Category: حیدرآباد

میرپورخاص،باغی ٹی وی( نامہ نگار سید شاہزیب شاہ کی رپورٹ ) چیف جسٹس سندھ ہائی کورٹ جسٹس عقیل احمد عباسی ایک روزہ دورے پر میرپورخاص آمد

چیف جسٹس سندھ ہائی کورٹ جسٹس عقیل احمد عباسی نے سینٹرل جیل میرپورخاص میں وڈیو لنک سہولت کا افتتاح کیا۔چیف جسٹس سندھ ہائی کورٹ جسٹس عقیل احمد عباسی نے سینٹرل جیل میرپورخاص کاتفصیلی دورہ کیا جیل میں جیل سرگرمیوں کو مانیٹرنگ کرنے کے لئے وڈیو لنک کا افتتاح کیا جبکہ اسٹیوٹا کی جانب سے قیدیوں کو فنی تربیت دینے کے لئے کمپیوٹر اور الیکٹرک کلاسز کا بھی معائنہ کیا۔

بعد ازاں انہوں نے جیل کے گرین ہاؤس میں پودا لگا کر شجرکاری کی،چیف جسٹس سندھ ہائی کورٹ جسٹس عقیل احمد عباسی نے جیل مینوئل کے تحت قیدیوں کو فراہم کیا جانے والا کھانا بھی کھا کر چیک کیا اور جیل سپرنٹینڈنٹ شہاب الدین صدیقی کی جانب سے جیل میں بہتر اور پر فضا ماحول فراہم کرنے کے لئے کئے گئے اقدامات کو سراہا۔

بعد ازاں سندھ ہائی کورٹ میرپورخاص کے جج لاجز کا افتتاح کرنے کے بعد سندھ ہائی کورٹ سرکٹ بینچ میرپورخاص کے لیے مختص کی گئی سائیٹ کا معائنہ بھی کیا اور ڈسٹرکٹ کورٹ کمپلیکس میں ڈسٹرکٹ بار ایسوسی ایشن تقریب میں شرکت کی

ڈسٹرکٹ بار ایسوسی ایشن میرپورخاص میں منعقدہ تقریب سے چیف جسٹس سندھ ہائی کورٹ جسٹس عقیل احمد عباسی کا کہنا تھا کہ وکلاء عدالتوں میں زیر التواء سائلین کے کیسز کا بہتر طور پر دفاع کرکے انہیں عدالتی انصاف فراہم کریں اور سائلین سے حسن سلوک سے پیش آکر انصاف کی فراہمی میں کلیدی کردار ادا کریں تاکہ لوگوں کا عدالتی انصاف و عدل پر مکمل طور اعتماد بحال ہو سکے

ان کے ہمراہ جسٹس محمد شفیق صدیقی ، جسٹس صلاح الدین پنہور ، ڈسٹرکٹ اینڈ سیشن جج میرپورخاص محمد یاسین قادری ڈویژنل کمشنر میرپورخاص فیصل احمد عقیلی ، ڈی آئی جی پولیس میرپورخاص تنویر عالم اوڈھو ، ایڈیشنل کمشنر ون ڈاکٹر علی نواز بھوت ، ایس ایس پی میرپورخاص عادل میمن ، ایڈیشنل ڈپٹی کمشنر میرپورخاص ون غلام دستگیر شیخ ، ایڈیشنل رجسٹرار طاہر راجپوت ، سندھ ہائی کورٹ بار کے صدر جان علی جونیجو ، جنرل سیکریٹری قلندر بخش لغاری ،ڈسٹرکٹ بار ایسوسی ایشن میرپورخاص کے صدر مسعود لغاری و دیگر وکلاء بھی موجود تھے .

چیف جسٹس سندھ ہائی کورٹ جسٹس عقیل احمد عباسی نے ڈسٹرکٹ بار ایسوسی ایشن میرپورخاص کی جانب سے مقامی ہال میرپورخاص میں دئیے گئے ظہرانے میں بھی شرکت کی

میرپورخاص(باغی ٹی وی نامہ نگار سید شاہزیب شاہ کی رپورٹ )میرپورخاص کی یونین کونسل 3 کے مکین انسانیت کی سطح سے بھی نچلی سطح پرزندگی گذارنے پر مجبور۔
گھروں میں حتی کہ کمروں تک میں گٹر اور نالیوں کا پانی بھر گیا۔یونین کونسل 3 کے وائس چیئرمین سلیم غوری سے رابطہ کیا گیا تو بڑی مشکل سے انہوں نے فون اٹھایا اور فون اٹھانے کے بعد پورے ایک مہینے سے ٹال مٹول سے کام لے رہے ہیں ان کا کہنا ہے کہ کام آج ہو جائے گا کل ہو جائے گا آج ہو جائے گا کل ہو جائے گا۔

شہریوں محمد جاوید ،محمد خالد کا کہنا ہے کہ پورے محلے کے گھروں میں گٹر اور نالی کا پانی بھرا ہوا ہے اور ہمارے تو کمروں تک میں گٹر اور نالی کا پانی موجود ہے، سلیم غوری نامی وائس چیئرمین نے صرف ایک بار ہمارا فون اٹھایا اور اس کے بعد اب فون ہی نہیں اٹھاتا۔

یہاں کا ساجد نامی سینٹری انسپکٹر ایک مہینے سے جھوٹی تسلیوں اور دلاسوں سے کام چلا رہا ہے میڈیا کو انہوں نے اپنے پورے گھر کا وزٹ کرایا ،گھر میں مین گیٹ سے ہی گندے پانی نے تالاب کی شکل اختیار کر رکھی ہے۔

مکینوں کا کہنا ہے کہ یہ لوگ ووٹ لینے تو آ جاتے ہیں اس کے بعد پلٹ کر دیکھنا بھی گوارا نہیں کرتے۔سلیم غوری تو یہاں کبھی چکر بھی نہیں لگاتے کبھی پوچھنا تک گوارہ نہیں کرتے کہ علاقہ مکین جی رہے ہیں یا مر رہے ہیں۔

اہل محلہ کا کہنا ہے کہ بلدیہ سے جو صفائی کا فنڈ ملتا ہے وہ کہاں جاتا ہے۔جب لوگوں کے گھروں میں گندے پانی کے تالاب بنے ہوئے ہیں صفائی نہیں ہوتی گٹر اور نالی صاف نہیں ہوتے تو آخر وہ فنڈ کس کام کے استعمال میں آتا ہے۔اہل محلہ نے میونسپل کارپوریشن میرپورخاص کے میئر عبدالرؤف غوری سے بھرپور مطالبہ کیا ہے کہ گٹر اور نالیوں کی صفائی کر کاے ہمارے گھر وں سے بھی پانی نکالا جائے۔

انہوں نے مزید کہا کہ میئر عبدالرف غوری کو دعوت دیتے ہیں کہ وہ ہمارے گھر آئیں۔اور یونین کونسل کے چیئرمین اور وائس چیئرمین سلیم غوری کی کارکردگی دیکھیں کہ علاقے میں کس طرح صفائی کروا رہے ہیں

انہوں نے کہا کہ خوف خدا کریں آپ کو بھی اللہ پاک کو جواب دینا ہے۔جاوید قریشی نے میئر عبدالروف غوری سے سوال کیا کہ جب اللہ پاک نے آپ کو اس عہدے پر فائز کیا ہے تو آپ کی 100 فیصد ذمہ داری بنتی ہے کہ شہریوں کا خیال رکھیں ،علاقہ مکینوں نے میئر میرپورخاص عبدالرؤف غوری سے پرزور مطالبہ کیا کہ الیکشن ہو گئے سب کچھ ہو گیا اب برائے مہربانی صفائی پر توجہ دی جائے اور ہمارے محلے کی صفائی ترجیحی بنیادوں پر کی جائے

میرپورخاص، باغی ٹی وی (نامہ نگار سید شاہزیب شاہ کی رپورٹ )میرپورخاص یوسی 5 خادم علی شاہ سمن آباد کالونی کی اس وقت کی صورت حال جو کہ ایک عرصہ دراز سے یہ لاپروائی کا نظام دامن تھامیں ہوئے ہیں بارش تو بہت دور کی بات ہے اس نالے کی صورت حال کسی بڑے تلاب سے کم نہیں روزانہ کی بنیاد پر علاقہ مکینوں کے گھروں میں گندہ گٹر کا پانی داخل ہوتا ہے

علاقہ مکیں اس پریشانی میں مبتلا ہیں اور گلی میں مسجد بھی موجود ہے اور اس گندے پانی کی وجہ سے لوگ مسجد جانے میں بھی بہت پریشانی کا سامنا کرنا پڑتا ہے،علاقہ مکینوں کا کہنا یہ نالہ سیدذوالفقار علی شاہ کے حلقہ اور ہری رام کا حلقہ ان دونوں حلقوں کے درمیان یہ گندے پانی کا نالہ موجود مگر افسوس کی بات ہے کہ ہم ان لوگوں کے پاس جا جا کر ہم لوگ تھک گئیں ہیں لیکن ہماری کوئی سننے کو تیار نہیں

جبکہ ایم پی ایم ہری رام کے بیٹے کرن نے بھی اس نالے کی صورت حال کو چیک کیا مگر کوئی حل نہیں نکل پایا اور علاقہ مکینوں کا مزید کہنا ہے ہمارے علاقوں مگر ہمارے اس مصلے سے بے خبر ہیں

میرپورخاص،باغی ٹی وی( نامہ نگار سید شاہزیب شاہ کی رپورٹ ) سپریم کورٹ آف پاکستان کی جانب سے اقلیتی حقوق کے متعلق تشکیل کردہ ون مین کمیشن کے چیئرمین ڈاکٹر شعیب سڈل نے ڈویژنل کمشنر میرپورخاص فیصل احمد عقیلی کے ہمراہ کمشنر کانفرنس ہال میں ایک اعلیٰ سطح اجلاس کی صدارت کرتے ہوئے کہا کہ پاکستان میں اقلیتوں کو مساوی حقوق حاصل ہیں یہی وجہ ہے کہ پاکستان میں پہلی بار اقلیتی نوجوانوں کا سی ایس ایس کا امتحان علیحدہ سے ہوا ہے جس سے اقلیتی نوجوان انتظامی محکموں میں تعینات ہو رہے ہیں

انہوں نے ڈپٹی کمشنر میرپورخاص ڈاکٹر رشید مسعود خان کو ہدایت کی کہ اقلیتی علاقوں میں مالکانہ حقوق پینے کے پانی ڈرینج بجلی صحت کی سہولیات فراہم کرنے کے لئے اقدامات کئے جائیں انہوں نے ڈائریکٹر لوکل گورنمنٹ میرپورخاص عبدالناصر کو ہدایت کی کہ شمشان گھاٹ اور ہندوؤں کے بچوں کے قبرستان کی صفائی کرائی جائے اور تجاوزات ختم کرائی جائیں

یو سی سیکریٹریوں کو پابند کیا جائے کہ وہ مینارٹی میرج رجسٹریشن کے لئے آنے والے لوگوں کو بلاجواز پریشان نہ کریں چیئرمین نے ڈی آئی جی پولیس میرپوخاص رینج تنویر عالم اوڈھو کو ہدایت کی کہ اقلیتیوں کے پولیس کیسز کو ترجیح بنیادوں پر دیکھا جائے اقلیتوں پر ظلم کرنے والوں کے خلاف قانونی کاروائی کی جائے

اس موقع پر کمشنر اور ڈپٹی کمشنر نے اقلیتوں کے مسائل حل کرانے کا یقین دلایا اجلاس میں سوشل ورکر محمد بخش کپری میرپورخاص اور سانگھڑ کی اقلیتی تنظیموں کے نمائندوں رادھا بھیل جیرام داس سرون کمار بھیل خالد پرویز بھٹی اور دیگر نےاقلیتی لوگوں کے درپیش مسائل پیش کرتے ہوئے کہا کہ شیڈول کاسٹ کے لوگوں کو قومی شناختی کارڈ بنوانے میں مسائل درپیش ہیں شیڈیول کاسٹ میرج رجسٹریشن میں یو سی سیکریٹریوں کی جانب سے پریشان کیا جاتا ہے

شمشان گھاٹ اور ہندوؤں کے بچوں کی قبرستان میں گندگی ہے اور لوگ قبضے کر رہے ہیں اقلیتی کالونیاں نہیں ہیں جس کی وجہ سے آئے روز بااثر لوگ اقلیتی لوگوں کو بے دخل کرتے رہتے ہیں مینارٹی کمیٹیوں میں اقلیت کو نمائندگی دی جائے مردم شماری میں شیڈیول کاسٹ کو درست تعداد ظاہر کی جائے اقلیت کے پانچ فیصد ملازمت کوٹہ پر عمل درآمد کرایا جائے

ضلعی سطح پر مینارٹی ڈیسک قائم کی جائے اور ضلعی انتظامیہ کو پابند کیا جائے کہ اقلیتی مسائل کے حل کے لیے ماہوار کھلی کچہری منعقد کی جائے مینارٹی دفتر قائم کیا جائے

اس موقع پر چیئرمین نے لوگوں سے درخواستیں وصول کرکے موقع پر احکامات جاری کئے اجلاس میں ایڈیشنل کمشنر ون علی نواز بھوت ایڈیشنل کمشنر ٹو سونو خان چانڈیو ایس ایس پی میرپورخاص عادل میمن اے ڈی سی ون سانگھڑسلیم جتوئی اے ڈی سی ٹو میرپورخاص پریم چند اے ڈی سی ون میرپورخاص غلام دستگیر شیخ اور دیگر ضلعی افسران نے شرکت کی ۔