Category: گوجرانوالہ

گوجرانوالہ (باغی ٹی وی نامہ نگار محمد رمضان نوشاہی) آئی جی پنجاب ڈاکٹر عثمان انور نے پروموٹ ہونے والے افسران کو عہدوں کے رینک لگائے۔ اس موقع پر پنجاب پولیس کے دبنگ کرائم فائٹر اسسٹنٹ سب انسپکٹر رانا وکیل خاں سب انسپکٹر کے عہدے پر ترقی پا گئے۔

اس مسرت موقع پر رانا وکیل خاں نے صحافیوں سے گفتگو کرتے ہوئے کہا کہ محکمہ پولیس میں میری ترقی خاص طور پر میرے والدین، عزیز و اقارب اور دوست احباب کی دعاؤں کا نتیجہ ہے۔ انہوں نے کہا کہ وہ محکمہ پولیس میں رہ کر اپنی ڈیوٹی احسن طریقے سے سر انجام دیں گے اور افسران بالا کے احکامات پر عمل کرنا ان کی اولین ترجیح ہوگی۔ انہوں نے مزید کہا کہ وہ شہریوں کے جان و مال کے تحفظ میں کوئی کسر اٹھا نہیں رکھیں گے۔

نوجوان صحافی اخلاق اپل اور شہزاد بھنڈر سمیت دیگر دوست احباب نے رانا وکیل خاں کو مبارکباد دی اور ان کے لیے نیک خواہشات کا اظہار کیا۔

گوجرانوالہ (باغی ٹی وی نامہ نگار محمد رمضان نوشاہی) ریجنل پولیس آفیسر (آر پی او) گوجرانوالہ طیب حفیظ چیمہ کی زیر صدارت محکمانہ پروموشن کمیٹی کا اہم اجلاس منعقد ہوا، جس میں ریجن بھر کے سی پی او/ڈی پی اوز نے شرکت کی۔ اجلاس میں مجموعی طور پر 123 پولیس اہلکاروں کو ترقی دی گئی۔

تفصیلات کے مطابق اجلاس میں 64 ہیڈ کانسٹیبلز کو اسسٹنٹ سب انسپکٹر (اے ایس آئی) اور 59 اے ایس آئیز کو سب انسپکٹر (ایس آئی) کے عہدے پر ترقی دی گئی۔ آر پی او طیب حفیظ چیمہ نے ترقی پانے والے تمام اہلکاروں کو مبارکباد دیتے ہوئے کہا کہ پولیس اہلکاروں کی بروقت ترقی ان کی اولین ترجیحات میں شامل ہے۔ انہوں نے ترقی پانے والے اہلکاروں کو ہدایت کی کہ وہ ہمیشہ لوگوں کی مدد کے جذبے کے تحت اپنے فرائض سرانجام دیں۔

آر پی او طیب حفیظ چیمہ نے مزید کہا کہ انسپکٹر جنرل آف پولیس پنجاب ڈاکٹر عثمان انور کی ہدایات کے مطابق یہ اجلاس منعقد کیا گیا، جس میں خالصتاً معیار، قابلیت، بہترین ریکارڈ اور سنیارٹی کے مطابق اہلکاروں کو ترقی دی گئی۔ انہوں نے کہا کہ ہر اہلکار کی خواہش ہوتی ہے کہ وہ ترقی پائے، لیکن اس کے لیے کٹھن مراحل طے کرنے پڑتے ہیں۔

انہوں نے امید ظاہر کی کہ ترقی پانے والے اہلکار اپنی نئی ذمہ داریاں محنت، لگن اور لوگوں کی مدد کے جذبے سے سرانجام دیں گے اور شہریوں کے لیے آسانیاں پیدا کریں گے۔ انہوں نے بتایا کہ سال 2025 میں اب تک 358 افسران کی پروموشن کی جا چکی ہے۔

اجلاس میں سٹی پولیس آفیسر گوجرانوالہ، ڈسٹرکٹ پولیس آفیسر حافظ آباد، گجرات، منڈی بہاؤالدین، سیالکوٹ، نارووال اور اسسٹنٹ ڈائریکٹر آر پی او آفس سمیت دیگر افسران نے شرکت کی۔

گوجرانوالہ(نامہ نگارمحمدرمضان نوشاہی) کمشنر گوجرانوالہ ڈویژن نوید حیدر شیرازی کی زیر صدارت ڈویژنل انوائرمنٹ اپروول کمیٹی کا اجلاس منعقد ہوا۔ اجلاس میں اسسٹنٹ ڈائریکٹر ماحولیات اسامہ، ممبر انوائرمنٹل اپروول کمیٹی محمد توقیر اور میڈم کرن نے شرکت کی۔

اجلاس میں گجرات ڈویژن سے مجموعی طور پر 20 کیسز منظوری کے لیے پیش کیے گئے۔ ان میں پیٹرول پمپ کے 8، ویئر ہاؤس کے 4 اور پولٹری فارم کے 8 کیسز شامل تھے۔ ان 20 کیسز میں سے ایک ویئر ہاؤس اور ایک پولٹری فارم کا کیس ضابطہ اخلاق پر پورا نہ اترنے اور کمیٹی کی جانب سے اعتراضات کے باعث مؤخر کر دیا گیا، جبکہ باقی 18 کیسز کی منظوری دے دی گئی۔

کمشنر سید نوید حیدر شیرازی نے انوائرمنٹ ڈیپارٹمنٹ کے افسران کو ہدایت کی کہ اس کمیٹی میں پیش کیے جانے والے تمام کیسز کی جانچ پڑتال کے لیے خود موقع پر جا کر تمام پہلوؤں سے جائزہ لیا جائے۔ انہوں نے یہ بھی کہا کہ این او سی جاری کرتے ہوئے تمام بلڈنگ مالکان سے انڈر ٹیکنگ لی جائے کہ بلا اجازت نقشے میں کسی قسم کی تبدیلی کی صورت میں این او سی کینسل کر دیا جائے گا۔ انہوں نے مزید کہا کہ صرف ضابطہ اخلاق پر پورا اترنے والوں کو ہی این او سی جاری کیے جائیں گے۔

گوجرانوالہ باغی ٹی وی (نامہ نگار محمد رمضان نوشاہی) کمشنر گوجرانوالہ ڈویژن سید نوید حیدر شیرازی نے کہا ہے کہ ڈویژن کے تمام اضلاع کے سپیشل ایجوکیشن میں زیر تعلیم سپیشل بچوں میں 24 مارچ سے قبل عید گفٹ تقسیم کیے جائیں تاکہ وہ بھی عام بچوں کی طرح عیدالفطر کی خوشیوں میں شامل ہو سکیں۔ یہ بات انہوں نے ڈویژن کے تمام اضلاع کے ڈپٹی کمشنرز کے ویڈیو لنک اجلاس سے خطاب کرتے ہوئے کہی۔

ڈپٹی کمشنر گوجرانوالہ نوید احمد، ایڈیشنل کمشنر کوآرڈینیٹر محمد شفیق، اے سی جی فرخ محمود جنجوعہ، ڈائریکٹر سوشل ویلفیئر ارشاد وحید، ڈپٹی ڈائریکٹر سمیرا اقبال، ڈی او سپیشل ایجوکیشن اسد اللہ، سپرنٹنڈنٹ محکمہ سپیشل ایجوکیشن محمد جعفر سمیت دیگر افسران کمشنر دفتر میں شریک ہوئے جبکہ ڈویژن کے تمام اضلاع کے ڈپٹی کمشنرز ویڈیو لنک سے منسلک تھے۔

کمشنر نے کہا کہ وزیر اعلیٰ پنجاب مریم نواز شریف کی ہدایت پر سپیشل ایجوکیشن کے تمام تعلیمی اداروں کے سپیشل بچوں میں فریش اشیا کے پیکٹس تیار کروائیں۔ بعد ازاں اجلاس میں دھی رانی پروگرام کی پیش رفت بارے بھی جائزہ لیا گیا۔ کمشنر نے کہا کہ دھی رانی پروگرام وزیر اعلیٰ پنجاب مریم نواز شریف کا فلیگ شپ پروگرام ہے۔ اس پروگرام کے پہلے فیز میں کامیابی کے بعد دوسرے فیز کے لیے رجسٹریشن کا عمل جاری ہے اور عید الفطر کے بعد بڑے پیمانے پر اجتماعی شادیاں کی جائیں گی۔

گوجرانوالہ (نامہ نگار محمد رمضان نوشاہی) ریجنل پولیس آفیسر (آر پی او) طیب حفیظ چیمہ نے گوجرانوالہ ریجن کے زونل ہیڈ آف بینکس کے ساتھ ایک اہم میٹنگ کی۔ اس میٹنگ میں آر پی او نے بینکوں کی سیکیورٹی کے حوالے سے مختلف امور پر تبادلہ خیال کیا۔

آر پی او طیب حفیظ چیمہ نے کہا کہ بینکوں اور اے ٹی ایمز کے گردونواح میں ڈکیتی کی وارداتوں کو روکنے کے لیے باہمی تعاون ضروری ہے۔ انہوں نے ہدایت کی کہ عید کے دنوں میں بینکوں اور اے ٹی ایمز پر 24 گھنٹے سیکیورٹی گارڈز تعینات کیے جائیں۔ انہوں نے یہ بھی کہا کہ بینکوں سے بھاری رقوم لے جانے والے صارفین کے ساتھ پولیس کو بروقت اطلاع دی جائے تاکہ رقم کی محفوظ ترسیل کو یقینی بنایا جا سکے۔

آر پی او نے بینکوں کو ہدایت کی کہ وہ اپنے احاطے اور گردونواح میں اعلیٰ معیار کے سی سی ٹی وی کیمرے نصب کریں اور انہیں ہر وقت فعال رکھیں۔ انہوں نے یہ بھی کہا کہ کیمرے ایسی جگہوں پر لگائے جائیں جہاں سے زیادہ سے زیادہ کوریج حاصل کی جا سکے۔ آر پی او نے بینکوں کو یہ بھی ہدایت کی کہ وہ ڈکیتی کے مقدمات میں ملوث سابقہ ریکارڈ یافتہ ملزمان کی نگرانی کریں اور انہیں تفتیش میں شامل کریں۔

آر پی او طیب حفیظ چیمہ نے بینکرز سے بینکوں کی فول پروف سیکیورٹی کے لیے تجاویز بھی طلب کیں اور انہیں ہر ممکن تعاون کی یقین دہانی کرائی۔ انہوں نے کہا کہ گوجرانوالہ کو امن کا گہوارہ بنانا ہم سب کی ذمہ داری ہے اور شہریوں کو ہر صورت تحفظ فراہم کیا جائے گا۔