فیصل آباد کے بارونق علاقہ کینال روڈ پر کشمیر پل کے قریب میونسپل کارپوریشن فیصل آباد کے 2ملازمین 20سالہ شہباز سلیم ولد معراج اور 28سالہ دتہ مسیح نہر میں ڈوب کر جاں بحق ہو گئے۔ریسکیو 1122فیصل آباد کے ترجمان نے بتایاکہ بدھ کی دوپہر میونسپل کارپوریشن کے ملازمین کینال روڈ پر کشمیر پل کے قریب موجود تھے کہ ان میں سے ایک ملازم 20سالہ شہباز سلیم ولد معراج نے نہر میں نہانے کیلئے چھلانگ لگائی لیکن غوطہ آنے پر اس نے ہاتھ پاؤں مارنا اور مدد کیلئے چیخنا چلانا شروع کر دیا۔اسی اثناء میں قریب ہی موجود میونسپل کارپوریشن کے دوسرے ملازم 28سالہ دتہ مسیح نے اسے بچانے کیلئے نہر میں چھلانگ لگائی مگر وہ بھی پیٹ میں پانی بھرنے کے باعث ڈبکیاں کھانے لگا جس پر قریب ہی موجود دیگر افراد نے انہیں باہر نکالا مگر اس وقت تک شہباز سلیم کی موت واقع ہو چکی تھی تاہم دوسرا ملازم دتہ مسیح کچھ سانس لے رہا تھا جسے فوری طبی امداد کیلئے ڈسٹرکٹ ہیڈ کوارٹر ہسپتال فیصل آباد منتقل کیا گیا مگر وہ جانبر نہ ہو سکا اور زندگی کی بازی ہار گیا۔ریسکیو حکام نے بتایاکہ دونوں ملازمین میونسپل کارپوریشن کے شعبہ سینیٹیشن کے اہلکار تھے۔پولیس نے متوفیان کی لاشیں ضروری قانونی کاروائی کے بعد ورثاء کے حوالے کر دی ہیں۔

فیصل آباد()وکلاء کا آزادی صحافت پر حملہ، وکلاء نے مقامی چینل کے دو رپورٹرز اور کیمرہ مین کو شدید تشدد کا نشانہ بنایا اور اٹھا کر بار لے گئے پولیس نے بار میں جا کر صحافیوں کو بازیاب کر وایا،تفصیلات کے مطابق مقامی چینل کے رپورٹر طیب مقبول، علی رضا اور کیمرہ مین محمد وقاص ایس پی لائل پور ٹاؤن کے آفس میں کو ریج کررہے تھے کہ سیکرٹری بار رانا شاہد منیر اپنے مسلح ساتھیوں کے ہمراہ آئے اور تشدد کا نشانہ بناتے ہوئے طیب مقبول کو بار میں اٹھا کر لے گئے۔جبکہ علی رضا اوروقاص کو بد ترین تشدد کا نشانہ بنایا وکلاء گردی کے خلاف فیصل آباد پریس، فیصل آباد یونین آف جرنلسٹ ورکرز سمیت مختلف صحافتی تنظیموں نے پریس کلب کے اور ضلع کونسل چوک میں کئی گھنٹوں تک احتجاجی مظاہرہ کیا اور وکلاء گردی کے خلاف شدید نعرے بازی کی جبکہ پولیس کی طرف سے وکلاء کے خلاف مقدمہ درج کر نے کی یقین دہانی پر صافیوں نے احتجاج ختم کیا۔ فیصل آباد پریس کلب کے گروپ لیڈر شاہد علی، صدر پریس کلب ظفر ڈوگر، سیکرٹری علی اشفاق ہاشمی، صدر فیصل آباد یونین آف جرنلسٹ ورکرزجی اے تنویر، جنرل سیکرٹری شوکت وٹو کا کہنا تھا کہ وکلاء گردی کسی صورت بھی قبول نہیں۔ اگر پولیس اور متعلقہ حکومتی اداروں نے تشدد میں ملوث وکلاء کے خلاف کاروائی نہ کی تو احتجاج کا دائرہ کا ر بڑھا دیا جائے گا۔

فیصل آباد میں 15 سالہ لڑکے کیساتھ مبینہ زیادتی کی گئی۔ تھانہ منصورہ آباد کے علاقے میں پندرہ سالہ لڑکے کے ساتھ مبینہ زیادتی کی گئی۔ احتشام کو کھلینے جاتے ہوئے اغواء کر کے نامعلوم مقام پرلیجا کر تشدد کیا،متاثرہ کا بھائی بیان۔ ملزمان نے احتشام کے سر کے بال اور بھوئیں بھی مونڈ دی۔احتشام کے جسم پر آہنی راڈ اور پائپ کے ساتھ تشدد کے نشانات بھی واضع ہیں، لواحقین۔ احتشام کو تشویشناک حالت میں الائیڈ ہسپتال منتقل کر دیا گیا جہاں اس کا علاج جاری ہے۔ پولیس نے ملزمان کی تلاش جاری کردی ہے۔