Baaghi TV

Category: حیدرآباد

  • ملکی تاریخ میں پہلی بار بذریعہ سڑک مسافر طیارے کی ایک شہر سے دوسرے شہر منتقلی

    ملکی تاریخ میں پہلی بار بذریعہ سڑک مسافر طیارے کی ایک شہر سے دوسرے شہر منتقلی

    کراچی: ملکی تاریخ میں پہلی بار مسافر طیارے کو بذریعہ سڑک ایک شہر سے دوسرے شہر منتقل کیا جا رہا ہے۔

    باغی ٹی وی : ذرائع کے مطابق مسافر بردار طیارے کو سڑک کے راستے کراچی سے حیدرآباد پہنچایا جارہا ہے اور طیارے کو بذریعہ سڑک ایک شہر سے دوسرے شہر منتقل کرنے کا ملکی تاریخ کا یہ پہلا آپریشن ہے-

    نجی ٹرانسپورٹ کمپنی ناکارہ جہاز کو موٹر وے کے ذریعے حیدرآباد لے کر جارہی ہے، جہاز کو 10 ویلرز ٹرک، 40 ویلرز ٹریلر پر رکھ کر منتقل کیا جارہا ہے،350 سیٹر بوئنگ 737 کراچی ایئرپورٹ کے یارڈ میں ناکارہ کھڑا تھا، جہاز کو تربیتی مقاصد کے لیے حیدرآباد منتقل کیا جارہا ہے، ہوائی جہاز کے پر، انجن اور ٹائرز الگ کردیے گئے ہیں،طیارے کو حیدرآباد میں سول ایوی ایشن ٹریننگ انسٹی ٹیوٹ میں رکھا جائے گا اور طیارہ تربیتی مقاصد کیلئے استعمال ہوگا-

    سرحدوں نے تقسیم کیا ،کرکٹ نے اکٹھا کردیا،پاک بھارت کرکٹرز کی تصاویر وائرل

    ٹرانسپورٹر ہمایوں خالد نے بتایا کہ طیارے کی لمبائی 110 فٹ اور وزن 40 ٹن ہے، یہ ناکارہ جہاز بوئنگ 737 ہے جس میں 240 لوگوں کے سفر کی گنجائش ہے طیارے کو رات گئے ائیرپورٹ سے سپرہائی وے منتقل کیا گیا جہاں سے اسے حیدرآباد منتقل کیا جارہا ہے۔

    دوسری جانب موٹروے پولیس کا کہنا ہے کہ طیارے کو پروٹوکول کے تحت منتقل کیا جارہا ہے، طیارے کی منتقلی کے دوران موٹروے کو بلاک نہیں کیا گیا طیارے کو منتقل کرنے کیلئے گاڑی سڑک کے کنارے چلائی گئی، اس دوران سول ایوی ایشن اور نجی کمپنی سمیت ٹرانسپورٹر کا عملہ موجود رہا۔

    سلمان خان کو قتل کی دھمکی اورتاوان مانگنے والا ایک اور ملزم گرفتار

  • ٹھٹھہ: سیکریٹری ریجنل ٹرانسپورٹ اتھارٹی کی گاڑیوں کی چیکنگ، حفاظتی ہدایات جاری

    ٹھٹھہ: سیکریٹری ریجنل ٹرانسپورٹ اتھارٹی کی گاڑیوں کی چیکنگ، حفاظتی ہدایات جاری

    ٹھٹھہ(باغی ٹی وی ،نامہ نگار بلاول سموں)سیکریٹری ریجنل ٹرانسپورٹ اتھارٹی کی جانب سے ٹرانسپورٹ کی چیکنگ، حفاظتی ہدایات جاری

    ٹھٹھہ میں آج مسز فخر النساء لاکھیر سیکریٹری ریجنل ٹرانسپورٹ اتھارٹی، نے پبلک ٹرانسپورٹ بسوں، وینز اور دیگر گاڑیوں کی چیکنگ کی۔ اس مہم کا مقصد مسافروں کی حفاظت کو یقینی بنانا، ٹرانسپورٹ سروسز کے معیار میں بہتری لانا اور ٹریفک قوانین پر سختی سے عملدرآمد کرانا تھا۔

    چیکنگ کے دوران متعدد گاڑیوں میں قانونی ضروریات کے مطابق کوتاہیاں سامنے آئیں، جن میں سیٹ بیلٹ کی عدم موجودگی، غیر معیاری سی این جی اور ایل پی جی کٹس اور مقررہ گنجائش سے زائد مسافروں کو بٹھانے جیسے مسائل شامل تھے۔ مسز فخر النساء لاکھیر نے ٹرانسپورٹرز پر زور دیا کہ وہ اپنی گاڑیوں کی باقاعدہ چیکنگ کرائیں، تمام حفاظتی ضوابط اپنائیں اور منظور شدہ سی این جی/ایل پی جی سلینڈرز کا استعمال کریں تاکہ مسافروں کی زندگیوں کو محفوظ بنایا جا سکے۔

    انہوں نے مسافروں کے لیے بھی ہدایات جاری کیں کہ اگر وہ غیر قانونی سرگرمیاں دیکھیں تو فوری طور پر متعلقہ حکام کو اطلاع دیں۔ لاپرواہی سے ڈرائیونگ، رفتار کی حد سے تجاوز اور دیگر قواعد کی خلاف ورزی پر سخت اقدامات کرنے کے احکامات بھی جاری کیے گئے ہیں۔

    مسز لاکھیر نے ٹرانسپورٹرز کو خبردار کیا کہ اگر وہ ضوابط کی خلاف ورزی کرتے ہیں تو ان کے خلاف کارروائی کی جائے گی، جس میں لائسنس کی معطلی بھی شامل ہو سکتی ہے۔ انہوں نے مزید کہا کہ عوام میں شعور بیدار کرنے کی مہم جاری رہے گی تاکہ ٹھٹھہ کے لوگ محفوظ اور پُراعتماد سفر کر سکیں۔

  • سانگھڑ: پسند کی شادی سے انکار،نوجوان نے ماں، بہنوں اور بہنوئی کو قتل کردیا

    سانگھڑ: پسند کی شادی سے انکار،نوجوان نے ماں، بہنوں اور بہنوئی کو قتل کردیا

    سانگھڑ(باغی ٹی وی رپورٹ) پسند کی شادی سے انکار پر نوجوان نے ماں، بہنوں اور بہنوئی کو قتل کردیا

    تفصیلات کے مطابق سانگھڑ کے علاقے علی جان مری میں ایک افسوسناک واقعہ پیش آیا، جہاں پسند کی شادی نہ ہونے پر نوجوان نے اپنے ہی خاندان کو موت کے گھاٹ اتار دیا۔

    پولیس کے مطابق نوجوان پسند کی شادی کے حوالے سے اہلخانہ کے انکار پر شدید غصے میں آگیا اور طیش کے عالم میں گھر میں اندھا دھند فائرنگ کردی۔ واقعے کے نتیجے میں اس کی والدہ، دو بہنیں اور بہنوئی جان سے ہاتھ دھو بیٹھے۔

    واقعے کے بعد ملزم فرار ہونے میں کامیاب ہوگیا۔ پولیس کا کہنا ہے کہ ملزم کی گرفتاری کے لیے مختلف مقامات پر چھاپے مارے جا رہے ہیں، جبکہ مقتولین کی لاشوں کو قانونی کارروائی کے لیے قریبی ہسپتال منتقل کردیا گیا ہے۔

  • نوری آباد: بجلی اور پانی چوری پر ایف آئی اے کی کارروائی،دو گرفتار

    نوری آباد: بجلی اور پانی چوری پر ایف آئی اے کی کارروائی،دو گرفتار

    نوری آباد (باغی ٹی وی،نامہ نگاراللہ وسایا پالاری) ایف آئی اے کی ٹیم نے نوری آباد کے قریب ایک ٹیوب ویل سے بجلی چوری اور پانی چوری کرکے فروخت کرنے کے خلاف کارروائی کی۔ یہ کارروائی ایس ڈی او نوری آباد گل رحمان کاکڑ کی تحریری شکایت پر کی گئی۔

    ذرائع کے مطابق دبئی فارم نامی مقام پر زرعی کنکشن سے غیر قانونی ڈائریکٹ کنکشن لگا کر پانی چوری کیا جا رہا تھا، جسے ٹینکروں کے ذریعے فروخت کیا جا رہا تھا۔

    ایف آئی اے نے فارم کے دو ذمہ داران، فیض محمد اور علی محمد پالاری کے علاوہ لائن سپرنٹنڈنٹ اقبال جونیجو اور اے ایل ایم جمیل احمد پر بجلی چوری کا مقدمہ درج کر لیا۔

    کارروائی کے دوران ایف آئی اے نے اقبال جونیجو اور جمیل احمد کو حراست میں لے لیا، جبکہ دیگر ملزمان کے خلاف مزید تحقیقات جاری ہیں۔ حکام کا کہنا ہے کہ بجلی اور پانی چوری کے خلاف سخت اقدامات کیے جائیں گے تاکہ عوامی وسائل کا ضیاع روکا جا سکے۔

  • نوری آباد:حیسکو کے چیف آپریٹنگ آفیسرکاریلیف کیمپوں کا دورہ، بجلی چوروں کے خلاف سخت کارروائی کا اعلان

    نوری آباد:حیسکو کے چیف آپریٹنگ آفیسرکاریلیف کیمپوں کا دورہ، بجلی چوروں کے خلاف سخت کارروائی کا اعلان

    نوری آباد (باغی ٹی وی، نامہ نگار: اللہ وسایا پالاری) حیسکو چیف ایگزیکٹو آفیسر محمد روشن اوٹھو کی خصوصی ہدایات پر حیدرآباد حیسکو کے چیف آپریٹنگ آفیسر ذوالفقار علی میمن نے جامشورو ڈویژن کے مختلف علاقوں میں قائم ریلیف کیمپوں کا دورہ کیا۔ اس موقع پر ایکسیئن کوٹری منیر احمد پنھور اور آپریشن سب ڈویژن جامشورو کے ممتاز علی میمن بھی ان کے ہمراہ تھے۔

    ذوالفقار علی میمن نے صحافیوں سے گفتگو کرتے ہوئے کہا کہ ریلیف کیمپوں کے ذریعے عوام کو سہولیات فراہم کی جا رہی ہیں، تاہم اس کے بعد بجلی چوروں کے خلاف سخت کارروائی کی جائے گی۔ انہوں نے بتایا کہ بااثر بجلی چوروں کے میٹر کاٹ دیے گئے ہیں اور ان پر بھاری جرمانے عائد کیے جائیں گے۔

    اس دوران ایکسیئن کوٹری منیر احمد پنھور کی نگرانی میں ایس ڈی او گل رحمان کاکڑ نے نوری آباد اور اس سے ملحقہ علاقوں میں ریلیف کیمپ قائم کیے، جہاں صارفین کے واجبات میں خصوصی رعایت دی گئی۔ نصف بقایاجات معاف کرتے ہوئے باقی بل جلد از جلد جمع کرانے کی ہدایت کی گئی، بصورتِ دیگر سخت کارروائی کا عندیہ دیا گیا۔

    ایس ڈی او گل رحمان کاکڑ نے نوری آباد لیبر کالونی سمیت مختلف کیمپوں میں اپنی ٹیم کے ساتھ شرکت کی اور صحافیوں کو بتایا کہ یہ ریلیف اسکیم 31 اکتوبر تک جاری رہے گی۔ انہوں نے عوام سے اپیل کی کہ وہ اس موقع سے فائدہ اٹھائیں۔

    انہوں نے مزید کہا کہ اسکیم کے اختتام کے بعد بجلی چوروں کے خلاف کارروائیاں تیز کی جائیں گی۔ "بجلی چوروں کے لیے کوئی رعایت نہیں ہوگی، ان پر بھاری جرمانے عائد کیے جائیں گے اور ایف آئی آرز بھی درج ہوں گی۔”

    ضلعی انتظامیہ اور حیسکو حکام کی اس کوشش کا مقصد واجبات کی وصولی کے ساتھ بجلی چوری کا سدباب اور صارفین کے لیے سہولیات کو بہتر بنانا ہے۔

  • ٹھٹھہ: غیر قانونی کریش پلانٹ کے گڑھے میں 2 بہنیں ڈوب کرجاں بحق

    ٹھٹھہ: غیر قانونی کریش پلانٹ کے گڑھے میں 2 بہنیں ڈوب کرجاں بحق

    ٹھٹھہ (باغی ٹی وی ،نامہ نگاربلاول سموں) غلام اللہ کے قریب کریش پلانٹ کے گڑھے میں تین بچے ڈوب گئے۔ مقامی افراد نے فوری کارروائی کرتے ہوئے ایک بچے کو بچا لیا تاہم دو معصوم بچیاں بیگم اور مدیحہ بگٹی پانی میں ڈوب کر جاں بحق ہو گئیں۔

    تفصیلات کے مطابق راجا کریش پلانٹ کے غیر قانونی دھماکوں کے نتیجے میں بنے گڑھوں میں برسات اور جھیلوں کا پانی جمع ہو گیا تھا۔ ان گڑھوں میں کھیلتے ہوئے تین بچے حادثے کا شکار ہو گئے۔ موقع پر ایمبولینس کی عدم دستیابی کے باعث غلام اللہ ہیلتھ سینٹر سے ایمبولینس طلب کی گئی اور بچوں کو سول اسپتال مکلی منتقل کیا گیا، جہاں ڈاکٹروں نے ایک بچے کی جان بچا لی، مگر دو بہنوں کی موت کی تصدیق کی گئی۔

    بچیوں کی لاشیں گھر پہنچنے پر علاقے میں سوگ کی فضا چھا گئی اور لواحقین غم سے نڈھال ہو گئے۔ مقامی افراد نے کریش پلانٹ مالکان کے خلاف قانونی کارروائی اور آئندہ ایسے حادثات سے بچاؤ کے لیے مؤثر اقدامات کا مطالبہ کیا ہے۔

  • ٹھٹھہ: بااثر شخص کی دھمکیاں اور لوٹ مار، خواتین کی تحفظ کی اپیل

    ٹھٹھہ: بااثر شخص کی دھمکیاں اور لوٹ مار، خواتین کی تحفظ کی اپیل

    ٹھٹھہ(باغی ٹی وی ،نامہ نگاربلاول سموں) بااثر شخص کی ہراسانی اور لوٹ مار، خواتین کا تحفظ کے لیے حکام سے اپیل

    تفصیل کے مطابق ٹھٹھہ کے گھارو شہر کی مولا مدد کالونی کی رہائشی خواتین نے عوامی پریس کلب میں پریس کانفرنس کرتے ہوئے بااثر شخص نور خان مری پر زندگی اجیرن کرنے کا الزام لگایا ہے۔ خواتین مسمات سائرہ، تانیا اور سلمیٰ نے بتایا کہ مذکورہ شخص روزانہ دھمکیاں دیتا ہے اور انہیں علاقے سے نکالنے کی کوشش کر رہا ہے۔

    متاثرہ خواتین کے مطابق نور خان مری نے دو نامعلوم مسلح افراد کے ساتھ ان کے گھر پر حملہ کیا، انہیں تشدد کا نشانہ بنایا اور اسلحے کے زور پر چار سولر پلیٹس، دو پنکھے، دو بیٹریاں، دو چارپائیاں اور ایک واشنگ مشین لوٹ کر سوزوکی گاڑی میں فرار ہو گیا۔

    خواتین نے کہا کہ انہیں مذکورہ شخص سے جان کا خطرہ ہے اور انہوں نے آئی جی سندھ، ڈی آئی جی حیدرآباد اور ایس ایس پی ٹھٹھہ سے فوری قانونی کارروائی اور اپنی جان کے تحفظ کی اپیل کی ہے۔

  • ٹھٹھہ: امن و امان کے لیے پولیس کی سنیپ چیکنگ جاری

    ٹھٹھہ: امن و امان کے لیے پولیس کی سنیپ چیکنگ جاری

    ٹھٹھہ (باغی ٹی وی ،نامہ نگار بلاول سموں)آئی جی سندھ غلام نبی میمن اور ڈی آئی جی حیدرآباد رینج طارق رزاق دھاریجو کی ہدایات پر ایس ایس پی ٹھٹہ ڈاکٹر محمد عمران خان کے احکامات کے تحت ضلع بھر میں امن و امان کی بحالی کے لیے پولیس کی سنیپ چیکنگ کا سلسلہ جاری ہے۔

    سنیپ چیکنگ کے دوران موٹر سائیکلوں، رکشوں، مسافر وینز، بسوں اور دیگر چھوٹی بڑی گاڑیوں کو روکا گیا۔ کئی گاڑیوں سے ٹنٹڈ شیشے اور فینسی نمبر پلیٹس بھی ہٹائے گئے۔ پولیس حکام کے مطابق، تمام ایس ڈی پی اوز اپنے اپنے علاقوں میں ایس ایچ اوز کے ساتھ مل کر سنیپ چیکنگ میں حصہ لے رہے ہیں۔

    شہر کے داخلی اور خارجی راستوں پر بھی چیکنگ کا عمل جاری ہے، جہاں پولیس نے متعدد مشکوک افراد اور بغیر نمبر پلیٹ والی موٹر سائیکلوں کو تحویل میں لے کر ان کی تصدیق کا عمل شروع کر دیا ہے۔

    پولیس کا کہنا ہے کہ اس چیکنگ کا مقصد ضلع میں امن و امان کو یقینی بنانا اور کسی بھی ناخوشگوار واقعے کو پیش آنے سے روکنا ہے۔ عوام سے بھی تعاون کی اپیل کی گئی ہے تاکہ امن عامہ کو برقرار رکھا جا سکے۔

  • بینچ یا عدالت کا نام دینا ہے نام آپ رکھیں مطالبہ ہمارا پورا کریں، بلاول بھٹو

    بینچ یا عدالت کا نام دینا ہے نام آپ رکھیں مطالبہ ہمارا پورا کریں، بلاول بھٹو

    پیپلز پارٹی کے چیئرمین بلاول زرداری نے حیدرآباد میں شہداء کارساز کی برسی کے موقع پر جلسے سے خطاب کرتے ہوئے کہا ہے کہ بی بی شہید 18 اکتوبر کو آمر کا راج ہٹا کر عوامی راج قائم کرنے آئی تھیں،

    بلاول زرداری کا کہنا تھا کہ شہید بینظیر بھٹو ایک نظریے اور منشور کے ساتھ وطن واپس آئی تھیں، بے نظیر بھٹو شہید کے مشن میں 73 کے آئین کی بحال بھی تھی ،وفاقی عدالت بنانا بھی شہید بی بی کا مطالبہ تھا، وفاقی عدالت میں تمام صوبوں کی نمائندگی ہونی تھی ، وفاقی عدالت نے پاکستان کے آئین کا تحفظ کرنا تھا ،بی بی کا آئینی عدالت کا وعدہ پورا کرنے جا رہا ہوں ،شہید بینظیر بھٹو فیصلہ کرچکی تھیں کہ میں آئینی عدالت بنا کر رہوں گی ، خوشخبری دینے جا رہا ہوں کہ بی بی کا وعدہ پورا ہونے والا ہے، آئینی عدالت کے مطالبے پر پاکستان کے عوام ساتھ کھڑے ہیں، وفاقی کابینہ کا حصہ نہیں لیکن پھر بھی بی بی کا وعدہ پورا کرنے جا رہا ہوں، یہ مطالبہ تو قائد اعظم محمد علی جناح کا بھی تھا ، ہم 2008 سے2013 تک آئینی عدالت کا وعدہ پورا نہیں کرسکے، بہت انتظار کرنا پڑا، عوام کو فوری انصاف کی فراہمی ترجیح ہے ، سب کا مطالبہ ہے کہ سب کو فوری انصاف ملے ، جب جب پوچھتا ہوں کہ یہ کیوں نہیں ہوسکتا، تو کہتے ہیں قیدی نمبر فلاں فلاں کہتا ہے ،ہمارا مطالبہ ماننا پڑے گا برابری کی عدالت بنانا پڑے گی، آپ نے بینچ کا نام دینا ہے یا کوئی اور نام دیں ، مطالبہ ہمارا ماننا ہے ،جسٹس فائز عیسیٰ کو سلام پیش کرتے ہیں، جسٹس فائز عیسیٰ نے فیض آباد دھرنے کا بہادر فیصلہ دیا، جسٹس فائز عیسیٰ نے جو کیا تاریخ اسے یاد رکھے گی ،چیف جسٹس قاضی فائز عیسیٰ نے بھٹو کو انصاف دیا، وہ کام کرکے دکھایا جو کوئی اور نہیں کرسکتا تھا، اس سے پہلے تمام چیف جسٹس بزدل تھے، وہ آمر کو آمر نہیں کہہ سکتے تھے، چیف جسٹس قاضی فائز عیسیٰ کو سلام پیش کرتے ہیں،

    مولانا سے آخری درخواست،اپوزیشن نہ مانی تو ن لیگ کے ساتھ ملکر آئین سازی کروں گا،بلاول
    بلاول زرداری کا مزید کہنا تھا کہ تحریک انصاف کا مطالبہ تھا قیدی نمبر 804 سے ملنے کی اجازت دی جائے، ملاقات کا بندوبست کیا تھا، وہ گئے یا نہیں گئے اس کا نہیں پتہ، ہمارے سامنے دو راستے ہیں حکومت نے فیصلہ کرلیا جتنا وہ انتظار کرسکتے تھے وہ کرلیا، یا حکومت بل لیکر آئے یا یہ آج بھی ممکن ہے، کل پرسوں ممکن ہوگا یہ نہیں پتہ ہوگا پیپلز پارٹی کے ڈرافٹ پر مولانا اور ن لیگ نے اتفاق کرلیا، پی ٹی آئی نے کہا، قاضی اور آئینی عدالت نہیں ہوگی وہ مان لی، آپ سب کے سامنے ہاتھ جوڑ کر درخواست کررہا ہوں اس راستے پر مجبور نہ کریں، آج رات بھی واپس مولانا سے جا کر ملاقات کروں گا، آخری درخواست کروں گا، آج کی سیاست بھول جائیں آئیں ہمارے ساتھ آئیں، ووٹ ڈالیں اور وعدہ پورا کریں،حیدرآباد کے عوام کا یہ مطالبہ ہے،برابری کا عدالت بنانا پڑے گا، میں متنازع راستے پر چل کر بھی آئینی بینچ بناکر رہوں گا،اگر میں ناکام رہا تو سب کو پاکستان میں جمہوریت اور استحکام کیلئے دعا مانگنی چاہیے،اپوزیشن سے کہتا ہمیں اکثریت سے آئین سازی پر مجبور نہ کریں، ن لیگ ضمیر کے مطابق ووٹ سے اپنی مرضی کی عدالت بنائے گی۔ مولانا سے آخری درخواست کروں گا یہ آئین ہمارے بڑوں کا بنایا ہوا ہے ،بہت سمجھوتوں کے بعد بھی ہمارا ساتھ نہیں دے سکتے تو مجبور ہوں گا ، مجبوری میں ن لیگ کیساتھ مل کر آئین سازی کرونگا ،اپوزیشن نہیں مانتی تو پھر مجبوری میں مجھے متنازع راستہ اختیار کرنا ہوگا ،

    بینظیر بھٹو کے مخالفین بھی قابلت کو مانتے ہیں،وزیراعلیٰ سندھ

    کارساز حملہ عوام کی آواز کو دبانے کی کوشش تھی،شرجیل میمن

    بلاول بینظیر بھٹو کے مشن کو آگے بڑھا رہے ہیں،فریال تالپور

    کارساز حملہ ایک سوچی سمجھی سازش تھی،بلاول

    میرپورخاص: سانحہ کارساز کے شہداء کو خراج عقیدت، ریلی اور شمعیں روشن

    پاکستان کوسیاسی، معاشی اور جمہوری طاقت بنائیں گے،بلاول

  • میرپورخاص: سانحہ کارساز کے شہداء کو خراج عقیدت، ریلی اور شمعیں روشن

    میرپورخاص: سانحہ کارساز کے شہداء کو خراج عقیدت، ریلی اور شمعیں روشن

    میرپورخاص (باغی ٹی وی، نامہ نگار سید شاہزیب شاہ) سانحہ کارساز کے شہداء کو خراج عقیدت پیش کرنے کے لیے پارٹی دفتر سے پریس کلب تک ریلی نکالی گئی، جہاں شمعیں روشن کر کے شہداء کی قربانیوں کو یاد کیا گیا۔

    ریلی کی قیادت ضلعی نائب صدر اسحاق ناریجو، جنرل سیکریٹری اور وزیراعلیٰ سندھ کے مشیر جنید بلند، شاہنواز مغل، اور امیر جان مری نے کی۔ بعد ازاں پریس کلب میں سندھ کے وزیر ثقافت سید ذوالفقار شاہ اور جنید بلند نے میڈیا سے گفتگو کی۔

    انہوں نے کہا کہ میرپورخاص ہمیشہ جیالوں کا گڑھ رہا ہے، اور سانحہ کارساز کے شہداء کو یاد کرتے ہوئے آج شمعیں روشن کی گئیں۔ مقررین نے بھٹو خاندان کی قربانیوں کا شکریہ ادا کرتے ہوئے کہا کہ جیالے بھی شہادت کے مرتبے پر فائز ہونے کا عزم رکھتے ہیں۔

    مزید برآں حیدرآباد میں 18 اکتوبر کو بلاول بھٹو زرداری کے تاریخی خطاب کے لیے پیپلز پارٹی کے قافلے روانہ ہو گئے، جن میں میرپورخاص کے کارکنان بھرپور شرکت کریں گے۔