گوجرانوالہ،باغی ٹی وی (نامہ نگارمحمد رمضان نوشاہی)تیز رفتار بس الٹنے سے 14 مسافر زخمی
تفصیلات کے مطابق گوجرانوالہ کے ڈی سی کالونی ریلوے پھاٹک جی روڈ پر ایک بس تیز رفتاری کے باعث الٹ گئی جس کے نتیجے میں 14 مسافر شدید زخمی ہو گئے۔
بس تلونڈی کھجور والی سے فیصل آباد جا رہی تھی۔ حادثے کے بعد ریسکیو اہلکار فوری طور پر موقع پر پہنچے اور زخمیوں کو طبی امداد کے لیے گوجرانوالہ میڈیکل کالج ٹیچنگ ہسپتال منتقل کیا۔
گوجرانوالہ،باغی ٹی وی (نامہ نگارمحمدرمضان نوشاہی) یوم آزادی پر طلباء نے عہد کیا، ملک کو صاف ستھرا رکھیں گے
گوجرانوالہ کے قائد اعظم ڈویژنل پبلک سکول میں یوم آزادی کی مرکزی تقریب کا انعقاد کیا گیا۔ کمشنر گوجرانوالہ ڈویژن نوید حیدر شیرازی نے تقریب میں شرکت کی اور طلباء کو خطاب کرتے ہوئے کہا کہ ہمیں ملک کو صاف ستھرا رکھنے کے لیے اپنا کردار ادا کرنا ہوگا۔
تقریب میں طلباء نے ملی نغمے پیش کیے اور تقریریں کیں۔ ایک طالب علم نے کہا، "آج ہم یوم آزادی منا رہے ہیں اور میں عہد کرتا ہوں کہ میں اپنے ملک کو صاف ستھرا رکھنے کے لیے اپنی پوری کوشش کروں گا۔”
کمشنر نے اس موقع پر تمام طلباء کو مبارکباد دی اور انہیں نیک تمنائیں پیش کیں۔ انہوں نے کہا کہ طلباء ملک کا مستقبل ہیں اور انہیں ملک کی ترقی کے لیے کام کرنا چاہیے۔
گوجرانوالہ (باغی ٹی وی رپورٹر محمد رمضان نو شاہی) گوجرانوالہ کے علاقے تھانہ سبزی منڈی، صنعت روڈ گلی نمبر 05 کنگنی والا میں ایک گھریلو گیس سلنڈر پھٹنے سے ایک خاندان تباہ ہو گیا۔
اس دلخراش حادثے میں رانا حمزہ (مشہور وائٹ ایشیا واشنگ مشین والے) اور ان کی 5 سالہ بیٹی جاں بحق ہو گئیں، جبکہ تین دیگر افراد شدید زخمی ہوئے ہیں۔
حادثے کے بعد ریسکیو اہلکار موقع پر پہنچ گئے اور زخمیوں کو طبی امداد کے لیے مئیو ہسپتال لاہور منتقل کر دیا گیا، تاہم زخمی ہونے والوں کی حالت تشویشناک بتائی جا رہی ہے.
گوجرانوالہ،باغی ٹی وی(نامہ نگارمحمدرمضان نوشاہی)گوجرانوالہ ڈویژن میں کروڑوں روپے کے ترقیاتی منصوبے منظور
کمشنر گوجرانوالہ ڈویژن نوید حیدر شیرازی کی زیر صدارت ڈویژنل ڈویلپمنٹ ورکنگ پارٹی کے اجلاس میں , گوجرانوالہ ،سیالکوٹ اور نارووال میں مختلف ترقیاتی منصوبوں کے نظرثانی شدہ تخمینہ جات کی منظوری دیتے ہوئے کمشنر نے اس توقع کااظہار کیا کہ تمام سرکاری فنڈز شفاف اور بہترین عوامی و قومی مفاد کے تحت استعمال کئے جائیں گے۔
کمشنر نے واضح کیاکہ دستیاب وسائل کو ذمہ داری اور ایمانداری کے ساتھ خرچ کرنا متعلقہ افسران کی اولین ترجیح ہونی چاہیئے اور حکومت کسی بھی صورت فنڈز کے استعمال میں بلا جواز تاخیر اور بد عنوانی کو برداشت نہیں کرے گی اورکسی شکایت کی صورت میں کرپشن ثابت ہونے پر ٹھوس کاروائی عمل میں لائی جائے گی۔
ڈائریکٹر ڈویلپمنٹ محمد عبدالرؤف نے نظرثانی شدہ تخمینہ جات کے حوالہ سے بریفنگ دی۔ اجلاس میں ناروال میں ہائی ویز کے 3۔منصوبہ جات جنکی نظر ثانی تخمینہ لاگت 240.000ملین روپے کی منظوری دی گئی اس کے علاؤہ 55.373ملین روپے کی پبلک ہیلتھ انجینئرنگ کی سکیمز کا ازسر نو جائزہ لینے کا کہا گیا ۔منڈی بہاوالدین کی ہائی ویز کی ایک 81.133ملین روپے کی سکیم کی منظوری دی گئی ۔
سیالکوٹ کے 4منصوبہ جات کی نظرثانی شدہ سکیمز کی منظوری دی گئی ان منصوبوں میں ڈسپوزل ، ڈرینج،سولنگ،ٹف ٹائلز،نالیوں سمیت دیگر شامل ہیں ۔
اسی طرح گوجرانوالہ میں سرکٹ ہاؤس کی53.000ملین روپے کی منظوری فیز111کے لیٹر سے مشروط کر کے دی گئی جبکہ اے ڈی پی کے تحت پبلک ہیلتھ کے ایک 1184ملین روپے کا دو یونین میں سولر سسٹم کے ساتھ صاف پانی سمیت سیوریج،ڈرینج،گلیوں،نالیوں کی کل 6سکیمز ہر مجموعی طور پر 600.000ملین روپے کی منظظوری دی گئی
گوجرانوالہ (باغی ٹی وی نامہ نگار محمدرمضان نوشاہی)حکومت پنجاب کی ہدایات پر عمل کرتے ہوئے ڈسٹرکٹ پاپولیشن ویلفیئر آفس گوجرانوالہ ایک سے سات اگست تک ہفتہ برائے بریسٹ فیڈنگ منا رہا ہے۔
ڈسٹرکٹ پاپولیشن ویلفیئر آفیسر عدنان اشرف نے بتایا کہ اس ہفتے کے دوران عوام الناس میں ماں کے دودھ کی اہمیت اور اس سے جڑی ہوئی ماں بچے کی صحت اور متوازن خاندان کے تصور کو اجاگر کرنے کے لیے مختلف سرگرمیاں جاری ہیں۔ ان سرگرمیوں میں آگاہی سیشنز، مفت طبی کیمپس، سیٹلائٹ کیمپس، ریڈیو پروگرام اور علمائے کرام کے خطبات شامل ہیں۔
انہوں نے مزید کہا کہ ان سرگرمیوں کے ذریعے عوام کو ماں کے دودھ کی اہمیت اور اس کے فوائد کے بارے میں آگاہ کیا جا رہا ہے۔ ساتھ ہی، مناسب وقفے اور متوازن خاندان کے تصور کو بھی اجاگر کیا جا رہا ہے۔ انہوں نے بتایا کہ ضلعی انتظامیہ اس حوالے سے مکمل تعاون فراہم کر رہی ہے۔
گوجرانوالہ (باغی ٹی وی نامہ نگار محمد رمضان نو شاہی)گوجرانوالہ کی کمشنر روڈ کی حالت زار انتہائی تشویش ناک ہے۔ روڈ کی سطح جگہ جگہ سے ٹوٹ پھوٹ کا شکار ہے، سیوریج سسٹم خراب ہے، اور گندگی کے ڈھیر لگے ہوئے ہیں۔ اس سے نہ صرف علاقہ کی شبیہ خراب ہو رہی ہے بلکہ شہریوں کو بھی مشکلات کا سامنا ہے۔
اہل علاقہ کا کہنا ہے کہ بارش کے موسم میں تو صورتحال مزید بگڑ جاتی ہے کیونکہ پانی کھڑا رہنے سے روڈ تالاب بن جاتا ہے۔ اس سے نہ صرف آمدورفت متاثر ہوتی ہے بلکہ بیماریوں کے پھیلاؤ کا خطرہ بھی بڑھ جاتا ہے۔
روڈ پر گٹروں کے اوپر پلاسٹک کے ڈھکن ہونے کی وجہ سے حادثات کا خطرہ بھی موجود ہے۔ علاوہ ازیں، ویسٹ مینجمنٹ کمپنی کی لاپرواہی کی وجہ سے روڈ کے دونوں اطراف کچرے کے ڈھیر لگے رہتے ہیں اور مچھروں کی وجہ سے بیماریوں کےپھیلاؤ کا خطرہ ہے۔
اہلیان علاقہ نے کمشنر گوجرانوالہ سے اپیل کی ہے کہ وہ متعلقہ محکموں کو ہدایت کریں کہ روڈ کی مرمت اور صفائی ستھرائی کا کام فوری طور پر شروع کیا جائے تاکہ علاقہ مکینوں کو راحت مل سکے۔
گوجرانوالہ ،باغی ٹی وی( نامہ نگار محمد رمضان نوشاہی سے )سوئی گیس کا انوکھا کارنام،معذور شخص کو 85 ہزار کا بل بھیج دیا
تفصیل کے مطابق گوجرانوالہ میں سوئی گیس کمپنی کا ایک انوکھا کارنامہ سامنے آیا ہےکہ گوجرانوالہ کے لوئیاں والا پنڈ محلہ جٹاں والا کا رہائشی شانی بھنڈر ولد اقبال بھنڈر جو دونوں ٹانگوں سے معذور ہے کو سوئی گیس کمپنی نے 85000 روپے کا بل بھیج دیا ہے۔ باغی ٹی وی کی ٹیم نے اس معذور شخص کے پاس جا کر بل کی کاپی حاصل کر لی ہے۔
شانی بھنڈر نے بتایا کہ وہ دونوں ٹانگوں سے معذور ہیں اور گھر سے باہر نہیں نکل پاتے، انہوں نے بتایا کہ انہیں ہر مہینے صرف 1500 روپے کا بل آتا تھا لیکن اب اچانک انہیں 85000 روپے کا بل بھیج دیا گیا ہے۔ اس حوالے سے انہوں نے حکومت سے اپیل کی ہے کہ وہ ان کی مدد کرے۔
گوجرانوالہ باغی ٹی وی (نامانگار محمد رمضان نو شاہی ) انتظامیہ کی نااہلی ، بنیادی مرکز صحت اروپ برساتی پانی میں ڈوب گیا
بارشکا سپیل بندہو نے کے 24 گھنٹے بعد بھی مرکز صحت میں برساتی پا نی نہ نکالاجاسکا،عمارت میں کھڑے پا نی سے مشینری، ادویات اور بچوں کی ویکسین ضائع ہونے کا خدشہ
مرکز صحت کی بیرونی دیوار ٹوٹنے سے گٹروں کا پا نی بھی ہسپتال میں داخل ہوگیا ہے دوسری طرف مقامی ذرائع کا بتانا ہے کہ بچوں کو بیماریوں سے بچاو کی ادویات بھی ضائع ہو گئی ہیں
مر کز صحت کی انتظامیہ اورمریض خوار ہو نے پر مجبور ہیں جبکہ ضلعی انتظامیہ پانی نکالنے اور سیوریج کا پانی بند کرنے میںمکمل طور ناکام ہوچکی ہے
عوامی وسماجی حلقوں کمشنر گوجرانوالہ سے اصلاح احوال کامطالبہ کیا ہے.
گوجرانوالہ باغی ٹی وی ( نامہ نگار محمد رمضان نو شاہی )ڈپٹی کمشنر گوجرانوالہ محمد طارق قریشی کا طوفانی بارش کے بعد نکاسی آب کے آپریشن کے جائزہ کے لیے شہر کے نشیبی علاقوں اور مرکزی شاہراہوں کا دورہ، شہر بھر کے مختلف علاقوں میں نکاسی آب کا جائزہ لیا ،
واسا گوجرانوالہ کی رپورٹ کے مطابق گزشتہ رات 03 بجے سے صبح 09 بجے تک 93.75 ملی میٹر بارش ریکارڈ کی گئی، شہر و ضلع بھر میں بارش کا سلسلہ وقفے وقفے سے جاری رہا، واسا، میونسپل کمیٹیز، ضلع کونسل اور جی ڈبلیو ایم سی کا عملہ نکاسی آب، صفائی ستھرائی میں مصروف عمل رہا
وزیر اعلٰی پنجاب مریم نوازشریف کے احکامات اور ڈپٹی کمشنر گوجرانوالہ محمد طارق قریشی کی ہدایات پر اسسٹنٹ کمشنرز بھی تحصیلوں میں ڈسپوزل سٹیشنز، نکاسی آب کی سرگرمیوں کی نگرانی کیلئے متحرک رہے، انہوں نے ضلع بھر کی تحصیلوں کے نشیبی علاقوں کا دورہ کیا، نکاسی آب کے عمل کی نگرانی کی اور میونسپل کمیٹیز کے عملہ و مشینری کو متحرک رکھا۔
ڈپٹی کمشنر نے واسا حکام کو مشینری اور فیلڈ عملہ کو نکاسی آب کے مکمل ہونے تک فیلڈ میں موجود رہنے کی ہدایت کی۔ انہوں نے کہا کہ جن علاقوں میں زیادہ آمد ورفت ہے ایسے علاقوں میں زیادہ مشینری (ڈی واٹرنگ، سکر مشینیں) لگائی جائیں تاکہ ان علاقوں میں مسائل درپیش نہ آئیں۔
ڈپٹی کمشنر گوجرانوالہ محمد طارق قریشی نے جی ٹی روڈ، سیالکوٹ روڈ ، بخاری روڈ، ڈی سی روڈ، سیٹلائیٹ ٹاؤن، پسرور روڈ، سول ہسپتال روڈ، جناح سٹیڈیم، کچہری روڈ اور دیگر علاقوں کا دورہ کیا اور ہدایات دیں۔
ڈپٹی کمشنر نے تمام اسسٹنٹ کمشنرز، واسا، گوجرانوالہ ویسٹ مینجمنٹ کمپنی، میونسپل کمیٹیوں کے افسران اور ریسکیو 1122 کے اہلکاروں کو ہدایت کی کہ وہ شہر سے بارشی پانی ختم ہونے تک فیلڈ میں موجود رہ کر ذمہ داری سے اپنی ڈیوٹیاں سر انجام دیں۔
انہوں نے مزید کہا کہ مون سون کے دوران کسی بھی ہنگامی صورتحال سے نمٹنے کے لیے تمام متعلقہ عملہ چوکس رہے تمام روڈ سائیڈز ڈرین ڈیسلٹنگ کو جاری رکھا جائے اور تمام مقامات پر نکاسی آب کے نظام کی مکمل جانچ کی جائے تاکہ بارش کے دوران پانی کی نکاسی میں کوئی رکاوٹ نہ آئے اس کے علاوہ مون سون ایمرجنسی کیمپس میں مشینری کی موجودگی کو یقینی بنایا جائے تاکہ بارش کے دوران فوری مدد فراہم کی جا سکے۔
انہوں نے مزید کہا کہ شہریوں کو مون سون کے دوران احتیاطی تدابیر اختیار کرنے کے لیے آگہی دی جائے۔ ڈپٹی کمشنر محمد طارق قریشی نے شہریوں سے اپیل کی ہے کہ شہریوں کو صاف ستھرا ماحول فراہم کرنے کے لیے محکموں کے علاؤہ شہریوں کی بھی زمہ داری ہے کہ وہ سیوریج لائنوں میں گندگی شاپر بیگز اور دیگر کچڑا مت پھینکیں۔
گوجرانوالہ ،باغی ٹی وی (نامہ نگار محمد رمضان نو شاہی) شہر میں تیز بارش کے بعد واسا کی ٹیمیں متحرک ،وزیراعلیٰ پنجاب کے احکامات پر نشیبی علاقوں سے نکاسی آب کے لیے سکر مشینیں اور ڈی واٹرنگ پمپس لگا دیئے گئے،
ڈپٹی کمشنر گوجرانوالہ نے بتایا کہ شہر کے مختلف مقامات پر نکاسی آب کا عمل شروع کردیا گیا ہے نشیبی علاقوں سے بارشی پانی کے نکاس کے عمل کی اسسٹنٹ کمشنرز، واسا حکام مانیٹرنگ کریں، سکر مشینوں اور ڈی واٹرنگ پمپس کے ذریعے نشیبی علاقوں سے نکاس عمل یقینی بنایا جائے،
ڈپٹی کمشنر کا کہنا تھا کہ گوجرانوالہ میں رات 3 بجے صبح 9 بجے کے سپل کے دوران اوسطا 93.75 ملی میٹر بارش ریکارڈ کی گئی، لیاقت باغ میں سب سے زیادہ 118، ماڈل ٹاؤن میں 105، شیرانوالہ باغ میں 81 جبکہ پیپلز کالونی میں 71 ملی میٹر بارش ریکارڈ کی گئی،
ڈپٹی کمشنر نے کہاکہ نکاسی آب کا عمل جلد جاری ہے، واسا کی تمام مشینری، عملہ فیلڈ میں موجود ہے، نکاسی آب کے آپریشن کو ایم ڈی واسا، اسسٹنٹ کمشنرز بھی مانیٹر کر رہے ہیں،اب بھی بارش شہر کے کچھ علاقوں میں مسلسل اور کہیں وقفے وقفے سے جاری ہے