فیصل آباد(عثمانصادق)گورنمنٹ میونسپل گریجوایٹ کالج میں پلانٹ فار پنجاب ڈے کے حوالے سے ایک منٹ میں ایک ہزار پودے لگائے گئے۔چیئرمین سٹینڈنگ کمیٹی برائے فنانس وایم این اے فیض اللہ کموکا،ایڈیشنل ڈپٹی کمشنر فنانس عفیفہ شاجیعہ،پرنسپل ڈاکٹر ظہور احمد بھٹی،ڈویژنل فاریسٹ افسران وجیہہ الدین،محمد علی بٹ،ڈائریکٹر سٹوڈنٹس آفیئرزپروفیسر خالد حسن نے طالب علموں کے ہمراہ ریکارڈ ساز مہم میں پودے لگائے۔گورنمنٹ گریجوایٹ (کامرس) کالج عبد اللہ پور کے پرنسپل ڈاکٹر خالد محمود اقبال،فوکل پرسنز وائس پرنسپلز ڈاکٹر عبد الرحمان،ڈاکٹر محمد طیب،انچارج ضلعی کنٹرول روم محمد صادق نے بھی شجرکاری میں حصہ لیا۔کالج کے بی ایس طلباؤ طالبات کے درمیان ایک منٹ میں ایک ہزار پودے لگانے کا مقابلہ ہوا جو انہوں نے صرف 30 سیکنڈ میں ایک ہزار پودے لگا کر ایک تاریخی ریکارڈ قائم کیا۔چیئرمین سٹینڈنگ کمیٹی نے اس عظیم کارنامے کو وزیر اعظم کے وژن کلین گرین پاکستان کا ایک سنگ میل قرار دیا اور کالج کے پرنسپل،اساتذہ اور طلباؤ طالبات کی کاوشوں کو سراہا۔پروفیسر عتیق الرحمن انچارج بی ایس،پروفیسر محمد جعفر قمر سیالوی سٹاف سیکرٹری،پروفیسر سید منور سلطان، پروفیسر عابد سلیم،پروفیسر تنویر حمید،پروفیسر شاہد منیر،پروفیسر شناور،پروفیسر ولایت علی صابر،میڈم راشدہ،میڈم سیف بھی موجود تھیں۔
Category: فیصل آباد
-
فیصل آباد میں پارکس اینڈ ہارٹیکلچر اتھارٹی کی طرف سے 15 ہزار پودے لگائے گئے
فیصل آباد(عثمان صادق) وزیراعظم کے ٹین بلین ٹری منصوبے کے تحت پلانٹ فار پنجاب ڈے کے موقع پر پارکس اینڈ ہارٹیکلچر اتھارٹی کے زیر اہتمام فیصل آباد میں ایک روز میں 15ہزار سے زائدپودے لگائے گئے۔اس ضمن میں مرکزی تقریب سمندری روڈ پر گرین بیلٹ میں منعقد ہوئی۔ڈویژنل کمشنر ثاقب منان،ڈپٹی کمشنر محمد علی،ارکان اسمبلی فیض اللہ کموکا،شیخ خرم شہزاد،چوہدری لطیف نذر،میاں وارث عزیز،فردوس رائے،ڈی جی پی ایچ اے عاصمہ اعجاز چیمہ،صدروومن چیمبر آف کامرس تہمینہ پاشا،سینئر نائب صدر شاہدہ آفتاب،نائب صدر روبینہ شفیق،گروپ لیڈر روبینہ امجد نے افسران،سول سوسائٹی کے نمائندوں اور طالبات کے ہمراہ بیک وقت 7 ہزار پودے لگائے جبکہ کلیم شہید پارک نڑوالا روڈ،ملت ٹاؤن اے بلاک گرین بیلٹ،رکھ برانچ کنال کی اطراف ودیگر مقامات پربھی پودے لگانے کا ہدف حاصل کیا گیا۔ڈویژنل کمشنر نے کہا کہ ماحول کو آلودگی سے بچانے اور آئندہ نسل کو خوشگوار وسرسبزوشادابی فراہم کرنے کے لئے درختوں کی تعداد میں اضافہ ناگزیر ہے اسی مقصد کے لئے ٹین بلین ٹری منصوبہ کے تحت پلانٹ فار پنجاب ڈے کے موقع پر وسیع شجرکاری کی جارہی ہے۔انہوں نے قومی اہمیت کے پروگرام میں طالبات سمیت تمام طبقات کی بھرپور شرکت کو خوش آئند قرار دیا اور کہا کہ شجرکاری مہم پر ایک جذبے کے تحت اقدامات جاری ہیں اور تروتازہ ماحول کے لئے ڈویژنل انتظامیہ کاوشیں جاری رکھے گی۔انہوں نے پلانٹیشن مہم کو کامیابی سے ہمکنار کرنے اور گرین بیلٹ کو کوڑا کرکٹ سے پاک کرکے ماحول دوست بنانے پر ڈی جی پی ایچ اے کی کاوشوں کو سراہا۔ڈپٹی کمشنر نے کہا کہ پلانٹ فار پنجاب ڈے منانے کا مقصد شہریوں کو دستیاب جگہوں پر زیادہ سے زیادہ قدآور پودے لگانے کو ترغیب دینا ہے۔انہوں نے پی ایچ اے کی کارکردگی کو سراہتے ہوئے کہا کہ لگائے جانیوالے پودوں کی دیکھ بھال بھی یقینی بنائی جائے تاکہ پودے پروان چڑھیں اور ماحول خوشگوار نظر آئے۔انہوں نے بتایا کہ پی ایچ اے کے اشتراک سے شہر میں 20 مقامات پر میاواکی جنگل بھی لگائے جارہے ہیں۔ڈپٹی کمشنر نے کہا کہ ضلع بھر میں شجرکاری مہم پر عملدرآمد جاری رہے گا اور حکومتی وژن کے تحت اہداف حاصل کریں گے۔ارکان اسمبلی نے کہا کہ وزیراعظم کا 10۔ارب پودے لگانے کا منصوبہ انقلابی اقدام ہے جس پر تیز رفتاری سے عملدرآمد جاری ہے۔انہوں نے ضلع بھر میں شجرکاری مہم پر عملدرآمد کے سلسلے میں پی ایچ اے ودیگر محکموں کے اقدامات کو سراہا۔ ڈی جی پی ایچ اے نے بتایا کہ پلانٹ فار پنجاب ڈے کو حکومتی ہدایات پر مناکر ریکارڈ پودے لگائے گئے۔انہوں نے بتایا کہ پلانٹیشن مہم پر بھرپور انداز میں عملدرآمد جاری اور پارکوں،گرین بیلٹس میں شجرکاری کے ساتھ میاواکی جنگل لگانے کا سلسلہ بھی جاری ہے۔انہوں نے بتایا کہ شجرکاری مہم میں چیمبر آف کامرس،گرل گائیڈ،سکولوں کی طالبات،علماء کرام،اقلیتی برداری سمیت تمام طبقات کو یکجا کیا گیا جبکہ ڈویژنل وضلعی انتظامیہ اور ارکان اسمبلی کی بھی بھرپور معاونت کے مشکور ہیں جن کی رہنمائی میں شجرکاری مہم کے بقیہ اہداف بھی حاصل کرنے کے لئے پرعزم ہیں۔صدر وومن چیمبر آف کامرس نے کہا کہ درخت دھرتی کا حسن اور ماحول کو آلودگی سے بچانے میں مشین کا کردار ادا کرتے ہیں۔انہوں نے کہا کہ پلانٹیشن مہم میں وومن چیمبر بھی انتظامیہ کے شانہ بشانہ شریک ہے اوردستیاب جگہوں پر پودے لگائے جارہے ہیں۔
-
فیصل آبا میں یوم شہدا ء کے موقع پر تقریب
آرپی او فیصل آبادرفعت مختار راجہ اور سی پی او فیصل آباد سُہیل احمد ایس ایس پی آپریشن محمد افضل نے یوم شہدا ء کے موقع پر یادگار شہداء پولیس پر حاضری دی اور پھول چڑھائے،شہداء کے درجات کی بلندی کیلئے دعا کی۔
مزید تفصیلات
(شان رسول نُماٸندہ باغی ٹی وی فیصل آباد)
امروز آرپی او فیصل آباد رفعت مختار راجہ اور سی پی او سہیل احمد کی یوم شہدا پر یادگار شہداء پر حاضری دی گٸ اور پھول چڑھائے گۓ۔
اس موقع پر سی پی او فیصل آبادمحمد سہیل چوہدری،اور ایس ایس پی آپریشنز محمد افضل بھی موجود تھے۔
اس موقع پر انہوں نے اظہار خیال کر تے ہو ئے کہا کہ اس حقیقت سے انکار ممکن نہیں کہ شہید کا جو خون ہے وہ قوم کی حیات ہے۔وطن عزیز کی بنیاد ہی شہداء کی قربانیوں پر استوار ہے ا ٓج کی اس تقریب کا مقصد پولیس کے ایسے شیردل جوانوں کو خراج تحسین پیش کرنا ہے جنہوں نے اپنی جانیں وطن کے دفاع اور جرائم پیشہ عناصر کے خاتمہ کے لئے قربان کر دیں اور اپنے لہو سے ایثار و قربانی کی روشن مثال قائم کی۔
مزید انہوں نے کہا قوم کے کل کی خاطر اپنا آج قربان کر دینے والے یہ عظیم فرزند ہمارے محسن ہیں۔ یہ جرائم پیشہ عناصر کے خلاف مصروف کا رپنجاب پولیس کے ہر جوان کیلئے مشعل راہ ہیں۔یہ نئی نسل کیلئے روشن مینا ر ہیں۔یہ ہمارا فخر ہیں۔یہ جرا ئتوں کے نشان ہیں۔ یہ شہدا ء پنجاب پولیس کے ماتھے کا جھومر ہیں۔
انہوں نے کہا کہ مبارک باد کے مستحق ہیں وہ خاندان جن کی آغوش میں قوم کے ان بہادر بیٹوں نے پرورش پائی۔ شہدائے پولیس کے خاندانوں کی دیکھ بھال ہماری اولین ترجیح ہے اور ہم ہروقت آپ کے مسائل حل کرنے کیلئے موجود ھیں ۔
فیصل آباد ریجن میں امن وامان کے قیام اور جرائم پیشہ عناصر کے خاتمہ کے لیے فیصل آباد ریجن پولیس کے جوانوں نے اپنی جانوں کا نذرانہ پیش کیا اور آئندہ بھی ہم اس مقدس فریضہ کی تکمیل کیلئے کسی بھی بڑی سے بڑی قربانی سے دریغ نہ کریں گے۔شہیدوں اور غازیوں کی روشن تاریخ رکھنے والی پولیس ہمارا قابل فخر اثاثہ ہے۔امن وامان کے قیام اور لوگوں کے جان و مال کا تحفظ کے مقدس مشن کے لئے ہم سب اپنی بہادر پولیس کے شانہ بشانہ کھڑے ہیں۔
-
فیصل آباد : کرنٹ لگنے سے دو لڑکیوں کی موت کا ڈراپ سین، لڑکیوں کے ساتھ کیا معاملہ ہوا پولیس کے تہلکہ خیز انکشافات
فیصل آباد میں کرنٹ لگنے سے دو لڑکیوں کی موت کا ڈراپ سین ہو گیا ہے نوجوان لڑکیوں کو گلا دبا کر قتل کیا گیا-
باغی ٹی وی : تفصیلات کے مطابق فیصل آباد کے تھانے رضا آباد کی حدود میں دو لڑکیوں کے کرنٹ لگنے سے موت کا واقعہ سامنے آیا ، اہل خانہ لڑکیوں کو دفنانے کیلئے بھوانہ تحصیل لے گئے جہاں پولیس نے اطلاع ملنے پر چھاپہ مارا اور لاشوں کو تحویل میں لیتے ہوئے پوسٹ مارٹم کروایا ۔
ابتدائی تحقیقات میں انکشاف ہوا کہ لڑکیوں کو گلا دبا کر قتل کیا گیا لڑکی کی والدہ نے پولیس کے سامنے اعتراف کیا کہ دونوں لڑکیوں کو ان کے والد نے قتل کیا ہے ، قتل ہونے والی لڑکی کی والدہ کی مدعیت میں مقدمہ بھی درج کر لیا گیا ہے ۔
نورمقدم اوربچیوں کے زیادتی کیسز کا اسپیڈی ٹرائل:چیف جسٹس سے بڑا مطالبہ
والدہ نے بتایا کہ لڑکیوں کو قتل کرنے کے بعد ان کے والدین نے منہ بند رکھنے کیلئے کہا دونوں ملزمان موقع سے فرار ہونے میں کامیاب ہو گئے ہیں پولیس نے مقدمہ درج کرتے ہوئے ملزمان کی تلاش شروع کر دی ہے ۔
دوسری جانب چنیوٹ تھانہ چناب نگر کے علاقہ موضع بخش والا میں ملزم شاہد نے مبینہ طور پر اپنی ممانی 34سالہ جمیلہ بی بی زوجہ خان محمد کو بدچلنی کے شبہ میں فائرنگ کرکے قتل کرکے فرار ہو گیا واقعہ کی اطلاع ملتے ہی تھانہ چناب نگر پولیس موقع پر پہنچ گئی،جائے وقوعہ کا معائنہ کیا گیا جائے وقوعہ سے شواہد اکٹھے کر لئے گئے ہیں-
نعش کو پوسٹ مارٹم کے بعد ورثاءکے سپرد کر دیا گیا واقعہ کی تحقیق و حسب ضابطہ کارروائی جاری ہے ملزم کی گرفتاری کیلئے چھاپے مارے جا رہے ہیں
بد چلنی کا شُبہ: بھانجے نے ممانی کو قتل کر دیا
-
ڈی سی سی اجلاس میں ایم ڈی واسا کو باربارمعافی کیوں مانگنا پڑی، وجہ سامنے آگئی
ڈٰی سی سی اجلاس میں حکومتی ارکان ایم ڈی واسا پربرس پڑے ہیں
فیصل آباد میں تحریک انصاف ویسٹ ریجن پنجاب کے صدرفیض اللہ کموکا ایم این اے کی زیرصدارت اجلاس ہوا ہے، اس اجلاس میں ڈسٹرکٹ کوآرڈینیشن کمیٹی کے ممبران بھی شریک ہوئے ییں، اجلاس میں ایم ڈی واسا کی سرزنش کی گئی ہے، ناقص کارکردگی اورنااہلی پرکئی گئی ہے، آئندہ ہم واسا کی وجہ سے الیکشن ہار جائیں گے، انہوں نے کہا کہ باتیں نا بنائیں، فاضل ممبران کے جائز کام فوری کیا کریں،
ایم پی اے شکیل شاہد نے کہا کہ ایم ڈی واسا نے چھ ماہ سے میرا فون نہیں سنا ہے، ان کا دماغ خراب ہوچکا ہے، اس پرشکیل شاہد نے اجلاس کا بائیکاٹ کرنا چاہا، فیض اللہ کموکا اوردیگر ممبران نے شکیل شاہد کو اجلاس بائیکاٹ کرنے سے روک دیا، جس پرایم ڈی واسا جبارانورنے معافی مانگ لی.اجلاس میں ڈپٹٰ کمشنرمحمد علی بھی موجود تھے.
فاضل ممبروزیراعلیٰ پنجاب کمپلیمینٹ سیل محبوب بھی اس اجلاس میں شریک تھے، انہوں نے کہا کہ ایم ڈٰی واسا جبارانورہمیں لفٹ نہیں کرواتے ہیں،جب بھی جاؤ تو فروٹ چاٹ کھلا دیتے ہیں، مگر ہمارے کام نہیں کرتے ہیں.
اس کے جواب میں ایم ڈی واسا جبارانورنے کہا کہ وہ کونسا جیب سے فروٹ چاٹ کھلاتے تھے، سرکارکے پیسوں سے ہی کھلاتے تھے، اس بات پربھی جبارانورکوفاضل ممبرسے معافی مانگنا پڑی ہے.
ایم این اے خرم شہزاد نے بتایا کہ جبار انور کے دور میں ٹینڈر پول ہورہے ہیں، بتایا جائے کہ اس مد میں کرپشن کون کررہا ہے،
جبارانورنے کہا کہ ریکارڈ دیکھ کربتاسکتے ہیں.ایف ڈی اے کے ڈی جی ڈاکٹر فیصل عظیم نے اجلاس میں شرکت نہیں کی ہے، ارکان اسمبلی نے احتجاج کیا ہے، ایم پی اے چوہدری لطیف گجر نے فون کر کے ایف ڈی اے کہ ڈی جی کو بلوالیا ہے.
یہ اجلاس دو گھنٹے چلتا رہا ہے، اس اجلاس میں ایم ڈی واسا جبارانورکوباربارمعافی مانگنا پڑی ہے.
-
ملزم کو چھڑوانے والے ساتھی بھی زیرحراست
تھانہ چٹیانہ کےعلاقے 309 گ ب کے قریب مبینہ پولیس مقابلہ ہوا ہے، دو ڈاکو زخمی اور 4 فرارہونے میں کامیاب ہوگئے ہیں، پولیس گذشتہ روز پکڑے گئے ڈاکو کو برآمدگی کے لئے لے جا رہی تھی، ملزم کے پانچ ساتھیوں نے چھڑانے کے لئے فائرنگ کردی تھی، ساتھی ڈاکوؤں کی فائرنگ سے زیرحراست مخدوم حسن رضا زخمی ہوگیا ہے، مزید نفری پہنچنے پرفائرنگ سے ساتھی ڈاکو حسنین فیصل بھی زخمی حالت میں گرفتار کر لیا گیا ہے، زخمی ڈاکوؤں کو طبی امداد فراہمیں کے لئے ہسپتال منتقل کردیا گیا ہے، پولیس کی جانب سے فائرنگ کرنے والے دیگر ساتھیوں کی تلاش جاری ہے، ڈاکو نے گزشتہ روز 330 سٹاپ پرڈکیتی مزاحمت پر2افراد قتل اور5 زخمی کئے تھے، وقوعہ کی ایف آئی آرتھانہ چٹیانہ میں درج کرلی گئی ہے.
محمد عاطف اقبال نمائنده باغی ٹی وی شورکوٹ کینٹ
-
آرپی او فیصل آباد رفعت مختار راجہ نے عید الاضحی کے قریب آتے ہی مو یشی چوری کی بڑھتی ہو ئی وارداتوں کا نوٹس لے لیا۔
(شان رسول نماٸندہ باغی ٹی وی فیصل آباد)
آرپی او فیصل آباد رفعت مختار راجہ نے عید الاضحی کے قریب آتے ہی مو یشی چوری کی بڑھتی ہو ئی وارداتوں کا نوٹس لے لیا۔
چاروں ضلعی پولیس سربراہا ن کو مویشی چوری کی وارداتوں پر قابو پانے کے احکامات جاری۔
مزید تفصیلات۔
آر پی او فیصل آباد رفعت مختارراجہ نے عید الاضحی قریب آتے ہی مویشی چوری کی بڑھتی ہو ئی وارداتوں کا سختی سے نوٹس لیتے ہو ئے چاروں ضلعی پولیس سربر اہان کو مویشی چوری کی بڑھتی ہو ئی وارداتوں پر فوری قابو پا نے کے احکامات جا ری کیے ہیں۔
انہوں نے احکامات جا ری کیے کہ اسنیپ چیکنگ کے عمل کو موثر بنایا جائے۔مویشی چوری کی روک تھام کے حوالے سے ناکہ بندی پوائنٹس اور پٹرولنگ پلان کو ازسرنومنظم کیاجائے۔
مویشی منڈیوں میں بیوپاریوں اور خریداروں کے ساتھ نوسربازی کی وارداتیں ہو تی ہیں جن کی روک تھا م کے لیے مناسب اقدامات عمل میں لائے جائیں۔
ایسے جرائم میں ملوث افراد کیخلاف کاروائیوں کے دوران کسی بھی دباؤ کو خاطرمیں نہ لایا جائے۔ایسے پولیس افسران جو مویشی چوروں کیخلاف قابل ذکر کاروائیاں عمل میں لائیں ان کی ہر سطح پر حوصلہ افزائی کی جائے۔
-
غریب آدمی کیلئے گوشت خریدنا نا ممکن ہوچکا ، شہباز شریف کی حکومت پر تنقید
غریب آدمی کیلئے گوشت خریدنا نا ممکن ہوچکا ، شہباز شریف کی حکومت پر تنقید
اپوزیشن لیڈر قومی اسمبلی شہبازشریف نے فیصل آبادمیں میڈیا سے گفتگو کرتے ہوئے کہا ہے کہ عابد شیر علی کی اہلیہ کے انتقال پر اظہار افسوس کےلیے فیصل آباد آیا ہوں
شہباز شریف کا کہنا تھا کہ فاتحہ خوانی کے لیے آیا ہوں سیاسی بات نہیں کروں گا،ملک تباہ کن دور سے گزررہا ہے ، مہنگائی نے عوام کی زندگی اجیرن کردی ہے،ملک میں حکومت نام کی کوئی چیز نہیں ،ملک بھرمیں بجلی کی لوڈ شیڈنگ جار ی ہے ،نوازشریف کی قیاد ت میں ملک میں لوڈشیڈنگ ختم ہوئی تھی بےروزگاری انتہاپرہے،حکومت نام کی چیز نظرنہیں آرہی، غریب آدمی کیلئے گوشت خریدنا نا ممکن ہوچکا .وزرا نے خودتسلیم کیا نوازشریف دورمیں بجلی وافرتھی،حکومت نے اچھے بھلے بجلی کے کارخانے بند کردئیے موجودہ دور میں سبزیاں ،آٹا،گوشت خریدنا ناممکن ہے،پاکستان نے 72 سالوں میں ایسے حالات نہیں دیکھے،
صدر پاکستان مسلم لیگ (ن) قائد حزب اختلاف میاں محمد شہباز شریف شہباز بابر گجر کی سابق وفاقی وزیر مملکت طلال چوہدری کی رہائش گاہ پر آمد،
طلال چوہدری سے ان کی والدہ اور چچاکی وفات پر اظہار تعزیت
@HassanTallalCh@shahbaz339 pic.twitter.com/Y2UUpJq6tR— Rai Zaheer Abbas (@ZaheerA54481008) July 7, 2021
قبل ازیں صدر پاکستان مسلم لیگ (ن) قائد حزب اختلاف میاں محمد شہباز شریف کی سابق وفاقی وزیر مملکت طلال چوہدری کی رہائش گاہ پر آمد ہوئی طلال چوہدری سے ان کی والدہ اور چچاکی وفات پر اظہار تعزیت کیا
لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا
کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی
دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا
نشہ نہ ملا تو سفاک باپ نے چھ ماہ کی بیٹی کے ساتھ ایسا کام کر دیا کہ سن کر روح کانپ اٹھے
شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی
مالی نے خاتون کے ساتھ زیادتی کے بعد دوستوں کو بلا لیا،اجتماعی درندگی کا ایک اور واقعہ
-
فیصل آباد آر پی او رفعت مختار راجہ کاانفار مل انسپکشن کے سلسلہ میں تھا نہ صدر فیصل آبادکا دورہ
فیصل آباد (نماٸندہ باغی ٹی وی )آر پی او فیصل آبادرفعت مختار راجہ کاانفار مل انسپکشن کے سلسلہ میں تھا نہ صدر فیصل آبادکا دورہ،شہریوں کے ساتھ بدسلوکی کی شکایات اور غیر قانونی حراست کو کسی صورت برداشت نہیں کیا جائے گا۔
آرپی او فیصل آبادرفعت مختار راجہ نے بسلسلہ انفا ر مل انسپکشن تھا نہ صدر فیصل آبادکا دورہ کیا۔تھانہ پہنچنے انہوں نے تھانہ کی صفائی ستھرائی،عمارت،فر نٹ ڈسیک مال خانہ، تھانہ کی حوالات اور بند ملزمان کی تفصیل کو چیک کیا۔ رجسٹر ہائے تھانہ جات کی جانچ پڑتال کی۔
آرپی او فیصل آباد نے ہدایات جاری کرتے ہوئے کہا کہ وہ زیر تفتیش مقدمات کو یکسو کرنے کیلئے اپنا مثبت کردار ادا کریں۔ تفتیشی افسران مقدمات کو یکسو کرنے کیلئے انصاف اور میرٹ کو ترجیح دیں۔ زیر تفتیش مقدمات کو جلد از جلد یکسو کر کے چالان عدالتوں میں جمع کروائے جائیں۔
اپنی پیشہ ورانہ مہارت کو بروئے کار لاتے ہوئے جدید خطوط پر تفتیش مکمل کی جائے تاکہ جرائم کے خاتمہ میں مدد ملے۔روائتی سستی اور تسا ہل پسندی کسی صورت قابل قبول نہ ہے۔انہوں نے ایس ایچ او تھانہ ہذا اور عملہ فرنٹ ڈیسک کو ہدایات جاری کرتے ہوئے کہا کہ سائلین کی شکایات اور درخواستوں پر فوری قانونی کاروائی عمل میں لائی جائے۔
تھانہ میں آنے والے ہر سائل کے ساتھ خوش اسلوبی سے پیش آیا جائے۔ پولیس کے مثبت تاثر کو ابھارنے کیلئے ہر سطح پر پولیس افسران مثالی کردار ادا کریں۔انہوں نے مزید کہاکہ جوئے و فحاشی کے اڈوں،اور منشیات فروشوں کے خلاف بلا تفریق قانونی کاروائی عمل میں لائی جائے۔چوری وڈکیتی کی وارداتوں پر قابو پانے کیلئے پولیس گشت کو موثر بنایا جائے۔
مجر ما ن اشتہاریوں کے لیے تفتیشی افسران کو اسپیشل ٹا سک دیے جا ئیں اور اس ضمن میں ہر ممکن وسائل کو بر وئے کا ر لا ئے۔ ریکارڈ یافتہ ملزمان سے پوچھ گچھ کا عمل جاری رکھا جائے۔ تمام پولیس افسران خوش اخلاقی اور خوش اسلوبی کو اپنا شعار بنائیں اور پیشہ ورانہ مہارت کو بروئے کار لاتے ہوئے جرائم کی روک تھام میں اپنا کردار ادا کریں۔ انہوں نے کہا کہ ایماندار اور محنتی پولیس افسران کی حوصلہ افزائی کی جائے گی اور کرپٹ/کام چور پولیس افسران کے خلاف سخت محکمانہ کاروائی عمل میں لائی جائے گی۔
-
فیصل آباد ضلعی انتظامیہ کا غیرقانونی پٹرول ایجنسیوں کے خلاف کریک ڈائون۔
فیصل آباد (شان رسول سے) ضلعی انتظامیہ کا غیرقانونی پٹرول ایجنسیوں کے خلاف کریک ڈائون۔
مختلف علاقوں میں 12 منی پٹرول پمپس سیل کر دیے اور سامان قبضہ میں لیکرمقدمات درج کر دیے گۓ ۔
اسسٹنٹ کمشنر سٹی سید ایوب بخاری اور سول ڈیفنس آفیسر رانا عباس نے غلام محمد آباد کے علاقہ میں اور ،مدینہ ٹائون اور چک 8 کینال روڑ پر ایکشن لیا۔مجموعی طور پر 15 ایجنسیوں کو چیک کیا اور متعد افراد کو گرفتار بھی کیا گیا ۔
مزید اسسٹنٹ کمشنر سٹی سید ایوب بخاری نے کہا کے غیر قانونی پیٹرول ایجنسیوں کو کسی صورت رعایت نہیں دی جاۓ گی اور ہم کسی کو غیر قانونی پیٹرول بیچنے کی اجازت نہیں دیں گے ۔
فیصل آباد کے بیشتر علاقوں میں غیر قانونی پیٹرول بیچنے کے دھندے کو مکمل طور پر بند کروانے کیلیے انتظامیہ متحرک کام مزید تیز کر دیا گیا۔