Category: گلگت بلتستان

گلگت میں نامعلوم مسلح افراد نے دو علیحدہ واقعات میں فائرنگ کر کے ممتاز عالم دین اور ہائی کورٹ کے ایک سینئر جج کی گاڑیاں نشانہ بنائیں، جن کے نتیجے میں مجموعی طور پر پانچ افراد زخمی ہوئے۔

وزیر داخلہ گلگت بلتستان شمس لون نے بتایا کہ پہلا واقعہ پولیس ہیڈ کوارٹر کے سامنے پیش آیا جس میں مولانا قاضی نِثار احمد، ان کے ڈرائیور اور ایک گارڈ سمیت تین افراد زخمی ہوئے۔ زخمیوں کی حالت تسلی بخش بتائی گئی ہے اور انہیں سٹی ہسپتال میں طبی امداد دی جا رہی ہے۔دوسرا حملہ دوپہر کے وقت سٹی ہسپتال کے نزدیک پیش آیا جہاں نامعلوم افراد نے ہائی کورٹ کے سینئر جج ملک عنایت الرحمٰن کی گاڑی پر فائرنگ کی — تاہم وہ معجزانہ طور پر محفوظ رہے۔ حکام نے بتایا کہ حملہ آور حملے کے بعد دو گاڑیاں چھوڑ کر فرار ہوئے۔

صوبائی حکومت کے ترجمان فیض اللہ فراق نے کہا کہ خطیب مرکزی جامع مسجد اہلسنت مولانا قاضی نِثار احمد کی گاڑی پر فائرنگ اس وقت ہوئی جب وہ سینٹرل پولیس آفس کے سامنے سے گزر رہے تھے۔ چاروں زخمی معمولی چوٹیں لے کر زیرِ علاج ہیں اور ان کی حالت مستحکم ہے۔واقعے کے بعد شہر میں خوف و ہراس پھیل گیا اور تمام بازار و دکانیں بند ہونے کی وجہ سے سڑکیں سنسان ہو گئیں۔ حکام نے عوام کو پُر سکون رہنے کی ہدایت کی ہے اور کہا ہے کہ امن و امان کو برباد کرنے والے عناصر کو قانون کے مطابق سخت اقدامات کا سامنا ہوگا۔

وزیراعلیٰ گلگت بلتستان حاجی گلبر خان اور گورنر سید مہدی شاہ نے واقعے کی سخت الفاظ میں مذمت کی اور اعلان کیا کہ ملزمان کی گرفتاری کے لیے فوری کارروائی کی جائے گی تاکہ سازشی عناصر کو عبرت دیا جا سکے۔

بِٹ کوائن کی قیمت نئی بلند ترین سطح پر پہنچ گئی

8 مسلم ممالک کا امن منصوبے پر حماس کے اعلان کا خیرمقدم

اسلام آباد:گلگت، اسکردو، استور اور گردونواح میں زلزلے کے جھٹکے محسوس کیے گئے۔

زلزلے کے جھٹکوں کے باعث لوگ گھروں سے باہر نکل آیا تاہم زلزلے سے کسی بڑے نقصان کی فی الحال کوئی اطلاع موصول نہیں ہوئی،زلزلہ پیما مرکز کے مطابق ریکٹر اسکیل پر زلزلے کی شدت 3.7 ریکارڈ کی گئی، جس کی گہرائی زیر زمین 25 کلو میٹر تھی،زلزلے کا مرکز اسکردو سے جنوب مغرب کی جانب 34 کلو میٹر دور تھا۔

گلگت بلتستان اور گرد و نواح میں زلزلے کے جھٹکے

موساد نے دوحہ میں حماس قیادت پر زمینی کارروائی سے انکار کیا، امریکی اخبار

موساد نے دوحہ میں حماس قیادت پر زمینی کارروائی سے انکار کیا، امریکی اخبار

گلگت بلتستان کے تاجروں کے دھرنے کو پچاس دن مکمل ہوگئے جس کے بعد پاک چین بارڈر پر آمد و رفت بند کر دی گئی، نتیجے میں سیکڑوں مسافر اور سیاح سوست میں پھنس گئے۔

تاجروں کی تحریک کی قیادت کرنے والے سابق صدر چیمبر آف کامرس اینڈ انڈسٹری جاوید حسین نے بتایا کہ سوست ڈرائی پورٹ کے سامنے جاری دھرنے کے پچاس دن مکمل ہونے پر سوموار کو سوست امیگریشن بند کرا دی گئی ہے، جس کے باعث چین جانے والی اور وہاں سے آنے والی تمام ٹرانسپورٹ روک دی گئی۔جاوید حسین نے کہا کہ مطالبات تسلیم ہونے تک امیگریشن مکمل طور پر بند رکھنے کا فیصلہ کیا گیا ہے۔ ان کے مطابق روزانہ چار سو سے زائد تاجر، سیاح اور مسافر سوست کے ذریعے چین آتے جاتے ہیں۔

انہوں نے مزید کہا کہ حکومت کے ساتھ مذاکرات جاری ہیں لیکن احتجاج بھی بدستور جاری رہے گا۔ اسمبلی اجلاس کے دوران نوجوانوں نے بھی اسمبلی کے مرکزی گیٹ پر دھرنے کی حمایت میں مظاہرہ کیا اور سوست ڈرائی پورٹ پر عائد مبینہ غیر قانونی ٹیکسوں کے خاتمے کا مطالبہ کیا۔گلگت بلتستان اسمبلی میں اپوزیشن لیڈر نے مظاہرین سے خطاب میں صوبائی حکومت کو تاجروں کے مسائل حل نہ کرنے پر ذمے دار قرار دیا اور ان کے خلاف طاقت کے استعمال کی شدید مذمت کی۔

اگست میں ترسیلات زر میں 6.6 فیصد اضافہ

صدر نے یو اے ای نیوی کمانڈر کو نشانِ امتیاز (ملٹری) سے نواز دیا

ایران سے جوہری معائنوں پر مذاکرات میں پیشرفت، آئی اے ای اے چیف پرامید

سندھ میں کل عام تعطیل کی افواہیں بے بنیاد، تمام تعلیمی ادارے کھلے رہیں گے

گلگت بلتستان میں ٹرافی ہنٹنگ پروگرام کے دوران پاکستان کے قومی جانور مارخور کے شکار کا پرمٹ ریکارڈ 10 کروڑ روپے میں نیلام ہوا۔

گلگت بلتستان میں ٹرافی ہنٹنگ کے تحت جنگلی جانوروں کے شکار کیلئے پرمٹس کی سالانہ نیلامی ایک تاریخی موقع ثابت ہوئی، جہاں استور مارخور کے شکار کا سب سے مہنگا پرمٹ، نانگا پربت کنزروینسی ایریا کیلئے 3 لاکھ 70 ہزار ڈالر میں شکار سفاریز کے مالک نے حاصل کیا،نیلامی کی یہ تقریب فاریسٹ، پارکس اینڈ وائلڈ لائف کمپلیکس گلگت میں منعقد ہوئی، جس میں ملکی و غیر ملکی شکاریوں، منتظمین اور ماہرینِ جنگلی حیات نے شرکت کی، اس موقع پر نہ صرف مارخور بلکہ دیگر نایاب جانوروں کے شکار کے پرمٹس بھی نیلام کئے گئے۔

حکام کے مطابق شکار سیزن 2025-26 کے لئے مجموعی طور پر 118 جانوروں کے شکار کے پرمٹس پیش کئے گئے، جن میں 4 استور مارخور، 100 ہمالیائی آئی بیکس اور 14 بلیو شیپ شامل ہیں، ٹرافی ہنٹنگ پروگرام سے حاصل ہونے والی آمدنی کا 80 فیصد حصہ مقامی کمیونٹیز کو دیا جاتا ہے، تاکہ وہ اسے جنگلی حیات کے تحفظ، مقامی ترقیاتی منصوبوں اور سیاحت کے فروغ پر خرچ کریں۔

ہاکی کھلاڑیوں کا روزانہ کا الاؤنس صرف 400 روپے،کھلاڑی سیخ پا

ماہرین کے مطابق، اس بار مارخور کے شکار کا پرمٹ 10 کروڑ روپے میں فروخت ہونا نہ صرف ایک تاریخی ریکارڈ ہے بلکہ اس بات کا ثبوت بھی ہے کہ دنیا بھر میں گلگت بلتستان کی جنگلی حیات کو کس قدر منفرد اور قیمتی سمجھا جاتا ہے۔

سیلاب سے تباہیاں ، 4 ہزار بستیاں ڈوب گئیں ، 35 لاکھ افراد متاثر

گلگت بلتستان کے محکمہ وائلڈ لائف اینڈ پارکس نے 26-2025 کے شکار کے سیزن کے لیے 118 جانوروں کے پرمٹ نیلام کرنے کا اعلان کیا ہے-

نیلامی کی تقریب آج گلگت میں فاریسٹ، پارکس اینڈ وائلڈ لائف کمپلیکس میں ہوگی،جن میں 4 استور مارخور، 100 ہمالیائی آئی بیکس اور 14 نیلی بھیڑیں شامل ہیں،آنے والے سیزن کے لیے استور مارخور کے پرمٹ کی بنیادی قیمت بڑھا کر 2 لاکھ ڈالر مقرر کی گئی ہے جبکہ نیلی بھیڑ اور ہمالیائی آئی بیکس کے پرمٹ بالترتیب 30 ہزار اور 10 ہزار ڈالر رکھے گئے ہیں۔

گزشتہ سال کے بنیادی نرخ کم تھے، مارخور کے لیے ایک لاکھ 50 ہزار ڈالر، نیلی بھیڑ کے لیے 9 ہزار ڈالر اور آئی بیکس کے لیے 5 ہزار 500 ڈالر کے نرخ مقرر کیے گئے تھے، 25-2024 کے سیزن میں 118 پرمٹ جاری کیے گئے تھے، مگر صرف 60 خریدے گئے، اس دوران مارخور کے ایک پرمٹ کی سب سے زیادہ بولی ایک لاکھ 61 ہزار ڈالر لگی، جس سے گلگت بلتستان حکومت کو 3 کروڑ روپے سے زائد کی آمدن ہوئی۔

بلوچستان میں بدامنی کے اثرات پورے معاشرے پر پڑ رہے ہیں، صدر سپریم کورٹ بار

حکام کا کہنا ہے کہ خیبر پختونخوا جیسے دیگر علاقوں میں مارخور کے شکار کے لیے قیمتیں 5 لاکھ ڈالر تک پہنچ جاتی ہیں، تاہم مقامی منتظمین اور ٹور آپریٹرز کا موقف ہے کہ فیسوں میں بھاری اضافہ ان کے کاروبار کو نقصان پہنچا رہا ہے اور غیر ملکی گاہکوں کو بھی بددل کر رہا ہے، ان کے مطابق اس سے نہ صرف منتظمین بلکہ ان مقامی برادریوں کو بھی نقصان ہو رہا ہے جو ٹرافی ہنٹنگ کی آمدن پر انحصار کرتی ہیں۔

اسی طرح سفاری کلب انٹرنیشنل پاکستان چیپٹر کے چیئرمین سید صمصام علی بخاری نے بتایا کہ تاجکستان میں مارخور کے شکار پر لاجسٹک اخراجات سمیت تقریباً ایک لاکھ 60 ہزار ڈالر خرچ آتا ہے، نیپال میں نیلی بھیڑ کے شکار کی اوسط لاگت 29 ہزار ڈالر ہے اور وسطی ایشیا میں آئی بیکس کے شکار پر 8500 سے 9900 ڈالر کے درمیان اخراجات آتے ہیں۔

بھارت کاایک بار پھر رابطہ،پاکستان کو دریائے ستلج میں سیلابی صورتحال سے آگاہ کر دیا

1990 میں نگر کی وادی بار میں شروع ہونے والا ٹرافی ہنٹنگ پروگرام مقامی برادریوں کی شمولیت سے چلایا جاتا ہے، جنہیں شکار کی آمدن کا تقریباً 80 فیصد تحفظ اور ترقیاتی منصوبوں کے لیے دیا جاتا ہے،اگرچہ اس پروگرام کو نایاب جانوروں کے تحفظ کا سہرا دیا جاتا ہے، لیکن اسٹیک ہولڈرز کو خدشہ ہے کہ حالیہ نرخوں میں اضافہ اس کی پائیداری کو خطرے میں ڈال سکتا ہے۔

گلگت بلتستان کے ضلع دیامر کے علاقے چلاس میں پاک فوج کا ہیلی کاپٹر گر کر تباہ ہوگیا، حادثے میں پائلٹ اور معاون پائلٹ سمیت عملے کے 5 ارکان شہید ہوگئے ۔

آئی ایس پی آر گلگت بلتستان نے دیامر میں آرمی ہیلی کاپٹر گرنے اور 5 شہادتوں کی تصدیق کی ہےکہ پاک فوج کا ایم آ ئی 17 ہیلی کاپٹر حادثے کا شکار ہوا ہے جس کے نتیجے میں 2 پائلٹ سمیت عملے کے 5 ارکان شہید ہو گئے صوبائی حکومت نے دیامر ہسپتال میں ایمرجنسی نافذ کر دی ہے اور طبی عملے کو الرٹ رہنے کی ہدایت دی ہے، وزیر اعلیٰ گلگت بلتستان اور گورنر نے دیامر میں ہیلی کاپٹر گرنے کے نتیجے میں ہونے والی شہادتوں پر گہرے دکھ اور افسوس کا اظہار کیا ہے ۔

دریائے سندھ میں انتہائی اونچے درجے کا سیلاب آنے کا امکان

گلگت بلتستان حکومت کے ترجمان فیض اللہ فراقی نے ایک بیان میں تصدیق کی کہ ہمارا ایک ہیلی کاپٹر تھور، چلاس میں گر کر تباہ ہو گیا ہے،ہیلی کاپٹر میں دو پائلٹ اور تکنیکی عملے کے 3 ارکان سوار تھے، دیامر کے ایس ایس پی نے ایک بیان میں کہا کہ ’اطلاعات کے مطابق ہیلی کاپٹر حادثے میں 5 افراد جاں بحق ہوئے ہیں، ہیلی کاپٹر ایک مجوزہ نئے ہیلی پیڈ پر ٹیسٹ لینڈنگ کر رہا تھا، انہوں نے بتایا کہ دیامر پولیس اور ریسکیو ٹیمیں فوری طور پر جائے حادثہ پر پہنچ گئیں اور امدادی کارروائیاں شروع کر دیں۔

کے پی ہیلی کاپٹر حادثہ: روسی کمپنی تحقیقات کرے گی