Category: فیصل آباد

فیصل آباد(25مارچ2021ء)وزیراعظم پاکستان عمران خان اور وزیراعلیٰ پنجاب سردار عثمان بزدار کے ویژن کے مطابق ڈویژن بھر میں قبضہ مافیا کے خلاف آپریش پوری قانونی قوت سے جاری ہے اور قابضین سے رواں سال اب تک 62،ارب 47کروڑ روپے مالیت کی 12ہزار 288،ایکڑ قیمتی زرعی،کمرشل اور انڈسٹریل اراضی واگزار کرائی جاچکی ہے جبکہ اوورسیز پاکستانیوں کی 55کروڑ روپے مالیت کی 39،ایکڑ اراضی بھی واگزار کراکر مالکان کے حوالے کی گئی ہے۔

سرکاری اراضی پر قابض 57قبضہ مافیا کے خلاف مقدمات کا اندارج اور ان سے تاوان کی رقم حاصل کرنے کے لئے بھی ڈیٹا تیار کیا جاچکا ہے۔یہ بات ڈویژنل کمشنر ثاقب منان نے کمشنر آفس کے کمیٹی روم میں میڈیا نمائندگان کو ڈویژن کے چاروں اضلاع میں قبضہ مافیا کے خلاف کی گئی کارروائیوں کی تفصیلات سے آگاہ کرتے ہوئے بتائی۔

ڈپٹی کمشنر فیصل آباد محمد علی،ایڈیشنل کمشنر عمران رضا عباسی،ایڈیشنل ڈپٹی کمشنر یونیو فضل ربی چیمہ اور دیگر افسران بھی موجود تھے۔ڈویژنل کمشنر نے بتایا کہ ضلع فیصل آباد میں جنوری سے اب تک 15،ارب روپے مالیت کی 5720۔ایکڑ،ضلع جھنگ میں 67کروڑ روپے کی4491۔ایکڑاراضی،ٹوبہ ٹیک سنگھ میں 3،ارب روپے کی 997۔ایکڑ اور چنیوٹ میں ایک ارب 90کروڑ روپے مالیت کی 1079۔ایکڑ اراضی واگزار کرائی جاچکی ہے اور قبضہ مافیا کے خلاف آپریشن کو اعلیٰ صوبائی حکام پورٹل پر براہ راست مانیٹر بھی کررہے ہیں۔

انہوں نے بتایا کہ اوورسیز کی مجموعی طور پر 49شکایات کے مطابق 211،ایکڑ 3کنال 3مرلے اراضی زیر قبضہ ہے جس میں سے 55کروڑ روپے مالیت کی 39۔ایکڑ 2مرلے قیمتی اراضی قبضہ گروپس سے خالی کراکر مالکان کو فراہم اوران کی دادرسی کی گئی ہے جبکہ بقیہ اراضی کو بھی واگزار کرانے کے عمل جاری ہے۔انہوں نے بتایا کہ واگزار کرائی گئی اراضی کی حفاظت کو یقینی بنایا جارہا ہے

اورزرعی اراضی پر دوبارہ قبضہ روکنے کے لئے اراضی اوپن نیلامی کے تحت کاشت پر دینے کی منصوبہ بندی کی جارہی ہے۔انہوں نے بتایا کہ ضلع ٹوبہ ٹیک سنگھ اور فیصل آباد میں 100کنال کے قریب اراضی پر سابق ارکان اسمبلی بھی قابض تھے جسے واگزار
کرالیاگیاہے۔ڈپٹی کمشنر محمد علی نے بتایا کہ تحصیل جڑانوالہ میں اراضی گزشتہ 35سالوں سے ایک ہی خاندان کے زیر قبضہ تھی جس سمیت مجموعی طور پر 2600،ایکڑ اراضی واگزار کرائی گئی جو ضلع کی تاریخ کا بڑا آپریشن تھا

اسی طرح گزشتہ ماہ فیصل آباد انڈسٹریل اسٹیٹ ڈویلپمنٹ مینجمنٹ کمپنی میں 4،ارب روپے کی 400،ایکڑ انڈسٹریل اراضی قبضہ مافیا سے واگزار کراکر فیڈمک کے حوالے کی گئی جس سے 32ممالک کی عرصہ دراز سے رکی تجارتی سرگرمیاں بحال ہوئیں۔انہوں نے کہا کہ قبضہ مافیا کے خلاف آپریشن جاری ہے اور رہ جانے والی اراضی کو بھی واگزار کرایا جائے گا۔

ایس ایس پی پٹرولنگ پولیس فیصل آباد ریجن مرزا انجم کمال کی ہدایت پر ریجنل میں پٹرولنگ پولیس فیصل آباد کے شہداء کی فیملیز کے ساتھ خصوصی میٹنگ کا انعقاد کیا گیا۔ میٹنگ میں ڈسٹرکٹ ڈی ایس پی پٹرولنگ ملک محمد امین اور آفس سٹاف نے شرکت کی۔ اس موقع پر شہید سب انسپکٹر رانا حفیظ الرحمان، شہید اسسٹنٹ سب انسپکٹر عمران لیاقت گل، شہید کانسٹیبل رفاقت علی،شہید ڈرائیور کانسٹیبل محمد اسحاق اور دوران ِ ڈیوٹی ہارٹ اٹیک سے وفات پانے وانے کانسٹیبل شفقت محمود کے اہلخانہ کو مدعو کیا گیا۔

شہداء کے اہلخانہ کے ساتھ میٹنگ کا مقصد پٹرولنگ پولیس فیصل آباد کے شہداء کو خراج عقیدت پیش کرنا اور ان کے اہلخانہ کے ساتھ والہانہ ہمدردی کا اظہار کرنا ہے۔ ایس ایس پی پٹرولنگ پولیس فیصل آباد ریجن مرزا نجم کمال نے اس دوران شہداء کے اہل خانہ کا احوال معلوم کیا اور شہداء کے بچوں کی تعلیم و تربیت دریافت کرتے ہوئے کہا۔ کہ شہداء پولیس ڈیپارٹمنٹ کے سر کا تاج ہیں۔ غیرت مند قومیں شہداء کی قربانیوں کو کبھی فراموش نہیں کرتیں ہم شہداء کے اہلخانہ کو کبھی تنہا نہیں چھوڑیں گے۔ شہداء کے اہلخانہ کے تمام مسائل ہمارے مسائل ہیں پہلی فرصت میں حل کریں۔

شہدا ء کے اہلخانہ سے بات چیت کرتے ہوئے انہوں نے کہا کہ شہداء کے بچوں اور اہلخانہ کے لئے تعلیم اور صحت کی سہولیات مفت فراہم کرنے کے لئے مختلف تعلیمی اداروں اور ہسپتال ولیبارٹریز سے ایم اویو زسائن کر رہے ہیں۔اس دوران انہوں نے شہداء کے بچوں اہل خانہ کو تحائف دئیے اور شہداء کے لئے خصوصی فاتحہ حوانی بھی کی گئی۔

دولہا کو اپنی شادی پر ہوائی فائرنگ کرنا مہنگا پڑگیا ، ایس ایچ او میاں اصغر علی نے کاروائی کرتے ہوئے دولہا کو گرفتار کرلیا، پسٹل برآمد کر لی ، ایس ایچ او میاں اصغر علی نے کہا کہ قانون ہاتھ میں لینے کی کسی کو بھی اجازت نہیں دیں گئے،

فیصل آباد ایس ایچ او تھانہ فیکڑی ایریا میاں اصغر علی نے دولہا کو اپنی ہی شادی پر ہوائی فائرنگ کرنے والے کو گرفتار کرکے حوالات میں بند کردیا تفصیلات کے مطابق ایوب کالونی کے رہائشی وقاص قیوم نے اپنی ہی شادی میں ہوائی فائرنگ کرنا شروع کردی

جس کی ویڈیو سوشل میڈیا پر وائرل ہونے پر ایس ایچ او میاں اصغر علی نے چوکی انچارج اچوب ریسرچ رانا رضوان جاوید کے ہمراہ چھاپہ مار کر دولہا میاں کو گرفتار کرکے پسٹل قبضہ میں لے کر مقدمہ درج کرلیا ایس ایچ او میاں اصغر علی کا کہنا تھا کہ قانون ہاتھ میں لینے والے کو کسی صورت معاف نہیں کیا جائے گا

دولہا کو اپنی شادی پر ہوائی فائرنگ کرنا مہنگا پڑگیا #baaghitv #pakistan #punjab #lahore #crime pic.twitter.com/y9Ln3jpysV

— Baaghi TV باغی ٹی وی (@BaaghiTV) March 23, 2021

فیصل آباد کے وکلاء کی کاوش ، کورونا سے ڈرنا نہیں لڑنا ہے کا سرکاری نعرہ تبدیل نیا سلوگن کورونا وبا ہے ، احتیاط جس کی شفا ہے کا نوٹیفکیشن جاری وکلاء سلمان ادریس اور جمال طارق نے لاہور ہائیکورٹ میں رٹ دائر کی تھی رٹ پٹیشن میں نعرے کو غیرشرعی قرار دینے کی استدعا کی گئی تھی. چیف جسٹس ہائیکورٹ کے حکم پر اسلامی نظریاتی کونسل نے نیا نعرہ دیا وفاقی کابینہ کی منظوری کے بعد وزارت مذہبی امور نے نوٹیفکیشن جاری کیا

شعبہ تحقیق و مراجع وزارتِ مذہبی امور نےنوٹیفکیشن کے مطابق سلوگن ‘‘کرونا سے ڈرنا نہیں لڑنا ہے’’ کے استعمال کی ممانعت ہو گی؛ آئندہ سے آگہی کیلئے ‘‘کرونا ایک وباء ہے، احتیاط جس کی شفاء ہے’’ استعمال کیا جائے؛ اسلامی نظریاتی کونسل کی سفارش اور وفاقی کابینہ کی منظوری کے بعد نوٹیفکیشن جاری کیا گیا:

ایس ایس پی پٹرولنگ پولیس فیصل آباد ریجن مرزا انجم کمال کی زیرِ ہدایت اور ڈسٹرکٹ ڈی ایس پٹرولنگ فیصل آباد ملک محمد امین کی زیرِ نگرانی پٹرولنگ پوسٹ جھامرہ کے رائے خالد احمد خان ASI نے اپنی ٹیم کے ہمراہ دوران گشت کامیاب کاروائی کرتے ہوئے ملزمان صدی احمد ولد نوشیر وٹو

اور پٹھانے خان ولد مہر علی سے 01کلاشنکوف 01پمپ ایکشن جبکہ 303گولیاں اور کارتوس برآمد کرکے ملزمان کے خلاف مقدمات کا اندرج کر دیا ہے گرفتار ملزمان سے ڈسٹرکٹ ڈی ایس پی پٹرولنگ فیصل آباد ملک محمد امین کی زیرِ نگرانی تفتیش کا عمل جاری ہے۔ دوسری طرف پٹرولنگ پوسٹ

اصغر آباد کے مقصود شاہد ASIنے اپنی ٹیم کے ہمراہ دوران گشت کاروائی کرتے ہوئے ملزم ندیم ا حمد سے 01عدد پسٹل 30بور اور گولیاں برآمد کرکے مقدمہ درج کردیا اسی طرح پٹرولنگ پوسٹ علی بنگلہ گے ہیڈ کانسٹیبل ظہیر حسین نے اپنی ٹیم کے ہمراہ دورانِ گشت ملزم محمد روحیل زبیر سے

ناجائز اسلحہ 01پسٹل 30بور اور 10گولیاں برآمد کرکے مقدمہ درج کردیا ہے۔ ایس ایس پی پٹرولنگ پولیس فیصل آباد ریجن مرزا انجم کمال نے پٹرولنگ پولیس فیصل آباد کی مزکورہ ٹیمز کی کارکردگی کو سراہتے ہوئے انعامات دینے کا اعلان کرتے ہوئے ہدایت کی ہے کہ ناجائز اسلحہ اور منشیات کے خلاف بلا تفریق آپریشن جاری رکھا جائے۔