گوجرانوالہ: ڈائریکٹر انفارمیشن گوجرانوالہ ڈویژن عابد نور بھٹی نے کہا ہے کہ محنتی اور فرض شناس سرکاری ملازمین محکمہ کا قیمتی اثاثہ ہوتے ہیں اپنے پیشہ وارانہ امور ایمانداری اور احسن طریقے سے انجام دہی کسی بھی منصب کا تقاضا ہو تا ہے – انہو ں نے کہاکہ آفس کے تمام ملازمین میرے بچوں کی طرح ہیں اور ان کے تمام مسائل ترجیحی بنیادوں پر حل کئے جائیں گے- یہ بات انہو ں نے ڈائر یکٹوریٹ انفارمیشن گوجر انوالہ ڈویژن کے دو اہلکاروں شو کت علی چوکیدار اور محمد اشفاق دفتری کے اعزاز میں منعقدہ الوداعی تقریب سے خطاب کر تے ہو ئے کہی،تقریب کے مہمان خصو صی ایم ڈی سر پرائز نیوز و معروف بزنس مین شاہدمحمود تھے جبکہ ڈپٹی ڈائر یکٹر انفارمیشن گوجرانوالہ سید افتخار علی شاہ، ڈپٹی ڈائر یکٹر انفارمیشن گوجرانوالہ طاہر چودھری، ڈپٹی ڈائر یکٹر منڈی بہاؤالدین راجہ منصور علی، ڈسٹرکٹ انفارمیشن آفیسر گجرات سید وقار جاوید نقوی، ڈسٹرکٹ انفارمیشن آفیسر سیالکوٹ محمد شہزاد، ڈسٹرکٹ انفارمیشن آفیسر گوجر انوالہ منور حسین، ڈاکٹر محمد رفیق کھوکھر، سپرنٹنڈنٹ قاضی احسن شبیر، اسسٹنٹ محمد شکیل اور دفتر کے دیگر اہلکاروں نے شر کت کی- تقریب کے مہمان خصو صی معروف صنعت کار شاہد محمود نے کہا کہ ڈائر یکٹر انفارمیشن آفس سے ریٹائر ہونے والے دونوں ملازمین بلاشبہ محکمہ کا سرما یہ ہیں اور انہوں نے اپنی زندگی کا بہترین حصہ محکمہ کی خدمت میں صرف کیا ہے ان کی خدمات کو خراج تحسین پیش کرنے کے لئے آج کی پروقار تقریب کا انعقاد کیاگیا- انہو ں نے ڈائر یکٹر انفارمیشن عابد نور بھٹی کا بھی شکریہ ادا کیا کہ انہو ں نے اتنی اچھی تقریب میں مدعو کیا – انہوں نے کہا کہ ملازمت اور ریٹائرمنٹ سروس کا حصہ ہیں – محکمہ میں اچھی خدمات پیش کرنے والے ملازمین ہمیشہ یاد رہتے ہیں – انہو ں نے کہا کہ ان دونو ں ملازمین کی خدمات قابل تعریف ہیں – تقریب کے اختتام پر مہمان خصو ں صی نے ریٹائر ہونے والے ملازمین کی حوصلہ افزائی بھی کی اور انہیں یاد گاری تحائف سے بھی نوازا- تقریب کی نقابت کے فرائض ڈپٹی ڈائر یکٹر انفارمیشن سید افتخار علی شاہ نے سر انجام دیئے-

گوجرانوالہ:ڈپٹی کمشنر گوجرانوالہ نائلہ باقرکا بارش کے بعد شہر کا ہنگامی دورہ،شہر کی مختلف شاہراؤں اور نشیبی علاقوں میں واسا حکام کی طرف سے نکاسی آب کے انتظامات کا جائزہ لیا اور واسا حکام کو تمام نشیبی علاقوں سے ہنگامی بنیادوں پر نکاسی آب کے احکامات جاری کیے۔
ڈپٹی کمشنر کاوزیر آباد میں بھی سیلابی صورتحال کا جائزہ لینے کے لیے نالہ پلکھو،لویری والا بنداور الیگزینڈریا پُل ریلوے،خانکی بیراج سمیت مختلف مقامات کا بھی تفصیلی دورہ،دورہ کے موقع پر اسسٹنٹ کمشنر وزیر آباد وقار حسین، محکمہ ریلوے، محکمہ انہارو ڈرینیج کے افسران سمیت دیگر بھی ان کے ہمراہ تھے۔
انہوں نے دورہ کے موقع پر نالہ پلکھو اوردریائے چناب کے مختلف مقامات پر سیلابی پانی کی اپ اور ڈاؤن سٹریم،سیلابی پانی سے ہونے والے نقصانات اور الیگزینڈریا پُل کے مقام پر گزرنے والے سیلابی ریلوں کی تفصیلات بھی دریافت کیں اور متعلقہ حکام کو کسی بھی ہنگامی صورتحال سے نمٹنے اور نقصانات سے بچاؤ کے لیے الرٹ رہنے کی ہدایات جاری کیں۔
اسسٹنٹ کمشنر وزیر آباد اور محکمہ انہار کے افسران نے ڈپٹی کمشنر کو موجودہ سیلابی صورتحال سے آگاہ کرتے ہوئے بتایا کہ دریائے چناب الیگزینڈریا پُل کے مقام پر پانی کا لیول 76ہزار کیوسک ہے جو کہ نارمل ہے جس سے فی الحال آبادی اور ملحقہ علاقوں کو کسی قسم کا خطرہ نہیں۔انہوں نے مزید بتایا کہ ہائی لیول کا سیلاب 2سے 4لاکھ کیوسک اور اونچے درجے کا سیلاب 4سے 6لاکھ کیوسک تک ہے،مرالہ کے مقام پر نچلے لیول کا سیلاب 1سے ڈیڑھ لاکھ کیوسک،درمیانے درجے کا سیلاب ڈیڑھ سے 2لاکھ کیوسک تک ہے۔انہوں نے بتایا کہ اس وقت دریائے چناب میں مرالہ اور خانکی کے مقام پر سیلاب کی صورتحال نارمل ہے۔ڈپٹی کمشنر نے نیشنل ڈیزاسٹر مینجمنٹ اتھارٹی کی طرف سے جاری الرٹ کے پیش نظر تمام اسسٹنٹ کمشنرز،محکمہ انہار،واسا اور دیگر متعلقہ محکموں کو کسی بھی ناخوشگوار صورتحال سے نمٹنے کے لیے مکمل طور پر الرٹ رہنے کی ہدایات جاری کیں۔

گوجرانوالہ :ڈپٹی کمشنر گوجرانوالہ نائلہ باقر نے کہاہے کہ سیلاب سے بچاؤ کے سلسلہ میں ضروری اقدامات کو حتمی شکل دی جارہی ہے اور ضلعی انتظامیہ متعلقہ محکموں کے ساتھ مل کر سیلاب کی صورتحال میں انسانی جان ومال کے تحفظ اور سیلاب میں گھرے افراد اورمال مویشی کو محفوظ مقامات پر منتقل کرنے کیلئے ممکنہ مادی اور مالی وسائل بروئے کار لائے گی- انہوں نے کہا کہ فلڈ پلان2019 کے مطابق تمام اضلاع میں محکموں کے افسران کی ذمہ داریوں کا تعین کیا جاچکا ہے اور فلڈ کنٹرول روم قائم کردئیے گئے ہیں – ان خیالات کا اظہارانہوں نے سیلابی صورت حال سے نمٹنے کے لیے محکمانہ انتظامات کا جائزہ اجلاس سے خطاب کرتے ہوئے کیا- اجلاس میں ایڈیشنل ڈپٹی کمشنر ریونیو شاہد حنیف، اے ڈی سی جی ڈاکٹر رابعہ ریاست، تمام تحصیلوں کے اسسٹنٹ کمشنرز صدر حنا ارشد،وزیرآباد وقار حسین، کامونکی شاہد عباس جوتہ، نوشہرہ ورکاں،سی ای او ہیلتھ، ڈی او ہیلتھ ڈاکٹر فرید، ڈی او ایمرجنسی کمال عابد، ڈی او ہلال احمر بلال عنایت، ڈی ڈی زراعت جاوید اختر،اے ایم ایس ڈاکٹر گلزار، ڈی ایس پی پولیس محمد اطہر، میونسپل کارپوریشن، واسا، پولیس ودیگر محکموں کے افسران شریک تھے-
ڈپٹی کمشنر نے محکمہ انہار اور ڈرینیج، میونسپل کمیٹیز، ضلع کونسل سمیت دیگر کو نالوں کی صفائی کی ہدایت کی جبکہ نالہ ڈیک، نالہ پلکھو، ہسری ڈرین، لُٹرکی ڈرین کی ڈی سلٹنگ، پشتوں، بندوں کی مضبوطی بارے محکمہ انہار و ڈرینیج حکام کو ہدایات جاری کرتے ہوئے سرٹیفکیٹ بھی طلب کرلیا- اجلاس میں تمام محکموں کی شرکت، انتظامات، ڈرین نالوں کی صفائی، مشینری کے فنکشنل ہونے بارے جائزہ لیا گیا-ڈی او ایمرجنسی کمال عابد، ڈی اوہلال احمر بلال عنایت بٹ نے سیلابی صورت میں استعمال ہونے والے آلات اور مشینرvی کے فنکشنل ہونے بارے بریفنگ دی اور بتایا کہ ریسکیو 1122، ہلال احمر، واسا کی طرف سے فرضی مشقیں مکمل کر لی گئیں ہیں –

کسٹم حکام نے پنجاب کے شہر گوجرانوالہ سے اسمگل شدہ کروڑوں روپے مالیت کا سامان برآمد کر لیا

سابق صدر آصف زرداری کے آٹھ بے نامی جائیدادیں ضبط

باغی ٹی وی کی رپورٹ کے مطابق کسٹم انٹیلی جنس نے چناب ٹول پلازہ کے قریب کاروائی کی اور اس دوران کروڑوں روپے مالیت کا اسمگل شدہ سامان برآمد کر لیا، اسمگل شدہ سامان میں ادویات، کپڑے اور دیگر اشیاء شامل ہیں.

بلاول زرداری کے حلقہ میں خاتون نے فون پر بات کرنے سے انکار کیا تو اسکے ساتھ کیا ہوا، افسوسناک خبر

ڈی سی کسٹم کا کہنا ہے کہ چناب ٹول پلازہ سے پکڑا جانے والا سامان افغانستان سے لاہور لایا جا رہا تھا، یہ سامان افغانستان سے آیا اور لاہور کی مارکیٹوں میں جانا تھا، ڈی سی کسٹم نے مزید بتایا کہ سامان کی مالیت تین کروڑ روپے کی ہے.

چودھری نثار کی طبیعت ہوئی ناساز، ہسپتال منتقل

ن لیگ والےمجھے ٹرول کرنے کی زحمت نہ کریں، ماروی میمن نے ایسا کیوں کہا؟

پنجاب کے بعد سندھ میں بھی فارورڈ بلاک بنے گا، وفاقی وزیر ایوی ایشن کا دعویٰ

واضح رہے کہ افغانستان سے پاکستان میں منشیات سمگل کرنے کا بھی کاروبار تیزی سے پھیل رہا ہے، افغانستان سے پاکستان کے شہر کراچی میں آئس فروخت کرنے کے لئے بھجوائی جاتی ہے، دو ماہ قبل پولیس نے ایک ملزم کو گرفتار کیا تھا جس سے دو کلو آئس برآمد ہوئی تھی . گرفتار ملزم عابد بلوچ کو افغانستان سے حاجی گل نے دو کلو آئس کراچی پہچانے کے لئے دی تھی۔ منشیات کی منتقلی کے فی چکر میں ملزم کو پچاس ہزار روپے دیئے جاتے تھے۔