Category: گوجرانوالہ

گوجرانوالہ، باغی ٹی وی (نامہ نگار محمد رمضان نوشاہی) ملاوٹ مافیا کی شامت، ڈی جی فوڈ اتھارٹی عاصم جاوید کا گوجرانوالہ میں گرینڈ آپریشن
ڈی جی فوڈ اتھارٹی کی سربراہی میں فوڈ سیفٹی ٹیموں کے ماڈل ٹاؤن اور دال بازار میں چھاپے،معروف بیکری کی پروڈکشن بند، گرائنڈنگ یونٹ کو 2لاکھ روپے جرمانہ عائد، مقدمہ درج

925کلو مضرصحت و ملاوٹی مرچیں، ہلدی،600کلو مضر صحت اشیاء، 213لٹر جعلی کاربونیٹڈ ڈرنکس سمیت بھاری مقدار میں امونیا ،رنگ اور کیمیکل تلف

ڈی جی فوڈ اتھارٹی نے کہا کہ قوانین کی خلاف ورزیوں پر کارروائیاں عمل میں لائی گئیں۔سٹوریج ایریا انتہائی گندا، بدبودار ماحول اور انتہائی لازم ریکارڈ عدم موجود پایا گیا۔مرچوں اور ہلدی کے لیبل پر تاریخ اجراء اور تنسیخ درج نا پائی گئی،

عاصم جاوید نے بتایا کہ زیراستعمال مشین انتہائی گندی اور زنگ آلود، ایکسپائر اجزاء سے بیکری اشیاء کو تیار کیا جارہا تھا،غیرمنظور شدہ مضرصحت محلول سے تیار بیوریجز کو سٹی ایریا کی مختلف دکانوں پر سپلائی کیا جانا تھا۔پیور فوڈ ریگولیشنز کی سنگین خلاف ورزی پر جرمانے، پروڈکشن بند اور مقدمہ درج کروادیا گیا۔

ڈی جی فوڈ اتھارٹی کا کہنا ہے کہ خوراک میں کسی قسم کی کوتاہی برداشت نہیں، ملاوٹ کا جڑ سے خاتمہ حکومت پنجاب کا مشن ہے۔ گوجرانوالہ کے پہلوانوں کی صحت کیساتھ کھلواڑ کرنے والوں کا کاروبار بند کر کے سخت قانونی کارروائی کی جائے گی

ڈی جی فوڈ اتھارٹی نے کہا کہ وزیر اعلیٰ پنجاب کی ہدایت پر ملاوٹ مافیا کے جڑ سے خاتمے کے لیے تمام وسائل بروئے کار لائے جا رہے ہیں۔جعلسازی میں ملوث عناصر باز رہیں، پنجاب میں کاروبار کی ہرگز اجازت نہیں دی جائے گی۔

گوجرانوالہ ،باغی ٹی وی س (نامہ نگار محمد رمضان نوشاہی) ڈی جی ماحولیات عمران حامد شیخ، کمشنر گوجرانوالہ ڈویژن نوید حیدر شیرازی اور ڈپٹی کمشنر گوجرانوالہ محمد طارق قریشی کی ہدایات کی روشنی میں ڈپٹی ڈائریکٹر ماحولیات سلمان اسلم کا پسرور روڈ جنڈیالہ باغ والا شیخ رجادہ پر واقع بھٹہ جات کے خلاف آلودگی کا سخت نوٹس ، سموگ آلودگی کا سبب بننے والی دو بھٹہ کمپنیاں سیل

ڈپٹی ڈائریکٹر ماحولیات سلمان اسلم نے اپنی ٹیم کے ہمراہ آج پسرور روڈ کا دورہ کیا ،دورہ کے دوران فضا میں سیاہ دھوئیں پر نوٹس لیتے ہوئے محکمہ تحفظ ماحولیات کا فوری ایکشن

محکمہ تحفظ ماحولیات کی ٹیم نے میسرز فرحت بٹر بھٹہ کمپنی اور میسرز فیصل بٹر بھٹہ کمپنی کو بار بار ہدایت کے باوجود ایس او پیز کی خلاف ورزی پر (واٹر بوزرنگ) یعنی چلتے بھٹہ جات میں پانی ڈال دیا

دونوں بھٹہ مالکان کو ماحول دوست ٹیکنالوجی زگ زیگ کے عدم استعمال پر سیل کردیا گیا،اس موقع پر انسپکٹرز غلام مرتضی بھٹی،نوید احمد اور چوہدری عبد الغنی ودیگر بھی انکے ہمراہ تھے

گوجرانوالہ ،باغی ٹی وی (نامہ نگار محمد رمضان نوشاہی)قلعہ دیدار سنگھ پولیس نے منشیات فروش سے ایک کلو چرس اور ناجائز پسٹل برآمد کرکے مقدمات درج کرلیے،منشیات فروش معاشرے کا ناسور ہیں متعدد گھرانوں کے نوجوانوں کی تباہی کا سبب بن چکے ہیں، ڈی ایس پی میاں عبدالجبار،ایس ایچ او عبدالرحمٰن ڈوگہ۔

تفصیل کے مطابق سٹی پولیس آفیسر محمد ایاز سلیم کے احکامات پر ڈی ایس پی سرکل میاں عبدالجبار کی نگرانی میں ایس ایچ او تھانہ قلعہ دیدار سنگھ عبدالرحمن ڈوگہ نے اپنی ٹیم کے ہمراہ منشیات فروشوں کیخلاف کریک ڈاؤن کرتے ہوئے مخبر خاص کی اطلاع پر بہلاد پور میں منشیات فروش ذکاء اللہ ولد رحمت علی ساکن خالق پور سے 1200 گرام چرس اور ناجائز پسٹل 30 بور مع گولیاں برآمد کرکے الگ الگ مقدمات درج کرلیے

‘ڈی ایس پی سرکل میاں عبدالجبار اور ایس ایچ او عبدالرحمن ڈوگہ کا کہنا تھا کہ منشیات فروش معاشرے کا ناسور ہیں متعدد گھرانوں کے نوجوانوں کی تباہی کا سبب بن چکے ہیں،یہ کسی رعایت کے مستحق نہیں افسران کے حکم پر منشیات فروشوں کیخلاف شکنجہ کس لیا ہے،منشیات فروشوں کو جیل کی ہوا کھانی پڑے گی

گوجرانوالہ،باغ ٹی وی (نامہ نگار محمد رمضان نوشاہی) قلعہ دیدار سنگھ نکے تھانیدار کو مفت فروٹ نہ دینا بزرگ ریڑھی بان کا جرم بن گیا،تھانیدار کی ریڑھی بان کیساتھ غنڈہ گردی تشدد، گریبان سے پکڑ کر سڑک پر گھسیٹتا رہا،سی پی او گوجرانوالہ کو درخواست دے دی گئی انصاف کی اپیل

تفصیل کے تھانہ قلعہ دیدار سنگھ کے علاقہ نہر پل پر صدیق بٹ نامی بزرگ نے فروٹ کی ریڑھی بنا رکھی ہے ریڑھی بان نے سی پی او گوجرانوالہ رانا ایاز سلیم کو درخواست دیتے ہوئے موقف اختیار کیا ہے کہ تھانہ لدھیوالہ وڑائچ میں تعینات اے ایس آئی اسلم ساکن درگاہی والا اکثر مفت فروٹ لے کر جاتا ہے گزشتہ روز اسے منع کیا کہ اپنے بچوں کا پیٹ پالوں یا آپکو مفت فروٹ دوں جس پر نکا تھانیدار آپے سے باہر ہوگیا اور گریبان سے پکڑ سڑک کر گھسیٹتا رہا قریبی دکانداروں نے میری جان بخشی کروائی اور تھانیدار دھمکیاں دیتے ہوئے چلا گیا

واقعہ کی سی سی ٹی وی ویڈیو میڈیا کو موصول ہوگئی ہے جس میں تھانیدار کو تشدد کرتے ہوئے دیکھا جاسکتا ہے سی پی او گوجرانوالہ کو تحریری درخواست دے دی گئی ہے اور وزیر اعلیٰ پنجاب مریم نواز سمیت حکام بالا سے اپیل کی ہے کہ ایسے کرپٹ تھانیدار کیخلاف محکمانہ کارروائی کرتے ہوئے نوکری سے فارغ کیا جائے۔

گوجرانوالہ ،باغی ٹی وی(نامہ نگار محمدرمضان نوشاہی سے) خون سفید ہوگیا ‘جائیداد کے تنازعہ پر چھوٹی بہن نے بڑی بہن کو مار ڈالا،اطلاع پر پولیس موقع پر پہنچ گئی’ملزمہ ثنا کو حراست میں لیکر کاروائی کا آغاز کردیا

قلعہ دیدار سنگھ میں جائیداد کے تنازعہ پر چھوٹی بہن نے مبینہ طور پر ڈنڈے مار کر بڑی بہن کو مار ڈالا،’اطلاع پر پولیس موقع پر پہنچ گئی،’ملزمہ ثنا کو حراست میں لیکر کارروائی کا آغاز کردیا’

تھانہ قلعہ دیدار سنگھ کے علاقہ ڈیرہ سنت کی رہائشی 60 سالہ صغراں بی بی کے ہاں اولاد نہ ہونے سے خاوند منظور نے دوسری شادی کرلی تھی’ صغراں بی بی اپنی چھوٹی بہن ثنا کے پاس ڈیرہ سنت سنگھ میں رہتی تھی، گذشتہ شب صغراں بی بی کی اچانک موت ہوگئی جس کے بعد پولیس کو اطلاع موصول ہوئی کہ ثنا نے جھگڑے کے بعد مقتولہ کو ڈنڈے مار کر قتل کیا ہے اور اہل محلہ نے بھی لڑائی جھگڑے کی تصدیق کردی ہے

پولیس نے موقع پر پہنچ کر ثنا کو حراست میں لیکر فرانزک ٹیمیں منگوا کر موقع سے شواہد اکٹھے کرلیے ‘،ایس ایچ او عبدالرحمن ڈوگہ کا کہنا ہے کہ ورثاء مدعی بننے سے انکاری ہیں تاہم ملزمہ کو حراست میں لے کر دفعہ 174کے تحت کارروائی کررہے ہیں نعش کو تحویل میں لیکر پوسٹ مارٹم کیلئے بھیج دیا ہے، وقوعہ ثابت ہونے کے بعد قتل کی دفعہ شامل کی جائیگی