Category: حیدرآباد

نوری آباد،باغی ٹی وی (نامہ نگاراللہ وسایا پالاری)حیدرآباد کی عدالت میں پسند کی شادی کےجوڑے کی پریس کلب میں پریس کانفرنس

تفصیل کے مطابق ٹنڈو آدم سے تعلق رکھنے والی لڑکی صغریٰ اور مٹیاری کے خالد حسین مری نے حیدرآباد کی عدالت میں شادی کرنے کے بعدشادی شدہ جوڑے نے سندھ پریس کلب کوٹری ایٹ جامشورو پہنچ کر پریس کانفرنس کرتے ہوئے نوبیاہتا لڑکی صغریٰ نے کہا کہ میں نے خالد حسین مری سے حیدرآباد کی عدالت میں نکاح کیا ہے جس کی اجازت اسلام اور پاکستان کا قانون دیتا ہے

لڑکی نے کہاکہ میں اپنی رضا اورخوشی سے پسند کی شادی کی ہے مگر میرے بھائی آصف کھوکھر، امتیاز کھوکھر، چچا حاجی صاحب علی گل کھوکھر اور مرتضیٰ کھوکھر اور سوتیلےبھائی علی حسن اور رمضان کھوکھر جان کے دشمن بن بیٹھے ہیں ہماری جان کو خطرہ ہے

لڑکی نے آئی جی سندھ اور اعلیٰ افسران سےاپیل کرتے ہوئے کہاکہ کہ مجھے اور میرے شوہر کو تحفظ فراہم کیا جائے ۔ تاکہ ہم اپنی زندگی بلاخوف وخطر سکون سے بسر کر سکیں.

میہڑ،باغی ٹی وی (نامہ نگارمنظورعلی جوئیہ)کھجوریں چوری، 8 سالہ بچے کورسیوں سے باندھ کر تشدد کامعاملہ ،وزیرداخلہ سندھ ضیاءالحسن لنجار کا نوٹس ظالم وڈیرہ گرفتار کرلیاگیا

کراچی سے وزیرڈاخلہ سندھ کے آفس سے جاری پریس ریلیز کے مطابق میہڑ کے گاؤںلیاقت علی جتوئی میں صرف تین کھجوریں کھانے پر بچے کو زنجیروں سے باندھنے کا معاملہ۔وزیر داخلہ سندھ ضیاء الحسن لنجار نے ایس ایس پی دادو سے تفصیلات طلب کرلیں۔

وزیر داخلہ سندھ نے کہا کہ غیر انسانی سلوک میں ملوث کرداروں کے خلاف قانون کے مطابق کارروائی کی جائے۔بچے اور اسکے والدین کو تحفظ فراہم کیا جائے۔ابتدائی پولیس اقدامات پر مشتمل تفصیلات سے آگاھ کیا جائے۔

یہ بھی پڑھیں
میہڑ: رائس مل مالک نے کھجوریں چوری کرنے کے الزام میں 8 سالہ بچے کورسیوں سے باندھ دیااور تشدد ویڈیو وائرل

یاد رہےکہ میہڑ کے علاقہ حاجن شاہ کالونی میں افسوس ناک واقعہ رونما ہوا ہےعلاقہ کے مل مالک بااثر مولوی عبدالواب جتوئی نے ظلم کی انتہاکرتے ہوئے 8 سالہ معصوم بچے مظفر علی لاشاری کو کھجور کے درخت سے کھجوریں اتارنے کے الزام پر معصوم بچے کو رسیوں سے باندھ کر بہیمانہ تشدد کا نشانہ بناڈالا، ویڈیو میں دیکھا جاسکتا ہے کہ بچے کوکس طرح بے دردی سے بانس کے ڈنڈے سے ماراجارہاہےجوکہ تشدد کے باعث بیہوشی کی حالت میں والدین کو ملا تھا

میہڑ،باغی ٹی وی (نامہ نگارمنظورعلی جوئیہ)رائس مل مالک نے کھجوریں چوری کرنے کے الزام میں 8 سالہ بچے کورسیوں سے باندھ دیااور تشدد ویڈیو وائرل

تفصیل کے مطابق حاجن شاہ کالونی میں افسوس ناک واقعہ رونما ہوا ہےعلاقہ کے مل مالک بااثر مولوی عبدالواب جتوئی نے ظلم کی انتہاکرتے ہوئے 8 سالہ معصوم بچے مظفر علی لاشاری کو کھجور کے درخت سے کھجوریں اتارنے کے الزام پر معصوم بچے کو رسیوں سے باندھ کر بہیمانہ تشدد کا نشانہ بناڈالا،معصوم ویڈیو میں دیکھا جاسکتا ہے کہ بچے کوکس طرح بے دردی سے بانس کے ڈنڈے سے ماراجارہاہے

معصوم بچے کے والد شوکت لاشاری نے میڈیا کو بتایا کہ علاقے کے بااثر وڈیرے رائس مل مالک عبدالوہاب جتوئی نے ظلم کی انتہا کرتے ہوئے کھجوریں چوری کرنے کے الزام میرے 8 سالہ معصوم بچے کو رائس مل کے اندر رسیوں سے باندھ کر سخت تشدد کا نشانہ بنایا ہے

جوکہ تشدد کے باعث بیہوش حالت میں ہمیں ملا ہے انہوں نے آئی جی سندھ، ڈی آئی جی حیدآباد، ایس ایس پی دادو سے مطالبہ کیا ہے کہ واقعے میں ملوث وڈیرے کے خلاف کارروائی کرکے ہمیں انصاف فراہم کیاجائے اور ہمیں تحفظ بھی دیا جائے.

نوری آباد(باغی ٹی وی )حیدرآباد، مٹیاری، ٹنڈو الہ یارسمیت سندھ کےکئی اضلاع میں بارش،نشیبی علاقے زیرآب،بجلی بند

سندھ کے مختلف اضلاع جن میں حیدرآباد، مٹیاری، ٹنڈو الہ یار، بھٹ شاہ ،نورآبادسمیت میں بارش سے شدید گرمی کا زور ٹوٹ گیا ،رات گئے طوفانی بارش کے باعث نشیبی علاقے زیرآب آگئے ، پانی سڑکوں پر جمع ہوگیا ہے اور بجلی کی فراہمی معطل بھی ہوگئی۔

حیدرآباد میں تیز بارش کے بعد شہر کی اہم شاہراہوں پر پانی جمع ہوگیا جبکہ 130 فیڈر ٹرپ کر گئے جس کی وجہ سے لطیف آباد کا بڑا حصہ بھی تاریکی میں ڈوب گیا،حیسکو فیڈر بند ہونے ک سے شہر سے نکاسی آب کا عمل متاثر ہوگیا ہے۔

اس کے علاوہ نوری آباد اورضلع مٹیاری میں بھی رات گئے طوفانی بارش سے نشیبی علاقے زیرآب آگئے اور ضلع مٹیاری میں بجلی کی فراہمی معطل ہوگئی۔

دوسری جانب ٹنڈو آدم ، شہدادپور، سانگھڑ او رگردو نواح میں گرچ چمک کے ساتھ بارش سے نشیبی علاقوں میں پانی جمع ہوگیا اور بجلی معطل سپلائی بھی معطل ہے .

ٹھٹھہ،باغی ٹی وی (نامہ نگاربلاول سموں) ڈپٹی کمشنر منور عباس سومرو کی زیر صدارت مون سون بارشوں کی صورت حال سے نمٹنے کیلئے انتظامات کا جائزہ لینے کے متعلق دربار ہال مکلی میں اہم اجلاس منعقدہ ہوا، جس میں ریونیو، صحت، تعلیم، لائیوسٹاک، لوکل گورنمنٹ، سوشل ویلفیئر، پولیس، آبپاشی، پبلک ہیلتھ، ایجوکیشن ورکس، مرف، پی پی ایچ آئی، ریسکیو 1122 و دیگر متعلقہ محکموں کے افسران اور این جی اوز کے نمائںدوں نے شرکت کی۔

اس موقع پر ڈپٹی کمشنر منور عباس سومرو نے تمام متعلقہ محکموں کے افسران کو ہدایت کی کہ وہ مون سون بارشوں کی صورتحال سے نمٹنے کیلئے تمام مطلوبہ انتظامات یقینی بنائیں تاکہ کسی بھی ممکنہ ہنگامی صورتحال کے دوران لوگوں کو کسی بھی قسم کی پریشانی کا سامنا کرنا نہ پڑے۔ انہوں نے کہا کہ تمام محکمے باالخصوص محکمہ آبپاشی، لوکل گورنمنٹ، لائیواسٹاک اور صحت ایسی تمام صورتحال میں الرٹ رہیں۔

انہوں نے محکمہ آبپاشی کے افسران کو ہدایت کی کہ وہ دریائے سندھ کے تمام کمزور بندوں کی مرمت سمیت حساس بندوں کی نگرانی سمیت مشینری کی موجودگی کو یقینی بنائیں۔ انہوں نے لوکل گورنمنٹ و دیگر متعلقہ محکموں کے افسران کو ہدایت کی کہ بارشی پانی کی بروقت نکاسی، ڈسپوزلز اور ڈرین نالوں کی صفائی ستھرائی کو یقینی بنانے سمیت ڈی واٹرنگ پمپ و دیگر مشینری کو فعال رکھا جائے۔ ڈپٹی کمشنر نے کہا کہ تمام محکمے آپس میں مربوط رابطے میں رہیں تاکہ کسی بھی ممکنہ ہنگامی صورتحال سے بروقت نمٹا جا سکے۔

انہوں نے محمہ صحت کے افسران کو ہدایت کی کہ وہ ضلعی ہیڈ کوارٹر ہسپتال، بی ایچ یوز، آر ایچ سیز میں ضروری ادویات سمیت ڈاکٹرز اور پیرامیڈیکل اسٹاف کی موجودگی کو یقینی بنائیں۔ قبل ازیں تمام متعلقہ محکموں کے افسران نے مون سون بارشوں کے پیش نظر پیشگی انتظامات کے متعلق تفصیلی بریفنگ بھی دی۔

ٹھٹھہ ،باغی ٹی وی( بلاول سموں کی رپورٹ) ضلع ٹھٹھہ کے تحصیل گھوڑا باری کے گاؤں سانول پور میں بھائی نے غیرت کے نام پر اپنی بہن حاجرہ کو کاروکاری کے شک میں کلہاڑیوں کے وار کر کے قتل کردیا، ملزم گرفتار،

تفصیلات کے مطابق ٹھٹھہ سے پچیس کلومیٹر دور تحصیل گھوڑاباری کے گاؤں سانول پور میں ایک شخص محمد رمضان ولد احمد مٹائی ملاح نے اپنی بھن 25 سالہ حاجرہ کو غیرت کے نام پر کاروکاری کا الزام لگا کر کہاڑیوں کے وار کرکے قتل کردیا،

جبکہ پولیس نے مقتولہ کے بھائیوں محمد رمضان اور محمد یوسف ملاح کو بھی گرفتار کرلیا ہے،اور واردات میں استعمال کی گئی کلہاڑی بھی برآمد کرلی، پولیس کے مطابق ملزمان نے اعتراف جرم کرلیا ہے

لاش کو پوسٹ مارٹم اور ضروری کارروائی کے لئے سول ہسپتال ٹھٹھہ منتقل کردیا گیا ہے.