فیصل آباد میں مریم نواز کی ریلی کے حوالے سے پارٹی میں اختلافات مزید شدید ہو گئے ۔ شیرعلی نے بھی ریلی سے لاتعلقی کا اعلان کردیا ۔ ریلی انتظامات کیلئے ہونے والے اجلاس میں بھی شریک نہ ہوئے ۔مریم نواز کی اتوار کے روز ریلی سے قبل ہی فیصل آباد میں ن لیگی دھڑوں میں دراڑیں پڑگئیں۔ ریلی رانا ثنائاﷲ کے ڈیرے پر لے جانے کے فیصلے پر شیرعلی نے سخت ناراضی کا اظہارکرتے ہوئے مکمل لاتعلقی اختیار کر لی۔ مریم نواز نے شیر علی سے خود بھی رابطے کی کوشش کی مگر انہیں ناکامی کا سامنا کرنا پڑا۔دوسری جانب ن لیگی قیادت نے ضلعی انتظامیہ کو ریلی کے حوالے سے آگاہ تو کردیا ہے ، تاہم باقاعدہ اجازت نہیں۔ انتظامیہ کہتی ہے بیان حلفی جمع ہوگا تواجازت طے شدہ شرائط پر ہی دی جائے گی۔
Category: فیصل آباد
-
فن لینڈ پاکستان سے تجارت بڑھانا چاہتا ہے
فیصل آباد: پاکستان میں فن لینڈ کے سفیر ہیری کیمریمین نے کہا ہے فن لینڈ پاکستان میں تمام شعبوں میں کثیر سرمایہ کاری کرنے کا ارادہ رکھتا ہے، وہ فیصل آباد کے کاروباری طبقے سے ایک تقریب میں خطاب کر رہے تھے
فن لینڈ نے پاکستان میں پہلے بھی کئی شعبوں میں سرمایہ کاری کر رکھی ہے جن میں بایئوٹیکنالوجی ، موبائل فون اور ریسائیکلنگ کے شعبے شامل ہیں ان کا مزید کہنا تھا کہ اگر فیصل آباد میں ویسٹ مینجمنٹ کے شعبے پر توجہ سے کام کیا جائے تو اس سے ناکارہ مواد کو بروئے کار لا کر سستی بجلی پیدا کی جا سکتی ہے -
فیصل آباد کے اسپتال سے نومولود بچی اغواء
فیصل آباد کے الائیڈ اسپتال سے نومولود بچی اغواء ہو گئی۔ تفصیلات کے مطابق فیصل آباد کےالائیڈ اسپتال سے نومولود بچی اغواء ہو گئی۔ واقعے کی سی سی ٹی وی فوٹیج باغی ٹی وی نے حاصل کرلی۔ فوٹیج میں خاتون کو بچی کو لے جاتے دیکھا جاسکتا ہے۔اغواءکارخاتون کے ساتھ ایک مرد کو بھی دیکھا جاسکتا ہے۔پولیس نے نامزد میاں بیوی کے خلاف تھانہ سول لائنز میں مقدمہ درج کرلیا۔ لواحقین کا کہنا ہے کہ اغواء کار تیما داری کے بہانے آئے اور بچی کو اغواء کر کے لے گئے۔ اسپتال انتظامیہ کی غفلت کے باعث یہ واقعہ رونما ہوا ہے۔
-
میٹرک کے طلباء میں انعامات تقسیم کرنے والے وزیراعلیٰ کے مشیر خود میڑک میں فیل ہو گئے
فیصل آباد سے تحریک انصاف کے رکن پنجاب اسمبلی اور وزیراعلی سردار عثمان بزدار کے مشیر برائے کھیل عمر فاروق میٹرک کے امتحان میں فیل ہو گئے،
باغی ٹی وی کی رپورٹ کے مطابق ایم پی اے ملک عمر فاروق میٹرک نتائج کی تقریب کے مہمان خصوصی تھی. انہوںنے پوزیشن لینے والے طلبا و طالبات میں انعام بھی تقسیم کیے.
تحریک انصاف کے میٹرک امتحان میں فیل ہونے والے ایم پی اے عمر فاروق کا رولنمبر 596567 بتایا گیا ہے.
-
عمران خان نے وزیر اعظم بن کر پاکستان کو بند کرنے کے اعلان پر عملدرآمد کر دیا، سراج الحق
امیر جماعت اسلامی سراج الحق نے کہا ہے کہ حکومت نے پشاور میں روٹی کی قیمت 15 اور20 روپے نان کی قیمت مقرر کر دی ہے،
باغی ٹی وی کی رپورٹ کے مطابق سراج الحق نے فیصل آباد میں میڈیا سے گفتگو کرتے ہوئے کہاکہ غریب آدمی اب کیسےکھاناکھائےگا، حکومت صرف تماشائی کاکرداراداکررہی ہے، حکومت نے برآمدی اشیاپرٹیکس بڑھایا، درآمدات کادروازہ کھولاجارہاہے، وزیراطلاعات نےتاجروں کامذاق اڑایا،کسی سیاسی جماعت کادخل نہیں تھا،
سراج الحق نے کہاکہ حکومت کااپنارویہ اپوزیشن سے زیادہ ان کے لیے مسئلہ ہے، اپوزیشن کومتحدکرنےاورایوانوں میں باہرلانے کا کردار حکومت کا ہے، وزیر اعظم بن کرعمران خان نےپاکستان کوبندکرنےکےاعلان پرعملدرآمد کر دیا، گزشتہ روز پورے ملک میں تاجروں نے ہڑتال کی،کراچی سے چترال تک ملک بندتھا، ان کا کہنا تھا کہ پاکستان کے لوگ پی ٹی آئی کی حکومت کی پالیسیوں سے نا خوش ہیں،
-
پنجاب میں ن لیگ کے کتنے اراکین اسمبلی حکومت کے ساتھ ہیں؟ ترجمان وزیر اعلیٰ نے بڑا دعویٰ کر دیا
ترجمان وزیر اعلیٰ پنجاب شہباز گل نے کہا ہے کہ ہڑتال سے مسئلے ختم نہیں ہوں گے،تاجر برادری سےبیٹھ کر بات کریں گے، کچھ لوگوں نے دکانیں بند کیں مگرزیادہ تردکانیں کھلی رہیں، اگرکوئی قانون ہاتھ میں لےگا توقانون حرکت میں آئے گا،
باغی ٹی وی کی رپورٹ کے مطابق فیصل آباد میں میڈیا سے گفتگو کرتے ہوئے ترجمان وزیر اعلیٰپنجاب نے کہاکہ پہلے یہاں کا مال کھایا جاتا تھا اب امداد کھانے کے اسکینڈل سامنے آ رہے ہیں، جیل والے چیک کر کےنہ بھیجیں تو جیل کا سامان چوری کر لیں گے، پنجاب میں اپوزیشن کے 40سے45 ایم پی ایزہمارے ساتھ ہیں، یوکے اسکینڈل کی انگلینڈ اور پاکستان کے اندر تحقیقات کرائیں گے،
شہباز گل نے کہاکہ چیمبر آف کامرس کےممبران اورتاجروں سےمیٹنگ کی اورمسائل سنے ہیں، چالیس سال میں نظام کی تباہی کر دی، عمران خان مگرمچھوںکو نہیں چھوڑے گا، ماضی میں حکومت اور اپوزیشن کی نورا کشتی ہوتی تھی، ماضی میں حکومت اور اپوزیشن کی نورا کشتی ہوتی تھی،
-
پی پی کے خلاف حکومت کا رویہ ٹھیک نہیں، قمر زمان کائرہ
پیپلز پارٹی کے رہنما قمر الزمان کائرہ نے کہا ہے کہ پیپلزپارٹی اوردیگراپوزیشن جماعتوں کے خلاف حکومت کارویہ ٹھیک نہیں ہے.
جج کی ویڈیو پر سپریم کورٹ کو سوموٹو لینا چاہئے تھا، قمرالزمان کائرہ
باغی ٹی وی کی رپورٹ کے مطابق پیپلزپارٹی وسطی پنجاب کے صدرقمرزمان کائرہ نے فیصل آباد میں ڈسٹرکٹ بار ایسوسی ایشن سے خطاب کرتے ہوئے کہا کہ ملک میں تمام سیاسی جماعتیں حکومت کے خلاف اکٹھی ہوتی جارہی ہیں، تمام سیاسی جماعتوں نےمل کرحکومت کےخلاف ایک تحریک لانچ کی ہے ،پیپلزپارٹی اوردیگراپوزیشن جماعتوں کےخلاف حکومت کارویہ ٹھیک نہیں ہے.
جج ارشد ملک کو ہٹانے کا فیصلہ، اب نواز شریف کو رہا کیا جائے، مطالبہ آ گیا
ن لیگ کی طرف سے جاری ویڈیو کی کوئی قانونی حیثیت نہیں: مراد سعید
ویڈیو کے بعد نواز کی سزا ختم ہو چکی، مزید ویڈیوز بھی موجود ہیں، عباسی
قمر زمان کائرہ کا مزید کہنا تھا کہ ہم جب انہیں ان کےوعدے یاد کرواتےہیں تویہ کہتے ہیں حکومت چلنےنہیں دی جارہی، 25جولائی کے انتخابات پراگر پیپلزپارٹی بائیکاٹ کردیتی تویہ سسٹم بیٹھ جاتا ،ہم چارٹرآف ڈیموکریسی کی بات کرتے ہیں،یہ چارٹرآف اکانومی کی بات کرتے ہیں ،جب ہم چارٹرآف ڈیموکریسی کی بات کرتے توکہتے ہیں این آراومانگ رہےہیں،ان سے جو بھی سوال کیا جائےانکاجواب ہوتا ہےکہ این آراو مانگ رہےہیں.
وزیراعظم نے کرپشن اور منی لانڈرنگ کرنے والوں کے خلاف بڑا حکم دے دیا
خواتین کو بااختیار بنانا اولین ترجیح ہے، وزیراعظم
آمرنے جنہیں این آراودیا ان کے منہ سے لفظ سلیکٹڈ اچھا نہیں لگتا، وزیراعظم
پیپلز پارٹی کے رہنما کا مزید کہنا تھا کہ جوجماعت این آراو کی سب سےبڑی بینیفشری تھی،جن پرجناح پورکے نقشہ موجود تھے، آج وہ جماعت حکومت وقت کی اتحادی ہے ،ہم تو روز کہتے ہیں کہ ہمیں این آر او نہیں چاہیے ،ہم ماضی میں بھی کیس بھگتتے رہے ہیں اور اب بھی بھگتیں گے،ہم کسی ادارےکےخلاف نہیں ہیں،آپ نےاحتساب کرناہےتوبسم اللہ کر لیں.
تنکوں کے سہارے چلنے والی حکومت کو گرانا کوئی مسئلہ نہیں:قمرالزمان کائرہ
-
فیصل آباد، باصلاحیت اور ہونہار کھلاڑیوں کی جدید خطوط پر عمدہ تربیت کے علاوہ کھیلوں کا سامان فراہم کیا گیا
فیصل آباد، ڈویژنل کمشنر محمود جاوید بھٹی نے کہا ہے کہ ڈویژنل انتظامیہ کی طرف سے باصلاحیت اور ہونہار کھلاڑیوں کی جدید خطوط پر عمدہ تربیت کے علاوہ کھیلوں کا سامان فراہم کیا جا رہا ہے تاکہ انہیں اپنے کھیل کو نکھارنے میں کوئی کمی محسوس نہ ہو۔انہوں نے یہ بات ڈویژنل انتظامیہ کے زیراہتمام بوہڑانوالی گراؤنڈ میں انڈر17کرکٹ سمر ٹریننگ کیمپ میں شامل کھلاڑیوں میں کرکٹ کٹس تقسیم کرتے ہوئے کہی۔ایم پی اے چوہدری لطیف نذر،اسسٹنٹ کمشنر(جنرل)مصور نیازی،ڈویژنل سپورٹس آفیسر طارق نذیر،کرکٹ سٹار سعید اجمل،ایم این اے میاں فرخ حبیب کے بھائی میاں نبیل احمد،عبدالماجد،کرکٹ کوچ انجم مشتاق ودیگر بھی اس موقع پر موجود تھے۔ڈویژنل کمشنر نے کرکٹ کی تربیت اور مقابلوں میں بہترین کارکردگی کامظاہرہ کرنے پر کھلاڑیوں کو مبارکباد دی اور کہا کہ وہ بھرپور محنت کے ذریعے کرکٹ کے کھیل میں عبور حاصل کرکے ملک وقوم کا نام روشن کریں۔انہوں نے کہا کہ نوجوانوں کو صحت مند سرگرمیوں کی جانب راغب کرنے اور انہیں کھیلوں کی زیادہ سے زیادہ سہولیات فراہم کرنے کے حکومتی ویژن کے مطابق اقدامات کئے جارہے ہیں۔انہوں نے کہا کہ کرکٹ کے علاوہ دیگر کھیلوں کے فروغ کے لئے باصلاحیت کھلاڑیوں کو آگے لایا جائے گا جبکہ ڈویژن بھر میں کھیلوں کے گراؤنڈ کے قیام کیلئے مربوط انداز میں منصوبہ بندی کی جارہی ہے۔انہوں نے انڈر 17کرکٹ سمر ٹریننگ کیمپ کے کامیاب انعقاد کے سلسلے میں ڈویژنل سپورٹس آفیسر طارق نذیر اوران کی دیگر ٹیم کی کاوشوں کو سراہا اور کہا کہ کھیلوں کی سرگرمیوں میں مزید اضافہ کرنے کے لئے مختلف سطح کے مقابلوں کے انعقاد کا سلسلہ جاری رہنا چاہیے تاکہ نوجوانوں کو کھیلوں ہی میں مصروف رکھ کر صحت مند معاشرے کی بنیادوں کو مضبوط بنایا جاسکے۔ایم پی اے چوہدری لطیف نذر نے اظہار خیال کرتے ہوئے کرکٹ سمر ٹریننگ کیمپ کے انعقاد کو انتہائی خوش آئند قرار دیا اور کہا کہ کھیلوں کے میدان آباد کرنا وزیراعظم عمران خان کی قیادت میں پی ٹی آئی حکومت کا مشن ہے اس ضمن میں نوجوانوں کو مختلف معیاری کھیلوں میں شمولیت کے بھرپور مواقع فراہم کرنے کے مربوط پروگرام پر عملدرآمد کیا جارہا ہے۔انہوں نے کرکٹ کے فن کا بہترین اظہار کرنے پر انڈر 17کھلاڑیوں کو داددی اور کہا کہ کرکٹ کا سامان فراہم کرکے انہیں خود انحصار اورپر اعتماد بنایا گیا ہے۔کرکٹ سٹار سعید اجمل نے کرکٹ کے فروغ میں ڈویژنل کمشنر محمود جاوید بھٹی کی خصوصی دلچسپی کو سراہتے ہوئے کرکٹ سمر ٹریننگ کیمپ کو احسن قدم قرار دیا اور کرکٹ کی ہر اکیڈمی میں نوجوان کھلاڑیوں کو بلامعاوضہ تربیت فراہم کرنے کی پیش کش کی۔انہوں نے کرکٹ کے زیادہ سے زیادہ گراؤنڈ تیار کرنے کی ضرورت پر زور دیا اور کہا کہ وسیع سہولیات سے نوجوانوں کے ٹیلنٹ کو فروغ حاصل ہوگا۔ڈویژنل سپورٹس آفیسر طارق نذیر نے بتایا کہ ڈویژنل کمشنر کی ہدایت پرفیصل آباد ڈویژن کے انڈر17کھلاڑیوں کے لئے کرکٹ سمر ٹریننگ کیمپ ایک ماہ جاری رہا جس میں 200کھلاڑیوں میں سے منتخب ہونے والے 40ہونہار کھلاڑیوں نے شرکت کی۔ان کھلاڑیوں کی چار ٹیمیں تیار کرکے میچز کا انعقاد کیا گیا۔انہوں نے بتایا کہ کیمپ کے اختتام پر ان کھلاڑیوں میں کرکٹ بیٹ،پیڈ،گلوز اوردیگر سامان پر مشتمل کٹس فراہم کی گئی ہیں.
-
فیصل آباد، ٹاسک فورس ٹیم نے چھاپہ مار کر 11 کے وی فیڈر سے ڈائریکٹ کنڈے اور ٹرانسفارمر کے ذریعے بجلی چوری پکڑ لی
فیصل آباد(نمائندہ باغی ٹی وی)فیسکو رحمے شاہ کی ٹاسک فورس ٹیم نے ایکسئین تاندلیانوالہ کی سربراہی میں چھاپہ مار کر 11کے وی فیڈر سے ڈائریکٹ کنڈے اور ٹرانسفارمر کے ذریعے بجلی چوری کا نیٹ ورک دھر لیا۔ چوری ہونے والی بجلی زیر زمین کیبل بچھا کر ملحقہ آبادی کے 10سے زائد گھروں کو مہیا کی جا رہی تھی۔ فیسکو ٹیم نے موقع سے کیبل اور25کے وی اے کا ٹرانسفارمر قبضہ میں لے لیا اور چوری میں ملوث محمد امین الیکٹریشن کے خلاف مقدمہ کے اندراج کیلئے پولیس تھانہ مریدوالا کو درخواست دے دی۔ الیکٹریشن نے فیسکو کی ٹیموں کو دھوکا دینے کیلئے گھر کی چھت پر سولر پینل بھی نصب کر رکھے تھے۔تفصیلات کے مطابق وزارت توانا ئی (پاور ڈویژن)اورچیف ایگزیکٹوفیسکومجاہداسلام باللہ کی خصوصی ہدایات پرفیسکوٹاسک فورسزاور انٹیلی جنس ٹیموں کا ریجن کے چاروں سرکلز میں بجلی چوروں کے خلاف بھرپورکریک ڈاؤن جاری ہے۔فیسکو ٹاسک فورس نے رحمے شاہ میں ڈائریکٹ کنڈا لگابجلی چوری پکڑی ہے۔ رحمے شاہ کے نواحی علاقے 544گ ب کے رہائشی الیکٹریشن محمد امین نے اپنی ورکشاپ کی چھت کے اوپر سے گزرنے والی 11کے وی کنجوانی فیڈر پر ڈائریکٹ کنڈے ڈال کر 25کے وی اے کے ایک ٹرانسفارمر کے ذریعے بجلی چوری کا نیٹ ورک بنا رکھا تھا اور بجلی پی وی سی کیبل زیر زمین بچھا کر ملحقہ آبادی کے 10گھروں کو مہیا کر رکھی تھی۔ فیسکو ٹیموں کو دھوکا دینے کیلئے اس نے چھت پر سولر پینل بھی نصب کر رکھے تھے اور یہ تاثر دے رہا تھا کہ وہ سولر سسٹم کے ذریعے پیدا ہونے والی بجلی ورکشاپ میں استعمال کر رہا ہے۔ ایس ڈی او رحمے شاہ سجاد علی نے شبہ ہونے پر فیسکو ٹاسک فورس کو اس کی ریکی پر لگا دیا۔ جنہوں نے 11کے وی فیڈر کنجوانی پر انتہائی باریک تار ڈال کر اسے 25کے وی اے ٹرانسفارمر سے جوڑ کر ہونے والی بجلی چوری کا سراغ لگا لیا۔ گذشتہ روز ایکسئین تاندلیانوالہ محمدعارف اور ایس ڈی اوسجاد نے ٹیم کے ہمراہ چھاپہ مار ا تو الیکٹریشن محمد امین نے مزاحمت کی کیبل اور ٹرانسفارمر اتارنے نہیں دیا۔ پولیس کو اطلاع دی گئی تو وہ ان کے آنے سے پہلے فرار ہو گیا۔ فیسکو ٹیم نے زیرزمین کیبل اور ٹرانسفارمر قبضہ میں لے لیا اور پولیس تھانہ مرید والا کو مقدمہ کے اندراج کیلئے درخواست دے دی ہے۔ فیسکو چیف مجاہد اسلام باللہ نے صارفین بجلی سے اپیل کی ہے کہ وہ ذمہ دار شہری ہونے کا ثبوت دیں اوراپنے گردونواح میں ہونے والی بجلی چوری کی اطلاع فوری طورپر وزارت توانائی پاور ڈویژن کی ہاٹ لائن 051-9103888،فیسکو کے ٹول فری نمبر 080066554یا اپنی متعلقہ سب ڈویژن کو دیں تاکہ بجلی چور صارفین کے خلاف فوری کارروائی کی جاسکے۔ انہوں نے کہا کہ بجلی چوری جیسے مکروہ قومی جرم کی سرکوبی کیلئے اپنا بھرپور کردار ادا کریں اورفیسکو ٹیموں کا ساتھ دیں تاکہ ملک سے اس جر م کا خاتمہ ہوسکے۔
-
اگر ملک اسی طرح عمران خان کے پاس رہا تو بہت نقصان ہو گا، احسن اقبال
پاکستان مسلم لیگ کے سینئر لیڈر احسن اقبال نے کہا ہے کہ اگرملک اسی طرح عمران خان کے پاس رہا توبہت نقصان ہو گا،
باغی ٹی وی کی رپورٹ کے مطابق سانگلہ ہل میں ورکرز کنونشن سے خطاب کرتے ہوئے احسن اقبال نے کہاکہ الیکشن میں ’’دھاندلا‘‘ ہوا لیکن ہم نے دھرنے نہیں دئیے، ہم نہیں چاہتے تھے کہ ملک کا نظام رک جائے، ہمیں بدنظمی سےبچناہے،ہم بہت صبروالے ہیں، ہم نے4سال میں12ہزارمیگاواٹ بجلی پیداکی.
احسن اقبال نے کہاکہ اناڑی وزیراعظم نےثابت کیاکہ ملک کوکسی دشمن کی ضرورت نہیں، سانگلہ ہل میں ہونے والے کنونشن میں شہریوں کی کثیر تعداد نے شرکت کی.