Baaghi TV

Category: گوجرانوالہ

  • گوجرانوالہ:عید قربان، جانوروں کی خریدوفروخت، 10مویشی منڈیاں اور سپرے کے لیے 4 چیک پوسٹیں قائم

    گوجرانوالہ:عید قربان، جانوروں کی خریدوفروخت، 10مویشی منڈیاں اور سپرے کے لیے 4 چیک پوسٹیں قائم

    گوجرانوالہ،باغی ٹی وی سے (نامہنگار محمد رمضان نوشاہی) قربانی کے جانوروں کی خریدوفروخت کے لیے 10مویشی منڈیاں اور چیچڑوں کے تدارک کے سپرے کے لیے 4چیک پوسٹیں قائم

    محکمہ لائیو سٹاک سٹی ڈسٹرکٹ گورنمنٹ گوجرانوالہ کی طرف سے ایڈیشنل ڈائریکٹر لائیو سٹاک گوجرانوالہ میڈم صائمہ ارم سید کی زیر نگرانی10مراکز برائے قربانی کے جانور قائم کیے گئے ہیں تحصیل گوجرانوالہ میں 7 مراکز،کھیالی بائی پاس، بالمقابل گورنمنٹ ہائی سکول گوجرانوالہ، رہائش چوہدری اصغر علی واہلہ اڈا ریت والا نزد اوورہیڈ برج کھیالی بائی پاس، نواب چوک نزد پی ایس او پیٹرول پمپ، بکر منڈی سلاٹر ہاؤس شیخوپورہ روڈ، معافی والا نزد سیالکوٹ بائی پاس، کینال اپر چناب بائی پاس موضع تھیڑی سانسی، کیٹل مارکیٹ راہوالی کینٹ، عقب شہباز تکہ نزد چن دا قلعہ بائی پاس،

    تحصیل کامونکی میں 1 مرکز، نیو غلہ منڈی نزد جی ٹی روڈ اور تحصیل نوشہرہ ورکاں میں 1 مرکز ایسٹ گرین مارکیٹ تتلے عالی روڈ قائم ہیں۔جن کے انچارج ویٹرنری آفیسرز (ہیلتھ) ہیں اور ان کے ساتھ 50ویٹرنری اسسٹنٹ، اے آئی ٹی اور درجہ چہارم کے ملازمین ڈیوٹی سرانجام دے رہے ہیں۔ جوکہ تمام مراکز خریداری برائے قربانی کے جانوروں کاعلاج ومعالجہ بالکل فری کررہے ہیں۔

    اسی طرح ضلع کے داخلی و خارجی راستوں میں 4چیک پوسٹیں قائم کی گئی ہیں جہاں محکمہ کا عملہ ٹرکوں و دیگر لوڈر گاڑیوں پر آنے والے قربانی کے جانوروں پر چیچڑوں کے تدارک کا سپرے کر رہے ہیں۔

    ایڈیشنل ڈائریکٹر لائیو سٹاک گوجرانوالہ ڈاکٹر صائمہ ارم سید نے سیل پوائنٹ برائے قربانی کے جانورجاکر خود کام کا جائزہ لیا اور لائیو سٹاک کے عملہ کو ہدایت کی کہ وہ عید قربان کے موقع پر علاج معالجہ اور خدمت میں کوئی کسرنہ چھوڑیں انہوں نے لوگوں کو بتایا کہ محکمہ لائیو سٹاک سٹی ڈسٹرکٹ گورنمنٹ گوجرانوالہ ہر لمحہ انکے ساتھ ہے اور انکے جانوروں کو ہر ممکن طبی امداد دی جائے گی اور محکمہ کی جانب سے فری علاج و معالجہ مہیا کیا جائے گا۔

  • گوجرانوالہ:صوبائی وزیر لوکل گورنمنٹ میاں ذیشان رفیق کا عیدالاضحی کیلئے قائم مویشی منڈیوں کا دورہِ

    گوجرانوالہ:صوبائی وزیر لوکل گورنمنٹ میاں ذیشان رفیق کا عیدالاضحی کیلئے قائم مویشی منڈیوں کا دورہِ

    گوجرانوالہ ، باغی ٹی وی (نامہ نگار محمد رمضان نوشاہی )صوبائی وزیر بلدیات میاں ذیشان رفیق کا گوجرانوالہ میں قربانی کے سیل پوائنٹس کے دورہ کے دوران عارضی مویشی منڈیوں میں پارکنگ، صفائی ستھرائی، سکیورٹی سمیت دیگر انتظامات کا جائزہ لیا ۔کمشنر گوجرانوالہ ڈوثرن نوید حیدر شیرازی، ڈپٹی کمشنر محمد طارق قریشی ،سلمان خالد بٹ ،اسسٹنٹ کمشنر صدر عثمان سکندر ،ڈائریکٹر لوکل گورنمنٹ ،سی او میٹرو پولیٹن کارپوریشن حیدر چٹھہ،سی او ضلع کونسل محمد خرم،اے ڈی ایل جی ذوالقرنین حیدر سمیت دیگر متعلقہ اداروں کے افسران انکے ہمراہ تھے

    وزیر بلدیات نے چن دا قلعہ اور کھیالی میں قائم عارضی مویشی منڈیوں کا معائنہ کیا ،اس موقع پر صوبائی وزیر بلدیات نے کہا کہ منڈیوں میں شکایات کے ازالے کیلئے ٹھوس اور متحرک نظام ہونا چاہئیے،

    لائیوسٹاک کے کیمپس سے سپرے کے بغیر کوئی جانور شہر میں داخل نہ ہو،سیل پوائنٹس میں خرید و فروخت کے لئے آنے والے جانوروں کا مکمل ریکارڈ رکھا جائے اور پارکنگ کو منظم رکھیں تاکہ خریداروں کو دشواری نہ ہو انہوں نے کہا کہ سیل پوائنٹس کے میڈیکل اور لائیو سٹاک کیمپس میں ادویات، ڈاکٹر موجود ہونے چاہئیں اورسخت گرمی میں منڈیوں میں پانی کی فراہمی پر خصوصی توجہ مرکوز رکھی جائے

    انہوں نے کہا کہ منڈیوں میں صفائی اور پارکنگ کے انتظامات بہتر بناتے ہوئے سیل پوائنٹس پر بیوپاریوں اور جانوروں کو ہر ممکن سہولیات مہیا کریں، اس کے علاؤہ عید پر صفائی اور مویشی منڈیوں کے حوالے سے ہر شکایت کا فوری ازالہ کیا جائے،

    انہوں نے کہا کہ وزیراعلیٰ پنجاب مریم نواز کی ہدایت پر قربانی کے جانوروں کی خریداری پر کوئی چارجز وصول نہ کئے جائیں اس موقع پر کمشنر گوجرانوالہ ڈویژن نوید حیدر شیرازی نے صوبائی وزیر کو بتایا کہ ضلع گوجرانوالہ میں 13 اور وزیر آباد میں 2 عارضی منڈیاں قائم کی گئیں ہیں

    منڈیوں میں آنے والے جانوروں پر سپرے کو سوفیصد یقینی بنایا جا رہا ہے اور جانوروں کا تمام ریکارڈ بھی مرتب کیا جا رہا ہے اور وزیر اعلیٰ پنجاب کی ہدایت پر عملدرآمد یقینی بنانے ہوئے مفت سہولیات فراہم کی جا رہی ہیں

  • عالیہ حمزہ چار روزہ جسمانی ریمانڈ پر پولیس کے حوالے

    عالیہ حمزہ چار روزہ جسمانی ریمانڈ پر پولیس کے حوالے

    تحریک انصاف کی خاتون رہنما، سابق رکن قومی اسمبلی عالیہ حمزہ کو انسداددہشت گردی عدالت گوجرانوالہ میں پیش کر دیا گیا

    پولیس نے عدالت سے عالیہ حمزہ کا جسمانی ریمانڈ مانگا، پی ٹی آئی وکلاء نے مخالفت کی، عدالت نے فیصلہ سناتے ہوئے عالیہ حمزہ کا چار روزہ جسمانی ریمانڈ دے دیا.عدالت نے عالیہ حمزہ کو 11جون کو دوبارہ پیش کرنے کی ہدایت کر دی، پولیس حکام کے مطابق عالیہ حمزہ نو مئی کے مقدمے میں مطلوب تھیں اسلئے گرفتار کیا

    واضح رہے کہ عالیہ حمزہ کو گزشتہ روز پولیس نے سرگودھا جیل سے رہائی ملنے کے بعد گرفتار کیا تھا.گوجرانوالہ پولیس نے عالیہ کو جب گرفتارکیا تھا تو انہوں نے عمران خان زندہ باد کے نعرے لگائے تھے.صنم جاوید کو بھی سرگودھا جیل سے رہائی کے بعد پولیس نے نئے کیس میں گرفتار کر رکھا ہے ، صنم جاوید بھی جسمانی ریمانڈ پر گوجرانوالہ پولیس کی تحویل میں ہیں.

    عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

     بنی گالہ میں سارے سودے ہوتے تھے کہا گیا میرا تحفہ میری مرضی

    عمران خان جیل میں شاہانہ زندگی گزار رہے ہیں، وفاقی وزیر اطلاعات

    عمران خان سے ملاقات نہ کرانے پر توہین عدالت کی درخواست، نوٹس جاری

    اب بتا رہا ہوں پاکستان میں سری لنکا والا کام ہونے جا رہا ، کوئی ڈیل کی بات نہیں ہو رہی، عمران خان

  • گوجرانوالہ:گیپکو کے بڑے نادہندگان سے ریکوری کے لیے مزید سخت اقدامات کا فیصلہ۔

    گوجرانوالہ:گیپکو کے بڑے نادہندگان سے ریکوری کے لیے مزید سخت اقدامات کا فیصلہ۔

    گوجرانوالہ،باغی ٹی وی سے ( نامہ نگارمحمد رمضان نوشاہی ) وزیراعلی پنجاب مریم نواز کی ہدایات پر بجلی چوری کی روک تھام کے لیے تشکیل دی گئی ضلعی ٹاسک فورس/ کمیٹی کا ڈپٹی کمشنر محمد طارق قریشی کی زیر صدارت اجلاس، گیپکو کے بڑے نادہندگان سے ریکوری کے لیے مزید سخت اقدامات کا فیصلہ۔

    اجلاس میں ایڈیشنل ڈپٹی کمشنر(جنرل)شبیر حسین بٹ، ایس ای (سٹی) سرکل، ایس ای (کینٹ) سرکل، ڈسٹرکٹ پراسیکیوٹر، ڈی ایس پی(لیگل) اور دیگر متعلقہ محکموں کے افسران شریک تھے۔

    ایس ای(کینٹ) سرکل نے بتایا کہ ستمبر 2023 سے بجلی چوری کے 795 کیسز پر مقدمات کا اندراج کیا گیا، 12 لاکھ 32 ہزار 5 سو 14 یونٹس بجلی چوروں کو چارج کیے گئے اور 5 کروڑ 27 لاکھ 11 ہزار 403 روپے جرمانہ / بل چارج کیا گیا، مہم کے دوران ان بجلی چوروں سے 4 کروڑ 35 لاکھ 17 ہزار 114 روپے ریکور کیے گئے، ریکوری کا تناسب 83 فیصد رہا اور 91 لاکھ 94 ہزار 289 روپے کے بقایا واجبات کی وصولی کے لیے اقدامات جاری ہیں۔

    ایس ای (سٹی) سرکل نے بریفنگ دیتے ہوئے بتایا کہ ستمبر 2023 سے 5 جون 2024 تک 1979 بجلی چوروں کو 23 لاکھ 91 ہزار 194 یونٹ چارج کیے گئے اور 9 کروڑ 85 لاکھ 29 ہزار 882 روپے کی رقم چارج کی گئی۔ اب تک 8 کروڑ 59 لاکھ 66 ہزار 21 روپے بجلی چوروں سے ریکور کیے گئے ہیں، ریکوری کا تناسب 87.25 فیصد رہا۔

    اب تک 1953 مقدمات درج کیے جا چکے ہیں اور بجلی چوری میں ملوث 1332 افراد کو گرفتار کیا گیا ہے جبکہ باقی 26 مقدمات کے اندراج کے لیے متعلقہ تھانوں میں استغاثے دائر ہیں جن کے اندراج کے بعد ان ملزمان سے بھی بقایا رقم ریکور کی جائے گی۔

    ڈپٹی کمشنر گوجرانوالہ محمد طارق قریشی نے کہا کہ جو بڑے نادہندگان ہیں ان کے خلاف بھی ریکوری کے لیے اقدامات تیز کیے جائیں اس سلسلہ میں تحصیل دار ریکوری، ڈسٹرکٹ پراسیکیوٹر، پولیس اور گیپکو حکام مربوط کوارڈینیشن کے زریعے کام کریں۔

    انہوں نے مزید کہا کہ بجلی چوری میں ملوث افراد کو عدالتوں سے سزا دلوانے کے لیے پراسیکیوشن کو مضبوط کیا جائے اور انویسٹی گیشن آفیسر کو درکار ریکارڈ، ثبوت فراہم کیے جائیں تاکہ وہ قومی مجرمان کو مضبوط پراسیکیوشن کی بنیاد پر نہ صرف سزا دلوائیں بلکہ ایسے افراد دوسروں کے لیے نشان عبرت بھی بنیں تاکہ دوبارہ کسی کو بجلی چوری کی جرات نہ ہو، بجلی چوری کا بوجھ عام آدمی کو برداشت کرنا پڑتا ہے جس کا مستقل تدارک کرنے کے لیے تمام محکموں کو مل کر کام کرنا ہوگا۔

  • گوجرانوالہ :وزیر خوراک پنجاب ان ایکشن، جعلسازی کرنے والے سنیکس یونٹ پر چھاپہ

    گوجرانوالہ :وزیر خوراک پنجاب ان ایکشن، جعلسازی کرنے والے سنیکس یونٹ پر چھاپہ

    گوجرانوالہ ،باغی ٹی وی س(نامہ نگار محمدرمضان نوشاہی )وزیر خوراک پنجاب ان ایکشن، جعلسازی کرنے والے سنیکس یونٹ پر چھاپہ

    وزیرخوراک اور ڈی جی فوڈ اتھارٹی عاصم جاوید کی سربراہی میں فوڈ سیفٹی ٹیموں کا کنگنی والا میں واقع سنیکس یونٹ پر چھاپہ،1000لٹر کھلا اور ناقص آئل، 210 کلو ممنوعہ فلیور اور ایکسپائر اجزاء تلف، 5لاکھ جرمانہ عائد

    وزیر خوراک پنجاب نے بتایا کہ سپلائی کے لیے تیار اشیاء پر تاریخ اجراء اور تنسیخ موجود ناتھی،صفائی کے بدترین حالات، کاکروچز، چھکلیوں اور دیگر کیڑے مکوڑوں کی بھرمار پائی گئی۔ برآمد شدہ ناقص آئل میں پاپڑ اور سنیکس فرائی کر کے پیک کیے جارہے تھے۔

    وزیر خوراک پنجاب بلال یاسین کاکہنا تھاکہ خوراک کی تیاری میں نان فوڈ گریڈ اشیاء کا استعمال اور پیور فوڈ ریگولیشنز کی خلاف ورزیاں کی جارہی تھی۔ ناقص آئل سے تیار اشیاء خورونوش کا استعمال دل کے عارضے میں مبتلا کرتا ہے۔

    ان کاکہناتھاکہ سنیکس اور گولیاں ٹافیاں بچوں کی پسندیدہ اشیاء ہیں، ملاوٹ کرنے والے کسی رعایت کے مستحق نہیں،خوراک کی تیاری میں مضر صحت ممنوعہ اجزاء کے استعمال پر مکمل پابندی عائد ہے۔

    وزیر اعلیٰ پنجاب کے حکم پر صحت بخش خوراک کی فراہمی کے لیے فوڈ سیفٹی ٹیمیں ہمہ وقت فیلڈ میں موجود ہیں۔ملاوٹ سے تیار اشیاء سستے داموں مارکیٹ میں سپلائی کرنے والوں کے گرد گھیرا تنگ کیا جارہا ہے،خوراک کی تیاری سے ترسیل تک تمام مراحل پر کڑی نگرانی کی جائے، جعلسازی کے خاتمے کے لیے جامع پلان تیار کیا جارہا ہے۔

  • گوجرانوالہ،صنم جاوید عدالت پیش،جسمانی ریمانڈ منظور

    گوجرانوالہ،صنم جاوید عدالت پیش،جسمانی ریمانڈ منظور

    تحریک انصاف کی گرفتار رہنما صنم جاوید کوانسداد دہشت گردی عدالت گوجرانوالہ میں پیش کر دیا گیا

    پولیس نے صنم جاوید کے 30 روزہ جسمانی ریمانڈ کی استدعا کی،صنم جاوید کے وکلاء نے مقدمہ سے بری کرنے کے لیے دلائل دیے،دوران سماعت صنم جاوید نے عدالت سے بات کرنے کی اجازت مانگی، عدالت سے اجازت ملنے پر صنم جاوید نے عدالت میں بیان دیتے ہوئے کہا کہ ” ہائی پروفائل میٹنگ میں سازش کی بات ہو رہی ہے، جب میٹنگ ہوئی اس وقت میں پی ٹی آئی کی نہ کارکن تھی نہ عہدیدار”۔

    دوران سماعت صنم جاوید کے وکلاء کی جانب سے ویڈیو بنانے پر عدالت نے نوٹس لے کر ویڈیو بنانے والے وکلاء کی سخت سرزنش کی،صنم جاوید کے وکلاء نے عدالت سے معافی مانگ لی،پراسیکیوشن نے دلائل دینے کے لیے عدالت سے وقت مانگ لیا۔بعد ازاں عدالت نے صنم جاوید کا چار روزہ جسمانی ریمانڈ دے دیا،

    واضح رہے کہ صنم جاوید کو گزشتہ روز سرگودھا جیل سے رہائی ملنے کے بعد دوبارہ گرفتار کر لیا گیا تھا،،صنم جاوید گوجرانوالا کینٹ پولیس کو 9 مئی کے مقدمے میں مطلوب تھیں، سرگودھا کی انسداد دہشت گردی کی خصوصی عدالت نے 9 مئی کےتین مقدمات میں پی ٹی آئی رہنما صنم جاوید اورعالیہ حمزہ کی ضما نت منظور کر لی تھی، دونوں رہنماوں کے خلاف 9 مئی کے حوالے سے میانوالی میں تین مقدمات درج تھے۔

    قبل ازیں 2 اپریل کو تحریک انصاف کی خاتون رہنما صنم جاوید اورعالیہ حمزہ میانوالی ہنگامہ آرائی کیس میں بھی گرفتارکیا گیا تھا، پولیس کا کہنا ہے کہ 9 اور10 مئی کے چار مقدمات میں تحریکِ انصاف کی دونوں خاتون رہنماؤں کو بھی نامزد کیا گیا۔

    صنم جاوید کی سینیٹ کیلیے نامزدگی،طیبہ راجہ پھٹ پڑیں

    سائفر کیس،یہ کہتے تھے ضمانت کا حق نہیں ، سپریم کورٹ نے ضمانت بھی دی،سلمان صفدر

    عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

     بنی گالہ میں سارے سودے ہوتے تھے کہا گیا میرا تحفہ میری مرضی

    عمران خان جیل میں شاہانہ زندگی گزار رہے ہیں، وفاقی وزیر اطلاعات

    عمران خان سے ملاقات نہ کرانے پر توہین عدالت کی درخواست، نوٹس جاری

    اب بتا رہا ہوں پاکستان میں سری لنکا والا کام ہونے جا رہا ، کوئی ڈیل کی بات نہیں ہو رہی، عمران خان

    واضح رہے کہ صنم جاوید بھی جیل میں ہیں، صنم جاوید کی ضمانت ہوتی ہے تو کبھی انہیں نظر بندتو کبھی دوبارہ کسی اور مقدمے میں گرفتار کر لیا جاتا ہے، صنم جاوید کی کئی مقدمات میں ضمانت منظور ہو چکی ہے تا ہم عدالت سے رہائی کے بعد صنم جاوید کو دوبارہ نئے مقدمے میں گرفتار کر لیا جاتا ہے,آٹھ نومبر کو پی ٹی آئی کارکن صنم جاوید کو جیل سے رہا ہوتے ہی دوبارہ گرفتار کرلیا گیا تھا،20 اکتوبر کو بھی تحریک انصاف کی رکن صنم جاوید خان اور ان کی ساتھی خواتین کو کوٹ لکھپت جیل سے رہائی ملنے کے بعد ان کے جیل سے باہر نکلتے ساتھ ہی پولیس نے دوبارہ گرفتار کر لیا تھا،25 ستمبر کو بھی جناح ہاؤس حملہ کیس میں رہائی پانے والی پی ٹی آئی کارکن صنم جاوید اور دیگر خواتین کو پھر سے گرفتار کرلیا تھا،

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

  • صنم جاوید سرگودھا جیل سے رہائی کے بعد دوبارہ گرفتار

    صنم جاوید سرگودھا جیل سے رہائی کے بعد دوبارہ گرفتار

    پاکستان تحریک انصاف کی رہنما صنم جاوید کو سرگودھا جیل کے باہر سے گرفتار کرلیا گیا۔

    باغی ٹی وی : پولیس ذرائع کے مطابق صنم جاوید کو سرگودھا جیل سے رہا ہو کر باہر نکلنے پر گرفتار کیاگیا،صنم جاوید گوجرانوالا کینٹ پولیس کو 9 مئی کے مقدمے میں مطلوب ہیں،پی ٹی آئی رہنما عالیہ حمزہ بھی گوجرانوالا پولیس کو مقدمے میں مطلوب ہیں اور وہ بھی سرگودھا جیل سے آج ہی رہا ہو رہی ہیں، عالیہ حمزہ کی گرفتاری کےلیے بھی گوجرانوالا پولیس سرگودھاجیل کےباہرموجود ہے۔

    قبل ازیں سرگودھا کی انسداد دہشت گردی کی خصوصی عدالت نے 9 مئی کےتین مقدمات میں پی ٹی آئی رہنما صنم جاوید اورعالیہ حمزہ کی ضما نت منظور کر لی تھی، دونوں رہنماوں کے خلاف 9 مئی کے حوالے سے میانوالی میں تین مقدمات درج تھے۔

    انسداد دہشت گردی کی خصو صی عدالت نے تینوں مقدمات میں ضمانت منظور کی، جس کے بعد دونوں خواتین رہنماوں کے مچلکے جمع کرانے کے لیے کارروائی شروع کردی گئی،اسی طرح تھانہ موسی خیل میانوالی میں ایک مزید مقدمہ درج ہوا تھا جس میں عبوری ضما نت منظور کرلی گئی وکلا نے بتایا کہ مچلکے جمع کرائے جانے کے بعد جیل سے دونوں رہنماوں کی رہائی ممکن ہوگی۔

    واضح رہے کہ گزشتہ ہفتے سانحہ 9 مئی کی تحقیقات کے لیے جے آئی ٹی گوجرانوالہ کو سرگودھا جیل میں قید صنم جاوید اور عالیہ حمزہ سے تفتیش کی اجازت دی گئی تھی، انسداد دہشتگردی عدالت میں گوجرانوالہ میں 9 مئی کو توڑ پھوڑ کے مقدمہ کی سماعت کے دوران جے آئی ٹی کی جانب سےاستدعا کی گئی تھی کہ صنم جاوید اور عالیہ حمزہ سے تفتیش کرنے کی اجازت دی جائے،درخواست میں مؤقف اختیا ر کیا گیا تھا کہ صنم جاوید اور عالیہ حمزہ سرگودھا جیل میں ہیں، جے آئی ٹی کی درخواست میں ایف آئی اے کے ایک لیٹر اور سول میڈیا ویڈیوز کا حوالہ بھی دیا گیاتھا عدا لت نے جے آئی ٹی کو دونوں ملزمہ سے سرگودھا جیل میں تفتیش کرنے کی اجازت دی تھی۔

  • وفاقی محتسب پاکستان اعجاز احمد قریشی کا گوجرانوالہ کے ریجنل دفتر کا دورہ

    وفاقی محتسب پاکستان اعجاز احمد قریشی کا گوجرانوالہ کے ریجنل دفتر کا دورہ

    گوجرانوالہ ،باغی ٹی وی ( محمد رمضان نوشاہی نامہ نگار )وفاقی محتسب پاکستان اعجاز احمد قریشی کا گوجرانوالہ کے ریجنل دفتر کا دورہ کیا،ریجنل دفترمیں وفاقی محکموں اور ا داروں کی کارکردگی کے جائزہ اجلاس کی صدارت کی۔

    اجلاس میں میاں محمد شفیع، ایڈوائزر(انچارج)، ,شاہد لطیف خاں، ایڈوائزر، محمد واصف سلیم، اسسٹنٹ ایڈوائزر گیپکو، سوئی گیس، ای او بی آئی، نادرا،بینظیر انکم سپورٹ پروگرام پاکستان پوسٹ آفس، پاکستان ریلوے، ایف آئی اے، ایس ایل آئی سی پی سیالکوٹ، پاسپورٹ، یوٹیلیٹی سٹور ، اسٹیٹ لائف آفس کے نمائندوں کی شرکت ۔

    وفاقی محتسب پاکستان اعجاز احمد قریشی نے کہاکہ اجلاس کا مقصد خدمات کی فراہمی میں کارکردگی کو یقینی بنانا اور عوامی شکایات کا ازالہ کرنا ہے ۔
    انہوں نے کہا کہ وفاقی محکمے/ ادارے وفاقی محتسب کے مینڈیٹ میں آتے ہیں جن کی کارکردگی کا وقتاً فوقتا ًجائزہ لیا جاتا ہے۔گزشتہ سال 0.2 ملین سے زائد شکایات کا ازالہ کیا گیا جن میں سے 15000 بیرون ملک مقیم شہریوں سے متعلق ہیں

    وفاقی محتسب پاکستان اعجاز احمد قریشی نے بتایا کہ زیادہ تر کیسز بجلی، گیس، پاسپورٹ اور نادرا کے بلوں سے متعلق ہیں۔ شکایات میں تقریباً24 فیصد اضافہ ہوا ہے جو کہ محتسب آفس پر عوام کے اعتماد میں اضافے کو ظاہر کرتا ہے۔

    ان کاکہناتھاکہ وفاقی محتسب کا ادارہ 60دنوں کے اندر شکایات کا ازالہ کرنا ہے،محکمہ شکایات پر 75فیصد عملدرآمد کی سطح تک پہنچ چکا ہے۔گزشتہ سال کے الیکٹرک اور دیگر یوٹیلیٹی ڈیپارٹمنٹس سے متعلق تقریبا ایک لاکھ 94ہزار درخواستیں موصول ہوئیں۔ 700سے 800درخواستوں پر روزانہ کی بنیاد پر سن کر فیصلہ دیا جاتا ہے ۔

    وفاقی محتسب پاکستان اعجاز احمد قریشی نے کہاکہ عوامی اعتماد میں اضافے کی وجہ سے محتسب آفس میں عوامی شکایات میں اضافہ دیکھا جا رہا ہے۔محتسب کا ادارہ عوام کو انصاف کی فراہمی میں اہم کردار ادا کررہا ہےاورعوام کو سستا اور فوری انصاف فراہم کرنا ہماری اولین زمہ داری ہے۔

    وفاقی محتسب پاکستان اعجاز احمد قریشی نے کہاکہ محتسب کے علاقائی دفاتر کے قیام سے عوام کو ادارے تک باآسانی رسائی میں مدد ملی ہے اور وہ اپنی شکایات حل کروا رہے ہیں۔

  • گوجرانوالہ: 9 مئی کے واقعے کو ختم کردیا جائے: زرتاج گل

    گوجرانوالہ: 9 مئی کے واقعے کو ختم کردیا جائے: زرتاج گل

    گوجرانوالہ(باغی ٹی وی) سابق وفاقی وزیر اور تحریک انصاف کی رہنما زرتاج گل نے کہا ہے کہ وہ چاہتی ہیں 9 مئی کے واقعے کو ختم کردیا جائے۔

    گوجرانوالا میں انسداد دہشتگردی عدالت کے باہر میڈیا سے گفتگو کرتے ہوئے زرتاج گل نے کہا کہ جس کوجو سزا دینی ہے دے دیں لیکن پاکستان کے عوام کو آزاد کردیں۔

    انہوں نے کہا کہ چاہتی ہوں ملک آگے بڑھے، آپس میں بیٹھیں اور اس کا حل نکالیں، امید تھی مستقل ضمانت ملے گی، عدالت کا دروازہ کھٹکھٹاتے رہیں گے، ایک دن یہیں پر ضمانت بھی ملے گی اور کیس بھی ختم ہوگا۔

  • گوجرانوالہ :کسان کارڈ کے لیے کسانوں کی رجسٹریشن یکم جون سے شروع ہوگی

    گوجرانوالہ :کسان کارڈ کے لیے کسانوں کی رجسٹریشن یکم جون سے شروع ہوگی

    گوجرانوالہ ،باغی ٹی وی ( محمد رمضان نو شاہی نامہ نگار ) کسان کارڈ کے لیے کسانوں کی رجسٹریشن یکم جون سے شروع ہو جائے گی کیونکہ اس وقت اس سکیم کے لیے کھاد اور کیڑے مار ادویات کے ڈیلرز کی رجسٹریشن کی جا رہی ہے۔

    300 ارب روپے کی کسان کارڈ سکیم میں شفافیت کو یقینی بنایا جائے گا جس کے تحت ہر کوالیفائی کرنے والے کسان کو 150,000 روپے کا بلاسود آسان قرضہ دیا جائے گا۔

    ایک سے 12.5 ایکڑ اراضی رکھنے والے کم از کم 0.5 ملین کسان اس اسکیم کے لیے اہل ہوں گے، اور وہ اپنے کارڈ کے ذریعے مقررہ قیمتوں پر کھاد اور بیج حاصل کریں گے۔

    رجسٹریشن کے لیے کاشتکار اپنا کمپیوٹرائزڈ قومی شناختی کارڈ 8070 پر ایس ایم ایس کرکے بھیجیں۔

    کوالیفائی کرنے والے کاشتکار کا پنجاب لینڈ ریونیو اتھارٹی کے پاس لینڈ ریکارڈ ہونا ضروری ہے، جبکہ موبائل نمبر کسان کے نام پر رجسٹر ہونا ضروری ہے۔ایس ایم ایس میں فراہم کردہ ایک ہی شناختی کارڈ نمبر کے ساتھ۔اس اسکیم کے تحت کسان کو چھ ماہ کے اندر قرض کی ادائیگی کرنی ہوگی۔