ڈی جی خان اور راجنپور اضلاع کے سیلاب زدہ علاقوں میں ایمرجنسی نافذ کردی گئی
باغی ٹی وی رپورٹ ۔ ڈی جی خان اور راجنپور اضلاع کے سیلاب زدہ علاقوں میں ایمرجنسی نافذ کردی گئی اور
ریسکیو،ریونیو،ہیلتھ،لائیو سٹاک اور دیگر محکموں کو ہائی الرٹ کردیاگیاہے،ڈی جی خان اور راجنپور اضلاع میں راستوں کی ہنگامی بنیادوں پر بحالی کا کام شروع کردیا گیاہے،ڈی جی خان میں سیلاب سے متاثرہ بین الصوبائی شاہراہ انڈس ہائی وے پر ٹریفک بحال کردی گئی ہے،چوکی والا تونسہ میں انڈس ہائی وے کے شگاف کو بند کردیا گیاہے ،کمشنر عثمان انور نے راستوں کی بحالی کی خود نگرانی کی،وزیر اعلیٰ چودھری پرویز الہی کی ہدایت پر ریلیف آپریشن تیز کردیا گیا ہے۔ کمشنر عثمان انور بے بتایاکہ ڈی جی خان اور راجنپور میں ریسکیو آپریشن مکمل کرلیا گیاہے ،دونوں اضلاع میں ایک ہزار خیمے نصب کئے گئے ہیں ،فلڈ ریلیف کیمپس میں تین وقت کا کھانا اور ہر ممکن سہولیات فراہم کررہے ہیں، کمشنر عثمان انور نے مزید بتایاکہ دونوں اضلاع میں امدادی سرگرمیوں کےلئے کمیٹیاں تشکیل دے دی گئیں ہیں،ہر متاثرہ فرد کی بحالی تک ریلیف آپریشن جاری رکھیں گے، مویشیوں کی ویکسی نیشن کےلئے فکسڈ کیمپ کے علاؤہ موبائل ٹیمیں تشکیل دے دی ہیں،کمشنر ڈیرہ غازیخان نے کہا کہ سیلاب زدگان کے ضروری علاج معالجہ کی بھی سہولیات کا انتظام کیاگیاہے ،تمام منقطع راستوں کی بحالی اور سیلابی پانی کی بروقت نکاسی اولین ترجیح ہوگی
Category: ڈیرہ غازی خان
-
ڈی جی خان اور راجنپور اضلاع کے سیلاب زدہ علاقوں میں ایمرجنسی نافذ کردی گئی
-
جتوئی میں دوخواتین اور بچے پر تیزاب پھینکنے کے واقعہ پر آر پی اوکا نوٹس,ملزم گرفتار
ریجنل پولیس آفیسر ڈیرہ غازی خان محمد سلیم کا ضلع مظفر گڑھ جتوئی میں دوخواتین اور بچے پر تیزاب پھینکنے کے واقعہ کا نوٹس۔ڈی پی او سے رپورٹ طلب ۔ ڈی پی او مظفر گڑھ کا فوری ایکشن ۔ مقدمہ درج کرکے ملزم کوجدید ٹیکنالوجی کی مدد سے فوری گرفتار کرلیا گیا ۔
باغی ٹی وی رپورٹ.تفصیلات کے مطابق ریجنل پولیس آفیسر ڈیرہ غازی خان محمد سلیم نے ضلع مظفر گڑھ تحصیل جتوئی تھانہ جتوئی کی حددود میں دوخواتین اورایک ڈیڑھ سال کے بچے پر تیزاب پھینکنے کے واقعہ جس میں خواتین اور بچے کاچہرہ ،بازو اور ہاتھ بری طرح سے جھلس گئے کا نوٹس لیتے ہوئے واقعہ کی رپورٹ طلب کرلی اور ڈی پی او مظفرگڑھ کو ملزم کی فوری گرفتاری اور متاثرین کی فوری دادرسی کرنے کے احکامات جاری کیے ۔آر پی او نے ہدایات جاری کیں کہ فرانزک ٹیموں کی مدد سے واقعہ کی تحقیقات عمل میں لائی جائیں ۔
ملزم کی گرفتاری کےلیے فوری طور پر ٹیمیں تشکیل دے کر ریڈ کرکے ملزم کی گرفتاری عمل میں لائی جائے ۔متاثرین کو انصاف کی فراہمی یقینی بنانے کے لئے ترجیحی بنیادوں پر اقدامات اٹھائے جائیں ۔ڈی پی او مظفر گڑھ نے آر پی او کے نوٹس پرفوری ایکشن لیتے ہوئے مقدمہ درج کرکے تحقیقات کےلیے ٹیم تشکیل دے دی ۔ تفتیشی ٹیم نے جدید سائنسی بنیادوں پر واقعہ کی تحقیقات کرتے ہوئے ملزم محمد اصغر پہلوان کو فوری طور پر گرفتار کرلیا ملزم سے مزید تفتیش جاری ہے ۔ملزم کو خلاف ٹھوس شواہد کے ساتھ چالان عدالت کرکے قرار واقعی سزا دلوائی جائے گی ۔ -
کوہ سلیمان تمن قیصرانی چتروٹہ میں آسمانی بجلی گرنے سے ایک خاتون ،سیلابی ریلے میں بہہ کر6 افرادجاں بحق
کوہ سلیمان تمن قیصرانی چتروٹہ میں آسمانی بجلی گرنے سے ایک خاتون ،سیلابی ریلے میں بہہ کر6 افرادجاں بحق ہوگئے ہیں
باغی ٹی وی کی خبرپرکمانڈنٹ بارڈر ملٹری پولیس اکرام ملک فوری نوٹس لیتے ہوئے چتروٹہ تمن قیصرانی سیلاب متاثرین کیلئے سامان راشن ٹینٹس روانہ کر دئیے ہیں۔ کمانڈنٹ بارڈر ملٹری پولیس اکرام ملک کے حکم پرتھانہ پھگلہ اورتھانہ چتر وٹہ میں کو بے گھر ہونیوالے افراد کے لیے کھول دیا گیا کل سے بارڈر ملٹری پولیس کے جوان انکے خدمت میں مصروف ہیں
باغی ٹی وی رپورٹ۔کوہ سلیمان تمن قیصرانی چتروٹہ میں گذشتہ روز آسمانی بجلی گرنے سے ایک خاتون کلثوم مائی زوجہ علائوالدین جاں بحق ہوگئی،او کے علاوہ چتروٹہ تمن قیصرانی بلوچستان پنجاب سرحدی علاقے میں سات افراد کوڑہ لہڑ سنگھ دف کے مقام پررودکوہی کے سیلابی ریلے میں بہہ گئے۔ قبائلی لوگوں نے اپنی مددآپ کے تحت سات میں سے پانچ کی لاشیں تلاش کر کے نکال لی ہیں،سیلابی ریلے میں بہہ جانے والے ایک شخص کو زندہ نکالاگیاہے ایک شخص اب بھی لاپتہ ہے، کوڑہ لہڑ سیلابی ریلے سے میتوں کو لے کر قبائلی لوگ انکو آبائی گائوں کی طرف روانہ ہیںیادرہے راستے نہ ہونے کی وجہ سے ان میتوں کو قبائلیوں کو سیلابی ریلے سے گزار کر لے کرجاناپڑرہا ہے ہیں ،ڈوب کرجاں بحق ہو جانے والے پانچ افراد میں سے ایک شخص کی شناخت ہوئی ہے، ذرائع کاکہناہے کہ جاں بحق ہونے والے زیادہ تر افراد کا تعلق بلوچستان کے ضلع موسیٰ خیل ہے۔ باغی ٹی وی کی خبرپرکمانڈنٹ بارڈر ملٹری پولیس اکرام ملک فوری نوٹس لیتے ہوئے چتروٹہ تمن قیصرانی سیلاب متاثرین کیلئے سامان راشن اورخیمے روانہ کر دئیے ہیں۔ کمانڈنٹ بارڈر ملٹری پولیس اکرام ملک کے حکم پرتھانہ پھگلہ اورتھانہ چتر وٹہ میں کو بے گھر ہونیوالے افراد کے لیے کھول دیا گیا کل سے بارڈر ملٹری پولیس کے جوان انکے خدمت میں مصروف ہیں.تمن قیصرانی سیلاب چتر وٹہ پورا گاؤں صفحہ ہستی سے مٹ گیا صرف دو کمرے بچ گئے گاؤں والوں نے بھاگ کر جان بچائی پیچھے سفید عمارت نظر آ رہی ہے وہ بارڈر ملٹری پولیس کا تھانہ ہے متاثرین نے بچوں عورتوں سمیت کل سے تھانے میں پناہ لے رکھی ہے
افتخاراحمدزیادقیصرانی سرکل آفیسر تمن قیصرانی بارڈرملٹری پولیس نے فون پربتایا کہ چتروٹہ کیلئے راستے بندہونے کی وجہ سے ہم اونٹوں اورگدھوں کے ذریعے سیلاب متاثرین تک امدادپہنچانے کی کوشش کررہے ہیں۔ان کاکہناتھاکہ تمن قیصرانی چتروٹہ کی بستی چوکی شیرکے تمام گھروں میں رودکوہی کاسیلابی پانی داخل ہوگیاتھاجس سے اس بستی کانام ونشان مٹ گیا تھا،اس بستی کے مکین تھانہ چتروٹہ میں موجود ہیں ۔دوسری طرف تمن لغاری کے قبائلی علاقے یونین کونسل بیلاکی بستی حاصلانی،بستی گلکلی،بستی کزیرااوربستی قسمانی کے قریبی رودکوہی سے کٹائو جاری ہے،تمن لغاری کی یہ بستیاں شدیدخطرے میں ہیں۔کوہ سلیمان سے آنے والے سیلابی ریلوں نے ڈیرہ غازی خان کی تحصیل تونسہ، تحصیل کوٹ چھٹہ، قبائلی علاقوں اور راجن پور کو شدید متاثر کیا ہے۔ قبائلی علاقوں کے راستے منقطع ہیں۔فصلیں تباہ ،جانی ومالی نقصانات ہوئے ہیں، مکانات منہدم لوگ نقل مکانی کرنے پر مجبور ہیں۔وزیر اعلی پنجاب کی ہدایت پر ڈیرہ غازی خان کے سیلاب متاثرین میں امدادی سامان کی ترسیل شروع کر دی گئی ہے
جب کہ ڈپٹی کمشنر محمد انور بریار سیلاب متاثرین کی امداد میں پیش پیش ہیں۔وہ متاثرین میں امدادی سامان تقسیم کرنے بستی منگڑوٹھہ پہنچ گئے،ڈپٹی کمشنر نے خود متاثرین میں خیمے اور دیگر سامان تقسیم کیا۔اس موقع پر گفتگو کرتے ہوئے انہوں نے کہا کہ سیلاب زدگان خود کو اکیلا نہ سمجھیں،حکومت پنجاب ان کے ساتھ ہے،حکومت پنجاب متاثرین کو خیموں کیساتھ راشن بھی فراہم کرے گی،ہماری ٹیمیں متاثرین کی امداد کیلئے ہمہ وقت حاضر ہیں،آزمائش میں گھبرانے کی ضرورت نہیں ہے،معاملات جلد بہتر ہو جائیں گے،اس موقع پر ڈپٹی کمشنر نے امدادی کیمپ میں دیگر محکموں کی طرف سے لگائے گئے سٹالز کا بھی معائنہ کیا۔ -
کوہ سلیمان تمن قیصرانی چتر وٹہ بستی سیلابی ریلے کی وجہ سے صفحہ ہستی سے مٹ گئی
ڈیرہ ۔ کوہ سلیمان تمن قیصرانی چتر وٹہ بستی سیلابی ریلے کی وجہ سے صفحہ ہستی سے مٹ گئی
سابق وزیر اعلی پنجاب سردار عثمان بزدار کا رات گئے تونسہ میں سیلابی علاقوں کا دورہ ۔سنگھڑ رود کوہی میں تاریخی بڑا 268500 کیوسک سیلابی ریلا رپورٹ ہوا۔
باغی ٹی وی رپورٹ۔ڈیرہ غازی خان اب تک ملنے والی اطلاعات کے مطابق کوہ سلیمان تمن قیصرانی چتر وٹہ بستی سیلابی ریلے کی وجہ سے صفحہ ہستی سے مٹ گی مقامی لوگوں نے بارڈر ملٹری پولیس کے تھانے میں پناہ لے رکھی ہے جبکہ سیلاب نے پھگلہ و دیگر علاقوں میں بھی تباہی مچا دی لوگوں کے مال مویشی بہا کر لے گی مکانات اور کاشت زمینوں کو بھی تباہ کر دیا تمن قیصرانی کے لوگ امداد کے منتظر ہیں۔
سابق وزیر اعلی پنجاب سردار عثمان بزدار نے رات گئے تونسہ میں سیلابی علاقوں کا دورہ کیا،ڈپٹی کمشنر محمد انور بریار بھی سردار عثمان بزدار کے ہمراہ تھے۔
اس موقع پرڈپٹی کمشنر محمد انور بریار نے انہیں ضلعی انتظامیہ کے اقدامات بارے بریفنگ دی۔سردار عثمان بزدار نے تونسہ میں قائم ریلیف کیمپ کا بھی دورہ کیا،انہوں نے اس موقع پر گفتگو کرتے ہوئے کہا کہ متاثرین کی مشکلات کے پیش نظر سہولیات میں بھی اضافہ کیا جائے،سیلاب زدگان کی امداد کیلئے تمام وسائل بروئے کار لائے جائیں،سیلابی پانی میں پھنسے لوگوں کے انخلا کیلئے ریسکیو آپریشن جاری رکھا جائے،سردار عثمان بزدار نے کہا کہ سیلاب زدگان مشکل وقت خود کو اکیلا نہ سمجھیں،حکومت پنجاب آزمائش کی گھڑی میں سیلاب متاثرین کے ساتھ ہے۔دوسری طرف وزیر اعلی چودھری پرویز الہی کی ہدایت پر سیلاب زدہ علاقوں میں امدادی سرگرمیاں تیزکردی گئیں،تحصیل تونسہ کے سیلاب زدہ علاقوں میں رات گئے ریسکیو آپریشن جاری رہا۔کمشنر ڈی جی خان عثمان انور کو ابتدائی رپورٹ پیش کی گئی جس میں بتایاگیاہے کہ چار ہزار سے زائد افراد کو سیلابی پانی سے ریسکیو کیا گیا،ریسکیورز نے 280 سے زائد افراد کو سیلابی پانی سے محفوظ مقامات پر منتقل کیا، 25 کشتیوں،18 گاڑیوں اور 152 ریسکیورز نے آپریشن میں حصہ لیا،سیلاب زدہ علاقوں میں ابتدائی طور پر سات ریلیف کیمپس قائم کئے گئے ہیں،فلڈ ریلیف کیمپس اور بستیوں میں تیار خوارک کی 100 دیگیں تقسیم کی گئیں،سیلاب زدگان میں تین وقت کا کھانا دیا جائیگا،کمشنر عثمان انورنے کہا کہ خیمے ،خشک راشن اور دیگر امدادی سامان بھی تقسیم ہوگاجس کیلئے کمیٹیاں تشکیل دے دی گئیں۔ڈپٹی کمشنر محمد انور بریارنے بتایاگیاکہ سنگھڑ رود کوہی میں تاریخی بڑا 268500 کیوسک سیلابی ریلا رپورٹ ہوا،بستی منگروٹھہ،کچل،سوکڑ،مندرانی اور دیگر علاقے متاثر ہوئے، ابتدائی رپورٹ موضع بودو،ایدا آرائیں،لعل شاہ،بستی حبیب اور دیگر علاقے زیر آب تحصیل تونسہ میں کوٹلہ میرانی،تھلہ چکی،ڈگر والی کے علاقے بھی زیر آب آگئے ہیں۔مقامی ذرائع کے مطابق اس وقت کوہ سلیمان کی تینوں بڑی ندیوں میںپانی کا لیول کم ہ ہوچکا ہے۔
سنگھڑندی میں پانی کا لیول بہت کم ہو گیاہے آج صبح کی تازہ تصویر -
تونسہ میں سیلاب، حالات پریشان کُن :فوج سےمدد مانگ لی گئی
ڈیرہ غازی خان :تونسہ میں سیلاب، حالات پریشان کُن : سویلین حکام نے فوج سے ہیلی کاپٹر مانگ لئے،اطلاعات کے مطابق تونسہ میں سیلاب نے تباہی مچادی ہے، ڈی جی خان نے فوج سے ہیلی کاپٹر مانگ لئے ہیں۔تفصیلات کے مطابق تونسہ میں سیلاب نے اپنے راستے میں آنے والی بستیوں کو نشانہ بنایا، شدید بارشوں و سیلاب سے بستی مندرانی اور بستی کیچل میں سیکڑوں لوگ پھنس گئے۔
شہریوں میں بچے اور بوڑھے بھی شامل ہیں جن کی زندگیوں کو خطرات لاحق ہے، فوج فوری طور پرعملہ سمیت ایک عدد ہیلی کاپٹر فراہم کرے۔ڈی جی ڈیرہ غازی خان نے کورپس 2 کنٹونمنٹ ملتان کو خط لکھ دیا ہے۔
ڈیرہ ۔ رودکوہی سیلابی ریلے سے حفاظتی بند ٹوٹ گیا،تباہی مچ گئی
بلوچستان میں سیلابی صورتحال
دوسری جانب پروونشل ڈیزاسٹر میجنمنٹ اتھارٹی (پی ڈی ایم اے) پنجاب کے مطابق آج سے 16اگست تک پنجاب کے مختلف شہروں میں موسلا دھاربارش جب کہ 18اگست تک ڈی جی خان کے برساتی نالوں میں طغیانی کا خطرہ ہے۔پی ڈی ایم اے نے متعلقہ تمام اداروں کو ہنگامی صورتحال سے نمٹنے کے لیے الرٹ رہنے کی ہدایت جاری کرتے ہوئے کہا ہے کہ روزانہ کی بنیاد پر ندی نالوں میں پانی کی سطح کا جائزہ لیا جائے۔
وزیراعظم ، چیئرمین سینیٹ کا بلوچستان میں بارشوں اورسیلاب سے تباہی پراظہارافسوس
علاوہ ازیں بلوچستان میں بارشوں کے نئے اسپئیل کے بعد سبی وگردونواح می وقفے وقفے کے ساتھ موسلادھار بارش کا سلسلہ شروع ہوگیا جس کے بعد سبی شہر کے نشیبی علاقے زیر آب آگئے ہیں۔بلوچستان کے مختلف علاقوں میں بھی بارشوں نے مزید سیلابی صورت حال پیدا کردی جبکہ ندی نالوں میں بھی طغیانی آگئی ہے۔
کراچی میں پھربارشیں،بلوچستان میں سیلابی صورت حال کا الرٹ جاری
قلعہ عبداللّٰہ میں پانی کے دباؤ سے تین ڈیم ٹوٹ گئے اور سیلابی ریلے مختلف علاقوں میں داخل ہوگئے جس کے باعث لوگ پھنس گئے۔پی ڈی ایم اے کے مطابق پیر علی زئی گاؤں میں 25 بچوں کو سیلابی ریلے سے نکال لیا گیا جبکہ سیلاب سے 4 افراد جاں بحق ہوگئے۔
مون سون کے پے درپے اسپیل، موسلا دھار بارشوں نے سندھ اور بلوچستان میں تباہی مچادی، تھر پارکر اور بدین میں آسمانی بجلی گرنے سے 2 خواتین سمیت 3 افراد جاں بحق، قلعہ عبداللہ میں ڈیم ٹوٹ گیا، سیلابی ریلے میں ٹریکٹر ٹرالی اور بجلی کے درجنوں پول بہہ گئے جب کہ 2 افراد چل بسے، 20 لاپتا ہیں جن کی تلاش جاری ہے۔
-
ڈیرہ ۔ وزیراعلیٰ پرویزالٰہی کاحکم ہوا میں اُڑگیا،فوڈسنٹر شادن لنڈ میں گندم سیکنڈل میں ملوث ذمہ داروں کے خلاف کارروائی نہ ہوسکی۔
ڈیرہ۔وزیراعلیٰ پرویزالٰہی کاحکم ہوامیں اُڑگیا،فوڈسنٹر شادن لنڈ میںگندم سیکنڈل میں ملوث ذمہ داروں کے خلاف کارروائی نہ ہوسکی۔
باغی ٹی وی رپورٹ۔ڈیرہ غازیخان میں فوڈسنٹر شادن لنڈ میں گندم کی خرابی کا ذمہ دار کون ؟ ہر طرف خاموشی کے ڈیرے ،ڈی ایف سی مہر اختر نے فلورملزمالکان پر دبائو ڈالا کہ خراب گندم کو خریدیں اور تھوڑا تھوڑا آٹے کے ساتھ مکس کرتے جائیں۔ سیلاب سے قبل سیکرٹری فوڈ نے رپورٹ مانگی تھی کہ کسی فوڈ سینٹر کو سیلاب سے تو کوئی خطرہ نہیں ہے جس پر ڈیرہ غازی خان کی رپورٹ میں مبینہ طورپر شادن لنڈ فوڈ سینٹر کاذکر نہیں کیا گیااوررپورٹ میں بتایاگیاکہ ہمارے کسی بھی فوڈسنٹرکوسیلاب سے کوئی خطرہ نہیں ہے،اس رپورٹ کے برعکس شادن لنڈ فوڈ سنٹر میں رود کوہی سیلاب کا پانی داخل ہوگیا جس سے گندم خراب ہوگئی،
جب میڈیا پر یہ معاملہ ہائی لائٹ ہوا تو دورہ ڈیرہ غازیخان میں وزیراعلیٰ پنجاب چوہدری پرویزالٰہی نے اس معاملے پرنوٹس لیکرتحقیقات کاحکم دیا،اس کے برعکس کوئی عملی قدم نہ اٹھایا گیا اورذمہ داروں کاتعین تودورکی بات۔ڈی ایف سے اس سارے معاملے پرپردہ ڈالتے ہوئے کہا کہ یہ گندم فیڈ والے خرید رہے ہیں ۔سوال یہ ہے کہ خراب گندم کا آکشن کب ہوا اور کس فیڈ کمپنی نے اس کو خریدا ہے ؟ڈپٹی کمشنر ڈیرہ غازی خان کو چاہیے کہ اس کا نوٹس لیتے ہوئے فلور ملز کو خراب گندم کی سپلائی روکیں اور غیر جانبدارانہ تحقیقات کے احکامات جاری کریں۔جاری مون سون بارشوں سے آنے والے سیلاب سے فوڈسنٹر شادن لنڈ میں بارشی اوررود کوہی کے پانی میں سینکڑوں بوری گندم ڈوب جانے کے باعث خراب ہوگئی،ذرائع کے مطابق لگ بھگ 2لاکھ بوری خراب ہوئی معاملہ پر سیکرٹری خوراک پنجاب نے نوٹس لے لیا ڈی ایف سی ڈیرہ مہر اختر حسین کیخلاف کارروائی شروع ہوئی تو ڈائر یکٹر خوراک اور ڈی ایف سی ڈیرہ مہر اختر حسین کیخلاف کارروائی کا آغاز ہوگیا،لیکن دوسری طرف ذرائع کا کہتا ہے کہ محکمہ خوراک کے مطابق سیلاب سے مبینہ دو سے چارسو بوری گندم خراب ہونے کی تصدیق کرتے ہیں گند م کے معاملے پر، بڑے پیمانے پرخورد بردی کی اطلاع ہے جس سے گندم میں بڑے پانے پرخورد برود کو خارج از امکان قرارنہیں دیا جاسکتا۔ انتہائی باوثوق ذرائع کے مطابق سیکرٹری خوراک پنجاب اور ڈائریکٹر خوراک نے الرٹ جار ی ہونے کے باوجو د انتظامات نہ کرنے پر ڈپٹی ڈائریکٹر خوراک اور ڈی ایف سی ڈیرہ مہر اختر حسین کیخلاف مبینہ چارج شیٹ فائل کردی ہے ۔ جب ڈی ایف سی محکمہ خوراک مہر اختر حسین سے رابطہ کیا گیا تو انہوں نے بتایا کہ کچھ افسران یہاں آئے تھے انہوں نے شواہد بھی اکھٹے کیے لیکن انہوں نے رپورٹ جاری نہیں کی جب رپورٹ جاری ہوگی تو حقائق معلوم ہوں گے۔
وزیر اعلی پنجاب چوہدری پرویز الٰہی کی ہدایت پر فوڈ سنٹر شادن لنڈ زیر آب آنے کے واقعہ کی تحقیقات شروع گئی ہیں ا س حوالے سے ڈپٹی کمشنر ڈی جی خان محمد انور بریار نے تین رکنی انکوائری کمیٹی تشکیل دے دیا ہے ایڈیشنل ڈپٹی کمشنر ریونیو کمیٹی کے کنوینر مقرراراکین میں اسسٹنٹ کمشنر تونسہ اور ڈپٹی ڈائریکٹر زراعت شامل ہیںانکوائری کمیٹی چار روز کے اندر رپورٹ پیش کرناتھی لیکن کئی چارروزگذرگئے لیکن کوئی رپورٹ پیش نہ ہوسکی ۔ڈ پٹی کمشنر محمد انور بریار نے نوٹیفکیشن جاری کردیاانکوائری کمیٹی فوڈ سنٹر کی جگہ کے انتخاب،ایس او پیز اور تمام معاملات کا جائزہ لے گی کمیٹی کی سفارشات پر قانون کے تحت کارروائی ہوگی،ڈپٹی کمشنر محمد انور بریار زرائع کا کہنا ہے ۔اس سے قبل سیکرٹری فوڈ نے رپورٹ مانگی تھی کہ کسی فوڈ سینٹر کو سیلاب سے تو کوئی خطرہ نہیں ہے جس پر ڈیرہ غازی خان کی رپورٹ میں مبینہ طورپر شادن لنڈ فوڈ سینٹر کا ذکر نہیں کیا گیا ۔ شادن لنڈ فوڈ سینٹر سیلاب کی زد میں آگیا جس سے کروڑوں روپے مالیت کی گندم خراب ہوگئی۔ڈی ایف سی مہر اختر نے فلورملز پر دبائو ڈالا کہ خراب گندم کو خریدیں اور تھوڑا تھوڑا آٹے کے ساتھ مکس کرتے جائیں ۔جب میڈیا پر یہ معاملہ ہائی لائٹ ہوا تو مہر اختر نے کہا کہ یہ گندم فیڈ والے خرید رہے ہیں ۔سوال یہ ہے کہ خراب گندم کی آکشن کب ہوئی اور کس فیڈ کمپنی نے اس کو خریدا ہے ؟وزیراعلیٰ پنجاب چوہدری پرویزالٰہی اس کا سخت نوٹس لیکر فلور ملز کو خراب گندم کی سپلائی روکیں اور غیر جانبدارانہ تحقیقات کے احکامات جاری کرکے ذمہ داروں کاتعین کرکے انہیں انصاف کے کٹہرے میں لائیں۔ -
ڈیرہ ۔ رودکوہی سیلابی ریلے سے حفاظتی بند ٹوٹ گیا،تباہی مچ گئی،انتظامیہ لوگوں کو محفوظ مقام پر منتقل کرنے میں مصروف
ڈیرہ ۔ رودکوہی سیلابی ریلے سے حفاظتی بند ٹوٹ گیا،تباہی مچ گئی،انتظامیہ لوگوں کو محفوظ مقام پر منتقل کرنے میں مصروف
باغی ٹی وی رپورٹ۔ڈیرہ غازیخان میں رود کوہیوں کے بارشی پانی سے تباہ کاریاں جاری ہیں،نواحی بستی منگڑوٹھہ غربی میں حفاظتی بند ٹوٹنے سے سیلابی پانی لوگوں کے گھروں میں داخل ہوگیا۔ڈپٹی کمشنر محمد انور بریار سیلاب متاثرین کی محفوظ مقامات پر منتقلی کیلئے خود بھی متحرک ہوگئے ہیں،وہ منگڑوٹھہ غربی کے متاثرین کے گھروں میں پہنچ گئے،انہوں نے سیلابی پانی میں پھنسے لوگوں کو محفوظ مقام پر منتقلی میں مدد کی۔
محمد انور بریار نے خود سہارا دیکر ایک بزرگ کو گاڑی میں سوار کرایا۔ڈپٹی کمشنر محمد انور بریار کا کہنا ہے کہ رودکوہیوں کے سیلابی پانی کی شدت کا مقابلہ نہیں کیا جا سکتا،لوگوں کو فوری طور پر محفوظ مقامات پر منتقل کرنا ہماری اولین ترجیح ہے،ہمارے لئے انسانی جانوں کی حفاظت مقدم ہے،لوگ محفوظ مقام پر منتقل ہوں،مجھ سمیت ریسکیو ٹیمیں لوگوں کو محفوظ مقامات پر منتقل کررہی ہیں،ڈپٹی کمشنر نے کہا کہ بارشوں کے نئے سپل کے پیش نظر پانی کے بہا کو روکا نہیں جا سکتا،رود کوہیوں کے پانی کی نکاسی اہم ہے،لوگوں کے مال مویشی کو بھی محفوظ مقام پر منتقل کریں گے،دن رات کام جاری رکھ کر لوگوں کو ریلیف فراہم کرتے رہیں گے۔
ڈیرہ غازیخان اور راجن پور اضلاع کے کوہ سلیمان رینج میں بارشوں کا نیا سلسلہ شروع ہو گیا پہاڑی ندی نالوں میں طغیانی سے نشیبی علاقے زیر آب آ گئے۔کمشنر ڈیر ہ غازیخان ڈویژن عثمان انور نے فوری طور پر ڈپٹی کمشنرز کو متحرک کرتے ہوئے خود بھی سیلابی علاقوں کا جائزہ لیا۔کمشنر ڈیرہ غازی خان ڈویژن محمد عثمان انور نے سیلابی علاقوں کا دورہ کیا اور حساس علاقوں کے مکینوں کو محفوظ مقامات پر منتقل ہونے کی ترغیب دی۔کمشنر نے کہا کہ قیمتی جان ومال کے تحفظ کیلئے شہری محفوظ مقامات پر منتقل ہو جائیں،کمشنر نے کہاکہ ریسکیو آپریشن کے ساتھ امدادی سرگرمیوں کو بھی تیز کیا جائے. سیلاب زدگان کیلئے ریلیف کیمپس، خوراک اور دیگر معاملات کیلئے متعلقہ محکموں کو ہدایات جاری کر دی گئی ہیں کمشنر نے لوہار والا سمیت دونوں اضلاع کے مختلف علاقوں کا دورہ کیااور افسران کو ہدایات جاری کیں،
دوسری طرف عوامی خدمت کے جذبہ سے سرشار ڈسٹرکٹ پولیس ڈیرہ غازیخان کے جوان سیلابی صورت حال میں عوامی خدمت میں مصروف عمل، پولیس کے جوان عوام الناس کو سیلاب سے نکال کر محفوظ مقامات پر منتقل کر رہے ہیں۔ -
مشہور سرائیکی ٹک ٹاکر سمیر عباسی کے ساتھ جنسی زیادتی یا کچھ اور؟
مشہور سرائیکی ٹک ٹاکر سمیر عباسی کے ساتھ جنسی زیادتی یاکچھ اور؟حقائق منظرعام پر آگئے
باغی ٹی وی رپورٹ۔سوشل میڈیا پرویڈیو زگردش کررہی ہیں جن میں بتایا جارہا ہے کہ خانبیلہ سے تعلق رکھنے والے ٹاک ٹاکر سمیر عباسی کو ڈیرہ غازی میں ایک دعوت پر مدعو کیا گیا اور بعد ازاں نشہ آور ادویات دیکر زیادتی کی گئی ،میڈیکل میں زیادتی ثابت ،سمیرعباسی کے والداوربھائی کی مدعیت میں مقدمہ درج۔
ویڈیو لنک جس میں ٹک ٹاکر سمیرعباسی سے جنسی زیادتی کا دعویٰ کیاگیا
https://https://youtu.be/H3ofcqyF5zw
جب اس سلسلے میں پولیس ترجمان ڈیرہ غازیخان سے رابطہ کیاتو انہوں نے بتایا کہ ڈیرہ غازیخان میں ایساکوئی واقعہ رپورٹ نہیں ہوا اور نہ ہی ڈیرہ غازیخان میں اس قسم کے واقعے کی اطلاعات ہیں ۔جب اس سلسلے میں مزید تحقیقات کیں تومعلوم ہوا کہ ٹک ٹاکرسستی شہرت کیلئے اوچھے ہتھکنڈے استعمال کرتے ہیں اور یہ لوگ خود شوشہ چھوڑتے ہیں تاکہ لوگ انہیں سرچ کریں ان کا واچ ٹائم بڑھے اور سوشل میڈیا پر ان کی ریٹنگ زیادہ ہو۔
دیکھئے ٹک ٹاکرسمیرعباسی اس واقعے کے بارے میں کیاکہہ رہاہے۔
-
ڈیرہ – سیوریج لائنز پھٹ گئیں، سیوریج کا پانی زیر زمین رسنے سے مین شاہراہوں پر کئی فٹ چوڑے گڑھے، حادثات معمول
ڈیرہ غازی خان میں سیوریج لائنز پھٹ گئیں، سیوریج کا پانی زیر زمین رسنے سے مین شاہراہوں پر کئی فٹ چوڑے گڑھے پڑ گئے حادثات معمول بن گئے
باغی ٹی وی رپورٹ.صدرعوامی اتحاد ویلفیئر آرگنائزیشن ڈیرہ غازیخان مولانا غلام سرور عثمانی نے کہا ہے کہ عوامی اتحاد ویلفیئر آرگنائزیشن ایک فلاحی تنظیم ہے جو کہ عوامی مسائل اور عوامی خدمت کے منشور پر کام کرتی ہے اور الحمد اللہ ڈسٹرکٹ ڈیرہ غازیخان کے عوام میں اپنے خدمت کے جذبے کی وجہ سے ہر دلعزیز ہے۔پورے ڈیرہ غازیخان شہر کے واٹر ڈسپوزل بند کرکے سیوریج لائن کا بھٹہ بٹھا دیا سارے شہر کی سیوریج لائن پھٹ گئیں اور سار ا سیوریج کا پانی زیر زمین رسنا شروع ہوگیا اب حالت یہ ہے کہ پورے شہر کی سٹرکیں یکدم دھڑام سے گر جاتی ہیں اور پھر اس خلا کو مٹی ڈال کر بند کردیا جاتا ہے کسی سٹرک کا یوں اچانک پھٹ جانا انسانی زندگی کے ساتھ ساتھ مالی نقصان کا بھی پیش خیمہ اور سبب بن رہا ہے .
سارے شہر کی سٹرکیں جن میں کالج روڈ،پاسپورٹ آفس روڈ،ہسپتال روڈ،گولائی کمیٹی روڈ،صدر بازار،پتھر بازار،فریدیہ بازار،لیاقت بازار،قائداعظم روڈ،کنگن روڈ،پیر قتال روڈ،اسٹیشن روڈ،کچہری روڈ،گولائی کمیٹی تا فیصل مسجد چوک روڈ،پیارے والی پل تا ڈاٹ پل،باری باری گر چکی ہیںمولانا سرور عثمان نے مزید بتایا کہ چند دن پہلے کالج تا پاسپورٹ آفس روڈ کے اوپر یکدم سٹرک پھٹ جانے سے بجری سے بھرا ٹرک الٹ گیا جس کے نتیجے میں 10ویلر ٹرک ہاش پاش ہوگیا اور روڈ پر بجری اور ٹرک کے ٹکڑے دور دور تک بکھر گئے۔یہ تباہی کی ان سب ذمہ داروں کے خلاف تحقیقات کرکے ان کا سراغ لگانا آپ کی ذمہ داری ہے اور ان کے خلاف ایکشن لینا اور عبرت ناک سزا دلوانا آپ کا فرض ہے۔ ہماری ویلفیئر آرگنائزیشن کا کام عوامی مسائل اور کرپٹ لوگوں کی نشاندہی کرنا ہے تاکہ عوام آئندہ رونما ہونے والے حادثات سے محفوظ رہ سکیں کیونکہ ہم ایک محب وطن لوگ ہیں اور اپنے ملک کے وفا دار ہیں۔ہمارے شہر ڈیرہ غازیخان میں ریکارڈ کام ہورہے ہیں جو سابقہ حکومت نے 10سال میں بھی نہیں کیے۔ہم وزیر اعلیٰ پنجاب چوہدری پرویز الہیٰ سے پر زور اپیل کرتے ہیں کہ ڈیرہ غازیخان کی موجودہ صورتحال پر فوری ایکشن لیا جائے۔فوری کام کروائے جائیں۔پینے کا صاف پانی کا بھی بہت فقدان ہے بیماریاں جنم لے رہی ہیں ہر دوسرا شخص یرقان، معدہ جگر کے مرض میں مبتلاء ہیں۔ صفائی کے ناقص انتظامات ہیں جگہ جگہ گندگی اور بدبو نظر آتی ہے -
علی پور۔ زہریلی شراب پینے سے 11افراد ہلاک 4 کی حالت تشویشناک،شراب فروش گرفتار
علی پور۔ زہریلی شراب پینے سے 11 افراد ہلاک 4 کی حالت تشویشناک، ہلاک ہونے والوں میں ایک عورت بھی شامل ہے۔تھانہ صدرکی حدود موضع ٹبی ارائیں کا شراب فروش گرفتار،اس سے قبل شراب فروش پر 100سے زائد ایف آئی آر درج ہیں ۔ذرائع
باغی ٹی وی رپورٹ۔ضلع مظفرگڑھ کی تحصیل علی پورمیں زہریلی شراب پینے سے 11 افراد ہلاک ہوگئے ہیں اور 4 افرادکی حالت خطرے میں بتائی جارہی ہے ،تشویشناک حالت کے باعث تحصیل ہیڈکوارٹرہسپتال علی پور نے ان فراد کونشترہسپتال ملتان اور بہاولپورہسپتال ریفرکردیاہے ۔شراب سے جاں بحق ہونے والا علی پورسٹی کے رہائشی شیخ سانول نے اپنے آخری بیان میں شراب بیچنے والے شخص کی نشاندہی کی تھی۔اس نے عالم نزع میں بتایا کہ ٹبی ارائیں کے رہائشی سلطان عرف سلطانہ ارائیں سے شراب خریدی تھی ،موضع ٹبی ارائیں سیت پوررودڈ پر علی پور شہر سے 4/5کلومیٹر کے فاصلے پر تھانہ صدرکے حدود میں واقع ہے ،جبکہ شراب سے ہلاک ہونے والے تمام افراد کا تعلق علی پور سٹی تھانہ سٹی کی حدود میں ہے ،شراب سے ہلاک ہونے والوں میں ایک عورت بھی شامل ہے۔ڈسٹرکٹ پولیس آفیسر مظفرگڑھ احمد نواز شاہ نے واقعہ کا نوٹس لیتے ہوتے ہوئے ایس ایچ او تھانہ سٹی علی پور جہاں زیب لغاری اورایس ایچ او تھانہ صدر علی پور سجاد حیدر کو معطل کرکے کلوز ٹو لائن کردیا۔ایس پی انویسٹی گیشن کی سربراہی میں انکوائری کمیٹی تشکیل دے دی گئی ہے ۔شراب فروش سلطان عرف سلطانہ ارائیں کوتھانہ سٹی پولیس علی پور نے گرفتارکرلیاہے۔
دوسری طرف ریجنل پولیس آفیسر ڈیرہ غازی خان محمد سلیم نےمظفرگڑھ کی تحصیل علی پور میں ذہریلی شراب پینے سے ہلاکتوں کے واقعہ کا نوٹس لے لیا ہے۔ ڈسٹرکٹ پولیس آفیسر مظفرگڑھ سے رپورٹ طلب کرلی ہے اور واقعہ میں ملوث تمام ملزمان کی فوری گرفتاری کا حکم۔ چاروں اضلاع میں شراب فروشوں کے خلاف سخت کریک ڈائون کا حکم بھی جاری کردیا ہے۔