Category: گوجرانوالہ

گجرانوالہ ،باغی ٹی وی (نامہنگار محمدرمضان نوشاہی) گوجرانوالہ اور وزیرآباد کے 97 ہزار خاندانوں تک نگہبان رمضان پیکیج پہنچایا جاچکا ہے

وزیر اعلٰی پنجاب مریم نوازشریف کے احکامات پر نگہبان رمضان ریلیف پیکج کی تقسیم کا عمل تیزی سے جاری ،گوجرانوالہ اور وزیرآباد کے 97 ہزار خاندانوں تک نگہبان رمضان پیکیج پہنچایا جاچکا ہے ، تصدیق شدہ 1 لاکھ 34 ہزار سے زائد مستحق 72 فیصد خاندانوں تک نگہبان رمضان پیکیج پہنچایا جاچکا ہے،

ڈپٹی کمشنر محمد طارق قریشی نے رات گئے گوجرانوالہ اور وزیرآباد کے نگہبان راشن ترسیلی مراکز کا دورہ کیا،ایڈیشنل ڈپٹی کمشنر ریونیو مطاہر آمین وٹو اور ایڈیشنل ڈپٹی کمشنر جنرل شبیرحسین بٹ نے انہیں بریفنگ دی

چیئرمین ڈسٹرکٹ مانیٹرنگ کمیٹی عمران خالد بٹ نے بھی ڈپٹی کمشنر گوجرانوالہ کے ہمراہ نگہبان رمضان ریلیف پیکج کی فراہمی کا جائزہ لینے کیلئے ترسیلی مرکز چندا قلعہ کا دورہ کیا

چیئرمین مانیٹرنگ کمیٹی گوجرانوالہ نے نگہبان پیکج کی تقسیم کی اب تک کی پیش رفت پر اطمینان کا اظہار کیا

گوجرانوالہ ،باغی ٹی وی(نامہ نگار محمدرمضان نوشاہی )ماڈل رمضان بازار پیپلز کالونی سستی اور معیاری اشیائے خوردونوش کی خریداری کا مرکز بن گیا

کمشنر نوید حیدر شیرازی نے کہا کہ وزیر اعلیٰ پنجاب مریم نواز شریف کی خصوصی ہدایت پر صارفین کو اوپن مارکیٹ سے 40 فی صد کم پر اشیاء خور ونوش کی فراہمی جاری ہے
مقامی آڑھتیوں کی جانب سے خصوصی رعایتی سٹال پر آلو، پیاز، ٹماٹر اور دیگر اشیا 40 فی صد کم نرخوں پر فروخت ہو رہی ہیں،روزانہ ہزاروں صارفین سستی سبزیاں اور پھل خریدنے کے لیے ماڈل بازار کا رخ کر رہے ہیں

وزیر اعلیٰ پنجاب مریم نواز شریف کی ہدایت پر ایگریکلچر فئیر پرائس شاپ پر بازار سے 25فیصد تک کم قیمت پر سبزیاں اور پھل شہریوں کو فراہم کئے جا رہے ہیں،خریداری کے لیے آنے والے صارفین کا اشیا کے معیار اور عام مارکیٹ سے نرخ کم ہونے سے اطمینان کا اظہا رکیا،رمضان المبارک میں خاطر خواہ ریلیف کی فراہمی پرخریداروں کا وزیر اعلیٰ پنجاب مریم نواز شریف کو خراج تحسین

مینجر ماڈل رمضان بازار عادل سجاد نے بتایا کہ روزانہ 70ہزار کے قریب شہری خریداری کی غرض سے ماڈل رمضان بازار کا وزٹ کرتے ہیں.

کمشنر گوجرانوالہ نوید حیدر شیرازی نے بتایا کہ ایگریکلچر فیئر پرائس شاپ پر عوام کے لیے آلو36روپے، پیاز226،ٹماٹر 75،کدو113,
لہسن416،لیموں 58روپے کلوگرام فروخت ہورہے ہیں۔

کمشنر نے کہا کہ شہری کیلا فی درجن 139روپے،سیب 236،کھجور368، امرود159, خربوزہ 146، دال چنا 173اور بیسن176فی کلوگرام خرید سکتے ہیں
10کلو گرام آٹا کا تھیلا اوپن مارکیٹ میں 1399روپے میں فروخت ہو رہا ہے۔ کریانہ سہولت سٹالز میں چاول سپر باسمتی نیا 255روپے اور پرانا 265روپے فی کلوگرام میں دستیاب ہیں۔

دال چنا سپریم اوپن مارکیٹ میں 250اور باریک 230جبکہ فئیر پرائس شاپ پر دال چنا 173روپے فی کلوگرام میں فروخت ہو رہی ہے۔ دال مسور موٹی 288روپے، دال ماش دھلی (چمن) 510روپے،دال ماش بغیر دھلی (برما)470روپے میں فروخت ہوگی۔ دال مونگ کوری دھلی 280روپے،چنا سفید موٹا لوکل 290روپے، چنا سفید باریک لوکل 268روپے اور سیاہ چنا موٹا 240 روپے فی کلوگرام میں فروخت ہورہے ہیں۔ رمضان بازار میں بیسن245روپے، سوجی، میدہ153روپے فی کلوگرام کے حساب سے فروخت ہورہا ہے۔

کمشنر نے کہا کہ شہری بڑی تعداد میں ماڈل رمضان بازار سے اشیاء خورونوش خرید کر مستفید ہو رہے ہیں۔

گوجرانوالہ،باغی ٹی وی (محمد رمضان نوشاہی نامہ نگار با)صوبائی وزیر بلدیات وکمیونٹی ڈویلپمنٹ ذیشان رفیق کا دورہ ،کمشنر آفس آمد پر کمشنر اور ڈپٹی کمشنر کی جانب سے صوبائی وزیر کا خیر مقدم کیا گیا،

صوبائی وزیر کی زیر صدارت ویڈیو لنک اجلاس ہوا، اس اجلاس میں ستھرا پنجاب پروگرام کا تفصیلی جائزہ لیا گیا ،اجلاس میں ڈپٹی کمشنرز ،ڈائریکٹر ، ڈپٹی و اسسٹنٹ ڈائریکٹرز لوکل گورنمنٹ ،سی اوز میونسپل کارپوریشنز اور دیگر متعلقہ محکموں کے افسران کی شرکت

صوبائی وزیر کی زیر صدارت ستھراپنجاب پروگرام کے تحت کئے گئے اقدامات کا جائزہ لیا گیا،صوبائی وزیر بلدیات وکمیونٹی ڈویلپمنٹ ذیشان رفیق نے کہا کہ میونسپل سروسز کی فراہمی اور صفائی ستھرائی میں واضح بہتری اہم حکومتی ترجیح ہے۔

ان کا کہنا تھا کہ وزیراعلی پنجاب مریم نواز شریف کی قیادت میں نئے عزم کے ساتھ عوامی خدمت کا آغاز ہوچکا ہے۔عوامی مسائل کا حل ہمارا فرض اور افسران کی بنیادی ذمہ داری ہے عام آدمی کی خدمت میں کوتاہی کسی صورت برداشت نہیں کی جائے گی۔

صوبائی وزیر نے کہاکہ پنجاب کے 64لاکھ کم آمدنی والے گھرانو ں کو30 ارب کا نگہبان رمضان راشن پیکیج وزیراعلی مریم نواز شریف کا بہترین اقدام ہے۔ عوامی نمائندگان اور افسران پر مشتمل ڈسٹرکٹ مانیٹرنگ کمیٹیاں نگہبان رمضان ر اشن کی شفافیت کی نگرانی کررہی ہیں۔

وزیراعلی پنجاب مریم نواز شریف عام آدمی کی معاشی مشکلات سے بخوبی آگاہ ہیں، ملکی تاریخ میں پہلی بار نگہبان رمضان راشن عام آدمی کی دہلیز پر پہنچایا جارہا ہے

کمشنر اور ڈپٹی کمشنر نے صوبائی وزیر کو ستھرا پنجاب پروگرام کے حوالے سے بریفنگ دی ،گجرات ڈویژنز کی 761 یونین کونسلوں میں ستھرا پنجاب پروگرام پر عمل جاری ہے، اب تک 547 یونین کونسلوں میں زیروویسٹ کو یقینی بنادیاگیاہے۔

کمشنرگوجرانوالہ نے بتایا کہ 514 یونین کونسلوں میں وال چاکنگ ختم کی گئی ہے۔ کمشنرگوجرانوالہ۔429 واٹر فلٹریشن پلانٹس مکمل فنکشنل ہیں،مین ہول کور لگائے اور تبدیل کئے جاچکے ہیں۔نگہبان رمضان پیکیج کے تحت اب تک 2لاکھ31ہزار961 خاندانوں میں راشن تقسیم کیا جاچکا ہے۔

کمشنرنے مزیدبتایا کہ گراں فروشوں کے خلاف کاروائیوں میں 8لاکھ47ہزار سے زائد نقد جرمانہ کیاگیاہے، ڈویژن میں 26 گراں فروشوں کو گرفتار کیاگیاہے

گوجرانوالہ،باغی ٹی وی(محمد رمضان نوشاہی نا مہ نگار )وزیراعلی پنجاب مریم نواز شریف کی ہدایت پر محکمہ لائیو سٹاک کی طرف سے ماڈل رمضان بازار پیپلز کالونی میں مرغی کے گوشت اور انڈوں کی رعایتی دوکانیں لگا دی گئی ہیں۔

ایڈیشنل ڈائریکٹر لائیو سٹاک گوجرانوالہ ڈاکٹر صائمہ ارم سید نے ماڈل بازار میں قائم سستا رمضان بازار کے د ورہ کے موقع پر کہا کہ سستا رمضان ماڈل بازار میں عام مارکیٹ سے انڈے فی درجن چھ روپے کم کے حساب سے اور مرغی کا گوشت فی کلو 25 روپے کم کے حساب سے فروخت ہوگا۔

انہوں نے کہا کہ معیار اور مقدار پر کوئی سمجھوتہ نہ ہوگا انتظامی افسران باقاعدگی سے اشیاء کا معیار چیک کررہے ہیں۔

انہوں نے کہا کہ ماڈل رمضان بازار میں ضرورت کے مطابق اشیاء کی فراہمی یقینی بنائی جارہی ہے اور حکومتی ہدایت کے مطابق بہترین اشیائے خورونوش شہریوں کو فراہم کی جارہی ہیں۔

گوجرانوالہ ،باغی ٹی وی(نامہ نگارمحمدرمضان نو شاہی ) ڈپٹی کمشنر محمد طارق قریشی کا چئیرمن ڈسٹرکٹ مانیٹرنگ کمیٹی عمران خالد بٹ کے ہمراہ رمضان ماڈل بازار پیپلز کالونی کا دورہ،وزیر اعلیٰ پنجاب مریم نواز شریف کی ہدایت پر شہریوں کی سہولت کے لیے فئرپرائس شاپس قائم کی گئی ہیں ان کا تفصیلی دورہ۔

چیئرمین ڈسٹرکٹ مانیٹرنگ کمیٹی عمران خالد بٹ نے دورہ کے موقع پر کہا ہےکہ رمضان بازار میں تعینات عملہ اپنے فرائض اور زمے داریاں احسن طریقے سے ادا کریں اور بازاروں میں آنے والے صارفین کو حکومتی سبسڈی کے ثمرات پہنچانے میں اپنا بھر پور کردار ادا کریں،انہوں نے مزید کہا کہ رمضان بازارعوام کو سستی اور معیاری اشیائے خورونوش کی فراہمی کے حوالہ سے حکومت پنجاب کا قابل ستائش اور غریب پرور اقدام ہے اور بازار میں لوگوں کی بڑی تعداد کا خریداری کے لئے آنا معیار اور نرخوں پر  ان کے اعتماد کو ظاہر کرتاہے –

انہو ں نے کہاکہ تمام انتظامی افسران اورمتعلقہ محکمے ہمہ وقت ان بازاروں میں اشیائے خوردونوش (فیر پرائس) کی وافر دستیابی کیلئے کوشاں ہیں۔ انہوں نے رمضان بازار کے دورہ کے موقع پر مختلف اسٹالز کا معائنہ کرنے کے ساتھ ساتھ حکومتی سبسڈائزڈ اشیاء کوالٹی معیار کو چیک کیا۔

ڈپٹی کمشنر محمد طارق قریشی نے کہا کہ حکومت پنجاب کی اہم ترین ترجیح عوام کو مہنگائی سے خاطر خواہ ریلیف فراہم کرنا ہے ۔ انہو ں نے مزید کہا کہ رمضان بازار میں کسی بھی صورت مہنگی اور غیر معیاری اشیا ئے کی فرو خت برداشت نہیں کی جائے گی اور اس سلسلہ میں متعلقہ سٹال  اونر کے خلاف فوری کاروائی عمل میں لائی جائے گی-انہوں نے کہا کہ اشیاء کی سپلائی بڑھائی جائے تاکہ جن کو جتنی ضرورت ہو وہ فیئر پرائس شاپس سے خرید سکیں ۔

اس موقع پر انہوں نے شہریوں سے بھی گفتگو کی شہریوں نے اطمینان کا اظہار کیا اور وزیر اعلیٰ پنجاب مریم نواز شریف کا اس احسن اقدام پر شکریہ ادا کیا اور انہوں نے کہا کہ مہنگائی کے اس دور میں سستی اشیاء کی سہولت میسر آرہی ہے ۔

بعد ازاں ڈپٹی کمشنر محمد طارق قریشی نے سی ای او ہیلتھ ڈاکٹر معیز منصورکے ہمراہ پیپلز کالونی ایمرجنسی ہسپتال کے دورہ کے دوران مختلف شعبوں کا بھی دورہ کیا۔انہوں نے صفائی اور دیگر انتظامات کا بھی جائزہ لیا۔

ڈپٹی کمشنر نے کہا کہ جہاں کہیں بہتری کی گنجائش ہے وہاں پر درکار اقدامات بروئے کار لائیں تا کہ علاج معالجے کے لیے آنے والوں کو بہترین طبی سہولیات فراہم کی جا سکیں۔انہوں نے کہا کہ حکومت پنجاب طبی سہولیات کی بہتری کے لیے صحت کے شعبہ پر خصوصی توجہ دے رہی ہے اور سہولیات کی بہتری کے لیے تمام تر اقدامات کیے جا رہے ہیں۔

ڈپٹی کمشنر نے چیئرمین ڈسٹرکٹ مانیٹرنگ کمیٹی کے ہمراہ صدیق اکبر پارک ڈبلیو بلاک پیپلز کالونی کا بھی دورہ ، انہوں پارک کی صورتحال بہتر بنانے کیلئے پی ایچ اے حکام کو ہدایت کی کہ وہ اس پر مکمل بریف کریں اور پارک کی صورتحال بہتر بنانے کیلئے اقدامات کیے جائیں تاکہ شہریوں کو قریبی پارک کی سہولت میسر آئیں ۔

گوجرانوالہ،باغی ٹی وی(نامہ نگارمحمد رمضان نوشاہی) ڈپٹی کمشنر محمد طارق قریشی، چئیرمن ڈسٹرکٹ مانیٹرنگ کمیٹی عمران خالد بٹ کا نگہبان رمضان پیکج کی پیکنگ کی ترسیل کے عمل کا جائزہ لینے کے لیے نجی سپر سٹورز کے گودام کا دورہ ۔ وزیر اعلٰی پنجاب مریم نوازشریف کے احکامات پر نگہبان رمضان ریلیف پیکج کی تقسیم کا عمل جاری ۔

اس موقع پر افسران نے بریفننگ دیتے ہوئے بتایا کہ گوجرانوالہ راشن تقسیم کرنے پر ڈویژن بھر میں پہلے نمبر پر ہے اور ضلع میں آج کے روز 8 ہزار 392 اور اب تک 35 ہزار 767 راشن بیگز تقسیم کئے گئے ہیں۔

انہوں نے مزید بتایا کہ راشن پیکج کی پیکنگ 04 گوداموں میں پیکنگ جاری ہے جس میں 24 گھنٹے پیکنگ کا عمل جاری ہے گوداموں سے پیکنگ کے عمل کے بعد راشن بیگز کو متعلقہ عملہ کو پہنچا دیا جاتا ہے تاکہ رجسٹرڈ لوگوں تک بروقت پہنچ جائے ۔

ڈپٹی کمشنر محمد طارق قریشی نے اسسٹنٹ کمشنرز کو سختی سے ہدایت کی ہے کہ اس بات کو یقینی بنایا جائے کہ وزیر اعلیٰ پنجاب مریم نواز شریف کے ویژن کے تحت رمضان نگہبان راشن پروگرام شہریوں کو ان کی دہلیز پر پہنچے اس میں کسی بھی قسم کی کوتاہی برداشت نہیں کی جائے گی جہاں پر شکایات موصول ہو رہی ہیں ان کے خلاف ایکشن لیا جائے گا ۔

اس موقع پر انہوں نے افسران وعملہ اور سپر سٹورز مالکان کو ہدایت کی کہ وزیر اعلیٰ پنجاب کے اس عوام دوست پروگرام کے ثمرات مہنگائی سے تنگ افراد تک پہنچانے کے لیے مزید تیزی اور جانفشانی سے کام کریں تاکہ کم آمدنی والے افراد اس پروگرام سے مستفید ہو سکیں اور رمضان کی برکتیں سمیٹ سکیں۔

انہوں نے مزید کہا کہ نگہبان رمضان پیکج کی مستحق افراد اور گھرانوں کو فراہمی تک تمام افسران دن رات کام کریں ،اس میں سستی اور غفلت ہر گز برداشت نہیں کی جائے گی ۔

دورہ کے موقع پر چئیرمن ڈسٹرکٹ مانیٹرنگ کمیٹی عمران خالد بٹ ،ایڈیشنل ڈپٹی کمشنر(جنرل) شبیر حسین بٹ، اسسٹنٹ کمشنر ہیڈ کوارٹر عثمان سکندر کے علاؤہ دیگر متعلقہ محکموں کے ملازمین وافسران موجود تھے۔

گوجرانوالہ،باغی ٹی وی (محمدرمضان نوشاہی نامہ نگار )صارفین کے عالمی دن 15 مارچ کے موقع پر ضلعی تحفظ صارف کونسل گوجرانوالہ نے پوسٹ گریجوایٹ کالج فار ویمن ماڈل ٹاؤن میں صارفین کے حقوق کی آگہی کے لئے معلو ماتی سیمیناراور واک کا اہتمام کیا گیا۔

اس موقع پر ایڈیشنل ڈپٹی کمشنر (جنرل) شبیر حسین بٹ نے بطور مہمان خصوصی شر کت کی۔ کالج کی پرنسپل ڈاکٹر حذیفہ نے مہمان خصوصی سمیت اسسٹنٹ ڈائریکٹرلیگل ڈسٹرکٹ کنزیومر پروٹیکشن کونسل ملک عاصم علی اعوان و سنیئرنان آفیشل ممبر محمد اسرائیل ایڈووکیٹ کو سیمینار اور واک میں خوش آمدید کہا اس موقع پراساتذہ و طالبات کی ایک کثیر تعداد موجود تھیں نان آفیشل ممبر محمد اسرائیل ایڈووکیٹ نے سیمینار کی غرض و غایت پر روشنی ڈالی۔

اسسٹنٹ ڈائر یکٹر لیگل عاصم علی اعوان نے سیمینار کے شرکاء کو قانون تحفظ صارف کے بارے میں تفصیلاً آگاہ کیا۔ حاضرین کو بطور صارف ان کے حقوق سے روشناس کیا علاوہ ازیں غیر معیاری مصنوعات و خدما ت کے خلاف درخواست ڈسٹرکٹ کنزیومر کونسل اتھارٹی و ڈسٹرکٹ کنزیومر کوٹ میں دائر کرنے کا طریقہ کار بتایا۔

مہمان خصوصی شبیر حسینن بٹ ایڈیشنل ڈپٹی کمشنر جنرل نے ڈپٹی کمشنر محمد طارق قریشی کی نمائندگی کرتے ہوئے خصوصی پیغام دیا کہ صارفین کے عالمی دن 15 مارچ کے موقع پر گوجرانوالہ کے عام صارفین غیر معیاری مصنوعات و خدمات کے خلاف اپنی شکایات کے ازالہ کے لئے صلعی تحفظ صارف کونسل اتھارٹی و کورٹ سے رجوع کریں تاکہ صارفین کو معیاری مصنوعات و خدمات فراہم کی جا سکیں۔

گوجرانوالہ،باغی ٹی وی (نامہ نگارمحمد رمضان نوشاہی) سیکرٹری انڈسٹریز پنجاب احسان بھٹہ نے کہا ہے کہ صارفین کے حقوق کا تحفظ ہر قیمت پر یقینی بنایا جائے گا‘صارفین کا عالمی دن منانے کا مقصد شہریوں کو ان کے حقوق سے آگاہی دینا ہے۔

ورلڈ کنزیومر ڈے کے حوالے سے ایک بیان میں انہوں نے کہا کہ صارفین غیر معیاری مصنوعات وغیر معیاری خدمات کے خلاف اپنی شکایات ضلعی تحفظ صارف کونسل / اتھارٹیز اور کنزیومر کورٹ میں درج کروائیں۔

صارفین کے حقوق کے تحفظ کے لیے خدمات،اشیاء کے معیار کے ازالہ کے لیے اس فورم کا متحرک ہونا بہت اہم اور ضروری ہے۔عدالتیں صارفین کا استحصال کرنے والوں کو سزائیں دیں تاکہ انکے حقوق کا تحفظ یقینی بنایا جا سکے اس کے علاوہ عوام الناس کی قوانین سے متعلق آگاہی بھی بہت ضروری ہے

ڈائریکٹر پنجاب کنزیومر پروٹیکشن کونسل لاہور محمود احمد بھٹی نے صارفین کے عالمی دن کے موقع پر کہا ہے کہ غیر معیاری اشیاء کے خاتمے کے لیے ڈسٹرکٹ کنزیومر پروٹیکشن کونسل اور کورٹ اپنا رول بھرپور طریقے سے ادا کر رہی ہیں، عوامی آگاہی کے لیے مختلف طریقوں سے صارفین کو ان کے حقوق سے روشناس بھی کروایا جا رہا ہے۔

انہوں نے کہا کہ ماں کی گود سے لیکر مہد تک صارفین کو اپنے حقوق کے تحفظ کی جنگ لڑنا ہوگی انہوں نے اس امر پر زور دیا کہ تحفظ صارف کونسل صارف کے تحفظ کا بہترین ادارہ ہے، صارفین اپنے حقوق کے تحفظ کے لیے جاگیں اور حکومت پنجاب کے اس فورم سے فوری اور سستا انصاف حاصل کریں۔