Category: فیصل آباد

فیصل آبادچیئرمین ایف ڈی اے / ایم پی اے چوہدری لطیف نذر نے کہا ہے کہ عید کی خوشیوں کا حقیقی فلسفہ معاشرے میں اجتماعی شادمانی کو فروغ دینا ہے تاکہ سماجی انصاف کی ترویج کے ساتھ کمزور طبقات میں احساس محرومی نہ رہے۔انہوں نے یہ بات عید الفطر کے موقع پر سنٹرل جیل کے دورہ کے دوران اسیروں میں عید کے تحائف تقسیم کرتے ہوئے کہی۔سپرنٹنڈنٹ جیل چوہدری اصغر علی و دیگر جیل افسران بھی اس موقع پر موجود تھے۔

چیئرمین ایف ڈی اے نے اسیروں سے خطاب کرتے ہوئے کہا کہ عید اور خوشیوں کے دیگر تہواروں کے موقع پر دکھی انسانیت اور مشکل حالات کے شکار افراد کو یادرکھنا ہی فلاحی معاشرے کی پہچان ہے جبکہ دین اسلام بھی محروم طبقات کی دستگیری کی درس دیتا ہے۔انہوں نے کہا کہ اسیروں کی دلجوئی کے لئے ان کے ساتھ عید منا رہے ہیں جبکہ انہیں چاہیے کہ آئندہ زندگی سنوارنے اور جرائم سے تائب ہونے کا تہیہ کریں تاکہ وہ ایک مفید شہری کی طرح ملک و قوم کی خدمت کرسکیں۔

انہوں نے عید کی تقریب منعقد کرنے پر سنٹرل جیل انتظامیہ کے احسن اقدام کو سراہا اور تاکید کی کہ کورونا وائرس کی وباء سے بچنے کے لئے تمام تر ایس او پیز پر سختی سے عملدرآمد کیاجائے اور قیدیوں پر تمام تر احتیاطی تدابیر لاگو کریں۔انہوں نے کہا کہ وزیراعلی پنجاب سردارعثمان بزدار کی ہدایت پر حکومت پنجاب جیلوں میں قیدیوں کی فلاح و بہبود اور کورونا وائرس سے محفوظ رکھنے کے لئے ہر ممکن اقدامات کررہی ہے۔

سپرنٹنڈنٹ جیل نے مہمانوں کا شکریہ اداکرتے ہوئے سنٹرل جیل میں قیدیوں اور ان کے ملاقاتیوں کے لئے کئے گئے اقدامات، سیکورٹی انتظامات و انتظامی امور کی دیگر تفصیلات سے آگاہ کیا۔قبل ازیں چیئرمین ایف ڈی اے نے جیل کے مختلف حصوں کا معائنہ کرتے ہوئے صفائی ستھرائی، خوشگوار ماحول اور جیل کے قواعد و ضوابط پر عملدرآمد کو سراہا۔

فیصل آبادوزیرمملکت برائے اطلاعات ونشریات میاں فرخ حبیب اورڈپٹی کمشنر محمدعلی نے دوپہرکے کھاناکے وقت جنرل بس سٹینڈ میں قائم پناہ گاہ کا دورہ کیااورمسافروں و راہگیروں کو فراہم کئے جانے والے کھانے کے معیاراور عارضی قیام پذیر افراد کے لئے دستیاب سہولیات کو چیک کیاایڈمنسٹریٹرپناہ گاہ و اسسٹنٹ کمشنر صدر عمرمقبول اوراسسٹنٹ کمشنر سٹی سیدایوب بخاری بھی موجود تھے۔

وزیر مملکت اور ڈپٹی کمشنر نے مسافروں کے ساتھ بیٹھ کرکھانا بھی کھایا اور پناہ گاہ کے انتظامات بارے دریافت کرکے اپنے اطیمنان کااظہار کیا۔انہوں نے پناہ گاہ میں صفائی کا اعلیٰ معیار ہمہ وقت برقرار رکھنے کی تاکید کی۔وزیر مملکت نے کہا کہ وزیراعظم پاکستان عمران خان کے ویژن کے مطابق پناہ گاہ آنے والے افراد کو ناشتہ،دوپہر اور رات کا معیاری کھانا فراہم کیاجارہا ہے۔

انہوں نے اسسٹنٹ کمشنر سے کہا وہ شیلٹر ہوم کا مختلف اوقات میں اچانک دورہ کرکے سہولیات کو چیک کریں اس ضمن میں کسی قسم کی کمی نہیں ہونی چاہیے۔ڈپٹی کمشنر نے شیلٹر ہوم میں فراہم کی جانیوالی سہولیات سے آگاہ کیا اوربتایا کہ ماہ صیام میں بے گھرافراد کو سحرو افطار کی معیاری سہولت فراہم کی گئی اورتقریبا 41ہزار افراد کوسحر اورافطاری فراہم کی گئی۔

فیصل آبادوزیراعلی پنجاب سردار عثمان بزدار کی ہدایات پر صوبائی وزیر کالونیز وکلچر میاں خیال احمد کاسترو نے ڈسٹرکٹ جیل کادورہ کیا اور مختلف بیرکس میں قید اسیران میں عید گفٹ تقسیم کئے۔سپرنٹنڈنٹ جیل علی اکبر گجر اور دیگر جیل افسران بھی موجود تھے۔صوبائی وزیر نے عید گفٹ جیل میں خواتین اور کم سن بچوں میں تقسیم کئے جن میں کپڑے ودیگر سامان اور کھلونے شامل تھے۔صوبائی وزیرنے کہا کہ اسیران کی بہتر دیکھ بھال اور ان کا خیال رکھنا جیل انتظامیہ کی ذمہ داری ہے۔

انہوں نے کہا کہ قیدیوں میں عید گفٹس تقسیم کر نے کا مقصد غریب اور نادار اسیران کوعید کی خوشیوں میں شامل کرنا ہے۔صوبائی وزیر نے قیدیوں کے کچن کا بھی معائنہ کیااورہسپتال میں داخل قیدیوں سے ان کی صحت کے بارے میں دریافت کیا اوراسیران کے علاج کی موجود سہولیات،جیل میں صفائی ستھرائی کے معیاراورکورونا ایس اپیز پرعملدرآمد کا جائزہ لیتے ہوئے اقدامات پر اطمینان کا اظہار کیا۔

فیصل آباد ضلع بھر میں کورونا ایس اوپیزکی خلاف ورزی پر گذشتہ روزبھرپور کارروائیوں میں مزید 147شاپنگ مالز،9ریسٹورنٹس،5نجی دفاتر،ایک شادی ہال سیل جبکہ3 مسافرگاڑیاں بنداور فیس ماسک نہ پہننے پر197 افرادکے خلاف مقدمہ مقدمات درج اور228۔ افراد کو گرفتاراورایک لاکھ 73ہزارروپے جرمانہ کیا گیا۔ گذشتہ58روزمیں 1987شاپنگ مالز وپلازے،ریسٹورنٹس،شادی ہالز،نجی سکولوں،دفاتراور بس سٹینڈ کو سیل اور30لاکھ 65ہزارروپے کے جرمانے کئے۔

تفصیلات کے مطابق دوران چیکنگ خلاف ورزی پر 1479شاپنگ مالزوپلازے،338 ریسٹورنٹس،45شادی ہالز،113پرائیویٹ سکولز،7نجی دفاتر،ایک بس سٹینڈ، چار کریانہ شاپس کو سیل اور 123مسافر گاڑیوں کو بند کرنے کے علاوہ شاہرات وپبلک مقامات پر بغیر فیس ماسک گھومنے پھرنے والے 778۔سے افراد کو گرفتار کرایا جاچکاہے۔

فیصل آباداسسٹنٹ کمشنر سٹی سید ایوب بخاری نے اے ایس پی تھانہ کوتوالی منزہ کرامت اور میٹرو پولیٹن کارپوریشن کے عملے کے ہمراہ چوک گھنٹہ گھر سے ملحقہ بازاروں و ریگل روڈ کا دورہ کیا اورلاک ڈاؤن و کورونا ایس او پیز کی خلاف ورزیوں پر کارروائیاں کر کے درجنوں افراد کو حراست میں لے لیا ۔

جن کے خلاف مقدمات کے اندراج کے لیے استغاثے بھجوا دیئے گئے۔تفصیلات کے مطابق بازاروں میں افراد سٹالز لگا کر اشیاء فروخت کرنے میں مصروف تھے جو لاک ڈاؤن کی خلاف ورزی اور کورونا وباء کے پھیلاؤ کا بھی موجب تھا جس پرسازوسامان قبضہ میں لینے کے علاوہ موجود افراد کیخلاف قانونی کارروائی بھی عمل میں لائی گئی۔

فیصل آباداسسٹنٹ کمشنر سٹی سید ایوب بخاری نے پولیس کی بھاری نفری کے ہمراہ بسم اللہ چوک مدینہ ٹاؤن کادورہ کرکے لاک ڈاؤن اور کورونا ایس او پیزپر عملدرآمد کا جائزہ لیا

اور ماسک نہ پہننے،سماجی فاصلہ برقرار نہ رکھنے اور ہاف شٹر کھول کر دکانداری میں مصروف 10 افراد کو گرفتار کراکر تھانہ مدینہ ٹاؤن پولیس کے حوالے کرادیا جن کے خلاف مقدمات کے اندراج کے لئے استغاثے بھجوادیئے گئے ہیں۔

فیصل آباد سیکرٹری آرٹی اے ضمیر حسین نے ضلع بھر کے پبلک ٹرانسپورٹ سٹینڈز کا دورہ کیا اور حکومتی ہدایات پر بس سٹینڈ میں لاک ڈاؤن پر عملدرآمد کو چیک کیا۔وہ جنرل بس سٹینڈ،الہلال ٹریولز،فیصل موورز،سٹی ٹرمینل،سبحان بس سروس،خواجہ ٹریولز ودیگربس اڈوں میں گئے۔

اور سٹینڈ سے سروس بند کا جائزہ لیتے ہوئے انچارجز کو تاکید کی کہ مانیٹرنگ کا عمل جاری رکھا جائے اورخلاف ورزی پر بس کو بند اور متعلقہ ٹرانسپورٹر وڈرائیور کو حوالہ پولیس کرادیا جائے گا۔انہوں نے واضح کیا کہ لاک ڈاؤن کی اف ورزی کسی صورت نہیں ہونی چاہیے۔