Baaghi TV

Category: گوجرانوالہ

  • چور چور گھڑی چور،گوجرانوالہ میں بینر لگ گئے

    چور چور گھڑی چور،گوجرانوالہ میں بینر لگ گئے

    باغی ٹی وی کی رپورٹ کے مطابق تحریک انصاف کے لانگ مارچ کا آج پانچواں روز ہے،

    لانگ مارچ کے شرکاء آج گوجرانوالہ میں ہیں، عمران خان شرکاء سے خطاب کریں گے تا ہم گوجرانوالہ والوں نے عمران خان کو آئینہ دکھا دیا، گوجرانوالہ میں عمران خان کے خلاف بینر لگ گئے، گوجرانوالہ میں عمران خان کے خلاف لگائے گئے بینرز پر چور چور گھڑی چور، توشہ خانہ چور، عمران خان چور نامنظور لکھا ہوا ہے، بینر کے آخر میں اہلیان گوجرانوالہ بھی لکھا ہے

    ن لیگی رہنما ، رکن پنجاب اسمبلی حنا پرویز بٹ نے سماجی رابطے کی ویب سائٹ ٹویٹر پر ٹویٹ کرتے ہوئے گوجرانوالہ میں عمران خان کے خلاف لگائے گئے بینر کی تصویر شیئر کی اور کہا کہ گوجرانوالہ کی طرف سے کپتان کا استقبال

    ایک اور صارف نے بینرز کی تصاویر شیئر کرتے ہوئے کہا کہ گوجرانوالہ میں نیازی فسادی کے استقبال کے لیے لگائے جانے والے بینر. گوجرانوالہ صرف شیر دا

    واضح رہے کہ یہ پہلا موقع نہیں بلکہ اسے قبل بھی کئی مواقع پر عمران خان کے خلاف گھڑی چور کے نعرے لگ چکے ہیں، اسلام آباد میں بھی گزشتہ ایک پروگرام کے موقع پر عمران خان کے خلاف بینر لگائے گئے تھے

    دوسری جانب تحریک انصاف نے لانگ مارچ کا نیا شیڈول جاری کر دیا ،نئے شیڈول کے مطابق جہلم تک کا پلان جاری کیا گیا عمران خان آج چن دا قلعہ سے مارچ شروع کرکے گوندلا نوالا باغ پر ختم کریں گے لانگ مارچ کل ہندی بائی پاس سے شروع ہو کر گکھڑ منڈی پر اختتام پذیر ہو گا جمعرات کو وزیر آباد سے گجرات تک کا سفر طے کیا جائے گا جمعے کو گجرات سے لالہ موسیٰ تک لانگ مارچ پہنچے گا لانگ مارچ ہفتے کو لانگ مارچ کھاریاں سے ہو کر سرائے عالمگیر پہنچے گا اتوار کوسرائے عالمگیر سے لانگ مارچ جہلم پہنچے گا

    ٹی وی دیکھا تو بیٹی صدف کی تصویر دیکھ کر کلیجہ پھٹ گیا۔ صدف کی ماں کی گفتگو

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    عمران خان کی تعزیت کیلئے صحافی صدف نعیم کے گھر آمد 

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

  • گواجرنوالہ فٹ بال گراؤنڈ 31 دسمبرتک مکمل کرنے کی ہدایت

    گواجرنوالہ فٹ بال گراؤنڈ 31 دسمبرتک مکمل کرنے کی ہدایت

    سیکرٹری سپورٹس اینڈ یوتھ افیئرز پنجاب احسان بھٹہ نے اعلیٰ حکام کے ہمراہ جمعۃ المبارک کو گوجرانوالہ اور گجرات ڈویژنز میں کھیلوں کے مختلف مقامات کا دورہ کیا او زیر تعمیر کھیلوں کے ترقیاتی منصوبوں کا جائزہ لیا،انہوں نے ورلڈ چیمپئن انعام بٹ اور دیگر عہدیداران کے ہمراہ ریسلنگ کمپلیکس گوجرانوالہ کی جگہ اور اکھاڑہ رستم پاک و ہند عمر پہلوان کا بھی معائنہ کیا، گجرات کے نئے ڈویژنل سپورٹس کمپلیکس اور ظہور الٰہی سٹیڈیم کی اپ گریڈیشن سمیت جاری اور نئی ترقیاتی سکیموں کا تفصیلی جائزہ لیا،ڈویژنل سپورٹس آفیسرز اور دیگر متعلقہ حکام نے زیر تعمیر کھیلوں کے ترقیاتی منصوبوں کے بارے میں تفصیلی بریفنگ دی،

    سیکرٹری سپورٹس اینڈ یوتھ افیئرز پنجاب احسان بھٹہ نے متعلقہ افسران کو ہدایت کی کہ گوجرانوالہ میں فٹ بال گراؤنڈ کو 31 دسمبر،سیڑھیوں اور پلیئر رومز کا کام 31 مارچ 2023 تک مکمل کیاجائے،اس موقع پر ڈپٹی ڈائریکٹر پلاننگ رؤف باجوہ، ڈویژنل سپورٹس آفیسر گوجرانوالہ ڈویژن منظر شاہ فرید، گجرات، سیالکوٹ، نارووال کے ڈی ایس اوز، محکمہ پی ایم یو کے افسران، ورلڈ چیمپئن انعام بٹ اور دیگر حکام بھی ان کے ہمراہ تھے،سیکرٹری سپورٹس اینڈ یوتھ افیئرز پنجاب احسان بھٹہ نے کمشنر اور ڈپٹی کمشنر گوجرانوالہ سے بھی ملاقات کی اور گوجرانوالہ ڈویژن کے کھیلوں کے منصوبوں کی تکمیل کے حوالے سے تبادلہ خیال کیا اور ترقیاتی منصوبوں پر پیشرفت کا جائزہ لیا،سیکرٹری سپورٹس اینڈ یوتھ افیئرز پنجاب احسان بھٹہ نے گجرات ڈویژن کا بھی دورہ کیا اور زیر تعمیر کھیلوں کے منصوبوں کا جائزہ لینے کے لیے اجلاس کی صدارت کی، اس موقع پر کمشنر، ڈپٹی کمشنر اور ایڈیشنل کمشنر گجرات ڈویژنل سپورٹس آفیسر اور ڈسٹرکٹ سپورٹس آفیسر بھی موجود تھے، اجلاس میں گجرات کے نئے ڈویژنل سپورٹس کمپلیکس اور ظہور الٰہی سٹیڈیم کی اپ گریڈیشن سمیت جاری اور نئی ترقیاتی سکیموں کا تفصیلی جائزہ لیا۔

    میزائل گرنے کے واقعے پر بھارت کے غلطی کا اعتراف،پاکستان کا مشترکہ تحقیقات کا مطالبہ

    بھارتی میزائل کا پاکستانی حدود میں گرنے کا واقعہ،چین کا تحقیقات کا مطالبہ

    انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

    افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

    وطن کی مٹی گواہ رہنا، کے نام سے یوم دفاع وشہداء منانے کا اعلان

  • ساتھیوں کو چھڑوانے کے لیے پولیس پارٹی پر فائرنگ،چار ملزمان ہلاک

    ساتھیوں کو چھڑوانے کے لیے پولیس پارٹی پر فائرنگ،چار ملزمان ہلاک

    باغی ٹی وی کی رپورٹ کے مطابق پنجاب کے شہر گوجرانوالہ میں پولیس مقابلے میں چار ڈاکو مارے گئے ہیں،.

    علاقہ تھانہ صدر کامونکی اور تھانہ ایمن آباد میں پولیس مقابلے کے دوران چار ڈاکوؤں کی ہلاکت کا معاملہ ،ترجمان پولیس کے مطابق تھانہ صدر کامونکی پولیس دوران ڈکیتی قتل کے کیس میں چار ملزمان کو برآمدگی کے لیے لے کر جا رہی تھی۔دراجکے کے قریب تین موٹر سائیکلوں پر سوارچار کس نامعلوم ملزمان نے ساتھیوں کو چھڑوانے کے لیے پولیس پارٹی پر فائرنگ کر دی۔ دوران فائرنگ دو ملزمان اپنے ہی ساتھیوں کی فائرنگ سے ہلاک، باقی ملزمان ساتھیوں سمیت فرار ہونے میں کامیاب ہو گئے۔ فرار ملزمان کی گرفتاری کے لیے ہنگامی طور پر ضلع بھر میں ناکہ بندی کر دی گئی۔ : پورن پور پلی ایمن آباد کے قریب ناکہ بندی پر دوبارہ پولیس کا سامنا فرار ملزمان سے ہوا تو انہوں نے پولیس پرسیدھی فائرنگ شروع کر دی۔ فائرنگ رکنے کے بعد دوران ملاحظہ اپنے ہی ساتھیوں کی فائرنگ سے ہلاک ہونے والے دو ملزمان زمین پر پڑے ملے۔دیگر ملزمان اندھیرے کا فائدہ اٹھاتے ہوئے فرارہونے میں کامیاب ہو گئے

    ہلاک ہونے والے چاروں ڈاکوؤں کی شناخت افتخار،ریاض، عارف اور ذولفقار کے ناموں سے ہوئی۔ نعشیں برائے پوسٹ مارٹم ڈی ایچ کیو ہسپتال منتقل کر دی گئی ہیں، ملزمان سابقہ ریکارڈ یافتہ نکلے۔ دوران ڈکیتی قتل، ڈکیتی، ہاؤس رابری، اور دیگر سنگین جرائم کی درجنوں وارداتوں میں مطلوب تھے۔ ڈکیتوں و چوروں اور سماج دشمن عناصر کے ساتھ آہنی ہاتھوں سے نمٹتے ہوئے شہریوں کو امن کی فضا فراہم کریں گے۔

    اچھی نوکری کا جھانسہ دے کر غیر ملکی لڑکی سے کیا گیا گھناؤنا کام

    سرگودھا سے 151 لڑکیاں بازیاب،21 قحبہ خانوں سے ملیں،ڈی پی او کا سپریم کورٹ میں بیان

    معذور لڑکی کی نعش قبر سے نکال کر بیحرمتی،ملزمان گرفتار نہ ہو سکے

    سات سالہ بچی سے زیادتی کا ملزم پولیس مقابلے میں ہلاک

  • کامن ویلتھ گیمز:7 سال سے اس گیم کو جیتنے کی کوشش کررہا تھا ،نوح دستگیر

    کامن ویلتھ گیمز:7 سال سے اس گیم کو جیتنے کی کوشش کررہا تھا ،نوح دستگیر

    برمنگھم میں جاری کامن ویلتھ گیمز میں گوجرانوالہ کے 24 سالہ پاکستانی ویٹ لفٹر نوح دستگیر بٹ نے گولڈمیڈل جیت کر نیا ریکارڈ قائم کر دیا-

    باغی ٹی وی : پاکستانی ویٹ لفٹر نوح دستگیر بٹ نے برطانیہ میں جاری کامن ویلتھ گیمز میں 109 ویٹ کیٹگری میں مجموعی طور پر 405 کلوگرام وزن اٹھایا۔ اسنیچ میں 173جبکہ کلین اینڈ جرک میں 232کلوگرام وزن اٹھایا جو 109 ویٹ کیٹگری میں کامن ویلتھ گیمز کا نیا ریکارڈ ہے۔

    کامن ویلتھ گیمز میں پاکستان نے پہلا گولڈ میڈل جیت لیا

    نوح دستگیر بٹ نے 2022 کے کامن ویلتھ گیمز میں گولڈ میڈل جیتنے سے قبل 2018 کے کامن ویلتھ گیمز میں کانسی کا تمغہ جیتا تھا۔2017 اور 2021 میں منعقدہ کامن ویلتھ ویٹ لفٹنگ چیمپئن شپ میں چاندی کے تمغے جیتے۔ وہ دو مرتبہ کامن ویلتھ جونیئر ویٹ لفٹنگ چیمپئن شپ میں بھی کانسی کے تمغے جیت چکے ہیں۔

    نوح دستگیر بٹ کا تعلق ویٹ لفٹنگ کی مشہور فیملی سے ہے ان کے کیریئر پر ان کے والد کا گہرا اثر رہا ہے، نوح کے والد غلام دستگیر بٹ ساؤتھ ایشین گیمز میں چار مرتبہ گولڈمیڈل جیت چکے ہیں، نوح بٹ اپنے والد کی نگرانی ہی میں ٹریننگ کرتے ہیں-

    کامن ویلتھ گیمز: سری لنکن جوڈو کھلاڑی اور آفیشل ایونٹ سے لاپتہ

    نجی چینل کو انٹرویو دیتے ہوئے نوح دستگیر نے کہا کہ 7 سال سے اس گیم کو جیتنے کی کوشش کررہا تھا اتنا وزن اٹھانا آسان نہیں ہوتا، 12 سے 13 سال کی محنت کے بعد یہ کر پایا۔

    ان کا کہنا تھاکہ گھر میں ہی والد صاحب ٹریننگ کراتے ہیں،میرے والد بھی انٹرنیشنل ویٹ لفٹر تھےجبکہ بھائی بھی اس کھیل میں ہے۔ پچھلی بار برانز میڈل لیا تھا مگر اس بار پاکستان کا نام روشن کیاحکومت سے کہنے کی ضرورت نہیں،میں نے اپنا کام کردیا،اب وہ کر کے دکھائیں۔

    واضح رہے کہ نوح دستگیر بٹ نے کامن ویلتھ گیمز 2022 میں پاکستان کیلئے پہلا گولڈ میڈل جیتا ہے نوح دستگیر بٹ کا گولڈ کامن ویلتھ گیمز کی تاریخ میں پاکستان کا صرف دوسرا گولڈ میڈل ہے، اس سے قبل 2006 میں شجاع الدین ملک نے پاکستان کیلئے ویٹ لفٹنگ میں طلائی تمغہ جیتا تھا۔

    پاکستانی باکسر زوہیب رشید غلطی کے باعث کامن ویلتھ گیمز سے باہر

  • اشتعال انگیز تقریر، کیپٹن ر صفدر پر فرد جرم عائد

    اشتعال انگیز تقریر، کیپٹن ر صفدر پر فرد جرم عائد

    اشتعال انگیز تقریر، کیپٹن ر صفدر پر فرد جرم عائد

    باغی ٹی وی کی رپورٹ کے مطابق مسلم لیگ ن کی رہنما مریم نواز کے شوہر، کیپٹن ر صفدر پر اشتعال انگیز تقریر کیس میں فرد جرم عائد کر دی گئی ہے

    کیپٹن ر صفدر پر فرد جرم گوجوانوالہ کی عدالت نے عائد کی ہے،کیپٹن (ر) صفدر اور ن لیگ کے رکن اسمبلی عمران خالد بٹ جوڈیشل مجسٹریٹ محمد اعظم خان کی عدالت میں پیش ہوئے دھمکی آمیز تقاریر کیس میں ایم پی اے عمران خالد بٹ پر فرد جرم عائد کر دی گئی کیپٹن(ر) صفدر اور ایم پی اے نے صحت جرم سے انکارکر دیا ہے،جوڈیشل مجسٹریٹ نے ملزمان کو 20 جون کو طلب کر لیا ہے تھانہ سیٹلائٹ ٹاؤن نے 2020 میں مقدمہ درج کیا تھا عدالت نے کیپٹن (ر) صفدر اور وفاقی وزیر خرم دستگیر کو آئندہ خاصری سے استثناء دے دی ،عدالت نے حکم دیا کہ سابق ڈپٹی مئیر اور لیگی ایم پی اے عمران خالد ہر پیشی پر پیش ہوں گے

    عدالت پیشی کے موقع پر کیپٹن رصفدر نے میڈیا سے بات کرتے ہوئے کہا کہ ہمیشہ عدالتوں میں پیش ہوئے ہیں، عدالت کا حکم قبول کریں گے وزیر اعظم ملک کو بحران سے نکال رہے ہیں جب سے شہباز شریف آئے ہیں کسی پر کوئی مقدمہ نہیں بنا اداروں کے خلاف بیان بازی پرعمران خان پر مقدمہ بننا چاہیے

    ن لیگی قیادت پر غداری کا مقدمہ درج کروانے والے بدر رشید کی گورنر پنجاب کے ساتھ تصاویر وائرل

    ن لیگی قیادت پر بغاوت کے مقدمے کا مدعی خود ریکارڈ یافتہ ملزم نکلا

    جاوید لطیف محب وطن،مجھے گرفتار کیا گیا تو قیادت کون کریگا؟ مریم نواز نے اعلان کردیا

    غداری کا مقدمہ، کیپٹن ر صفدر کی درخواست ضمانت پر لاہور ہائیکورٹ نے سنایا فیصلہ

    ن لیگی قیادت پر غداری کا مقدمہ درج کروانے والے بدر رشید کی گورنر پنجاب کے ساتھ تصاویر وائرل

  • گوجرانوالہ،جلسے سے قبل عمران خان کے پوسٹر پر سیاہی پھینک دی گئی

    گوجرانوالہ،جلسے سے قبل عمران خان کے پوسٹر پر سیاہی پھینک دی گئی

    گوجرانوالہ،جلسے سے قبل عمران خان کے پوسٹر پر سیاہی پھینک دی گئی
    باغی ٹی وی کی رپورٹ کے مطابق تحریک انصاف کے چیئرمین سابق وزیراعظم عمران خان حکومت کے‌ خاتمے کے بعد مختلف شہروں میں جلسے کر رہے ہیں،

    عمران خان آج گوجرانوالہ میں جلسہ کریں گے، جلسے کی تیاریاں و انتظامات مکمل کر لئے گئے ہیں، عمران خان سمیت دیگر پارٹی قائدین جلسے سے خطاب کریں گے، عمران خان کے جلسے کے حوالہ سے تحریک انصاف کے کارکنان پرجوش ہیں تا ہم دوسری جانب گوجرانوالہ میں ایک واقعہ پیش آیا ہے، جی ٹی روڈ پر پی ٹی آئی کے تشہیری پوسٹرز پر سیاہی پھینک دی گئی، تشہری پوسٹر پر عمران خان کی تصویر لگی ہوئی تھی اور سیاہی عمران خان کے چہرے پر پھینکی گئی، ایک دوسری جگہ ایک پوسٹر پر رکن پنجاب اسمبلی اشرف انصاری کی تصویر پر لوٹا لکھ دیا گیا ، اشرف انصاری ن لیگ کے ٹکٹ سے منتخب ہوئے تھے تا ہم بعد میں انکی ہمدردیاں پی ٹی آئی کے ساتھ ہو گئیں،

    تحریک انصاف کا جلسہ جناح سٹیڈیم میں ہونا ہے،جلسے کے لئے سٹیج اور کرسیاں لگا دی گئی ہیں ،تحریک انصاف کے زیر اہتمام گزشتہ شب ایک ریلی بھی نکالی گئی ،

    صوبائی صدر تحریک انصاف خواتین ونگ تاشفین صفدر کا کہنا ہے کہ عمران خان کی کال پر پاکستان کی بقا کی خاطر سڑکوں پر نکلے ہیں گوجرانوالہ کے شہری جلسہ میں بھرپور شرکت کر کے اپنے قائد کی خدمات کو خراج تحسین پیش کریں امپورٹر حکومت صرف امریکہ کو خوش کرنے کی خاطر ملک کا نقصان کر رہی ہے .

    علاوہ ازیں ضلعی انتظامیہ نے پی ٹی آئی کو جلسےکی مشروط اجازت دیدی پی ٹی آئی کی این او سی کو 37 شرائط کے ساتھ مشروط کیا گیا ،شرط رکھی گئی کہ جلسے میں ملکی اداروں کیخلاف بات نہیں کی جائے گی،سرکاری املاک کے نقصانات کی ذمہ دار جلسہ انتظامیہ ہوگی جلسہ پرامن ہوگا، کسی پارٹی پرچم کو نذر آتش نہیں کیا جائے گا انتظامیہ جلسے کے بعد اسٹیڈیم گراونڈ کی بحالی کی پابند ہوگی جلسے میں ملکی اداروں کیخلاف بات نہیں کی جائے گی،سرکاری املاک کے نقصانات کی ذمہ دار جلسہ انتظامیہ ہوگی

    طالب علم سے زیادتی کر کے ویڈیو بنانیوالے ملزم گرفتار

    ملازمت کے نام پر لڑکیوں کی بنائی گئیں نازیبا ویڈیوز،ایک اور شرمناک سیکنڈل سامنے آ گیا

    200 سے زائد نازیبا ویڈیو کیس میں اہم پیشرفت

    شادی کے جھانسے میں آ کر تعلق قائم کر لیا، اب بلیک میل کیا جا رہا،سٹیج اداکارہ

    آرٹیکل تریسٹھ اے اہم ایشو،رات تاخیر تک اس مقدمہ کو سننے کے لیے تیار ہیں،چیف جسٹس

  • گھریلو جھگڑے پر سفاک ماں نے 8 ماہ کی بیٹی کو قتل کر دیا

    گھریلو جھگڑے پر سفاک ماں نے 8 ماہ کی بیٹی کو قتل کر دیا

    گوجرانوالہ :گھریلو جھگڑے پر سفاک ماں نے گلہ دبا کر 8 ماہ کی بیٹی قتل کردی۔

    باغی ٹی وی : تفصیلات کے مطابق گوجرانوالہ کے علاقے جناح روڈ پر سفاک ماں نے گھریلوجھگڑا ہونے پر اپنی 8 ماہ کی معصوم بیٹی کو قتل کردیا، واقعے کی اطلاع ملتے ہی تھانہ جناح روڈ کی پولیس موقع پر پہنچ گئی اور ملزمہ کو حراست میں لے لیا۔

    والد،والدہ،بہن، بھانجے،ساس کو قتل کرنیوالا سفاک ملزم گرفتار

    پولیس کے مطابق واقعہ تھانہ جناح روڈ کے علاقہ جگنہ بازار میں پیش آیا، خدیجہ نامی خاتون کا اپنے شوہر نبیل سے خرچے پر جھگڑا ہوا، جس پر خاتون نے طیش میں آکر 8 ماہ کی معصوم بچی آمنہ کا گلہ دبا دیا، اور دم گھٹنے سے بچی موقع پر ہی جاں بحق ہوگئی۔

    قبل ازیں پسند کی شادی کے اصرار پر باپ نے مبینہ طور پر بیٹے کے ساتھ مل کر بیٹی کو قتل کر دیا تھا کراچی کے علاقے گلشن معمار میں بڑی عمر کے آدمی سے شادی کے انکار اور پسند کی شادی کے اصرار پر باپ بیٹے نے لڑکی کو قتل کرکے دفنا دیا بھائی نے بہن پر تشدد کیا اور اسکے ہی ڈوپٹے سے گلہ دبایا اور پھر واقعہ کو خودکشی کا رنگ دینے کی کوشش کی تاہم پولیس نے بروقت کارروائی کرتے ہوئے دونوں ملزمان کو گرفتار کرلیا تھا-

    دوسری جانب لاہور میں پولیس نے کارروائی کرتے ہوئے 6 افراد کے قتل میں ملوث ملزم کو گرفتار کرلیا ہے لاہور کے گرین ٹاؤن میں 6 افراد کے قتل کے معاملے میں اہم پیش رفت سامنے آئی، پولیس نے ملزم کو گرفتار کرلیا ہے۔ مبینہ قاتل کے خلاف دو مختلف تھانوں میں مقدمات درج ہیں۔

    موبائل میں مصروف لڑکی پر سے ٹرین گزر گئی

    مقدمات میں قتل اور اقدام قتل کی دفعات شامل ہیں چار افراد کے قتل کا ایک مقدمہ ملزم کی بہن کی مدعیت میں درج کیا گیا جبکہ دوسرا مقدمہ ملزم کی بیوی کے ماموں کی مدعیت میں درج کیا گیا۔

    پولیس کا کہنا ہے کہ ملزم کے خلاف قانونی کارروائی کا آغاز کردیا گیا ہے جلد مکمل حقائق سامنے آئیں گے۔

    پسند کی شادی کے اصرار پر باپ بیٹے نے لڑکی کو قتل کر دیا

  • جائیداد کا لالچ: بوڑھی ماں کو زنجیروں سے باندھ کر رکھنے والا بد بخت بیٹا گرفتار

    جائیداد کا لالچ: بوڑھی ماں کو زنجیروں سے باندھ کر رکھنے والا بد بخت بیٹا گرفتار

    گوجرانوالہ: پولیس نے جائیداد کی لالچ میں بوڑھی ماں کو زنجیروں سے باندھ کر رکھنے والے بد بخت بیٹے کو گرفتار کرلیا۔

    باغی ٹی وی : تفصیلات کے مطابق گوجرنوالہ کے تھانہ گکھڑ منڈی میں بوڑھی ماں کو جائیداد کی لالچ میں زنجیروں سے باندھ کر قید رکھنے والے بدبخت بیٹے کو گرفتار کرکے معمر خاتون کو بازیاب کرالیا۔

    بھائی کو قتل کر کے خود ہی مدعی بننے والا پولیس سے نہ بچ سکا

    سی پی او گوجرانوالہ حماد عابد کے مطابق ملزم اعجاز اپنی والدہ کا گھر زبردستی اپنے نام کروانا چاہتا تھا، اور والدہ کے انکار پر بدبخت بیٹے نے ماں کو گھر میں زنجیروں سے باندھ کر قید کردیا، مقامی پولیس نے ایکسپریس نیوز کی نشاندہی پر کارروائی کرکے بدبخت بیٹے کو گرفتار کر لیا، اور اس کے خلاف مقدمہ درج کرلیا گیا ہے۔

    سی پی او گوجرانوالہ کا کہنا تھا کہ ضلع بھر میں تحفظ والدین آرڈیننس پر عملدرآمد کو یقینی بنایا جا رہا ہے، قانون شکن عناصر کو راہ راست پر لانے کے لئے ہر قانونی راستہ اپنائیں گے۔

    لاہور:16 سالہ طالبہ کو ہراساں کرنے والے 3 اوباش نوجوان گرفتار

    قبل ازیں بھائی کو قتل کر کے خود ہی مدعی بننے والا پولیس سے نہ بچ سکامقتول ظہور احمد کا بھائی مدعی مقدمہ وقار احمد قاتل نکلا ملزم نے اپنے جرم کا اعتراف کرلیا ملزم آلہ قتل سمیت گرفتار ملزم کو تھانہ خانمائی منتقل کردیا گیا چارسدہ کے تھانہ خانمائی کی حدود عمرگلے میں حال ہی میں فائرنگ کے اندھے قتل کا واقعہ پیش آیا جس میں مدعی وقار احمد نے ابتدائی رپورٹ کے دوران کہا تھا کہ ان کے بھائی مقتول ظہور ولد خالد خان کو نامعلوم افراد نے فائرنگ کرکے قتل کر دیا ہے –

    سوات ، نارووال میں تشدد اور قتل کے لرزہ خیز واقعات

    مدعی رپورٹ پر مقدمہ درج کرلیا اندھے قتل کیس کا نوٹس لیتے ہوئے ڈی پی او چارسدہ سہیل خالد نے ملزمان کی گرفتاری کیلئے ایس پی انویسٹیگیشن چارسدہ سجاد خان کی سربراہی میں ڈی ایس پی سرڈھیری صابرگل خان،ایس ایچ او خانمائی طارق سعید خان سی آئی او خانمائی اور دیگر پولیس افسران پر مشتمل ٹیم تشکیل دی پولیس ٹیم نے سائنسی خطوط پر تفتیش کا آغاز کرتے ہوئے شک کی بناء پر مقتول کے بھائی وقار احمد کو شامل تفتیش کیا ۔ دوران تفتیش مقتول کے بھائی مدعی مقدمہ نے اقرار جرم کرتے ہوئے حقائق اگل دیئے ان کا کہنا تھا کہ مقتول بھائی ظہوراحمد کو گھریلو اختلافات پر قتل کیا ہے۔پولیس نے ملزم کو تھانہ خانمائی منتقل کرکے مزید تفتیش شروع کردی-

    شادی سے انکارپر 24 سالہ لڑکی پر تیزاب پھینکنے والا ملزم گرفتار

  • گوجرانوالہ :سیاسی و سماجی شخصیت کا ق لیگ میں شمولیت کا اعلان

    گوجرانوالہ :سیاسی و سماجی شخصیت کا ق لیگ میں شمولیت کا اعلان

    سپیکر پنجاب اسمبلی چودھری پرویزالٰہی سے گوجرانوالہ کی معروف سیاسی و سماجی شخصیت چودھری شبیر جمیل نے ملاقات کی، پاکستان مسلم لیگ ق میں شمولیت کا اعلان کر دیا-

    باغی ٹی وی : چودھری پرویزالٰہی نے کہا کہ پاکستان سے ہی ہماری شناخت ہے الزام تراشی سے کچھ حاصل نہیں ہو گا، سب کو مل کر ملکی مفاد کیلئے کام کرنا ہوگا ملک کو موجودہ معاشی و سیاسی بحران سے نکالنے کیلئے تمام جماعتوں کو اپنا کردار ادا کرنا ہو گا ورنہ یاد رکھیں تاریخ کسی کو معاف نہیں کرے گی-

    بلوچستان میں ممکنہ دہشت گردی کا خطرہ، لیویز اہلکاروں کی چھٹیاں منسوخ ،ہائی الرٹ جاری

    چودھری پرویزالٰہی نے کہا کہ سیاسی پوائنٹ سکورنگ کی بجائے تمام سیاسی قائدین اپنے ذاتی مفادات بالائے طاق رکھتے ہوئے پاکستان کی ترقی و بہتری کیلئے اپنا کردار ادا کریں-

    چودھری بشیر جمیل نے کہا کہ چودھری شجاعت حسین اور چودھری پرویزالٰہی کے منشور کو لے کر چلنا ہی کامیابی کا راستہ ہے بعد ازاں چودھری بشیر جمیل نے چودھری پرویزالٰہی کو گوجرانوالہ کے دورے کی دعوت بھی دی-

    اے آر وائی نیٹ ورک کا ملازمین کی تنخواہیں 80 فیصد تک بڑھانے کا اعلان،وزیراعظم کا بیان بھی سامنے آگیا

    علامہ احسان الٰہی ظہیر کے نواسے ڈاکٹر سبیل اکرام اور حافظ سجاد بھی ملاقات میں موجود تھے –

    جماعت اسلامی کو زرداری مافیا نے دھوکہ دیا ،علی زیدی،پیپلزپارٹی نے جماعت اسلامی…

  • گینگ ریپ میں نامزد اشتہاری ملزم 6 سال بعد گرفتار

    گینگ ریپ میں نامزد اشتہاری ملزم 6 سال بعد گرفتار

    پنجاب پولیس نے 6 سال سے روپوش گینگ ریپ میں نامزد اشتہاری ملزم کو گرفتار کرلیا۔

    باغی ٹی وی :تفصیلات کے مطابق پنجاب پولیس نے علامہ اقبال انٹرنیشنل ایئرپورٹ پر کارروائی کرتے ہوئے بیرون ملک سے واپس آنے والے اشتہاری ملزم شجر حسین کو وطن واپسی پر گرفتار کیا ملزم گینگ ریپ مقدمے میں نامزد ہے، جس نے گوجرانوالہ میں 6 سال قبل طالبہ کو مبینہ زیادتی کا نشانہ بنایا تھا۔

    جاب سکینڈل تونسہ،خاتون سمیت جعلساز اور نوسرباز گروہ کے تین افراد گرفتار

    ترجمان پولیس کے مطابق ملزم طالبہ کو زیادتی کے بعد بیرون ملک میں روپوش تھا، جس کی گرفتاری کے لیے کوشش بھی کی گئی ،ملزم کو سی آئی اے گوجرانوالہ کے حوالے کردیا گیا ہے۔


    دوسری جانب گجرات میں عزیز بھٹی شہید ہسپتال سے اغواء ہونے والا نومولود بچہ پولیس تھانہ سول لائنز نے دو گھنٹے کے اندر بازیاب کروالیا گجرات پولیس نے ہسپتال سے اغواء ہونے والے نومولود بچے کو 2 گھنٹوں میں بازیاب کروا لیا سی سی ٹی وی کیمروں کی مدد سے اغواء کار خاتون شاہدہ بی بی کو گرفتار کر لیا گیا ہے والدین نے پولیس کا شکریہ ادا کیا۔

    میڈیکل کالج کی طالبہ کی خودکشی کا معاملہ:بلیک میلنگ میں ملوث ملزم گرفتار

    واضح رہے کہ گزشتہ رات لاہور کے تھانہ نصیر آباد کی حدود میں شادی کی تقریب میں ہوائی فائرنگ سے جاں بحق ہونے والے افراد کی شناخت ماجد اور جاوید کے ناموں سے ہوئی مقتول ماجد پولیس کے محکمہ اے وی ایل ایس میں بطور کانسٹیبل تعینات تھا دونوں بھائیوں کو فائرنگ کے بعد لاہور کے جنرل اسپتال منتقل کیا گیا جہاں وہ دورانِ علاج دم توڑ گئے واقعے کے بعد آئی جی پنجاب نے شادی کی تقریب میں ہوائی فائرنگ سے دو بھائیوں کے جاں بحق ہونے کے واقعہ کا نوٹس لیتے ہوئے سی سی پی او فیاض احمد سے رپورٹ طلب کی۔

    اسلام آباد:تاجی کھوکھر کے بیٹے فرخ کھوکھر کی گرفتاری کے لئے کھوکھر ہاؤس پر چھاپہ

    آئی جی پنجاب راؤ سردار علی خان نے ملزمان کے خلاف سخت قانونی کاروائی عمل میں لانے کی ہدایت کرتے ہوئے کہا کہ ہوائی فائرنگ جیسے خونی کھیل آپ کی خوشیوں کو غم میں تبدیل کر دیتے ہیں، شہریوں سے گزارش ہے کہ ایسے قانون شکن عناصرکو اپنی خوشیوں کی تقریبات میں مدعو نہ کیا کریں انہوں نےاپیل کی کہ شہری اپنے اردگرد ہوائی فائرنگ جیسے واقعات دیکھیں تو فوری 15 پر پولیس کو اطلاع دیں۔

    ہائی کورٹ نے ریپ کیس میں متاثرہ کمسن بچی کا بیان بھی قابل تسلیم گواہی قراردیا

    قبل ازیں لاہور ہائی کورٹ نے ریپ کیس میں متاثرہ کمسن بچی کے بیان کو بھی قابل تسلیم گواہی قرار دے دیا لاہور ہائی کورٹ نے 6 سالہ بچی سے زیادتی کے مجرم کامران کی عمر قید کے خلاف اپیل خارج کرنے کا تحریری فیصلہ جاری کردیا عدالت نے فیصلے میں لکھا کہ 6 سالہ معصوم گڑیا کو اسکول جانے کے ایک ماہ بعد شیطان صفت کامران نے اسکول کے بیت الخلا میں زیادتی کا نشانہ بنایا، متاثرہ بچی نے عدالت میں سارا وقوعہ بلند حوصلے اور مضبوط الفاظ میں قلمبند کروایا، بچی کا بیان مدعی اور شواہد کےساتھ مطابقت رکھتا ہے، ٹرائل عدالت نے بچی کا بیان تسلیم شدہ قرار دےکر درست فیصلہ کیا۔

    شادی میں ہوائی فائرنگ سے دو سگے بھائی جاں بحق

    عدالت نے مزید لکھا کہ متاثرہ بچی کا بیان تسلیم کرنے کے اصول پر عمل کرنے کا بہترین وقت ہے، زیادتی سے متاثرہ فرد کا بیان زخمی فرد سے زیادہ اہمیت رکھتا ہے، مجرم کو سزا دلوانے کیلئے زیادتی سے متاثرہ شخص کا محض بیان ہی کافی ہے، مجرم کا وقوعہ کا مقدمہ تاخیر سے درج کرانے کا اعتراض ناقابلِ تسلیم ہے، والدین نے مقدمے کےنتائج پر غور و خوص کےبعد ہی بچی کا میڈیکل کرایا، ڈاکٹروں نے بھی بچی کےساتھ جنسی زیادتی کی تصدیق کی،پراسیکیوشن نے بلا شک وشبہ مجرم کے خلاف اپنا کیس ثابت کیا۔

    سات سالہ بچی سے زیادتی کی کوشش کرنے والا درندہ گرفتار