Category: حیدرآباد

ٹھٹھہ(باغی ٹی وی نامہ نگار بلاول سموں)ٹھٹھہ پولیس نے ایک کامیاب کارروائی میں 7 گٹکا فروشوں اور ایک منشیات فروش کو گرفتار کرکے ان کے قبضے سے 1100 گرام چرس، 550 پیکٹ گٹکا اور گٹکا بنانے کا سامان برآمد کیا ہے۔

ایس ایس پی ٹھٹہ ڈاکٹر محمد عمران خان کی ہدایت پر تھانہ دہابیجی کی پولیس نے دہابیجی مارکیٹ میں مختلف مقامات پر کارروائی کرتے ہوئے ملزمان کو گرفتار کیا۔ گرفتار ملزمان میں عبدالغفار برڑو، راجا برڑو، اختیار برڑو، حفیظ شاہ، مراد شاہ، انور شیخ اور جاوید برڑو (تمام گٹکا فروش) اور نادر برڑو (منشیات فروش) شامل ہیں۔

پولیس نے بتایا کہ یہ کارروائی آئی جی سندھ غلام نبی میمن اور ڈی آئی جی پی حیدرآباد رینج طارق رزاق دہاریجو کی ہدایت پر کی گئی ہے۔ انہوں نے کہا کہ ٹھٹھہ پولیس منشیات، جرائم پیشہ عناصر اور گٹکا فروشوں کے خلاف کریک ڈاؤن جاری رکھے گی۔

گرفتار ملزمان کے خلاف تھانہ دہابیجی پر گٹکا ایکٹ اور نارکوٹکس ایکٹ کے تحت مقدمات درج کر لیے گئے ہیں۔

پولیس کی اس کامیاب کارروائی پر ضلع ٹھٹھہ کی سماجی، مذہبی اور سیاسی جماعتوں اور شہریوں نے آئی جی سندھ، ڈی آئی جی پی حیدرآباد رینج، ایس ایس پی ٹھٹہ اور ایس ایچ او دہابیجی کو مبارکباد دی ہے۔

ٹھٹہ،باغی ٹی وی (نامہ نگاربلاول سموں)سندھ میں سیلاب کا خطرہ، وزیر اعلیٰ مراد علی شاہ کا متاثرہ علاقوں کا دورہ،میڈیا سے گفتگو کرتے ہوئے مرادعلی شاہ نے کہا کہ بھارت اور بنگلا دیش سے بننے والا سسٹم 2 دن سے سندھ میں برس رہا ہے جس کے سبب سب سے زیادہ بارش تھرپارکر میں ہوئی۔

وزیر اعلیٰ سندھ سید مراد علی شاہ نے کہا ہے کہ بنگلادیش اور بھارت سے آنے والے مون سون کے نظام کی وجہ سے سندھ کے مختلف علاقوں میں سیلاب کا خطرہ پیدا ہو گیا ہے۔ گزشتہ کچھ دنوں سے تھرپارکر سمیت کراچی، ٹھٹہ، سجاول، بدین، عمرکوٹ، سانگھڑ اور شہید بینظیرآباد میں شدید بارشیں ہو رہی ہیں۔ انہوں نے کہا کہ حکومت نے سیلاب سے نمٹنے کے لیے تمام ممکنہ اقدامات اٹھا لیے ہیں۔

اپنے ٹھٹہ کے دورے کے دوران میڈیا سے گفتگو کرتے ہوئے وزیر اعلیٰ نے کہا کہ ٹھٹہ، سجاول اور بدین میں صورتحال کافی سنگین ہے۔ ہماری کوشش ہے کہ لوگوں کو کم سے کم نقصان پہنچے۔ انہوں نے کہا کہ 2022 کے سیلاب کے متاثرین کے لیے گھر بنانے کا کام تیزی سے جاری ہے اور اب تک لاکھوں گھر بنائے جا چکے ہیں۔

وزیر اعلیٰ نے ٹھٹہ-کراچی قومی شاہراہ پر زیر تعمیر کلورٹس کا معائنہ کیا اور متعلقہ حکام کو کام جلد مکمل کرنے کی ہدایت کی۔ انہوں نے دولہہ دریا خان سجاول پل پر دریائے سندھ کا بھی جائزہ لیا۔

نوری آباد،باغی ٹی وی (نامہ نگاراللہ وسایا پالاری)بارش نے مچائی تباہی،ایک موٹرسائیکل سوارکی جان گئی اور 15 سے زائد بکریاں بھی ہلاک

تفصیل کے مطابق نوری آباد میں موٹروے ایم نائن پر شدید بارش کے باعث ایک موٹرسائیکل سوار حادثے کا شکار ہو گیا اور موقع پر ہی دم توڑ گیا۔ جاں بحق شخص کی شناخت گارڈن کراچی کے رہائشی شہزاد ولد امین محمد کے طور پر ہوئی ہے۔

ابتدائی اطلاعات کے مطابق، موٹرسائیکل سوار حیدرآباد سے کراچی جا رہا تھا جب بارش کی وجہ سے موٹرسائیکل سلپ ہو گیا اور وہ شدید زخمی ہو گیا۔ پولیس نے لاش کو قبضے میں لے کر اسپتال منتقل کر دیا ہے۔

نوری آباد اور اس کے گردونواح میں تیز ہواؤں کے ساتھ موسلادھار بارش کے باعث زندگی معمول سے باہر ہو گئی۔ طوفانی بارش کی وجہ سے ایک گھر کی دیوار گر گئی جس سے 15 سے زائد بکریاں ہلاک ہو گئیں۔

نوری آباد،باغی ٹی وی (نامہ نگار اللہ وسایا پالاری) پولیس کی کارروائی کے خلاف گوٹھ قیصر جاکرو کے مکینوں کا احتجاج، ایم نائن موٹر وے بند

تفصیل کے مطابق گوٹھ قیصر جاکرو کے مکینوں نے نوری آباد پولیس کی جانب سے کی گئی کارروائی کے خلاف آج ایم نائن موٹر وے پر احتجاج کیا۔ مظاہرین کا الزام ہے کہ ایس ایچ او نیک محمد کھوسو کے حکم پر انہیں بلاوجہ نشانہ بنایا جا رہا ہے۔

مظاہرین کے مطابق، پولیس کی کارروائی کے دوران رسول بخش جاکرو، منور جاکرو سمیت پانچ افراد زخمی ہو گئے۔ زمین کے ایک معاملے پر ایس ایچ او مسلسل گوٹھ میں داخل ہو کر خواتین اور بچوں پر تشدد کر رہا ہے۔

مظاہرین نے ایم نائن موٹر وے کو بند کر دیا جس کی وجہ سے کراچی اور حیدرآباد جانے والی سارا ٹریفک معطل ہو گئی۔ مظاہرین پولیس کے خلاف نعرے بازی کرتے رہے۔

بعد ازاں، ڈی ایس پی نوری آباد نے مظاہرین سے بات چیت کی جس کے بعد ٹریفک کی روانی بحال ہو گئی۔

ٹھٹھہ(باغی ٹی وی نامہ نگار بلاول سموں): ٹھٹھہ پولیس نے ایک شاندار کارروائی کرتے ہوئے کراچی سے چھینی گئی ایک الٹس کورولا کار برآمد کر لی ہے۔

تفصیلات کے مطابق، کراچی سے ایک شہری محمد فواد فاروق سے گن پوائنٹ پر ایک الٹس کورولا کار نمبر BQG-727 چھینی گئی تھی جو کہ ٹھٹھہ کی طرف آرہی تھی۔ اس حوالے سے ٹھٹھہ پولیس کو اطلاع ملنے پر ایس ایس پی ٹھٹھہ ڈاکٹر محمد عمران خان کے احکامات پر ایس ڈی پی او ساکرو اور ایس ایچ او گھارو بمعہ اسٹاف نے بروقت ناکہ بندی کردی۔

پولیس کی بروقت اور موثر ناکہ بندی کے نتیجے میں ملزمان نے پولیس کو پیچھا کرتے دیکھ کر پیر بخاری کے ڈی نالی پر چھینی ہوئی کار چھوڑ کر فائرنگ کرتے ہوئے جنگل میں فرار ہوگئے۔ پولیس نے موقع پر پہنچ کر چھینی ہوئی کار برآمد کرلی، اور کار کے مالک کے چھینے گئے دیگر دستاویزات بشمول شناختی کارڈ، اے ٹی ایم کارڈ، ڈرائیونگ لائسنس بھی برآمد کر لئے۔

پولیس کی جانب سے علاقے میں سرچ اور ملزمان کی تلاش جاری ہے۔

ٹھٹھہ ،باغی ٹی وی (نامہ نگاربلاول سموں)پولیس کی کامیاب کارروائی: گٹکا کارخانہ پر چھاپہ مار کر بھاری مقدار میں گٹکا برآمد

تفصیل کے مطابق ٹھٹھہ پولیس نے شہر میں چلنے والے گٹکا کاروبار کے خلاف کامیاب کارروائی کرتے ہوئے ایک گٹکا کارخانے پر چھاپہ مار کر بھاری مقدار میں گٹکا برآمد کرلیا ہے۔ پولیس نے اس دوران تین گٹکا فروشوں کو بھی گرفتار کرلیا ہے۔

ایس ایس پی ٹھٹھہ ڈاکٹر محمد عمران خان کی ہدایت پر پولیس نے منشیات اور دیگر غیر قانونی سرگرمیوں کے خلاف کریک ڈاؤن شروع کیا ہوا ہے۔ اس سلسلے میں تھانہ گھوڑاباڑی کی پولیس نے بدنام زمانہ گٹکا فروش غنی تنیو کے گٹکا کارخانے پر چھاپہ مارا۔

پولیس نے کارروائی کے دوران کارخانے سے 6000 پیکٹ گٹکا، 25 کلوگرام تیار گٹکا، چونا، ردی اور گٹکا بنانے میں استعمال ہونے والا دیگر سامان برآمد کیا۔ پولیس نے اس دوران عباس ملاح، پپو ملاح اور رحیم بخش منگنھار نامی تین گٹکا فروشوں کو بھی گرفتار کرلیا۔

پولیس نے گرفتار ملزمان کے خلاف تھانہ گھوڑاباڑی میں گٹکا ایکٹ کے تحت مقدمہ درج کرلیا ہے اور مزید تفتیش جاری ہے۔

اس کامیاب کارروائی پر ایس ایس پی ٹھٹھہ نے پولیس پارٹی کو مبارکباد دی ہے۔

ٹھٹھہ،باغی ٹی وی (نامہ نگاربلاول سموں کی رپورٹ) ٹھٹھہ کے علاقے میں سی آئی اے پولیس نے ایک بڑی کارروائی کرتے ہوئے گٹکا مٹیریل کی سپلائی کی کوشش کو ناکام بنا دیا ہے۔ پولیس نے ایک ملزم کو گرفتار کرکے اس کے قبضے سے 2600 کلو گٹکا مٹیریل اور ایک ڈمپر برآمد کیا ہے۔

ایس ایس پی ٹھٹھہ ڈاکٹر محمد عمران خان کے احکامات پر ٹھٹھہ پولیس منشیات، جرائم پیشہ عناصر اور گٹکا سمگلنگ کے خلاف کریک ڈاؤن کر رہی ہے۔ اس سلسلے میں انچارج سی آئی اے ٹھٹھہ انسپیکٹر ممتاز علی بروہی بمعہ اسٹاف نے تھانہ کینجھر کی حدود میں ایک کامیاب کارروائی کرتے ہوئے ایک ڈمپر میں گٹکا مٹیریل لاد کر لایا جا رہا تھا جسے موقع پر ہی روک لیا گیا۔

پولیس نے ڈمپر کو حراست میں لے کر اس میں سے 2600 کلو گٹکا مٹیریل برآمد کیا اور ڈمپر کا ڈرائیور عبدالخالق ولد محمد بخش چنا رہائشی حب بلوچستان کو گرفتار کر لیا۔ پولیس نے ملزم کے خلاف تھانہ کینجھر میں مقدمہ درج کر لیا ہے۔

ٹھٹھہ،باغی ٹی وی (نامہ نگاربلاول سموں کی رپورٹ)پولیس میں اصلاحات، عوام کی شکایات پر فوری ایکشن لینے کا حکم

ایس ایس پی ٹھٹھہ ڈاکٹر محمد عمران خان نے آئی جی سندھ اور ڈی آئی جی حیدرآباد رینج کی ہدایات پر عمل کرتے ہوئے ضلع بھر کے تمام تھانوں میں نئےایس ایچ اوز تعینات کر دیئے ہیں۔ ایس ایس پی نے تمام افسران کو ہدایت کی ہے کہ وہ عوام کے ساتھ خوش اخلاقی سے پیش آئیں اور ان کی شکایات کا فوری طور پر ازالہ کریں۔

ایک خصوصی بریفنگ میں ایس ایس پی نے ڈیوٹی افسران کو واضح ہدایات جاری کیں کہ وہ یونیفارم میں ڈیوٹی کریں، شہریوں کی شکایات کو توجہ سے سنیں اور فوری کارروائی کریں۔ انہوں نے کہا کہ چوری، ڈکیتی اور دیگر جرائم کی اطلاع ملتے ہی فوری کارروائی کی جائے اور مقدمات درج کیے جائیں۔

ایس ایچ او کی غیر موجودگی میں ڈیوٹی آفیسر بطور انچارج تھانہ کام کرے گا،تمام تھانوں پر تعینات ڈیوٹی آفیسرز 8 گھنٹے کی شفٹ میں ڈیوٹی کریں گے،

ایس ایس پی ٹھٹھہ نے زور دے کر کہا کہ پولیس کا بنیادی مقصد عوام کی خدمت کرنا ہے اور اس مقصد کے لیے تمام ممکنہ اقدامات اٹھائے جائیں گے۔ انہوں نے عوام سے اپیل کی کہ وہ پولیس کے ساتھ تعاون کریں اور کسی بھی قسم کی شکایت یا اطلاع فوری طور پر پولیس کو دیں۔