Category: گوجرانوالہ

گوجرانوالہ باغی ٹی وی ( نامہ نگار محمد رمضان نوشاہی )پلاسٹک بیگ سیوریج نظام کی تباہی، آلودگی میں اضافے اور زرعی زمینوں کی بربادی کا سبب بن رہے ہیں، کھانے پینے کی اشیاء کے لیے شاپر بیگ کا استعمال مہلک امراض میں اضافے کا باعث بن رہا ہے، تدارک کے لیے ٹھوس اقدمات کرنے کی ضرورت ہے،

لاہور ہائیکورٹ اور حکومت پنجاب کا عزم ہے کہ شہریوں کو صاف ستھرا اور صحت مند ماحول فراہم کیا جائے۔ پلاسٹک بیگز کے استعمال سے ماحول کو ہونے والے نقصانات کو مد نظر رکھتے ہوئے 5 جون 2024 سے پنجاب بھر میں پلاسٹک بیگز پر پابندی عائد کر دی گئی ہے۔ ان خیالات کا اظہار ڈپٹی کمشنر محمد طارق قریشی نے تاجروں اور صنعت کاروں کے اجلاس سے خطاب کرتے ہوئے کیا۔

اجلاس میں ایڈیشنل ڈپٹی کمشنر جنرل شبیر حسین بٹ، اسسٹنٹ کمشنرز (سٹی عبدالباسط، کامونکی خرم مختار بھنگو)، ڈپٹی ڈائریکٹر تحفظ ماحولیات، تاجر برادری (بابر کھرانہ، میاں فضل الرحمن اور دیگر)اور متعلقہ محکموں کے افسران و نمائندوں سمیت صنعت کار شریک تھے۔

ڈپٹی کمشنر محمد طارق قریشی نے اجلاس سے خطاب کرتے ہوئے کہا کہ لاہور ہائیکورٹ کی طرف سے ماحولیاتی آلودگی کا سبب بننے والے پلاسٹک بیگز پر پابندی عائد کردی گئی ہے،

عدالتی احکامات اور حکومت پنجاب کی ہدایات پر ضلعی انتظامیہ کی طرف سے (پلاسٹک کی بنی ہوئی کان صاف کرنے والی سٹک، غبارے کی پلاسٹک سٹک، پلاسٹک کے جھنڈے، کینڈی سٹک، آئس کریم سٹک, پلاسٹک کے کانٹے، چمچے، اسٹرا، پلیٹیں، پیالے، ڈسپوزایبل گلاس، پلاسٹک ٹرے وغیرہ، مٹھائی کے ڈبوں کی پلاسٹک شیٹ، پلاسٹک کے دعوت نامے، ڈسپوزایبل فوڈ باکسز، ریپنگ شیٹس، سگریٹ پیکٹ کی پلاسٹک، لاسٹک بینرز اور پی وی سی بینرز جن کی موٹائی 80 مایکرون سے کم ہے) اور دیگر پلاسٹک سے بنی اشیاء پر پابندی عائد کی گئی ہے۔

اس سلسلہ میں تمام پلاسٹک کا کاروبار کرنیو الے افراد کو 5 جون تک اپنا موجودہ سٹاک ختم کرنے کیلیے مہلت دی ہے، 5 جون کی دی گئی ڈیڈ لائن کے بعد پلاسٹک بیگز کا استعمال کرنے والوں کے خلاف سخت کاروائی عمل میں لائی جائے گی۔

ڈپٹی کمشنر نے کہا کہ پلاسٹک کا استعمال کرنے والوں کے خلاف کاروائیوں کے لیے ٹیمیں تشکل دے دی گئی ہیں جو 5 جون کے بعد عدالتی احکامات کی تعمیل کرتے ہوئے پلاسٹک بیگز استعمال کرنے والوں کے خلاف سخت کاروائی عمل میں لائیں گی جس پر پہلی خلاف ورزی پر 05 ہزار سے 20 ہزار تک کا جرمانہ اور دوسری مرتبہ خلاف ورزی پر مقدمہ کا اندراج، کاروباری جگہ سیل اور گرفتاریاں بھی عمل لائی جائیں گی۔

انہوں نے مزید کہا کہ عدالت کی طرف سے پابندی  کے باوجود شہر کے تمام مالز اور شاپنگ سنٹرز میں  پلاسٹک بیگز کا استعمال جاری ہے جس کی حوصلہ شکنی کی ضرورت ہے۔

ڈپٹی کمشنر نے پلاسٹک بیگز کے کاروبار سے منسلک تمام تاجروں اور صنعتکاروں سے کہا ہے کہ وہ سنگل یوز پلاسٹک بیگز کی تیاری و خرید و فروخت ترک کردیں اور شہر و ضلع کی تمام چھوٹی بڑی مارکیٹوں، بازاروں، شاپنگ سنٹرز، شاپنگ مالز اور عوامی مقامات پر آگاہی کے لیے فلیکسز آویزاں کریں تاکہ شہریوں کو پلاسٹک بیگز پر عائد پابندی بارے آگاہی ہو اور اس کے استعمال کو ترک کریں۔

ماحول کو صاف ستھرا اور آلودگی سے پاک بنانے میں معاشرے کے ہر فرد کو اپنا کردار ادا کرنا ہوگا

گوجرانوالہ،باغی ٹی وی (نامہ نگارمحمدرمضان نوشاہی) سینٹرل جیل میں قیدیوں کے لئے 6 روزہ فری میڈیکل کیمپ کاافتتاح کیا گیا،کیمپ کا انعقاد وزیر اعلٰی پنجاب مریم نوازشریف اور وزیر صحت خواجہ عمران نذیر کے احکامات پر کیا گیا

ڈپٹی کمشنر محمد طارق قریشی نے ایم پی اے محمد نواز چوہان، معظم راؤف مغل اور سپرنٹینڈنٹ سنٹرل جیل جام محمد آصف کے ہمراہ فری میڈیکل کیمپ کا افتتاح کیا۔

اس موقع پرڈپٹی کمشنرنے بتایا کہ فری میڈیکل کیمپ میں ہیپاٹائٹس بی، سی، ایچ آئی وی /ایڈز، بلڈ پریشر، شوگر اور ٹی بی سمیت دیگر امراض کے ٹیسٹ سمیت علاج مفت فراہم کیا جائے گا۔ پنجاب بھر کی طرح سنٹرل جیل گوجرانوالہ میں بھی قیدیوں کی صحت کو پرکھتے ہوئے درکار علاج معالجے کو ممکن بنایا جائے گا۔

ڈپٹی کمشنر نے عوامی نمائندوں کے ہمراہ سینٹرل جیل کے دورہ کے موقع پر جیل ہسپتال کے مختلف شعبوں، ڈسپنسری، لیبارٹری اور کچن کا بھی دورہ، کچن کے دورہ کے دوران انہوں نے کھانے کے معیار اور ہفتہ بھر کے تینوں اوقات کے مینیو کو بھی چیک کیا۔

سی ای او ہیلتھ ڈاکٹر معیز منصور نے کہا کہ سینٹرل جیل گوجرانوالہ میں 6 روزہ فری میڈیکل کیمپ کے دوران 3200 قیدیوں کی سکریننگ کی جائے گی۔ قیدیوں کی سکریننگ کے بعد ان کے علاج معالجہ کے لیے بھی اقدامات بروئے کار لائے جائیں گے۔

ڈپٹی کمشنر نے کہا کہ قیدیوں کی صحت اور جیل میں صفائی ستھرائی کے انتظامات قابل ستائش ہیں۔جیل قیدیوں کا تحفظ، درکار صحت و تعلیم اور دیگر سہولیات کی فراہمی ریاست اور اداروں کی ذمہ داری ہے۔حکومت پنجاب کی ہدایات پر ہیلتھ کیمپ کا انعقاد خوش آئند ہے، تمام قیدیوں کی سکریننگ کو 100فیصد یقینی بنایا جائے،

ایم پی اے محمد نواز چوہان، معظم راؤف مغل کا کہنا تھا کہ وزیر اعلٰی پنجاب مریم نوازشریف بنیادی زندگی کے تمام شعبوں میں انقلابی اقدامات کر رہی ہیں۔وزیر اعلٰی پنجاب مریم نوازشریف کی لیڈر شپ اور وزیر صحت پنجاب خواجہ عمران نذیر کے احکامات پر صحت کے شعبے میں شہریوں کے لیے انقلابی اقدامات کیے گئے ہیں۔

انہوں نے کہا کہ صحت کی دستک عوام کی دہلیز پر (کلینک آن وہیل)اور اب جیل کے قیدیوں کے لیے فری میڈیکل کیمپ کا آغاز انقلابی اقدام ہے۔ جیل کے قیدیوں کے لیے فری میڈیکل کیمپ سے نہ صرف قیدیوں کی امراض کی تشخیص ہوگی بلکہ انہیں علاج معالجے کی سہولیات بھی فراہم کی جائیں گی۔

ایم پی اے محمد نواز چوہان، معظم رؤف مغل کا مزید کہنا تھا کہ جیل انتظامیہ کی جانب سے جیل میں صفائی ستھرائی، کھانے اور دیگر تمام تر انتظامات قابل ستائش ہیں۔

گوجرانوالہ،باغی ٹی وی (نامہ نگارمحمدرمضان نوشاہی) ڈیفی میشن بل کیخلاف صحافی سراپا احتجاج ،آزادی صحافت پرقدغن برداشت نہیں

ڈیفی میشن بل کے خلاف پی ایف یو جے ورکرز کی کال پر مقامی صحافیوں کا پریس کلب کے باہر سیاہ پٹیاں باندھ کر زنجیریں اور منہ پر تالا لگا کر احتجاجی مظاہرہ کیا اور پریس کلب پر سیاہ پرچم بھی لہرایا ،

احتجاجی مظاہرے سے خطاب کرتے ہوئے پی ایف یو جے ورکرز کے رہنما ملک توصیف احمد نے خطاب کرتے ہوئے کہا کہ 30 لاکھ روپے جرمانہ جمع کروائے بنا اپیل کے حق کو ختم کرنا کسی بھی صورت قابل قبول نہیں ہے یہ اس بل کی ظالمانہ شق ہے جو آئین پاکستان سے ٹکراتی ہے ،

ان کا کہنا تھا کہ مریم نواز شریف اپوزیشن کے دور میں آزاد صحافت کی سب بڑی علمبراد بنی ہوئی تھیں مگر اقتدار ملتے ہی آزاد صحافت کا نعرہ زمین بوس کر دیا ہے ،

ملک توصیف کا کہنا تھا کہ ڈیفی میشن بل میں دوسرے اور تیسرے درجے کے جھوٹے سیاستدانوں کو بھی شامل کیا جائے جو عوام سے بلند بانگ دعوے کر کے انہیں سبز باغ دکھا کر الیکشن سے قبل جو جھوٹے وعدے کرتے ہیں ان کے خلاف بھی کارروائی کا بل منظور کیا جائے ،

ان کا مزید کہنا تھا کہ اس بل کا اطلاق صرف پنجاب پر ہی نہیں بلکہ کے پی ، سندھ ، بلوچستان اور آزاد کشمیر کے صحافیوں پر بھی ہو گا کیونکہ حکومت کسی بھی صحافی کو اپنے شکنجے میں لانے کے لئے دوسرے صوبوں کے صحافیوں پر پنجاب میں ڈیفی میشن بل کے تحت ٹربیونل میں ”ہتک عزت” کی درخواست دائر کرے گی کہ جس کے تحت دوسرے صوبوں میں بیٹھے صحافیوں کو بھی ٹارگٹ کیا جائے گا ،

اس لئے پاکستان بھر کے صحافیوں کو ملکر اس بل کو واپس کروانے کے لئے حکومت پر دباو بڑھانے کی ضرورت ہے ،

انہوں صحافیوں سے قومی و صوبائی اسمبلیوں کی کوریج کے بائیکاٹ کا بھی مطالبہ کیا ہے اس موقع پر ممبر ایف ای سی افتخار علی بٹ ، مظہر ملک ، عشرت الماس چوہدری ،حافظ شاہد ، حاجی دانش باجوہ ، خالد محمود سرفرازی ، خالد بٹ ، انجینئر شہباز ، محمد علی سجن ، بابر کھوکھر، رفیق مہر سمیت دیگر صحافیوں نے بھی شرکت کی اور پنجاب حکومت کے خلاف شدید نعرے بازی بھی کی اور اس بل کی واپسی تک تحریک جاری رکھنے کا اعلان بھی کیا ۔

گوجرانوالہ،باغی ٹی وی (نامہ نگارمحمدرمضان نوشاہی) ڈائریکٹر تعلقات عامہ گوجرانوالہ ڈوثرن دفتر کے سنئیر اہلکار سٹینو گرافر (اردو)صابر علی مدت ملازمت پوری کرنے کے بعد ریٹائرہوگئے۔

ان کے اعزاز میں دفتر کی جانب سے الوداعی تقریب کا انعقاد کیاگیا جس میں ڈائریکٹر تعلقات عامہ افتخار علی شاہ‘ ڈپٹی ڈائریکٹر منور حسین‘ آفس سپرنٹنڈنٹ قاضی احسن شبیر،اسسٹنٹ غلام دستگیر ،سنیر کلرکس اخلاق احمد ،حافظ محمد شہباز ،فوٹو گرافر رینا رفعت ،محمد یوسف ،محمد نواب کے علاؤہ دیگر سٹاف ممبران نے شرکت کی۔

اس موقع پر خطاب کرتے ہوئے ڈائریکٹر تعلقات عامہ افتخار علی شاہ نے کہا کہ ریٹائرمنٹ ایک سرکاری ملازم کی زندگی کا لازمی جزو ہے‘ جو بھی سروس میں آتا ہے ایک نہ ایک دن اسے ریٹائرہونا ہوتاہے لیکن باعزت طریقے سے ریٹائرمنٹ ملازم کیلئے ایک اعزاز کی بات ہے۔

انہوں نے کہا کہ صابر علی نے اپنی زندگی کے تقریباً چالیس سال سرکاری ملازمت میں صرف کئے جن میں اڑتالیس سال سروس انفارمیشن ڈیپارٹمنٹ کی ہے۔ اس دوران انہوں نے اپنی ذمہ داریوں کوبخوبی انجام دیا جس کا نتیجہ ہے کہ آج افسران وسٹاف انہیں پرخلوص اور باوقار انداز میں الوداع کہہ رہے ہیں۔

اس موقع پر ڈپٹی ڈائریکٹر منور حسین نے خطاب کرتے ہوئے کہا کہ صابر علی نے انفارمیشن ڈیپارٹمنٹ میں بطور اردو سٹینو گرافر اپنی سروس کا آغاز کیا۔ یہ وہ دور تھا جب آفیسر سٹینو گرافر کو ڈکٹیشن دیتا تھا اور وہ ٹاپ رایٹر پر ٹایپ کرتا تھا۔

صابرعلی نے ٹائپ رایٹر سے کمپیوٹر پر آنے کا سفر بڑی مہارت سے طے کیا۔ وہ روزانہ کامونکی سے گوجرانوالہ آتے اور رات گئے اپنا کام ختم کر کے واپس اپنے گاؤں کامونکی چلے جاتے۔انہوں ہے اپنی سروس صاف ستھرے طریقے سے گزاری کبھی کسی کے ساتھ ناجائز نہیں کیا افسروں کی عزت کی اور ماتحتوں کے ساتھ شفقت سے پیش آتے رہے۔ اپنے نام کی طرح صابر شاکر رہے۔ اللہ پاک ان کی آنے والی زندگی صحت اور سلامتی اور آسانیاں سے بھرپور فرمائے۔

اس موقع پر ریٹائر ہونے والے ملازم صابر علی نے خطاب کرتے ہوئے کہا کہ دوران سروس ذمہ داریوں کی ادائیگی میں افسران اور سٹاف نے ان کی بھرپور معاونت کی ہے اور ہر موقع پر انہیں بہترین راہنمائی فراہم کی گئی جس پر وہ ان کے مشکور ہیں۔

تقریب کے اختتام پر افسران وسٹاف کی طرف سے صابر علی کو تحائف اور شیلڈ پیش کی گئی اور ان کی ریٹائرمنٹ کی بعد والی زندگی میں صحت اور کامیابیوں کی دعا کی۔

گوجرانوالہ ،باغی ٹی وی (نامہ نگارمحمد رمضان نوشاہی)حکومت پنجاب کی ہدایات پر گوجرانوالہ ڈویژن کے تمام اضلاع میں پٹرولیم مصنوعات کی قیمتوں میں کمی کے ثمرات شہریوں تک پہنچانے کے لیے ضلعی انتظامیہ متحرک ہوگئی ہے پٹرولیم مصنوعات کے نرخوں میں حالیہ کمی کا فائدہ عوام کو پہنچانے کے لیے عملدرآمد شروع کردیا ہے

کمشنر نوید حیدر شیرازی نے کہا ہے کہ ڈوثرن بھر میں زائد کرایہ وصول کرنے والے ٹرانسپورٹرز کے خلاف کاروائیاں تیز کر دی گئی ہیں، نیا کرایہ نامہ تمام ٹرانسپورٹ اڈوں پر آویزاں کر دیا گیا ہے،

کرایوں میں 10 فیصد کمی کے بعد منڈی بہاؤالدین سے راولپنڈی/اسلام آباد کا نیا کرایہ 600 کی بجائے 580 روپے مقرر،منڈی بہاؤالدین سے اسلام آباد اے سی بس کا نیا کرایہ 850 کی بجائے 820 روپے مقررکیا گیا ہے

منڈی بہاؤالدین سے اسلام آباد اے سی بس کا نیا کرایہ 1250 کی بجائے ، 1220 مقرر،منڈی بہاؤالدین سے جہلم کا نیا کرایہ 250 کی بجائے ،230 روپے،منڈی بہاؤالدین سے پنڈ دادنخان 350 کی بجائے ، 320نیا کرایہ مقرر،

منڈی بہاؤالدین سے میر پور 450 کی بجائے 430نیا کرایہ مقرر،منڈی بہاؤالدین سے دینہ 350 کی بجائے 330، گجرات 310 کی بجائے ، 290
سرگودھا 400 کی بجائے ،370، سرگودھا اے سی بس /کوسٹر 450 کی بجائے 420 نیا کرایہ مقررکیا گیا ہے

منڈی بہاؤالدین سے کھاریاں 300 کی بجائے 260 ، ڈنگہ 230 کی بجائے 200 روپے نیا کرایہ مقرر کیا گیا ہے،

کمشنر گوجرانوالہ نے کہا کہ نئے کرایہ ناموں پر ہر صورت عملدرآمد کرایا جائے گا،نئے کرایہ ناموں کی خلاف ورزی پر قانونی کارروائی کی جائے گی.

دوسری طرف حکومت پنجاب اور کمشنر گوجرانوالہ ڈوثرن نوید حیدر شیرازی کی ہدایات کی روشنی میں ضلع گوجرانوالہ کی انتظامیہ پٹرولیم مصنوعات کی قیمتوں میں کمی کے ثمرات شہریوں تک پہنچانے کیلئے متحرک ،

اس سلسلہ میں ڈپٹی کمشنر محمد طارق قریشی کی زیرصدارت ٹرانسپورٹرز کا اجلاس منعقد ہوا۔اجلاس میں اے ڈی سی جی شبیر حسین بٹ ،سیکرٹری ڈی آر ٹی اے غلام مصطفیٰ انصاری ،ڈپٹی ڈائریکٹر زراعت جاوید اختر پڈھیار اور اڈا مالکان،کمپنی نمائندوں نے شرکت کی۔

ڈپٹی کمشنر محمد طارق قریشی نے سیکرٹری ڈی آر ٹی اے غلام مصطفیٰ انصاری کو ہدایت کی کہ پٹرولیم مصنوعات میں کمی کا فائدہ مسافروں تک ضرور پہنچایا جائے،عوام کو ریلیف فراہم نہ کرنے کی صورت میں کمپنی اور اڈا مالکان کیخلاف سخت ایکشن لیا جائے گا۔

کرایوں میں کمی کے پینا فلیکسز نمایاں جگہوں پر آویزاں کئے جائیں۔اس موقع پر کمپنی و اڈا مالکان نے کرایوں میں کمی کا باقاعدہ اعلان بھی کیا انہوں نے کہا کہ حکومت کی ہدایت پر ضلع گوجرانوالہ میں پیٹرولیم مصنوعات کی قیمتوں میں 4سے5 فی صدکمی کر دی گئی کمشنر کی ہدایت پر ضلع بھر میں زائد وصول کرنے والے ٹرانسپورٹرز کے خلاف کاروائیاں تیز کر دی گئی ہیں ۔

نیا کرایہ نامہ تمام ٹرانسپورٹ اڈوں پر آویزاں کر دیا گیا ہے گڈز ٹرانسپورٹرز کو بھی ہدایت کر دی گئی ہے کہ وہ کرایوں میں کمی کریں اور حکومتی اقدام کے ثمرات شہریوں تک ہر صورت پہنچنے چاہیئں ۔

کمشنر اور ڈپٹی کمشنر کی ہدایت پر سیکرٹری ڈی آر ٹی اے غلام مصطفیٰ انصاری اور ٹریفک پولیس نےدھواں چھوڑنے والی گاڑیوں کے خلاف کاروائیاں تیز کردیں ضلع بھر میں نئے کرایہ نامہ پر عمل درآمد شروع کر دیا گیا ہے ۔

ابتک مجموعی طور پر 3 لاکھ 28ہزار روپے کے جرمانے عائد کیے گئےاور136دھواں چھوڑنے والی گاڑیوں کو بند کر دیا گیا۔

گوجرانوالہ،باغی ٹی وی (نامہ نگار محمدرمضان نوشاہی کی رپورٹ) وزیر اعلی پنجاب مریم نواز شریف کا سموگ اور آلودگی کے خاتمہ کیلئے احسن قدم ، کسانوں کورعائتی نرخوں پر زرعی آلات پاک سیڈزاور شریڈر فراہم کرنے کیلئے قرعہ اندازی کی گئی

کسانوں کورعائتی نرخوں پر زرعی آلات پاک سیڈزاور شریڈر فراہم کرنے کیلئے قرعہ اندازی کی گئی،کسانوں کو زرعی آلات60 فیصد سبسڈی پر دیئے جائینگے ۔

ڈپٹی کمشنر محمد طارق قریشی ،اے ڈی سی آر مطاہر امین وٹو اور پارلیمنٹیرنز، کی قرعہ اندازی کی تقریب میں خصوصی شرکت،۔تقریب میں اے ڈی سی جی شبیر حسین بٹ،ڈپٹی ڈائریکٹر زراعت جاوید اختر پڈھیار کے علاہ زمینداروں کی کثیر تعداد بھی موجود تھی،

ڈپٹی کمشنر محمد طارق قریشی نے کہا کہ پنجاب میں سموگ کے تدارک اور ائیر کوالٹی انڈیکس کی بہتری کیلئے میگا پروگرام پر عمل درآمد شروع کر دیا ہے،۔فصلوں کی باقیات جلانے سے زمین کی زرخیزی متاثر اور فضائی آلودکی میں اضافہ ہوتا ہے

ڈپٹی کمشنر نے کہا کہ آگ لگائے بغیر فصلوں کی باقیات کے خاتمہ کیلئے کسانوں کو جدید مشینیں فراہم کی جا رہی ہیں۔

گوجرانوالہ، باغی ٹی وی ( نامہ نگار محمد رمضان نوشاہی) صوبائی وزیر اسپیشلائزڈ ہیلتھ کیئراینڈ میڈیکل ایجوکیشن پنجاب خواجہ سلمان رفیق کا گوجرانوالہ ٹیچنگ ہسپتال (پرانا ڈی ایچ کیو ہسپتال) اور چلڈرن ہسپتال کا دورہ

صوبائی وزیر صحت نے کہا کہ صحت کی معیاری سہولیات کی فراہمی وزیراعلیٰ پنجاب مریم نواز شریف کی اہم ترجیح ہے، صوبہ بھر کے ہسپتالوں کی بہتری کیلئے تمام وسائل بروئے کار لائے جا رہے ہیں،تمام بنیادی مراکز صحت کو ایک ڈیڑھ سال میں بہترین طبی سہولیات سے آراستہ کر دیا جائےگا،

خواجہ سلمان رفیق نے کہا کہ وزیر اعلیٰ پنجاب مریم نواز شریف عوام کو انکے گھر کی دہلیز پر صحت کی سہولیات کی دستیابی کو یقینی بنانے کے لیے دن رات کوشاں ہیں، پنجاب کے ہسپتالوں کی بہتری اور جدید طبی آلات اور مشینری کی خریداری کے لئے 15 ارب کے فنڈز فراہم کر دئیے گئے ہیں،

صوبائی وزیر صحت خواجہ سلمان رفیق نے کہا کہ آج کے دورے کا مقصد جاری تعمیراتی کاموں کا موقع پر پہنچ کر جائزہ لینا ہے، اچھا کام کرنے والوں کی تعریف اور سست رفتار سےکام کرنے والوں کی سرزنش کی جائے گی،

ایم ایس ڈاکٹر ارشاد اللہ گورائیہ ،ڈائریکٹر ڈویلپمنٹ ڈاکٹر عادل ،سی ایس او ڈاکٹر عمر شہباز ،ڈائریکٹر فنانس عابد علی و دیگر کی صوبائی وزیر کو بریفنگ

ایم ایس ڈاکٹر ارشاد اللہ نے بتایا کہ ٹیچنگ ہسپتال کے پانچ شعبہ جات او پی ڈی ،ایڈمن،ریڈیالوجی،لیور اور کارڈیالوجی مکمل طور پر فنکشنل کر دیا گیا ہے، سرجری ،میڈیسن،گائنی ،ٹراما سنٹر، سمیت دیگر تمام شعبوں کو 30 جون سے پہلے فنکشنل کر دیا جائے گا،

ایم اینڈ آر کے لیے 627 ملین روپے مختص کیے گئے تھے ، ابتک ایم اینڈ آر کے 358ملین خرچ ہو چکے ہیں ، ایے ڈی پی کے 882ملین میں سے 447ملین روپے خرچ ہو چکے ہیں

ہسپتال کی تزئین و آرائش کے بعد تمام شعبہ جات 30 تک فعال کر دئے جائیں گے ،

صوبائی وزیر کو بریفنگ میں بتایا گیا کہ ہسپتال میں روزانہ 1800مریضںوں کو او پی ڈی سروسز فراہم کی جا رہی ہیں ۔