قومی اسمبلی اجلاس میں ایم کیو ایم کے رکن صلاح الدین نے پیپلز پارٹی کو تنقید کا نشانہ بنایا تو آصف زرداری نے اسمبلی میں خطاب کرتے ہوئے کہا کہ کراچی میں خون کی ندیاں بہا دیں ،ہتھیار دلوانے کی ترغیب دی ،ایم کیو ایم کو ملنے والے کروڑوں روپے کہاں گئے؟
حکومت کو نکالنے کیلئے سیاسی قوتوں کو آگے ہونا ہو گا، آصف زرداری
ایک ہفتے کی جیل کے بعد زرداری کی بس ہو گئی، اسمبلی میں کیا کہہ دیا؟ بڑی خبر؟
شہباز شریف نے قومی اسمبلی میں کی نواز شریف کی مخالفت، اہم خبر
باغی ٹی وی کی رپورٹ کے مطابق قومی اسمبلی کا اجلاس ڈپٹی سپیکر قاسم سوری کی زیر صدارت جاری ہے، قومی اسمبلی اجلاس میں ایم کیوایم کے رکن اسمبلی صلاح الدین نے خطاب کرتے ہوئے کہا کہ اٹھارویں ترمیم میں ترمیم ہونی چاہیےتاکہ صوبوں کے مسائل کے حل میں مدد مل سکے، میرے صوبے میں این ایف سی ایوارڈ کا ایک اجلاس تک نہیں ہوا ،حیدرآباد کو تباہ کردیا گیا،پینے کا صاف پانی تک نہیں ہے،ایک رپورٹ کےمطابق 85 فیصد پینے کےپانی میں فضلہ ملا ہے ،15سال سے زرداری صاحب آپکی صوبےمیں حکمرانی ہے،ذمہ دار کون؟ زرداری صاحب نےجوانی حیدرآباد میں گزاری ،آج عمران خان نے حیدرآباد میں یونیورسٹی قائم کرنے کا اعلان کیا،آپ نےتو 10سال میں لوگوں کوجہالت دی،لوگوں کو روزگار نہیں دیا،عوام کو محروم رکھا ہے سپریم کورٹ کےجج نےکہاکہ ایک گھرتوڈائن بھی چھوڑ دیتی ہے،آپ نےتو وہ بھی نہیں چھوڑا،
نواز شریف کی بیماری کا علاج جیل میں نہیں ہو سکتا، ڈاکٹر کا انکشاف
میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا
صلاح الدین کے آصف زرداری پرالزام پر پیپلز پارٹی ارکان نے شور کیا، آصف زرداری نے ڈپٹی سپیکر کو کہا کہ انہوں نے میرا نام لیا اور الزام لگایا میں جواب دوں گا،جس پر صلاح الدین کی تقریر کےدوران ہی ڈپٹی اسپیکر نےمائیک آصف زرداری کو دے دیا، آصف زرداری نے خطاب کرتے ہوئے کہا کہ 10سال مشرف کی حکومت نےہزاروں کروڑوں روپےایم کیوایم کودیے،کہاں خرچ کیے،کراچی میں خون کی ندیاں بہا دیں،ہتھیاردلوانے کی ترغیب دی اور پھروہ استعمال ہوئے،اگر میں اتنا چھوٹا آدمی ہوتا تواپنی پاورز بطور صدر اس پارلیمنٹ کو نہ دیتا،پارلیمنٹ نےتوکہابھی نہیں تھا میں نے ازخود اپنی طاقت وزیراعظم اور پارلیمنٹ کو دی ، زرداری نے مزید کہا کہ یہ کہتے ہیں کہ نوکریاں نہیں ، شیم ، ہزاروں روزگار دیے،ہم نےکبھی ہتھیاروں کو استعمال نہیں کیا ،اگرسندھ والے ہتھیاروں کااستعمال کرتے تویہ ویسے بھی تعداد میں بہت تھوڑے تھے،ان کو کس نے بنایا ، کیوں بنایا اور اب ان کویتیم چھوڑ دیا ،آپ اپنی طرف دیکھیں کہ یہ مسلسل حکومتوں کا حصہ رہے،کیا کیا عوام کیلیے،ذرا بتائیں؟
