Category: فیصل آباد

فیصل آبادحکومت پنجاب کی ہدایات پر ضلع بھر کی عام مارکیٹوں وبازاروں کے کریانہ سٹورز پر چینی کی مقررہ سرکاری قیمت 85 روپے فی کلوگرام کے حساب سے فروخت کی چیکنگ کا سلسلہ جاری ہے اس ضمن میں گذشتہ روز اوور چارجنگ پر 13 گرانفروشوں کو 48 ہزار روپے جرمانہ کیا گیا۔

ڈپٹی کمشنر محمد علی نے پرائس کنٹرول مجسٹریٹس کو سخت تاکید کی کہ مارکیٹوں وبازاروں میں چینی سمیت دیگر اشیائے ضروریہ مہنگے داموں فروخت کرنے والوں کے خلاف بلاامتیاز کارروائی کی جائے اور اوور
چارجنگ کرنیوالوں کو بھاری جرمانے اور مقدمات درج کراکر جیل بھیجیں تاکہ کسی کو صارفین کا استحصال کرنے کی جرات نہ ہو۔

فیصل آبادسیکرٹری آرٹی اے ضمیر حسین نے شاہرات پر مسافر گاڑیوں کی چیکنگ کے دوران کورونا ایس اوپیز کی خلاف ورزی پر7 مسافر گاڑیوں کو بند اور ڈرائیورز کو 25000کے اجرمانے کئے۔

انہوں نے تحصیل جڑانوالہ میں 5 بس سٹینڈز بھی چیک کئے اور ٹرانسپورٹرز کو کورونا ایس اوپیز پر من وعن عملدرآمد کی تاکید کرتے ہوئے واضح پیغام دیا کہ خلاف ورزی کرنے والی گاڑیوں کو سٹرکوں پر نہیں آنے دیا جائے گا۔

فیصل آباد انسٹی ٹیوٹ آف کارڈیالوجی کے ملازمین میں عید گفٹس تقسیم کئے گئے جن کا بندوبست صدرہارٹ سیور فاؤنڈیشن شیخ اشرف کی طرف سے کیا گیا تھا۔میڈیکل سوشل آفیسر آسیہ فقیر حسین اور جنرل سیکرٹری کاشف فاروق بھی موجود تھے۔صدر ہارٹ سیور فاؤنڈیشن نے کہا کہ عید اجتماعی خوشیوں کا دن ہے جس میں ضرورت مندوں کا خیال رکھنا ہر صاحب ثروت کی ذمہ داری ہے۔

انہوں نے کہا کہ مستحقین کی حاجت روائی کرکے انہیں خوشیوں میں شامل کرنا چاہیے جو دین اسلام کا درس بھی ہے۔میڈیکل سوشل آفیسر اور جنرل سیکرٹری نے بھی اظہار خیال کیا اور کہا کہ خوشیاں باٹنے سے بڑھتی ہیں جس میں سب کو اپنا حصہ ڈالنا چاہیے۔ایف آئی سی کے ملازمین نے عید گفٹس کی فراہمی پر ہارٹ سیور فاؤنڈیشن کا شکریہ اداکیا۔

ڈپٹی کمشنر فیصل آباد محمد علی کی ہدایت پر اسسٹنٹ کمشنر سٹی سید ایوب بخاری نے پاک فوج کے افسران و پولیس کے ہمراہ شہر بھر میں مختلف بسوں و پبلک ٹرانسپورٹ کو چیک کیا دوران انسپکشن کوہستان اڈا راجباہ روڈ پرکھڑی بس میں گنجائش سے زیادہ سواریوں کو بٹھایا گیا تھا جن میں سے بیشتر نے فیس ماسک نہ پہن رکھا تھا اور نہ ہی سماجی فاصلہ قائم رکھا گیا تھا

جبکہ حکومتی ہدایات کے مطابق صرف 50 فیصد سواریوں کے ساتھ ٹرانسپورٹ کی اجازت دی گئی ہے موقع پر پولیس تھانہ پیپلز کالونی نے مذکورہ بس کے ڈرائیور علی عباس ولد ظفر، مینجر محمد عمر ولد محمد اشرف اور دیگر 3 مسافروں کو کرونا ایس او پیز کی خلاف ورزی کرنے پر گرفتار کرکے مقدمہ نمبری 520/21 درج کرلیا گیا۔

فیصل آباداسسٹنٹ کمشنر صدر عمر مقبول نے چھتری والی گراؤنڈ جناح کالونی کے رمضان بازارکا معائنہ کیااورسٹالز پر اشیائے ضروریہ کی دستیابی،معیار اور قیمتوں کا تفصیلی جائزہ لیا۔انہوں نے مختلف اشیاء کو چیک کرتے ہوئے ہدایت کی کہ ماہ صیام میں صارفین کو معیاری اشیائے ضروریہ کی فراہمی یقینی اور بہترین انتظامات برقرار رہنے چاہیں۔ا

نہوں نے سستی چینی اور سستے آٹے کی فروخت کے ریکارڈ کا جائزہ لیا اور کہا کہ سٹالز پر نظم وضبط برقرار رکھا جائے۔انہوں نے خریداری کے لئے موجود مرد وخواتین سے رمضان بازاروں میں فروخت کی جانے والی اشیاء کے معیار اور قیمتوں کے بارے میں بھی دریافت کیا۔انہوں نے مختلف سٹالز پرپھلوں وسبزیوں کی کوالٹی کو بھی چیک کیا اور اشیاء کے معیاری ہونے پر اطمینان کا اظہار کیا۔

اسسٹنٹ کمشنر نے بتایا کہ مسلسل مانیٹرنگ سے سستے رمضان بازاروں میں صارفین کو معیاری اشیاء عام مارکیٹ کے سرکاری نرخوں سے بھی کم قیمت پر فروخت ہورہی ہیں اور خریداروں کی طرف سے موصولہ بعض شکایات کا بھی موقع پر ازالہ کیا جا رہا ہے۔