Category: گوجرانوالہ

گوجرانوالہ (باغی ٹی وی، نامہ نگار محمد رمضان نوشاہی)گوجرانوالہ کے مقامی اخبارات کے دفتر میں پریس کلب عالم چوک رجسٹرڈ کے زیرِ اہتمام ایک پروقار تقریب منعقد ہوئی، جس میں صدر پریس کلب چوہدری عظمت اللہ مہر اور ممبر میڈیا اسٹینڈنگ کمیٹی برائے چیمبر آف کامرس کی جانب سے علی اشرف خاں ایڈووکیٹ اور رانا اشعر اعظم ایڈووکیٹ کے اعزاز میں عشائیہ دیا گیا۔ تقریب میں معزز مہمانوں کا شاندار استقبال پھولوں کی مالا پہنا کر اور ڈھول کی تھاپ پر کیا گیا۔

تقریب میں پی پی 70 کے سینئر نائب صدر طارق اشرف خان، مسلم لیگ (ن) کے سابق چیئرمین اور پی پی 70 کے صدر رانا محمد اعظم، حاجی زبیر، حاجی انجم، حاجی انور، اشعر اعظم خان، علی اشرف خان، امیر حمزہ، اشتیاق احمد خان، حاجی غلام حسین اور اسد علی سمیت سیاسی و سماجی شخصیات اور صحافی برادری نے بڑی تعداد میں شرکت کی۔

شرکاء میں سینئر صحافی راجہ افضال عزیز، رانا عثمان، عثمان ساگر، شاہد زہیب ظفر بھنڈر، حمزہ قیوم چوہدری، ماسٹر نعمت علی جٹ، چیئرمین یو ایچ آر او ضلع گوجرانوالہ چوہدری محمد بلال باجوہ، صدر ڈویژن گوجرانوالہ پاکستان چوہدری غنظنفر علی گھمن اور جٹ اتحاد فیڈریشن پاکستان کے رہنما شامل تھے۔

مہمانوں کا استقبال کرنے والوں میں صدر پریس کلب چوہدری عظمت اللہ مہر، چیئرمین طارق عزیز چوہان، سینئر صحافی حاجی ظہیر عباس، جنرل سیکرٹری محمد افضل مغل، نائب صدر ہارون جٹ، جوائنٹ سیکرٹری سید ناصر شاہ، سیکرٹری انفارمیشن رانا شہزاد احمد، سیکرٹری فنانس رانا اشفاق احمد، ایگزیکٹو ممبران ملک مظہر حسین، ارسلان تارڑ، ملک محمد شاہد، عمر سلیم، چوہدری امانت علی ڈوگر اور وکٹوریا پاوا میکر شامل تھے جنہوں نے معزز مہمانوں کو پھولوں کی مالا پہنائی اور پتیاں نچھاور کیں۔

آخر میں تمام شرکاء نے چوہدری عظمت اللہ مہر کا شاندار عشائیہ دینے پر شکریہ ادا کیا، جبکہ صدر پریس کلب نے علی اشرف خان اور رانا اشعر اعظم کو چیئرمین اسٹینڈنگ کمیٹی چیمبر آف کامرس بننے پر مبارکباد پیش کی۔ پروگرام کے اختتام پر حاجی ظہیر عباس نے ملک و قوم کی سلامتی کے لیے دعا کروائی۔

گوجرانوالہ (باغی ٹی وی، نامہ نگار محمد رمضان نوشاہی) کمشنر و چیئرمین بورڈ آف انٹرمیڈیٹ اینڈ سیکنڈری ایجوکیشن گوجرانوالہ ڈویژن سید نوید حیدر شیرازی نے میٹرک امتحانات میں شفافیت اور میرٹ کو یقینی بنانے کے لیے پنجاب میں پہلی بار بائیو میٹرک سسٹم متعارف کروا دیا ہے۔

اس جدید نظام کے تحت امتحانی امیدواروں کی حاضری اور شناخت بائیو میٹرک ٹیکنالوجی کے ذریعے کی جائے گی، جس سے نقالی، جعلی امیدواروں کی شرکت اور دیگر بے ضابطگیوں کا خاتمہ ممکن ہوگا۔ پریس کانفرنس سے خطاب کرتے ہوئے سید نوید حیدر شیرازی نے کہا کہ امتحانی نظام میں جدت وقت کی اہم ضرورت ہے تاکہ طلبہ کی محنت کا منصفانہ صلہ دیا جا سکے۔

انہوں نے مزید کہا کہ اس اقدام سے گوجرانوالہ بورڈ صوبے بھر میں ایک مثالی مقام حاصل کرے گا۔ کنٹرولر امتحانات اور سیکرٹری بورڈ بھی اس موقع پر موجود تھے۔ ماہرین تعلیم اور والدین نے اس فیصلے کو خوش آئند قرار دیتے ہوئے کہا کہ یہ اقدام تعلیمی نظام پر عوامی اعتماد کو بڑھائے گا اور طلبہ کو قابلیت کی بنیاد پر آگے بڑھنے کا موقع فراہم کرے گا۔

گوجرانوالہ (باغی ٹی وی، نامہ نگار محمد رمضان نوشاہی) کمشنر گوجرانوالہ ڈویژن نے طلبہ و طالبات پر زور دیا ہے کہ وہ وطن کی خدمت کے جذبے کے تحت تعلیم حاصل کریں تاکہ ملک کی ترقی میں اپنا مثبت کردار ادا کر سکیں۔ انہوں نے کہا کہ وزیراعلیٰ پنجاب مریم نواز صوبے میں معیاری تعلیم کے فروغ اور طلبہ کو سہولیات فراہم کرنے میں ذاتی دلچسپی رکھتی ہیں، جن میں وظائف، لیپ ٹاپس اور پوزیشن ہولڈرز کی حوصلہ افزائی شامل ہے۔

یہ بات انہوں نے گوجرانوالہ بورڈ آفس میں ان طلبہ و طالبات سے ملاقات کے دوران کہی جو میٹرک و انٹرمیڈیٹ امتحانات 2025 میں نمایاں پوزیشن حاصل کر کے 2 اکتوبر کو لاہور میں ہونے والی مرکزی تقریب میں شرکت کے لیے روانہ ہو رہے ہیں۔ اس تقریب میں وزیراعلیٰ پنجاب مریم نواز انہیں نقد انعامات سے نوازیں گی۔

تقریب میں شرکت کے لیے گوجرانوالہ بورڈ کے 52 طلبہ و طالبات منتخب ہوئے ہیں، جن میں 19 میٹرک اور 33 انٹرمیڈیٹ کے پوزیشن ہولڈرز شامل ہیں۔ ہر طالب علم کے ساتھ ان کے والدین میں سے ایک اور ایک ٹیچر کو بھی مدعو کیا گیا ہے۔ اس موقع پر طلبہ نے وزیراعلیٰ پنجاب کا شکریہ ادا کرتے ہوئے اپنے خیالات کا اظہار کیا۔

تقریب میں ڈپٹی کمشنر نوید احمد، ممبران صوبائی اسمبلی قیصر اقبال سندھو، محمد نواز چوہان، کنٹرولر امتحانات اور سیکرٹری بورڈ بھی موجود تھے۔

گوجرانوالہ (باغی ٹی وی ،نامہ نگارمحمدرمضان نوشاہی کی رپورٹ)گوجرانوالہ بورڈ آف انٹرمیڈیٹ اینڈ سیکنڈری ایجوکیشن میں پیرا فورس کی شاندار فارمل کمانڈ سلامی پریڈ کا انعقاد کیا گیا۔ اس موقع پر کمشنر اور ڈپٹی کمشنر گوجرانوالہ نے پریڈ کا معائنہ کیا اور خطاب میں پیرا فورس کی کارکردگی کو سراہا۔

پنجاب انفورسمنٹ اینڈ ریگولیٹری اتھارٹی کے جوانوں نے مارچ پاسٹ کرتے ہوئے کمشنر اور ڈپٹی کمشنر کو سلامی دی۔ کمشنر سید نوید حیدر شیرازی اور ڈپٹی کمشنر نوید احمد نے پریڈ کا معائنہ کیا۔ پیرا فورس نے نظم و ضبط، مہارت اور بھرپور جذبے کے ساتھ شاندار پریڈ کا مظاہرہ کیا، جبکہ اس موقع پر قومی ترانہ بھی پیش کیا گیا۔

کمشنر اور ڈپٹی کمشنر نے اس موقع پر خطاب کرتے ہوئے کہا کہ گراں فروشی، ذخیرہ اندوزی اور تجاوزات کا خاتمہ وزیراعلیٰ پنجاب مریم نواز شریف کی اولین ترجیح ہے۔ پیرا فورس ان مسائل کے خلاف بہترین کام کر رہی ہے۔

کمشنر سید نوید حیدر شیرازی کا کہنا تھا کہ ہم ایک ٹیم ہیں اور ضلعی انتظامیہ کی طرف سے پیرا فورس کو مکمل تعاون فراہم کیا جائے گا۔ نوجوان محنت، لگن اور جانفشانی سے کام کریں تاکہ پیرا فورس عوام کے لیے ایک مؤثر اور قابل اعتماد ادارے کے طور پر ابھرے۔

انہوں نے کہا کہ گراں فروشوں اور ذخیرہ اندوزوں کے خلاف بلاتفریق کارروائی کی جائے اور کسی کو رعایت نہ دی جائے۔ ڈپٹی کمشنر نے سیلاب کے دوران پیرا فورس کی خدمات کو بھی سراہا۔

پریڈ کے موقع پر ایڈیشنل ڈپٹی کمشنر جنرل فیصل سلطان، صوبائی اسمبلی کے ارکان قیصر اقبال سدھو اور محمد نواز چوہان، اسسٹنٹ کمشنرز اقرار مبین، فیصل مجید، ایس ڈی ای او پیرا فورس محسن ڈھلوں اور دیگر افسران بھی موجود تھے۔

گوجرانوالہ (باغی ٹی وی، نامہ نگار محمد رمضان نوشاہی) ماحولیاتی تحفظ کے حوالے سے ضلعی انتظامیہ نے انسداد سموگ آگاہی واک کا انعقاد کیا جس کی قیادت کمشنر سید نوید حیدر شیرازی اور ڈپٹی کمشنر نوید احمد نے کی۔

واک میں ڈپٹی ڈائریکٹر ماحولیات سلمان اسلم، انسپکٹر غلام مرتضیٰ بھٹی، مختلف سرکاری اداروں، سول سوسائٹی، ریسکیو 1122، محکمہ زراعت، پیرا فورس اور شہریوں کی بڑی تعداد نے شرکت کی۔ شرکا نے فضائی آلودگی کے تدارک اور شجر کاری کے فروغ سے متعلق نعرے درج پلے کارڈز اور بینرز اٹھا رکھے تھے۔

اس موقع پر کمشنر نے کہا کہ سموگ ایک سنگین چیلنج ہے جو انسانی صحت اور معیشت دونوں کو متاثر کر رہا ہے، عوام دھواں چھوڑنے والی گاڑیوں اور فصلوں کی باقیات جلانے سے اجتناب کریں اور زیادہ سے زیادہ درخت لگائیں۔ ڈپٹی کمشنر نوید احمد نے کہا کہ انسداد سموگ مہم کے ذریعے شعور اجاگر کرنا وقت کی ضرورت ہے اور عملی اقدامات جاری ہیں۔

واک کے اختتام پر شہریوں میں ماسک تقسیم کیے گئے جبکہ کمشنر اور ڈپٹی کمشنر نے سبزہ زار میں ماحول دوست پودے بھی لگائے۔

گوجرانوالہ (باغی ٹی وی نامہ نگار محمد رمضان نوشاہی) چوہدری عظمت اللہ مہر چیف ایڈیٹر سجاول نیوز، بیورو چیف پنجاب روزنامہ عبادت لاہور، صدر پریس کلب عالم چوک رجسٹرڈ گوجرانوالہ اور ممبر میڈیا اسٹینڈنگ کمیٹی برائے چیمبر آف کامرس نے اپنے دوستوں ملک محمد شاہد بیورو چیف روزنامہ شیر پاکستان، سید ناصر علی شاہ بیورو چیف روزنامہ سجاول نیوز، رانا محمد اشفاق احمد بیورو چیف گوجرانوالہ روزنامہ عبادت لاہور اور میاں ندیم مہر کے ہمراہ اشرف ہاؤس کا دورہ کیا۔

اس موقع پر پی پی 70 کے سینئر نائب صدر طارق اشرف خان اور مسلم لیگ (ن) کے سابق چیئرمین و صدر پی پی 70 رانا محمد اعظم نے دوستوں کو خوش آمدید کہا۔ چوہدری عظمت اللہ مہر اور ان کے رفقاء نے علی اشرف خان کو چیئرمین اسٹینڈنگ کمیٹی برائے الیکٹرک آف کامرس بننے پر مبارکباد پیش کی، انہیں پھولوں کی مالا پہنائی اور گلدستہ بھی دیا۔ اس موقع پر دعائیہ کلمات بھی ادا کیے گئے کہ اللہ پاک علی اشرف خان کو مزید ترقی اور کامیابیاں عطا فرمائے۔

آخر میں طارق اشرف خان، سینئر نائب صدر مسلم لیگ (ن) پی پی 70 و سرپرست اعلیٰ پریس کلب عالم چوک رجسٹرڈ نے تمام دوستوں کا شکریہ ادا کیا۔

گوجرانوالہ (باغی ٹی وی نامہ نگار محمد رمضان نوشاہی)ڈسٹرکٹ ایجوکیشن آفیسر لٹریسی فوزیہ زریں کی زیر نگرانی ایک تقریب منعقد ہوئی جس میں سی ای او ایجوکیشن ڈاکٹر عطیہ ارشد ملک مہمانِ خصوصی تھیں۔ اس موقع پر اساتذہ میں ٹیبلٹس جبکہ طلبہ میں بیگز، کاپیاں، جیومیٹری بکس اور پینسلیں تقسیم کی گئیں۔

ڈاکٹر عطیہ ارشد ملک نے اپنے خطاب میں کہا کہ تعلیم ہی معاشرتی ترقی کی بنیاد ہے اور اساتذہ و طلبہ کو جدید سہولیات فراہم کرنا بچوں کے روشن مستقبل کی ضمانت ہے۔