تھانہ کوٹمبارک نے کارروائی کرتے 4 لاکھ نقد دو موٹر سائیکل اسلحہ اور گولیاں برآمد کیں تھانہ کوٹ مبارک نے 4لاکھ روپے سے زیادہ اور موٹر سائیکل برآمد کرکے ملزمان کو حوالات میں بند کیا تھانہ شاہ صدر دین نے مختلف گینگ گرفتار کرکے ہتھکڑیاں لگائیں جو گینگ پولیس نے گرفتار کیے ان میں الطافی گینگ کے جرائم پیشہ افراد شامل ہیں جو مختلف ڈکیتی کی واردات میں پولیس کو مطلوب تھے جن میں پیر عادل موٹر سائیکل ڈکیتی کے دوران ملزمان کی فائرنگ سے مرید حسین نامی راہگیر اور اس کی دو بیٹیاں میں زخمی ہوگئی تھی تھانہ کوٹ مبارک نے ملزمان کو بروقت موقع پر پہنچ کر گرفتار کیا تھا ان ملزمان میں الطاف عرف الطافی ڈڈا ناظم کھوسہ اللہ ڈتہ عرف ابراہیم ہتوانی عبدالمجید عرف مجیدی نتھوانی تنویر عباس نتھوانی محمد اشرف ارائیں شامل ہیں ان تمام ملزمان سے لاکھوں روپے نقدی ڈکیتی شدہ 4,موٹر سائیکل بھاری مقدار میں اسلحہ جن میں پسٹل رپیٹر سینکڑوں گولیاں بھی برآمد کیں ڈی ایس پی اعجاز بخاری نے کہاں پولیس اہلکاروں خاص طور پر تھانہ کالا شاہ صدر دین کوٹ مبارک کے ایس ایچ او نے دن رات ایک کرکے علاقے کو امن کا گہوارہ بنانے میں مصروف عمل ہے گشت کو بہتر بنایا گیا ہے جس سے جرائم میں کافی کمی آئی ہے دوران پریس کانفرس ایس ایچ او تھانہ کالا عزیز شہاب تھانہ شاہ صدر دین انظر عباس تھانہ کوٹ مبارک شاہد اقبال اور تھانہ کالا کے ایس آئی ضیاء الرحمن گاڈی بھی ساتھ تھے

باغی ٹی وی :کوٹ چھٹہ(محمد شعیب کی رپورٹ) ڈیرہ غازیخان میں چہرے بدلے حکومتیں بدلی نہ بدل سکی تو ضلع ڈیرہ غازی خان کی حالت ڈیرہ کھنڈرات کی شکل اختیار کر گیا ہے ہر محلے میں سیوریج کے پانی نے محلے داروں کی زندگی اجیرن بنا دی نمازی مسجد، بچے سکول نہیں جا سکتے یہ مناظر ہیں شہزاد کالونی کے ایک ہفتے سے سیوریج کا پانی کھڑا ہے جس سے کئی بیماریاں پھیلنے کا خدشہ ہے عوامی منتخب نمائندے غائب ہیں یہاں کے لوگوں کا کہنا ہے کئ بار میونسپل کارپوریشن میں کمپلین کی ہے مگر کوئی شنوائی نہیں ہوئی انتظامیہ ٹس سے مس نہیں ہو شہزاد کالونی کے رہائشیوں نے کمشنر لیاقت علی چٹھہ سے نوٹس لینے کا مطالبہ کیا ہے کہ جلد از جلد شہزاد کالونی کے سیوریج کا مسئلہ حل کروایں