Category: حیدرآباد

میرپورخاص، باغی ٹی وی (نامہ نگار سید شاہزیب شاہ کی رپورٹ )میرپورخاص یوسی 5 خادم علی شاہ سمن آباد کالونی کی اس وقت کی صورت حال جو کہ ایک عرصہ دراز سے یہ لاپروائی کا نظام دامن تھامیں ہوئے ہیں بارش تو بہت دور کی بات ہے اس نالے کی صورت حال کسی بڑے تلاب سے کم نہیں روزانہ کی بنیاد پر علاقہ مکینوں کے گھروں میں گندہ گٹر کا پانی داخل ہوتا ہے

علاقہ مکیں اس پریشانی میں مبتلا ہیں اور گلی میں مسجد بھی موجود ہے اور اس گندے پانی کی وجہ سے لوگ مسجد جانے میں بھی بہت پریشانی کا سامنا کرنا پڑتا ہے،علاقہ مکینوں کا کہنا یہ نالہ سیدذوالفقار علی شاہ کے حلقہ اور ہری رام کا حلقہ ان دونوں حلقوں کے درمیان یہ گندے پانی کا نالہ موجود مگر افسوس کی بات ہے کہ ہم ان لوگوں کے پاس جا جا کر ہم لوگ تھک گئیں ہیں لیکن ہماری کوئی سننے کو تیار نہیں

جبکہ ایم پی ایم ہری رام کے بیٹے کرن نے بھی اس نالے کی صورت حال کو چیک کیا مگر کوئی حل نہیں نکل پایا اور علاقہ مکینوں کا مزید کہنا ہے ہمارے علاقوں مگر ہمارے اس مصلے سے بے خبر ہیں

میرپورخاص،باغی ٹی وی( نامہ نگار سید شاہزیب شاہ کی رپورٹ ) سپریم کورٹ آف پاکستان کی جانب سے اقلیتی حقوق کے متعلق تشکیل کردہ ون مین کمیشن کے چیئرمین ڈاکٹر شعیب سڈل نے ڈویژنل کمشنر میرپورخاص فیصل احمد عقیلی کے ہمراہ کمشنر کانفرنس ہال میں ایک اعلیٰ سطح اجلاس کی صدارت کرتے ہوئے کہا کہ پاکستان میں اقلیتوں کو مساوی حقوق حاصل ہیں یہی وجہ ہے کہ پاکستان میں پہلی بار اقلیتی نوجوانوں کا سی ایس ایس کا امتحان علیحدہ سے ہوا ہے جس سے اقلیتی نوجوان انتظامی محکموں میں تعینات ہو رہے ہیں

انہوں نے ڈپٹی کمشنر میرپورخاص ڈاکٹر رشید مسعود خان کو ہدایت کی کہ اقلیتی علاقوں میں مالکانہ حقوق پینے کے پانی ڈرینج بجلی صحت کی سہولیات فراہم کرنے کے لئے اقدامات کئے جائیں انہوں نے ڈائریکٹر لوکل گورنمنٹ میرپورخاص عبدالناصر کو ہدایت کی کہ شمشان گھاٹ اور ہندوؤں کے بچوں کے قبرستان کی صفائی کرائی جائے اور تجاوزات ختم کرائی جائیں

یو سی سیکریٹریوں کو پابند کیا جائے کہ وہ مینارٹی میرج رجسٹریشن کے لئے آنے والے لوگوں کو بلاجواز پریشان نہ کریں چیئرمین نے ڈی آئی جی پولیس میرپوخاص رینج تنویر عالم اوڈھو کو ہدایت کی کہ اقلیتیوں کے پولیس کیسز کو ترجیح بنیادوں پر دیکھا جائے اقلیتوں پر ظلم کرنے والوں کے خلاف قانونی کاروائی کی جائے

اس موقع پر کمشنر اور ڈپٹی کمشنر نے اقلیتوں کے مسائل حل کرانے کا یقین دلایا اجلاس میں سوشل ورکر محمد بخش کپری میرپورخاص اور سانگھڑ کی اقلیتی تنظیموں کے نمائندوں رادھا بھیل جیرام داس سرون کمار بھیل خالد پرویز بھٹی اور دیگر نےاقلیتی لوگوں کے درپیش مسائل پیش کرتے ہوئے کہا کہ شیڈول کاسٹ کے لوگوں کو قومی شناختی کارڈ بنوانے میں مسائل درپیش ہیں شیڈیول کاسٹ میرج رجسٹریشن میں یو سی سیکریٹریوں کی جانب سے پریشان کیا جاتا ہے

شمشان گھاٹ اور ہندوؤں کے بچوں کی قبرستان میں گندگی ہے اور لوگ قبضے کر رہے ہیں اقلیتی کالونیاں نہیں ہیں جس کی وجہ سے آئے روز بااثر لوگ اقلیتی لوگوں کو بے دخل کرتے رہتے ہیں مینارٹی کمیٹیوں میں اقلیت کو نمائندگی دی جائے مردم شماری میں شیڈیول کاسٹ کو درست تعداد ظاہر کی جائے اقلیت کے پانچ فیصد ملازمت کوٹہ پر عمل درآمد کرایا جائے

ضلعی سطح پر مینارٹی ڈیسک قائم کی جائے اور ضلعی انتظامیہ کو پابند کیا جائے کہ اقلیتی مسائل کے حل کے لیے ماہوار کھلی کچہری منعقد کی جائے مینارٹی دفتر قائم کیا جائے

اس موقع پر چیئرمین نے لوگوں سے درخواستیں وصول کرکے موقع پر احکامات جاری کئے اجلاس میں ایڈیشنل کمشنر ون علی نواز بھوت ایڈیشنل کمشنر ٹو سونو خان چانڈیو ایس ایس پی میرپورخاص عادل میمن اے ڈی سی ون سانگھڑسلیم جتوئی اے ڈی سی ٹو میرپورخاص پریم چند اے ڈی سی ون میرپورخاص غلام دستگیر شیخ اور دیگر ضلعی افسران نے شرکت کی ۔

ٹھٹھہ،باغی ٹی وی (بلاول سموں) ڈسٹرکٹ رٹرننگ افسر و ڈپٹی کمشنر اسد علی خان کی زیر صدارت الیکشن کمیشن آف پاکستان کے جاری کردہ عام انتخابات 2024ء کے حوالے سے ضابطہ اخلاق کے متعلق دربار ہال مکلی میں ایک اہم اجلاس منعقدہ ہوا، جس میں ایس ایس پی آفتاب احمد نظامانی، ڈسٹرکٹ الیکشن کمشنر محمد عمران آرائیں اور ڈسٹرکٹ مانیٹرنگ افسر سجاد انصاری سمیت قومی و صوبائی نشستوں کے امیدواران اور ان کے نمائندگان نے شرکت کی۔

اس موقع پر ڈسٹرکٹ رٹرننگ افسر و ڈپٹی کمشنر اسد علی خان نے کہا کہ عام انتخابات 2024ء میں حصہ لینے والے امیدوار اور پارٹیاں الیکشن کمیشن آف پاکستان کے جاری کردہ ضابطہ اخلاق پر عملدرامد کو ہر صورت یقینی بنائیں۔ انہوں نے کہا کہ ہمارے لئے تمام امیدوار برابر ہیں، سب کیلئے فری ماحول پیدا کرنا ہے، اگر کسی بھی امیدوار کو شکایت ہے تو وہ تحریری طور پر آگاہ کرے، ثابت ہونے پر کارروائی ہوگی۔

انہوں نے کہا کہ ضلع بھر میں صاف و شفاف انتخابات کے انعقاد کو یقینی بنانے کے لیے تمام تر وسائل بروئے کار لائے جائیں گے، کسی کو بھی امن و امان خراب کرنے کی اجازت ہر گز نہیں دی جائے گی۔ انہوں نے کہا کہ ٹھٹھہ پرامن ضلع ہے، تمام امیدواران کو الیکشن کے دن اور ایک دن بعد امن و امان برقرار رکھنے کیلئے اپنا بھرپور کردار ادا کرنا ہوگا۔ انہوں نے کہا کہ بلدیاتی نمائندے اور سرکاری ملازمین انتخابی مہم کا حصہ بننے سے گریز کریں بصورت دیگر ثبوت ملنے پر کارروائی عمل میں لائی جائے گی۔

اس موقع پر امیدواران کی جانب سے مختلف شکایات کی گئیں جس پر انہوں نے متعلقہ افسران کو کارروائی کے احکامات بھی دیئے۔ بعد اس موقع پر ایس ایس پی آفتاب احمد نظامانی نے کہا کہ صاف، شفاف اور پر امن انتخابات کے انعقاد کیلئے ہر ممکن اقدامات کئے جائیں گے اور اس ضمن میں ایک مؤثر کانٹیجنسی پلان بھی تشکیل دیا گیا ہے۔

بعد ازاں ڈسٹرکٹ مانیٹرنگ افسر سجاد انصاری نے شرکاء کو بریفنگ میں عام انتخابات کے ضابطہ اخلاق کے حوالے سے تفصیلی بریفنگ دیتے ہوئے بتایا کہ انتخابی مہم کے دوران گاڑیوں اور کار ریلیوں پر مکمل پابندی ہوگی جبکہ عوامی جلسوں اور جلوسوں میں اور پولنگ والے دن کسی قسم کے ہتھیار اور آتشی اسلحہ کو لے جانے یا ان کی نمائش پر بھی مکمل پابندی عائد ہوگی۔

انہوں نے بتایا کہ بل بورڈز، وال چاکنگ اور پینافلیکس پر مکمل پابندی عائد ہوگی جبکہ ضابطہ اخلاق کے تحت مقررہ سائز کے پوسٹرز، ہینڈ بل اور پمفلیٹس کی اجازت ہوگی جبکہ سرکاری عمارتوں پر کسی قسم کا انتخابی تشہری مواد لکھنے یا لگانے پر پابندی ہوگی۔

انہوں نے بتایا کہ سیاسی جماعتیں اور امیدواران اپنی انتخابی مہم کے سلسلے میں ریلیاں اور جلسے و جلوس نکالنے سے قبل متعلقہ ڈی آر او اور آر اوز کو اطلاع کرنے کے پابند ہوں گے جبکہ ایسی جگہوں پر عوامی جلسے اور اجتماعات منعقد کریں گے اور ایسا راستہ اختیار کریں گے جو اس مقصد کیلئے مختص کیا گیا ہو علاوہ ازیں الیکشن سے 48 گھنٹے پہلے ہر قسم کی انتخابی مہم بند ہوگی۔

میرپورخاص،باغی ٹی وی( نامہ نگار سید شاہزیب شاہ کی رپورٹ ) ریجنل الیکشن کمشنر آفس میرپورخاص کی جانب سے عام انتخابات میں پولنگ اسٹیشنز میں سیکیورٹی انتظامات کو یقینی بنانے کے متعلق دو روزہ تربیتی ورکشاپ کا انعقاد
تفصیلات کے مطابق ریجنل الیکشن کمشنر میرپورخاص کی جانب سے میرپورخاص ڈویژن میں عام انتخابات کے دوران پولنگ اسٹیشنوں میں سیکیورٹی انتظامات کو یقینی بنانے سے متعلق ڈی آئی جی آفس میرپورخاص میں ماسٹرز ٹریننگ کی دو روزہ تربیتی ورکشاپ کا انعقاد کیا گیا

ورکشاپ کے پہلے روز عام انتخابات کے دوران پولیس ماسٹر ٹرینرز کو پولنگ اسٹیشن یا پولنگ بوتھ میں سیکیورٹی اور حفاظتی انتظامات کو یقینی بنانے سے متعلق مختلف اقدامات کرنے جس میں پولنگ اسٹیشنوں کے ارد گرد مشکوک افراد پر کڑی نظر رکھنے ، پولنگ اسٹیشن پر ووٹ کے اندراج کے لیے آنے والے ووٹرز کا اصل قومی شناختی کارڈ چیک کرنے اور تلاشی لینے ، میڈیا اور مبصرین کے الیکشن کمیشن کی جانب سے جاری کردہ پاس چیک کرنے ، کسی بھی ناخوشگوار واقعہ رونما ہونے کی صورت میں حفاظتی اقدامات کرنے کے متعلق تربیت دی گئی

حفاظتی انتظامات کے متعلق تربیتی ورکشاپ میں ریجنل الیکشن کمشنر میرپورخاص امتیاز علی کلہوڑو ، ڈسٹرکٹ الیکشن کمشنرسانگھڑ شاہنواز بروہی نے الیکشن کمیشن آف پاکستان کی جانب سے جاری کردہ پولنگ اسٹیشنوں پر حفاظتی انتظامات کو یقینی بنانے سے متعلق تربیت دی

اس موقع پر ریجنل الیکشن کمشنر آفس کے اسٹنٹ وقار حسین ، عدنان ہالیپوٹو میرپورخاص ، عمرکوٹ ، اور تھرپارکر کے پولیس ماسٹر ٹرینرز نے شرکت کی

میرپورخاص،باغی ٹی وی( نامہ نگار سید شاہزیب شاہ کی رپورٹ )میرپورخاص میں منعقد ہونے والے پہلی میراتھن ریس میں اول پوزیشن پر آنے والی بچی لالی کی مالی و تکنیکی مدد کی جائے ویمن لیڈر شپ فورم،

تفصیلات کے مطابق میرپورخاص میراتھن ریس میں حصہ لینے والی بچی لالی جس کا تعلق ایک پسماندہ گاؤں مگھو پٹیل نزد 78 موری میرپورخاص سے ہے ، لالی کا خاندان مگھو پٹیل 78 موری کا ہی رہائشی ہے سماجی تنظیم سی ایس ایس پی کی کمیونٹی گروپ سے تعلق رکھنے والی اس لڑکی کے گاؤں میں کچے مکانات،جھونپڑیاں اور مال مویشی کا کام جاری رہتا ہے سماجی تنظیم کی ہمت افزائی اور تربیت کے نتیجے میں ہزاروں لوگوں کے مجمع گاڑیوں کے سائرن اور لاؤڈ اسپیکرز کے شور میں با اعتماد طور پر میراتھن دوڑ میں حصہ لیکر پہلی پوزیشن پر آئیں-

ویمن لیڈر شپ فورم کی ممبران شرمین ملک،طاہرہ اعجاز، مرک مری،عزیز بانو، رضیہ بیگم ،افشین اقبال، فوزیہ ناصر ، نجمہ شیخ و دیگر نے اپنے بیان میں مطالبہ کیا ہے کہ پہلی پوزیشن پر آنے والی بچی کو سندھ حکومت و وفاقی حکومت کی جانب سے مالی و تکنیکی مدد فراہم کی جائے تاکہ یہ بچی اپنے ملک کا نام روشن کر سکے ۔

میرپورخاص(باغی ٹی وی نامہ نگار سید شاہزیب شاہ کی رپورٹ ) پہلا کمشنر میراتھن ریس مقابلے کامیابی سے ہمکنار ہوئے جو میرپورخاص کے شہریوں کی زندہ دلی سے ممکن ہوا . ڈویژنل کمشنر میرپورخاص فیصل احمد عقیلی

تفصیلات کے مطابق ڈویژنل کمشنر میرپورخاص فیصل احمد عقیلی نے کہا ہے کہ پہلا کمشنر میراتھن ریس مقابلوں کی کامیابی کا سہرا میرپورخاص کی عوام کو جاتا ہے اور کہا کہ ڈویژن اور ضلع انتظامیہ کھیلوں کے فروغ کے لیے ہر ممکن اقدامات کر رہی ہے ان خیالات کا اظہار انہوں نے شہید بینظیر بھٹو اسپورٹس اسٹیڈیم (گاما اسٹیڈیم) میرپورخاص میں پہلے کمشنر میراتھن ریس مقابلے کی تقریب تقسیم انعامات سے خطاب کرتے ہوئے کیا

انہوں نے مزید کہا کہ ڈویژن انتظامیہ کی ہر ممکن کوشش ہے کہ ڈویژن بھر میں کھیلوں کی سرگرمیوں کو اجاگر کرنے کے ساتھ ساتھ کھیلوں کے میدانوں میں بھی بہتری لائی جائے تاکہ نوجوان کھیلوں کی طرف راغب ہو سکیں کمشنر نے کہا کہ میراتھن مقابلوں سے پیار ، امن ، بھائیچارگی پیدا ہوگی .

اس موقع پر ڈپٹی کمشنر میرپورخاص ڈاکٹر رشید مسعود نے کہا ضلع انتظامیہ میرپورخاص کی ہر ممکن کوشش ہے کہ کھیلوں کو عام کیا جائے اور کھیلوں کا شوق رکھنے والے نوجوانوں کی حوصلہ افزائی ہو سکے واضح رہے کہ پہلے کمشنر میراتھن ریس میں تین کیٹیگریز جس میں وہیل چئیر میراتھن ریس ، لڑکوں کے میراتھن ریس اور لڑکیوں کے میراتھن ریس شامل تھے لڑکوں کا میراتھن ریس 5 کلو میٹر رتن آباد اسٹیشن سے گاما اسٹیڈیم تک ، جبکہ لڑکیوں کا میراتھن ریس ڈیڑھ کلو میٹر کے فاصلے پر مشتمل تھا .

پہلے کمشنر میراتھن میرپورخاص کے جیتنے والے تینوں کیٹیگریز میں نمایاں پوزیشن حاصل کرنے والے کھلاڑیوں میں کمشنر فیصل احمد عقیلی ، ڈپٹی کمشنر ڈاکٹر رشید مسعود خان ، ایس ایس پی عادل میمن اور دیگر نے نقد انعامات اور میڈل دئیے .جس میں وہیل چئیر کیٹیگری میں پہلی پوزیشن گلستان معذورین کے اقبال، دوسری پوزیشن صلاح الدین، اور تیسری پوزیشن نوید نے حاصل کی .

لڑکوں کے میراتھن مقابلوں میں چھٹی پوزیشن امن بلوچ، پانچویں پوزیشن سلیمان، چوتھی پوزیشن عمر، تیسری پوزیشن ہر چند ، دوسری پوزیشن غلام مرتضی اور پہلی پوزیشن ذیشان نے حاصل کی لڑکیوں کی کیٹیگری میں چھٹی پوزیشن لتا ، پانچویں پوزیشن لائبہ ، چوتھی پوزیشن مدھو ، تیسری پوزیشن ماریہ ، دوسری پوزیشن مسکان اور پہلی پوزیشن لالی نے حاصل کی اس موقع پر پہلی پوزیشن حاصل کرنے والے کھلاڑیوں کو 25 ہزار نقد انعام اور میڈل ، دوسری پوزیشن حاصل کرنے والے کھلاڑیوں کو 15ہزار اور میڈل اسی طرح تیسری پوزیشن حاصل کرنے والے کھلاڑیوں کو 10 ہزار روپے نقد انعام اور میڈل ، چوتھی سے چھٹی پوزیشن حاصل کرنے والے کھلاڑیوں کو 5،5ہزار روپے نقد انعام دئیے گئے .

اس موقع پرڈسٹرکٹ آفیسر اسپورٹس واس دیو ، سماجی رہنماؤں محمد بخش کپری، شہزادو ملک ، اسکول کے اساتذہ ، طلبہ و طالبات ، صحافیوں اور شہریوں اور شائقین بے بڑی تعداد میں شرکت کی . تقریب تقسیم انعامات میں صوفی کلام ، صوفیانہ بین اور ساز کے ذریعے ثقافتی نغمے پیش کئے گئے مختلف شعبہء ہائے زندگی سے تعلق رکھنے والے افراد اور عام شہریوں نے کمشنر فیصل عقیلی اور ڈپٹی کمشنر ڈاکٹر رشید مسعود خان کے اقدامات کی تعریف کی

ٹھٹھہ،باغی ٹی وی(بلاول سموں): ڈسٹرکٹ الیکشن کمشنر محمد عمران آرائیں نے ٹریننگ کوآرڈینیٹر نعمان احمد عیسانی و دیگر افسران کے ہمراہ گورنمنٹ گرلز ہائی اسکول مکلی میں قائم ٹریننگ سینٹر کا دورہ کرکے عام انتخابات 2024ء کیلئے تعینات پرزائڈنگ اور سینیئر اسسٹنٹ پریزائیڈنگ آفسران کی جاری ٹریننگ کا تفصیلی جائزہ لیا.

اس موقع پر ڈسٹرکٹ الیکشن کمشنر محمد عمران آرائیں نے کہا کہ پولنگ عمل کے دوران پولنگ اسٹیشنز کے انتظامات اور نگرانی سمیت انتخابات کی تکمیل تک پریزائڈنگ افسران کا اہم رول ہوتا ہے۔ انہوں نے کہا کہ الیکشن کے انعقاد کیلئے پولنگ اسٹاف کا کردار بہت اہمیت کا حامل ہوتا ہے جس کیلئے انہیں ٹریننگ دی جا رہی ہے تاکہ وہ پولنگ کے دوران اپنے فرائض بہتر طریقے سے انجام دے سکیں.

انہوں نے ٹریننگ حاصل کرنے والے پولنگ اسٹاف پر زور دیا کہ وہ اپنی ٹریننگ سے بھرپور استفادہ حاصل کریں تاکہ دوران الیکشن کسی بھی قسم کی شکایات کا موقع نہ ملے۔

انہوں نے انہیں ہدایت کی کہ وہ انتخابات کے روز اس قومی فریضہ میں ایمانداری اور فرض شناسی سے اپنے فرائض ادا کریں تاکہ انتخابات کے عمل کو بہتر، صاف و شفاف، آزادانہ و منصفانہ طریقے سے پایہ تکمیل تک پہنچایا جا سکے۔

ڈسٹرکٹ الیکشن کمشنر نے آئندہ عام انتخابات کے عمل کے متعلق پریزائڈنگ اور سینیئر اسسٹنٹ پریزائیڈنگ آفسران کو تفصیلی آگاہی بھی دی۔ اس موقع پر مانیٹرنگ افسران نیاز احمد میمن، شفیق آرائیں اور ضلعی اطلاعات افسر محفوظ علی سومرو بھی موجود تھے۔