فیصل آباد (نمائندہ باغی ٹی وی) ماہ صیام کے مقدس مہینہ میں اولڈ ایج ہوم (عافیت) میں مقیم بزرگ مرد وخواتین کے لئے افطاری کا خصوصی اہتمام کیا گیا۔ڈائریکٹر سوشل ویلفیئر محمد شاہد رانا،ڈپٹی ڈائریکٹر خالد بشیر،انچارج زاہدہ نازودیگر نے بزرگوں کے ہمراہ افطاری میں شرکت کی۔ڈائریکٹر سوشل ویلفیئر نے اظہار خیال کرتے ہوئے کہا کہ مل جل کر روزہ افطار کرنے سے روحانی تسکین حاصل اور اخوت ویگانگت پیدا ہوتی ہے۔انہوں نے کہا کہ اجتماعی افطاری سے مساوات،رواداری اور پیارومحبت کے جذبات کو بھی تقویت ملتی ہے۔انہوں نے اولڈایج ہوم میں مقیم بزرگوں سے خصوصی گفتگو کرتے ہوئے ان کی صحت وسلامتی اوردرازی عمر کی دعا کی۔انچارج اولڈ ایج ہوم نے بتایا کہ ماہ صیام میں بھی بزرگ مرد وخواتین کو گھریلو ماحول فراہم کیا جارہا ہے اور سحر وافطا ر کا خصوصی بندوبست کرنے کے علاوہ نماز تراویح کا بھی اہتمام کیا جاتا ہے۔
Category: فیصل آباد
رمضان بازاروں میں عوامی طلب کے مطابق معیاری اشیائے ضروریہ کی دستیابی کو یقینی اور بہترین انتظامات کیا جائیں۔ جاوید بھٹی کا رمضان بازار کا دورہ
فیصل آباد (نمائندہ باغی ٹی وی) ڈویژنل کمشنر محمود جاوید بھٹی نے ہدایت کی کہ رمضان بازاروں میں عوامی طلب کے مطابق معیاری اشیائے ضروریہ کی دستیابی کو یقینی بنائیں اور انتظامات کے حوالے سے صارفین کی ہر ممکن سہولیات کا خیال رکھا جائے۔انہوں نے یہ ہدایت مختلف علاقوں میں رمضان بازاروں کا معائنہ کرتے ہوئے جاری کی۔وہ رمضان بازار چک جھمرہ میں گئے اور تمام سٹالز کا معائنہ کرتے ہوئے سبزیوں،پھلوں اورکریانہ کی دیگر اشیاء کی مقداراورمعیار کاجائزہ لیا۔اسسٹنٹ کمشنر جنرل مصور خاں نیازی،اسسٹنٹ کمشنر چک جھمرہ خرم شہزادبھٹی ودیگر افسران بھی اس موقع پر موجود تھے۔ڈویژنل کمشنر نے ہدایت کی کہ انتظامات کے حوالے سے تحصیلوں اورقصبوں کے رمضان بازارپر خصوصی نظر ہونی چاہیے تاکہ دوردراز کے علاقوں کے شہری بھی ارزاں نرخوں پر معیاری اشیاء ضروریہ کی خریداری کے سلسلے میں حکومتی اقدامات سے پوری طرح مستفید ہوسکیں۔انہوں نے رمضان بازاروں کے اوقات کار کے دوران تازہ سبزیوں وپھلوں کی دستیابی پر زور دیا اور کہا کہ اشیاء کی سپلائی کے انتظامات کو ہمہ وقت فعال رکھا جائے۔ڈویژنل کمشنر نے سستی چینی کی فروخت کے سٹالز پر لوگوں کے رش کو منظم بنانے اور ہر صارف کو چینی کی فراہمی کی ہدایت کی اور کہا کہ دستیاب کوٹہ دانشمندانہ انداز میں عوام تک پہنچایا جائے۔انہوں نے خریداری کے لئے آئے ہوئے خواتین وحضرات سے ملاقات بھی کی اور کہا کہ حکومت پنجاب کی ہدایات پر رمضان بازاروں کو عوامی ریلیف کے لئے فائدہ مندبنایا گیا ہے اس ضمن میں خریداروں کا رش اس امر کا غماز ہے کہ انہیں رعایتی اورکنٹرول نرخوں پر معیاری اشیاء مل رہی ہیں۔انہوں نے بتایا کہ ایگریکلچر فیئرپرائس شاپس پر صارفین کو سبزیوں سمیت 19مختلف اشیاء رعایتی نرخوں پر دستیاب ہیں۔ڈویژنل کمشنر نے نگران افسران کو ماحول کو صاف ستھرا رکھنے سمیت سیکورٹی انتظامات کو چوکس رکھنے کی ہدایت کی۔اسسٹنٹ کمشنر خرم شہزاد بھٹی نے بتایا کہ رمضان بازار چک جھمرہ میں معیاری اشیاء کی سپلائی اوردیگر انتظامات پر نظر رکھنے کے علاوہ عام مارکیٹ میں قیمتوں کو چیک کرکے گرانفروشوں کے خلاف تسلسل کے ساتھ کارروائی کی جارہی ہے۔
ڈپٹی کمشنر سردار سیف اللہ ڈوگر کی زیرصدارت ڈسٹرکٹ ویجیلینس کمیٹی کا اجلاس
فیصل آباد(نمائندہ باغی ٹی وی) ڈپٹی کمشنر سردار سیف اللہ ڈوگر نے کہا ہے کہ ضلع میں پاور لومز و بھٹہ خشت ورکرز کی فلاح وبہبود میں کوئی کسر اٹھا نہیں رکھی جائے گی اس سلسلے میں متعلقہ لیبر قوانین پر مربوط حکمت عملی کے تحت کام کیا جائے گا۔انہوں نے یہ بات ڈسٹرکٹ ویجیلینس کمیٹی کے اجلاس کی صدارت کرتے ہوئے کہی۔ڈائریکٹر لیبر ملک منور اعوان کے علاوہ سوشل سیکیورٹی،چائلڈ پروٹیکشن،سوشل ویلفیئر،ایجوکیشن،پنجاب پولیس اوردیگر محکموں کے افسران، مزدور رہنمابابا لطیف انصاری،اسلم معراج بھی موجود تھے۔ڈپٹی کمشنر نے محنت کشوں کے مسائل اوران کے حل کے اقدامات کاجائزہ لیتے ہوئے کہا کہ سوشل سیکیورٹی کارڈز کے اجرا کے لئے محکمانہ اقدامات کو مزید تیز کریں اور واجبات ادا نہ کرنے والے بھٹہ مالکان کو متحرک کیا جائے۔انہوں نے ورکرز کی کم ازکم اجرت پر عملدرآمد کو یقینی بنانے کی ہدایت کرتے ہوئے کہا کہ دوطرفہ تعاون کو فروغ دیتے ہوئے خوشگوار ماحول میں کاروباری سرگرمیاں جاری رہنی چاہیں۔انہوں نے حسین شہید سہروردی لیبر کالونی میں بجلی کے کنکشن سمیت ورکرز کو درپیش دیگر مسائل کے حل کے سلسلے میں تعاون کی یقین دہانی کرائی۔ڈائریکٹر لیبر نے بتایا کہ مقررہ سے کم اجرت کی ادائیگی پر بھٹہ مالکان کے خلاف کارروائی کا سلسلہ جاری ہے۔انہوں نے محنت کشوں کی فلاح وترقی کے لئے محکمانہ اقدامات سے بھی آگاہ کیا۔سوشل سیکیورٹی آفیسر نے بتایا کہ اب تک 1886ورکرز کے سوشل سیکیورٹی کارڈزبنائے جاچکے ہیں جبکہ گزشتہ ماہ 86 کارڈزورکرز کے حوالے کئے گئے۔انہوں نے بتایا کہ تاحال 400 کے قریب کارڈز پر پیشرفت جاری ہے جس کے لئے بھٹہ مالکان کی طرف سے بقایا جات ادا نہیں کئے گئے۔مزدور رہنماؤں نے جھنگ روڈ سیکٹر کے پاور لومز ورکرز کی اجرتوں کا مسئلہ حل کرانے پر ڈپٹی کمشنر سردار سیف اللہ ڈوگر کا شکریہ ادا کیا اوربھٹہ مزدوروں کو درپیش بعض مسائل کی بھی نشاندہی کی۔
ڈائریکٹر لائیوسٹاک ڈاکٹر صالحہ گل کا تحصیل جڑانوالہ میں رمضان بازار کا دورہ اور سٹالز کا جائزہ لیا
فیصل آباد(نمائندہ باغی ٹی وی) ڈائریکٹر لائیوسٹاک ڈاکٹر صالحہ گل نے تحصیل جڑانوالہ میں رمضان بازار کا دورہ کیا اور سٹالز پر چکن وانڈوں کی موجودگی کاجائزہ لیا۔انہوں نے ڈیوٹی پر موجود محکمہ کے سٹاف سے کہا کہ صارفین کو سستے داموں گوشت وانڈوں کی فراہمی میں کوئی تعطل نہیں آنا چاہیے۔ڈپٹی ڈائریکٹر ڈاکٹر سہیل ندیم نے ڈائریکٹر کو رمضان بازار میں چکن وانڈوں کی سپلائی کے عمل سے آگاہ کیا۔ڈائریکٹر لائیوسٹاک نے تحصیل کے فیلڈ افسران سے میٹنگ بھی کی اور انہیں کارکردگی مزید بہتر بنانے کی تاکید کی۔انہوں نے مویشیوں کو حفاظتی ٹیکہ جات لگانے کے اہداف بروقت مکمل کرنے کی بھی ہدایت کی۔
تیزرفتار ترقی کے موجودہ دور میں نوجوانوں کو معیاری اور بامقصد تعلیم کی فراہمی انتہائی ضروری ہے۔ محمد اجمل چیمہ
فیصل آباد (نمائندہ باغی ٹی وی)صوبائی وزیر سماجی بہبود وبیت المال محمد اجمل چیمہ نے کہا ہے کہ تیزرفتار ترقی کے موجودہ دور میں نوجوانوں کو معیاری اوربامقصد تعلیم کی فراہمی انتہائی ضروری ہے۔اس ضمن میں حکومتی سطح پر انقلابی اقدامات کئے جارہے ہیں تاہم طالب علموں کی صلاحیتیں نکھارنے میں اپنی مدد آپ کے تحت چلنے والے تعلیمی اداروں کی کاوشیں بھی لائق تحسین ہیں۔انہوں نے یہ بات پروین شاکر کمپلیکس میں محکمہ سماجی بہبود کی زیرنگرانی پاک مکتب سکول غلام محمد آباد کی سالانہ تقسیم انعامات کی تقریب سے بطور مہمان خصوصی خطاب میں کہی۔ڈائریکٹر سوشل ویلفیئر محمد شاہد رانا،ڈپٹی ڈائریکٹر خالد بشیر،سوشل ویلفیئرآفیسر محمد طاہر،پرنسپل پاک مکتب سکول دیبہ نورین،محکمہ سماجی بہبود کے دیگر افسران،اساتذہ،والدین اور پاک مکتب سکول میں زیر تعلیم طلباء وطالبات بھی موجود تھے۔صوبائی وزیر سوشل ویلفیئر نے تعلیم کی اہمیت وافادیت پر روشنی ڈالتے ہوئے کہا کہ علم کا راستہ خوشحالی کا راستہ اور پڑھا لکھا معاشرہ معاشرتی ترقی کا ضامن ہے لہذا بچوں کو تعلیم کے زیادہ سے زیادہ مواقع فراہم کئے جائیں۔انہوں نے طالب علموں کی تعلیم کے ساتھ معیاری تربیت کی انجام دہی میں پاک مکتب سکول انتظامیہ کی کاوشوں کو سراہا اور پوزیشن ہولڈرز کو مبارکباد دیتے ہوئے کہا کہ سماجی بہبود کی زیرنگرانی کمیونٹی کے تعاون سے چلنے والے سکول کی بھرپور حوصلہ افزائی جاری رکھی جائے گی۔صوبائی وزیر نے کہا کہ پاک مکتب سکول میں اضافی کلاس روزمز اور لیبارٹری کے قیام کے لئے اقدامات کئے جائیں گے تاکہ خوشگوار اور پرکشش ماحول میں تعلیمی سرگرمیوں کے مزید اچھے نتائج حاصل ہوسکیں۔انہوں نے پاک مکتب سکول کے اساتذہ کے لئے 5/5ہزارروپے جبکہ دیگر سٹاک کے لئے 3/3ہزارروپے عید پیکج کا اعلان بھی کیا۔انہوں نے اساتذہ سے کہا کہ وہ قوم کے مستقبل کی جدید خطوط پر تربیت جاری رکھیں تاکہ وہ چیلنجز کا بہتر انداز میں مقابلہ کرکے کامیابیاں حاصل کریں۔انہوں نے طلباء وطالبات کی طرف سے پیش کئے جانے والے ٹیبلوز اور تقریب کے کامیاب انعقاد کوسراہا۔ڈائریکٹر سوشل ویلفیئر نے پاک مکتب سکول کی تزئین وبحالی کے منصوبے سے آگاہ کرتے ہوئے بتایا کہ بچوں کی بڑھتی ہوئی تعداد کے پیش نظر اضافی کلاس رومز اور میٹرک تک اپ گریڈیشن کے باعث سائنس لیبارٹری کی ضرورت ہے۔انہوں نے بتایا کہ محکمہ سماجی بہبود کی طرف سے جلد سٹریٹ چلڈرن سکول کا قیام عمل میں لایا جارہا ہے جس کے لئے مخیر حضرات اور دیگر متعلقہ اداروں سے رابطہ جاری ہے۔ڈائریکٹر سوشل ویلفیئر نے تقریب میں شرکت پر صوبائی وزیر سماجی بہبود محمد اجمل چیمہ کا شکریہ ادا کیا۔پرنسپل ادارہ نے سکول کی تعلیمی کارکردگی سے آگاہ کیا اور بتایا کہ ادارہ میں اس وقت 723طلباء وطالبات زیر تعلیم ہیں جن میں نرسری تاپنجم تک بوائز وگرلز اور ششم سے دہم تک گرلز کلاسز ہو رہی ہیں۔انہوں نے بھرپور تعاون پرصوبائی وزیر سماجی بہبودمحمد اجمل چیمہ کا شکریہ ادا کیا۔تقریب کے دوران طالب علموں نے ویلکم کے علاوہ معروف قوالی تاجدار حرم اور دیگر پروگرامز بھی پیش کئے۔
فیصل آباد، ستیانہ کے قریب نہر گوگیرہ برانچ میں پڑنے والے شگاف کو بند کردیا گیا
فیصل آباد، ڈویژنل وضلعی انتظامیہ کے زیراہتمام امدادی ٹیموں کی مسلسل جدوجہد کی بدولت چک 129گ ب ستیانہ کے قریب نہر گوگیرہ برانچ میں پڑنے والے شگاف کو بند کرکے مضبوط بنادیا گیا ہے۔امدادی کارروائیوں کی نگرانی ڈویژنل کمشنر محمود جاوید بھٹی،ڈپٹی کمشنر سردار سیف اللہ ڈوگراورسی پی او اظہر اکرم نے کی۔اس موقع پر اسسٹنٹ کمشنر تاندلیانوالہ اورنگزیب،اسسٹنٹ کمشنر جنرل مصورنیازی اور دیگر محکموں کے افسران موجود تھے۔تفصیلات کے مطابق نہر میں شگاف پڑنے کے واقعہ کی اطلاع ملنے پر محکمہ انہار،مال،صحت،لائیوسٹاک،ہائی ویز،ریسکیو 1122،سول ڈیفنس،زراعت اور پولیس نے حصہ لیا۔ڈویژنل کمشنر،ڈپٹی کمشنراورسی پی اوموقع پر پہنچ گئے اور متعلقہ مشینری اور دیگر تمام وسائل کو یکجا کرکے 12گھنٹے کی طویل کوشش سے شگاف کو پُر کرنے میں کامیابی حاصل کرلی۔ڈپٹی کمشنر نے کہا کہ الحمدللہ واقعہ میں کوئی جانی نقصان نہیں ہوا تاہم شگاف کے باعث فصلوں کو پہنچنے والے نقصانات کا تخمینہ لگانے کے لئے مشترکہ سروے کیاجائے گا۔انہوں نے کہا کہ امدادی سرگرمیوں کے دوران اردگرد کی آبادیوں اور مویشیوں کو محفوظ رکھنے کے لئے بھرپور کوششیں کیں جس میں کامیابی ملی۔انہوں نے محکمہ انہار کے افسران سے کہا کہ وہ نہروں کے کناروں کی مضبوطی کاازسرنوجائزہ لیں اور اس جگہ پڑنے والے شگاف کی وجوہات کا پتہ چلا کر مستقبل میں انسدادی اقدامات کئے جائیں۔انہوں نے امدادی کارروائیوں میں تعاون کرنے پر اہل دیہہ کا بھی شکریہ ادا کیا۔
سستے رمضان بازاروں پر عوامی اعتماد ان کی کامیابی کی واضح دلیل ہے۔ ڈپٹی کمشنر سیف اللہ ڈوگر
فیصل آباد(نمائندہ باغی ٹی وی) ڈپٹی کمشنر سردار سیف اللہ ڈوگر نے کہا ہے کہ سستے رمضان بازاروں پر عوامی اعتماد ان کی کامیابی کی واضح دلیل ہے لہذاڈیوٹی افسران صاف ستھری اور معیاری اشیاء ہمہ وقت دستیاب رکھیں تاکہ کسی صارف کو شکایت نہ ہو۔انہوں نے یہ بات تحصیل سمندری میں رمضان بازار کا معائنہ کرتے ہوئے کہی۔سی پی او اظہر اکرم بھی ان کے ہمراہ تھے۔اسسٹنٹ کمشنر سمندری سید تنویر مرتضی اور دیگر افسران بھی موجود تھے۔ڈپٹی کمشنر نے سستے آٹے اور سستی چینی کے سٹالز کو چیک کیا اور سیل ریکارڈ کاجائزہ لیتے ہوئے ہدایت کی کہ رمضان پیکج پر شفاف انداز میں عملدرآمد کو یقینی بنایا جائے۔انہوں نے کہا کہ زیادہ طلب کی کچن آئٹیمز کی سپلائی میں تعطل نہ آنے دیں۔ڈپٹی کمشنر نے خریداری میں مصروف شہریوں سے اشیاء کی دستیابی اور معیار کے بارے میں دریافت کیاتو انہیں مطمئن پایا۔انہوں نے مختلف سٹالز پر پھل وسبزیوں کے معیار،دستیابی اور قیمتوں کا بھی جائزہ لیا اور کوالٹی کو ہمہ وقت برقرار رکھنے کی تاکید کی۔سی پی او نے رمضان بازارمیں سیکورٹی پلان پر عملدرآمد کاجائزہ لیا اور سٹاف کو تاکید کی کہ وہ اپنے فرائض جانفشانی سے ادا کریں۔اسسٹنٹ کمشنر نے بتایا کہ رمضان بازار میں اشیاء کی دستیابی اورمعیارپر گہری توجہ ہے۔انہوں نے بتایا کہ عام مارکیٹ میں بھی اشیاء ضروریہ کی قیمتوں کو قابو میں رکھنے کے لئے موثر اقدامات کئے جارہے ہیں۔
کچری بازار فیصل آباد میں شارٹ سرکٹ کے باعث آتشزدگی
فیصل آباد: کچہری بازار میں ٹیلرر کی دکان میں آگ لگ گئی۔ کچری بازار میں شارٹ سرکٹ کے باعث آتشزدگی۔ نجی ٹیلرر ،موبائل فون کی دکان کے شیشے اور کچھ سامان ٹوٹ گیا۔ شارٹ سرکٹ کے باعث لگنے والی آگ سے کوئی جانی نقصان نہیں ہوا۔ 1122 اور فائر بریگیڈ کی گاڑیوں نے موقع پر پہنچ کر آگ بجھائی اور مکمل سرچ آپریشن کرکے دکان کو کلیر کردیا۔
فیصل آباد میں کریٹو کرنسی کا کاروبار کرنیوالے ملزمان گرفتار
فیصل آباد، موگھیاں میں کریٹو کرنسی کا غیر قانونی کاروبار پکڑا گیا۔ تفصیلات کے مطابق پولیس نے خفیہ اطلاع پر کاروائی کرکے 4 ملزموں کو گرفتار کرکے تھانہ صدر میں اینٹی منی لانڈرنگ ایکٹ کے تحت مقدمہ درج کرلیا۔ 2 ملزمان ناصر اور ہمایوں فرار ہو گئے۔ گرافک کارڈز، لیپ ٹاپ، ڈیوائسز برآمد کر لی گئیں۔ گرفتار ملزمان میں حویلی مالک اور سرغنہ امجد، جمیل، عمران، عارف شامل ہیں۔
سول اسپتال فیصل آباد کے بلڈٹرانسفیوژن سینٹر میں ڈاکٹر موت بانٹنے لگے
فیصل آباد( نمائندہ باغی ٹی وی) سول اسپتال بلڈٹرانسفیوژن سینٹر میں ڈاکٹر موت بانٹنے لگے۔ بلڈ ٹرانسفیوژن سینٹر میں ذائد المیعاد بلڈ بیگ استعمال ہونے کا انکشاف سامنے آگیا۔ بلڈٹرانسفیوژن سینٹر میں ذائد المیعاد بلڈبیگ استعمال کیے جا رہے۔ سول اسپتال بلڈٹرانسفیوژن سینٹر کےڈاکٹرز بانٹ رہے ہیں۔ پہلے سے بیمار بچوں کو مزید بیماریوں کا شکار بنایا جارہا ہے۔ تھیلا سیمیا کے مرض میں مبتلا بچوں کو زائد المیعاد بلڈ بیگ میں خون لگایا جارہا ہے۔ بلڈٹرانسفیوژن سینٹر حکام مریضوں کی زندگیوں سے کھیل رہے ہیں۔ مریضوں کو خون کی بوتلیں فراہم کرنے کے ہزاروں روپے نذرانے بھی وصول کئے جاتے ہیں۔ اسپتال حکام حالات سے غافل، مریض موت کے منہ میں جانے لگے