Category: اسلام آباد

ارشد شریف قتل کیس، وفاقی آئینی عدالت کی جانب سے کیس نمٹانےپر ارشد شریف کی اہلیہ جویریہ صدیق کا ردعمل سامنے آ گیا

سماجی رابطے کی ویب سائٹ ایکس پر ایک پوسٹ میں ارشد شریف کی اہلیہ جویریہ صدیق کا کہنا تھا کہ "ہم نے تعزیت سمیٹنے کے لیے سپریم کورٹ میں درخواست نہیں دی تھی اگر سپریم کورٹ اور وفاقی آئینی عدالت انصاف نہیں دے سکی تو ایک ضلعی کچہری میں کیسے انصاف ہوگا جب آج تک ارشد شریف کے خلاف ہراسانی دھمکیوں سر میں گولی مارنے اور پھر قتل کرنے کی ایف آئی آر فیملی کی مدعیت میں درج نہیں ہوسکی۔ کوئی نظام موجود نہیں بس ایک بار آپ ساتھ ظلم ہوگیا معاملہ اللہ پر چھوڑ دیں یہاں پر یہ کہا جاتا ہے”.

واضح رہے کہ وفاقی آئینی عدالت نے صحافی ارشد شریف کے قتل سے متعلق ازخود نوٹس کیس نمٹا دیا ہے۔
‎عدالت کی جانب سے جاری فیصلے میں کہا گیا ہے کہ پاکستان اور کینیا کے درمیان باہمی قانونی معاونت (ایم ایل اے) کے معاہدے پر دستخط ہو چکے ہیں، جس کے بعد اس مرحلے پر عدالتی مداخلت کی ضرورت نہیں رہی۔‎فیصلے میں کہا گیا کہ عدالت ارشد شریف کے قتل پر صحافتی برادری اور پاکستانی عوام کے دکھ اور تشویش کو سمجھتی ہے۔ تاہم تحقیقات اور قانونی کارروائی متعلقہ قوانین اور بین الاقوامی معاہدوں کے تحت جاری ہے۔
‎عدالت نے واضح کیا کہ مقتول کے ورثا کسی بھی معاملے پر متعلقہ فورمز یا عدالتوں سے رجوع کرنے کا مکمل حق رکھتے ہیں۔‎فیصلے کے مطابق پاکستان اور کینیا کے درمیان سفارتی سطح پر رابطے جاری ہیں اور دونوں ممالک اپنے اپنے قوانین کے تحت ضروری اقدامات کر رہے ہیں۔

‎وفاقی آئینی عدالت نے صحافی ارشد شریف کے قتل سے متعلق ازخود نوٹس کیس نمٹا دیا ہے۔
‎عدالت کی جانب سے جاری فیصلے میں کہا گیا ہے کہ پاکستان اور کینیا کے درمیان باہمی قانونی معاونت (ایم ایل اے) کے معاہدے پر دستخط ہو چکے ہیں، جس کے بعد اس مرحلے پر عدالتی مداخلت کی ضرورت نہیں رہی۔
‎فیصلے میں کہا گیا کہ عدالت ارشد شریف کے قتل پر صحافتی برادری اور پاکستانی عوام کے دکھ اور تشویش کو سمجھتی ہے۔ تاہم تحقیقات اور قانونی کارروائی متعلقہ قوانین اور بین الاقوامی معاہدوں کے تحت جاری ہے۔
‎عدالت نے واضح کیا کہ مقتول کے ورثا کسی بھی معاملے پر متعلقہ فورمز یا عدالتوں سے رجوع کرنے کا مکمل حق رکھتے ہیں۔
‎فیصلے کے مطابق پاکستان اور کینیا کے درمیان سفارتی سطح پر رابطے جاری ہیں اور دونوں ممالک اپنے اپنے قوانین کے تحت ضروری اقدامات کر رہے ہیں۔


لاہور کے علاقے موہلنوال میں واقع 53 کنال 3 مرلہ اراضی سے متعلق کیس میں سپریم کورٹ آف پاکستان نے جرح کے طریقۂ کار پر اہم اصولی فیصلہ دیتے ہوئے کہا ہے کہ جرح کا حق لامحدود نہیں اور اس کی آڑ میں گواہ کو ہراساں کرنا یا غیر متعلقہ سوالات کرنا ناقابل قبول ہے۔
‎جسٹس شاہد بلال حسن نے تحریری فیصلے میں قرار دیا کہ ٹرائل کورٹ کو یہ مکمل قانونی اختیار حاصل ہے کہ وہ غیر ضروری، طویل یا ہراساں کرنے والی جرح کو محدود کرے یا ختم کر دے۔ عدالت نے واضح کیا کہ انصاف کے تقاضے پورے کرنے کے لیے گواہوں کو غیر ضروری دباؤ اور تضحیک سے محفوظ رکھنا عدالتی ذمہ داری ہے۔
‎سپریم کورٹ نے ٹرائل کورٹ اور لاہور ہائیکورٹ کے فیصلوں کو قانون کے مطابق قرار دیتے ہوئے کہا کہ اگر ٹرائل کورٹ اس نتیجے پر پہنچے کہ مزید جرح غیر ضروری یا ہراساں کرنے کے مترادف ہے تو وہ مدعا علیہ کا مزید جرح کا حق ختم کر سکتی ہے۔ لاہور ہائیکورٹ نے بھی اسی بنیاد پر ٹرائل کورٹ کے فیصلے کے خلاف دائر اپیل مسترد کر دی تھی۔
‎عدالت نے ریمارکس دیے کہ گواہوں کو طویل جرح کے ذریعے تھکا کر غلطی پر مجبور کرنا انصاف کے منافی ہے اور عدالتی ریکارڈ کی درستگی کے حق میں ایک مضبوط قانونی مفروضہ موجود ہوتا ہے۔
‎عدالتی فیصلے کے مطابق مذکورہ مقدمے میں مدعی بطور گواہ پیش ہوا، جس پر دو ماہ کے دوران سات سماعتوں میں 30 صفحات پر مشتمل جرح کی گئی۔ سپریم کورٹ نے اس تناظر میں کہا کہ لاہور ہائیکورٹ کو سیکشن 151 سی پی سی کے تحت مکمل اختیار حاصل تھا کہ وہ ٹرائل کورٹ کے اقدام کو برقرار رکھے۔


قومی احتساب بیورو (نیب) نے کرپشن کے ایک بڑے مقدمے میں اہم پیش رفت کرتے ہوئے حیدرآباد میں اکاونٹس ڈپارٹمنٹ کے سابق ایڈیشنل ڈائریکٹر کی بیوہ سے 2 ارب 67 کروڑ روپے کی ریکوری کرلی ہے۔
نیب کے مطابق گریڈ 18 کے افسر مشتاق کے انتقال کے بعد ان کی بیوہ نے سال 2025 میں پلی بارگین کی درخواست دی، جسے منظور کرتے ہوئے غیر قانونی طور پر بنائے گئے تمام اثاثے سرکار کو واپس لے لیے گئے۔ ریکور کیے گئے اثاثوں میں اربوں روپے مالیت کی کمرشل پراپرٹیز، زرعی زمینیں، سونا، لگژری گاڑیاں، اور معروف برانڈز کو کرائے پر دی گئی دکانوں کا وسیع نیٹ ورک شامل ہے۔
‎نیب کا کہنا ہے کہ پلی بارگین کے بعد تمام اثاثے سندھ حکومت کے حوالے کر دیے گئے ہیں، جس سے سرکاری خزانے کو بڑا ریلیف ملا ہے۔ یہ ریکوری صوبے میں بدعنوانی کے خلاف جاری کارروائیوں میں ایک اہم کامیابی قرار دی جا رہی ہے۔

قازقستان کے صدر قاسم جومارت دو روزہ سرکاری دورے پر پاکستان پہنچ گئے ہیں۔ صدر مملکت آصف زرداری اور وزیراعظم شہباز شریف نے نور خان ایئربیس پر مہمان صدر کا استقبال کیا، جہاں انہیں 21 توپوں کی سلامی بھی دی گئی۔
‎صدر قازقستان کے ہمراہ سینئر وزرا اور سرکاری حکام پر مشتمل اعلیٰ سطحی وفد بھی پاکستان آیا ہے۔ دورے کے دوران کئی شعبوں میں تعاون کی مفاہمتی یادداشتوں اور معاہدوں پر دستخط متوقع ہیں، جو دونوں ممالک کے باہمی تعلقات کو مزید مضبوط کریں گے۔

‎ٹک ٹاکر ثناء یوسف کے قتل کیس کی سماعت سے قبل عدالت کے قریب ملزم عمر حیات عرف کاکا کو مبینہ دھمکیاں دینے والے ایک مشتبہ لڑکے کو گرفتار کر لیا گیا۔
‎وکیل ملزم کے مطابق مشتبہ لڑکے نے کہا کہ “تمہارے قتل کی سپاری لے لی گئی ہے” اور اس سے قبل ملزم کے بہنوئی کو دھمکی دینے کے لیے پرچی بھی دی گئی تھی۔ ایڈیشنل ڈسٹرکٹ اینڈ سیشن جج محمد افضل مجوکہ نے مشتبہ لڑکے کے خلاف قانونی کارروائی کا حکم دیا۔
‎مشتبہ لڑکے نے عدالت میں بتایا کہ وہ جیل میں ملزم عمر حیات کے ساتھ رہا ہے اور نیکی کے طور پر عمر حیات سے ملاقات کے لیے آیا تھا۔ جج نے پولیس کو ہدایت کی کہ اس معاملے کو قانون کے مطابق دیکھیں۔
‎بعد ازاں مشتبہ لڑکے اسامہ کو پولیس کے حوالے کر دیا گیا۔