گوجرانوالہ(باغی ٹی وی،نامہ نگارمحمدرمضان نوشاہی) گوجرانوالہ کے علاقہ قلعہ دیدار سنگھ میں ایک دلخراش واقعہ پیش آیا ہے جہاں ایک 6 سالہ بچہ پلاسٹک دانہ مکسر مشین میں آ کر جاں بحق ہو گیا۔
تفصیلات کے مطابق، محلہ محمد پورہ میں 6 سالہ معیز مشین پر بیٹھا تھا کہ اچانک اس کا ہاتھ بٹن پر لگنے سے مشین چل پڑی۔ شور کی آواز سن کر لوگ اس کی طرف دوڑے لیکن ان کے پہنچنے سے پہلے ہی معیز دم توڑ چکا تھا۔
پولیس تھانہ قلعہ دیدار سنگھ نے واقعے کی اطلاع ملتے ہی کارروائی شروع کر دی ہے۔
گوجرانوالہ (نامہ نگارمحمدرمضان نوشاہی): گوجرانوالہ کی سٹی وزیرآباد پولیس نے رہزنی اور دکانوں میں ڈکیتی کی وارداتوں میں ملوث ایک افغانی گینگ کو گرفتار کر لیا ہے۔ پولیس نے ملزمان کے قبضے سے 11 لاکھ 35 ہزار روپے نقدی، 5 ڈبہ پیک موبائل فون، ایک موٹر سائیکل اور 2 پستول برآمد کیے ہیں۔
گرفتار ہونے والے ملزمان کی شناخت خیر اللہ اور محمد گل کے نام سے ہوئی ہے، جو افغانستان کے شہری ہیں۔ یہ ملزمان غیر قانونی طور پر پاکستان آتے تھے، وارداتیں کرتے اور پھر واپس چلے جاتے تھے۔ پولیس کے مطابق، یہ گینگ وزیرآباد کے علاوہ سیالکوٹ اور گجرات میں بھی وارداتیں کر چکا ہے۔
وزیرآباد پولیس نے جدید سائنسی طریقہ کار، ہیومن ریسورس اور سی سی ٹی وی کیمروں کی مدد سے ان ملزمان کا سراغ لگایا۔
اس حوالے سے سی پی او محمد ایاز سلیم نے کہا ہے کہ جرائم پیشہ عناصر کا خاتمہ اور معاشرتی برائیوں پر قابو پانا ان کی اولین ترجیح ہے۔
گوجرانوالہ (باغی ٹی وی نامہ نگار، محمد رمضان نوشاہی)پنجاب پولیس کے افسر، محسن محمد سفیان ٹوپا کو اسسٹنٹ سب انسپکٹر (ASI) سے سب انسپکٹر کے عہدے پر ترقی دے دی گئی ہے۔ ان کی اس ترقی پر پنجاب پولیس اور ان کے ساتھیوں کی جانب سے مبارک باد کا سلسلہ جاری ہے۔
تھانہ سٹی لالہ موسیٰ کے ایس ایچ او چوہدری احسان ٹوپا اور محرر تھانہ سٹی لالہ موسیٰ شوکت گجر نے محمد سفیان ٹوپا کو خصوصی طور پر مبارک باد پیش کی اور ان کے لیے نیک تمناؤں کا اظہار کیا۔
اس موقع پر تھانہ سٹی لالہ موسیٰ کی پوری ٹیم بھی موجود تھی جس میں اے ایس آئی مبشر حسین، سب انسپکٹر ملک عطرت، اے ایس آئی انصر میکن، اے ایس آئی چوہدری طارق حسین، اے ایس آئی سی سی ڈی کاشف جرال اور اے ایس آئی سید وقار شاہ شامل تھے۔ ان سب نے محمد سفیان ٹوپا کی کامیابی کو سراہا اور ان کی مزید ترقی کے لیے دعا کی۔
پنجاب پولیس کے افسران مرزا یاسر اور مرزا مظفر بیگ نے بھی محمد سفیان ٹوپا کو مبارک باد دی اور ان کی اس کامیابی کو محکمہ پولیس کے لیے باعث فخر قرار دیا۔
گوجرانوالہ (نامہ نگار محمد رمضان نوشاہی) گوجرانوالہ پولیس نے منشیات کے خلاف ایک بڑی مہم کے دوران دو بدنام زمانہ منشیات فروشوں کو گرفتار کرنے میں کامیابی حاصل کی ہے۔ ان ملزمان کے قبضے سے بھاری مقدار میں منشیات اور اسلحہ برآمد کیا گیا ہے۔
تفصیلات کے مطابق تھانہ نوشہرہ ورکاں پولیس نے خفیہ اطلاع پر کارروائی کرتے ہوئے ریکارڈ یافتہ ملزم عمار اور اس کے ساتھی سیف اللہ کو گرفتار کیا۔ پولیس نے ان کے قبضے سے 153 کلو 600 گرام چرس اور 25 کلو 200 گرام افیون برآمد کی، جس کی مجموعی مقدار 178 کلوگرام سے زائد بنتی ہے۔ اس کے علاوہ ملزمان سے اسلحہ بھی برآمد کیا گیا ہے۔ گرفتار ملزمان کے خلاف مقدمہ درج کر کے قانونی کارروائی کا آغاز کر دیا گیا ہے۔
اس اہم کارروائی کے حوالے سے سی پی او محمد ایاز سلیم نے اپنے بیان میں کہا کہ نوجوان نسل کو منشیات کی لعنت سے بچانا اور ان کے لیے ایک محفوظ مستقبل کو یقینی بنانا ہماری اولین ترجیح ہے۔ انہوں نے اس عزم کا اعادہ کیا کہ گوجرانوالہ پولیس منشیات سے پاک معاشرہ بنانے کے لیے اپنی کوششیں جاری رکھے گی۔
یہ کارروائی گوجرانوالہ پولیس کی جانب سے شہر میں منشیات کے کاروبار کا مکمل خاتمہ کرنے کی جاری کوششوں کا ایک اہم حصہ ہے۔
گوجرانوالہ( باغی ٹی وی، نامہ نگار محمد رمضان نوشاہی) تھانہ پیپلز کالونی پولیس کی بروقت اور کامیاب کارروائی کے نتیجے میں خاتون کی نقدی اور طلائی زیورات لے کر فرار ہونے والا رکشہ ڈرائیور گرفتار کر لیا گیا۔ پولیس نے جدید سائنٹفک طریقہ کار اور سیف سٹی کیمروں کی مدد سے ملزم کو ٹریس کیا۔
گرفتار ملزم کی شناخت محمد نعمان سرور کے نام سے ہوئی ہے جس کے قبضے سے 22 تولہ طلائی زیورات اور لاکھوں روپے نقدی سمیت کل مالیتی تقریباً ایک کروڑ روپے کا مال مسروقہ برآمد کیا گیا۔
سی پی او محمد ایاز سلیم کا کہنا ہے کہ شہریوں کے جان و مال کا تحفظ پولیس کی اولین
گوجرانوالہ کی عدالت میں تحریک انصاف کے رہنماؤں عمر ایوب، زرتاج گل اور احمد چٹھہ کے خلاف 9 مئی کے مقدمے کی سماعت ہوئی۔
ذرائع کے مطابق، انسداد دہشتگردی عدالت (اے ٹی سی) کے جج کے تبادلے کے باعث کیس کی سماعت سیشن عدالت میں کی گئی۔سماعت کے دوران عمر ایوب، زرتاج گل اور احمد چٹھہ عدالت میں پیش نہیں ہوئے۔ عدالت نے احمد چٹھہ کی درخواستِ ضمانت عدم پیروی کی بنیاد پر خارج کر دی۔
جبکہ عمر ایوب اور زرتاج گل کے وکیل کی جانب سے عدالت میں درخواست پیش کی گئی، جس میں موقف اختیار کیا گیا کہ دونوں رہنما بیمار ہیں، اس لیے پیش نہیں ہو سکتے۔عدالت نے درخواست منظور کرتے ہوئے عمر ایوب اور زرتاج گل کی ضمانت میں 15 اگست تک توسیع کر دی۔
آزاد فلسطینی ریاست کے قیام تک ہتھیار نہیں ڈالیں گے: حماس
برطانیہ کو ہجرت کے بحران کا سامنا، ایک سال میں 7 لاکھ سے زائد افراد کا اضافہ
یوکرین کا روس کی آئل تنصیبات اور ملٹری ایئر فیلڈ پر ڈرون حملوں کا دعویٰ
گوجرانوالہ (باغی ٹی وی،نامہ نگار محمد رمضان نوشاہی) گوجرانوالہ پولیس کی جرائم پیشہ عناصر کے خلاف مؤثر کارروائیوں پر آئی جی پنجاب ڈاکٹر عثمان انور کی جانب سے افسران و اہلکاروں کو کیش انعامات اور تعریفی اسناد سے نوازا گیا۔ تھانہ تتلے والا کے دلیر اے ایس آئی ثقلین اعظم اور ان کی ٹیم کو سنگین وارداتوں میں ملوث بدنام زمانہ مجرم شیر ورک کے خلاف کامیاب پولیس مقابلے پر خصوصی طور پر خراج تحسین پیش کیا گیا۔
تفصیلات کے مطابق شیر ورک نامی خطرناک بدمعاش اور قاتل، جو ایک تازہ قتل کے بعد فرار ہو رہا تھا، پولیس کو موصول ہونے والی 15 کال پر فوری کارروائی کی گئی۔ تھانہ تتلے والا کی پولیس ٹیم میں شامل اے ایس آئی ثقلین اعظم نے نہایت جرات مندی اور پیشہ ورانہ مہارت کا مظاہرہ کرتے ہوئے اپنی ٹیم کے ہمراہ شیر ورک اور اس کے ساتھیوں سے مقابلہ کیا۔ کارروائی کے نتیجے میں علاقہ بدنام مجرم کے دہشت سے پاک ہو گیا۔
علاقہ مکینوں نے اے ایس آئی ثقلین اعظم کو "مسیحا” قرار دیتے ہوئے کہا کہ وہ ایک عرصے سے شیر ورک کے ظلم کا شکار تھے، مگر پولیس کی بروقت اور دلیرانہ کارروائی نے انہیں سکھ کا سانس دیا۔ شہریوں نے اے ایس آئی ثقلین اعظم کو قوم کا فخر قرار دیتے ہوئے ان کی مزید ترقی و کامیابی کے لیے دعا کی۔
آئی جی پنجاب ڈاکٹر عثمان انور نے بہادر افسر کو نقد انعام اور تعریفی سند سے نوازا، جبکہ تقریب میں ایڈیشنل آئی جی پنجاب سلطان احمد چودھری اور دیگر اعلیٰ افسران نے بھی شرکت کی۔ آئی جی پنجاب نے پولیس ٹیم کو شاباش دیتے ہوئے ہدایت کی کہ اسی جذبے سے فرائض انجام دیتے رہیں تاکہ پنجاب کو جرائم سے پاک کیا جا سکے۔
کراچی کے علاقے کلفٹن چینہ پورٹ کے قریب میاں بیوی کی لاشیں ملنے کے اندوہناک واقعے میں اہم پیش رفت ہوئی ہے، کراچی پولیس کی ٹیم گوجرانوالہ پہنچ گئی ہے جہاں سے 4 افراد کو گرفتار کیا گیا ہے، جن میں مقتولہ ثناء آصف کا بھائی وقاص علی بھی شامل ہے۔
ڈی آئی جی ساؤتھ کے مطابق مقتول ساجد کے والد عارف مسیح کراچی پہنچ چکے ہیں اور ان کا بیان بھی ریکارڈ کر لیا گیا ہے۔ عارف مسیح نے گوجرانوالہ میں پیش آنے والے پسِ پردہ واقعات سے پولیس کو آگاہ کیا ہے، جس کی روشنی میں بعض افراد کو قتل کے مقدمے میں نامزد کیا جائے گا۔واقعے کی تحقیقات میں اس وقت بڑی پیش رفت ہوئی جب پولیس کو مقتول جوڑے کا نکاح نامہ موصول ہوا، جس کے مطابق ساجد مسیح نے 22 جولائی کو اسلام قبول کیا اور اسی روز مقتولہ ثناء آصف کے ساتھ کورٹ میرج کی تھی۔
واضح رہے کہ 30 سالہ ساجد مسیح اور 18 سالہ ثناء آصف کی لاشیں کلفٹن کے علاقے چینہ پورٹ کے قریب جھاڑیوں سے برآمد ہوئی تھیں، دونوں کو سروں پر گولیاں مار کر قتل کیا گیا تھا۔جوڑے کا تعلق گوجرانوالہ کے گاؤں ڈاک خانہ لالہ پل عبداللہ پور تحصیل نوشہرہ ورکاں سے تھااور دونوں گھر سے فرار ہو کر کراچی پہنچے تھے۔ذرائع کے مطابق ثناء آصف کے بھائی وقاص علی نے مقتول ساجد کے خلاف 17 جولائی کو اغواء کا مقدمہ تھانہ تتلے علی، ضلع گوجرانوالہ میں درج کرایا تھا۔
پولیس کو مقتولین کے پاس سے ایک موبائل فون، نقدی اور پاسپورٹ سائز تصاویر بھی ملی ہیں، جو تفتیش کا حصہ بنائی گئی ہیں۔پولیس کا کہنا ہے کہ واقعے کی مزید تحقیقات جاری ہیں اور جلد مزید انکشافات سامنے آئیں گے۔
یکم اگست سے پیٹرول اور ڈیزل سستا ہونے کا امکان
وزیراعظم شہباز شریف 30 اگست کو چین روانہ ہوں گے
قومی و صوبائی اسمبلی کے 3 حلقوں میں ضمنی انتخاب 18 ستمبر کو ہوں گے
Ask ChatGPT
گوجرانوالہ (باغی ٹی وی، ڈویژنل بیورو چیف شاہد ریاض) سلسلہ نقشبندیہ اویسیہ تنظیم الاخوان پاکستان کے سالانہ 40 روزہ اجتماع دارالعرفان منارہ کے آخری روز آل پاکستان ڈویژنل سطح پر شعبہ نشر و اشاعت کی کارکردگی کا جائزہ لیا گیا، جس میں گوجرانوالہ ڈویژن نے دوسری، جبکہ الفلاح فاؤنڈیشن نے تیسری پوزیشن حاصل کی۔
شیخ عبدالقدیر اعوان نے ڈویژنل سیکرٹری نشر و اشاعت حافظ بلال کو اپنے دستِ مبارک سے شیلڈ عطا فرمائی۔ اس موقع پر ڈویژنل صدر عبد الحمید چھینہ اور عبدالرزاق بٹ بھی موجود تھے۔
اس کامیابی پر گوجرانوالہ ڈویژن کے تمام ذمہ داران کو ڈویژنل صدر عبدالحمید چھینہ، صدر ضلع سیالکوٹ حاجی ریاض، جنرل سیکرٹری عارف رفیق، سیکرٹری نشر و اشاعت ڈاکٹر محمد ندیم ملک اور وقاص ریاض نے دل کی گہرائی سے مبارکباد پیش کی اور مزید کامیابیوں کے لیے نیک خواہشات کا اظہار کیا۔
گوجرانوالہ (باغی ٹی وی، بیوروچیف شاہد ریاض)تھانہ فیروز والا کی حدود میں انسانیت سوز واقعہ، 9 سالہ شایان اغوا کے بعد بے دردی سے قتل۔ اغوا کاروں نے ایک کروڑ روپے تاوان کے لیے معصوم بچے کو اغوا کیا اور قتل کے بعد لاش ویران حویلی میں دفنا دی۔
پولیس کے مطابق 9 سالہ شایان کو چار روز قبل اُس کے گھر کے قریب سے اغوا کیا گیا تھا۔ ملزمان نے بچے کے اہل خانہ سے رابطہ کر کے تاوان کے طور پر ایک کروڑ روپے کا مطالبہ کیا، اور بطور ثبوت شایان کا جوتا اور ایک USB ڈیوائس ورثا کو بھیجی گئی۔ اس مطالبے کے بعد بچے کی جان لینے والے سفاک ملزمان نے لاش کو ایک ویران حویلی میں دفن کر دیا۔
واقعے کی اطلاع ملنے پر پولیس جائے وقوعہ پر پہنچی، شایان کی لاش کو نکال کر پوسٹ مارٹم کے لیے اسپتال منتقل کیا گیا اور شواہد اکٹھے کر کے تفتیش کا آغاز کر دیا گیا ہے۔ تاہم چار روز گزرنے کے باوجود پولیس کسی بھی ملزم کو گرفتار کرنے میں ناکام رہی ہے، جس پر عوامی حلقوں میں شدید تشویش اور غصے کی لہر دوڑ گئی ہے۔
اہلِ علاقہ اور شہریوں نے شدید احتجاج کرتے ہوئے مطالبہ کیا ہے کہ اس اندوہناک واقعے میں ملوث ملزمان کو جلد از جلد گرفتار کر کے نشانِ عبرت بنایا جائے۔ مظاہرین کا کہنا ہے کہ اگر پولیس بروقت کارروائی کرتی تو شاید معصوم شایان کی جان بچائی جا سکتی۔