پشتون تحفظ موومنٹ پر پابندی کے حوالہ سے عدالت نے تمام فریقین سے جواب طلب کر لیا

باغی ٹی وی کی رپورٹ کے مطابق اسلام آباد ہائیکورٹ میں پی ٹی ایم پر پابندی لگانے کی درخواست کی سماعت ہوئی ،درخواست کی سماعت جسٹس عامر فاروق نے کی، دوران سماعت عدالت نے کہا کہ ادارے اپنے قوانین پرسختی سےمکمل عمل درآمد کریں،عدالت نے وزارت داخلہ سے تحریری جواب سمیت تمام فریقین سے جواب طلب کیا ہے، عدالت نے منظور پشتین، علی وزیر اور محسن داوڑ سے بھی جواب طلب کرتے ہوئے تمام فریقین کو 3 جون تک جواب جمع کرانے کا حکم دیا ہے.

واضح ہے کہ پی ٹی ایم کے خلاف یہ درخواست کرنل (ر) جاوید اقبال کی جانب سے دائر کی گئی ہے۔ درخواست میں سیکرٹری داخلہ، دفاع، قانون و انصاف، پیمرا اور پی ٹی اے کےعلاوہ منظور پشتین، محسن داوڑ اور علی وزیر کوبھی فریق بنایا گیا ہے۔ درخواست میں موقف اختیار کیا گیا کہ پی ٹی ایم رہنماؤں محسن داوڑ ، علی وزیر اور منظور پشتین کے سوشل میڈیا اکاؤنٹس بند کرنے کا حکم دیا جائے۔ پی ٹی ایم رجسٹرڈ سیاسی جماعت نہیں اس لیے پابندی لگائی جائے۔ پاک فوج کے خلاف ہرزہ سرائی کرنے والوں پر ذمہ داری کا تعین کیا جائے۔ پی ٹی ایم کی میڈیا کوریج پر بھی پابندی لگائی جائے

چین کے نائب صدر وام کی شن کو پاکستان کا سب سے بڑا سول اعزاز نشان پاکستان دیا گیا

باغی ٹی وی کی رپورٹ کے مطابق چین کے نائب صدر وام کی شن کو پاکستان کا سب سے بڑا سول اعزاز نشان پاکستان دینے کی تقریب ایوان صدر اسلام آباد میں‌ ہوئی جس میں حکومتی اراکین، غیر ملکی سفراء نے شرکت کی .صدر مملکت ڈاکٹر عارف علوی نے چین کے نائب صدر وام کی شن کو پاکستان کے سب سے بڑے اعزاز نشان پاکستان سے نوازا

واضح رہے کہ چین کے نائب صدر وام کی شن پاکستان پہنچے تو نورخان ائیر بیس پر وزیر خارجہ شاہ محمود قریشی نے انکا استقبال کیا اس موقع پر وفاقی وزیر منصوبہ بندی و ترقیات مخدوم خسرو بختیار بھی موجود تھے۔ نورخان ائیر بیس پہنچنے پر چینی نائب صدر کو ننھے منے بچوں نے پھولوں کا گلدستہ بھی پیش کیا۔دورے کے دوران چینی نائب صدر وام کی شن صدر مملکت ڈاکٹر عارف علوی اور وزیراعظم عمران خان سے ملاقات کے علاوہ مختلف معاہدوں اور مفاہمت کی یاداشتوں پر دستخط بھی کریں گے جبکہ وہ مختلف منصوبوں کا افتتاح بھی کریں گے۔چین کے نائب صدر کا یہ دورہ پاکستان اور چین کے درمیان درینہ اور وقت کی ہر آزمائش پر پورا اترنے والے دوستانہ اور گہرے تعلقات کا مظہر ہے،چین کے نائب صدر کے اس دورے سے موجودہ دوطرفہ تعلقات مزید مستحکم ہوں گے اور مختلف شعبوں میں دونوں ملکوں کے درمیان بڑھتے ہوئے کثیر الجہتی تعاون کو مزید تقویت ملے گی

وزیر اعظم پاکستان کی معاون خصوصی فردوس عاشق اعوان نے کہا ہے کہ پاک فوج کی چیک پوسٹوں پر حملہ ہونا افسوس ناک ہے. کچھ لوگ بین الاقوامی قوتوں کےآلہ کاربن گئے.

باغی ٹی وی کی رپورٹ کے مطابق فردوس عاشق اعوان نے کہاکہ پاکستان کی سلامتی کے ساتھ کھیلنےکی اجازت نہیں دی جائےگی.
ریاست کےخلاف پروپیگنڈا کرکےلوگوں کو گمراہ کیاجارہاتھا. حملہ کرنے والے گروہ کو بےنقاب کریں گے، قانون بھی حرکت میں آئےگا. حکومت کا ا یکشن آئین اور قانون کے مطابق ہوگا، عوام ان گروہوں سےلاتعلقی کا اظہارکرکے پاک فوج کےشانہ بشانہ کھڑےہوں گے.

انہو‌ں نے کہاکہ حملہ آوروں نے ریاست مخالف سرگرمیوں میں ملوث افراد کوچھڑانے کی کوشش کی . قبائلی عوام کوقربانیوں کےثمرات ملنے کا وقت آ گیا ہے. وزیراعظم نےقبائلی عوام کے زخموں پر مرہم رکھاہے. واضح رہے کہ پی ٹی ایم کے کارندوں نے میران شاہ میں پاکستانی فوج کی چیک پوسٹوں‌پر حملہ کر کے پانچ جوانوں‌کو زخمی کر دیا جس کے بعد متعدد پی ٹی ایم اہلکاروں کو حراست میں لے لیا گیا ہے جبکہ تین حملہ آور مارے گئے ہیں.

پاکستانی وزیر اعظم عمران خان نے اپنے بھارتی ہم منصب نریندرمودی سے ٹیلی فون پر رابطہ کر کے انہیں لوک سبھا انتخابات میں کامیابی پر مبارکباد دی ہے.

باغی ٹی وی کی رپورٹ کے مطابق ترجمان دفتر خارجہ کے مطابق عمران خان نے نریندر مودی سے ٹیلی فون پر گفتگو کرتے ہوئے کہاکہ ہم جنوبی ایشیا میں امن و استحکام کیلئے بام مل کر کام کرنے کے خواہشمند ہیں. پاکستان اور بھارت کو عوام کی بہتری اور امن کے قیام کیلئے مل کر کام کرنا چاہیے.

یاد رہے کہ اس سے قبل وزیراعظم عمران خان نے سماجی رابطے کی ویب سائٹ ٹوئٹر پر نریندر مودی کو انتخابات میں کامیابی پر مبارکباد دی تھی جس پر برسراقتدار آنے والی بھارتی سیاسی تنظیم بی جے پی کے سربراہ نریندرمودی نے ٹویٹ کر کے عمران خان کا شکریہ ادا کیا تھا۔

نریند مودی کی پارٹی حالیہ انتخابات میں تنہا 3 سو سے زائد سیٹیں جیتنے میں‌کامیاب رہی ہے اور جلد نریندر مودی کابینہ کے ہمراہ حلف اٹھائیں گے.

ڈی جی آئی ایس پی آر نے کہا ہے کہ شمالی وزیرستان کے میران شاہ علاقہ میں پاکستانی فوج کی خارکمر چیک پوسٹ پر حملہ پی ٹی ایم رہنما محسن جاوید داوڑ اور علی وزیر کی قیادت میں مسلح کارندوں نے کیا.

باغی ٹی وی کی رپورٹ کے مطابق انہوں نے کہاکہ حملہ آور گرفتار کئے گئے دہشت گردوں کے سہولت کاروں کی رہائی کیلئے دبائو ڈالنا چاہتے تھے. اس دوران پی ٹی ایم کارندوں نے چیک پوسٹ پر فائرنگ کی اور حملہ کیا جس سے 5 پاکستانی فوجی زخمی ہوئے ہیں جبکہ پاک فوج کی جوابی کاروائی میں‌ 3 حملہ آور مارے گئے جبکہ 10 زخمی ہوئے ہیں.

پی ٹی ایم حملہ کیخلاف سوشل میڈیا صارفین پھٹ پڑے، ملزمان پر فوجی عدالتوں میں‌ مقدمہ چلانے کا مطالبہ

ڈی جی آئی ایس پی آر نے کہاکہ حملہ میں زخمی ہونے والوں‌کو ہسپتال داخل کروادیا گیا ہے. اسی طرح پی ٹی ایم لیڈر علی وزیر سمیت 8 افراد کو گرفتار کیا گیا ہے.

یاد رہے کہ پی ٹی ایم کے حملہ پر پوری قوم میں‌شدید غم و غصہ پایا جاتا ہے.

پی ٹی ایم حملہ، سوشل میڈیا پر جعلی تصویروں‌ کا استعمال، انڈیا سے پاک فوج مخالف مہم چلانے کا انکشاف

پشتون تحفظ موومنٹ کے میران شاہ میں‌ پاکستانی فوج کی چیک پوسٹوں پر حملہ کے خلاف سوشل میڈیا صارفین کی طرف سے شدید غم و غصہ کا اظہار کیا جارہا ہے اور پاکستانی قوم کے ہر طبقہ فکر سے تعلق رکھنے والے لوگوں نے منظور پشتین، محسن داوڑ اور دیگر اہلکاروں کے خلاف فوجی عدالتوں میں‌مقدمہ چلانے کا مطالبہ کیا ہے.

باغی ٹی وی کی رپورٹ‌کے مطابق سوشل میڈیا پر فیس بک، ٹویٹر اور دیگر سائٹس پر پاکستانیوں نے پی ٹی ایم کی قیادت اور وابستہ اہلکاروں کے خلاف فوری طور پر سخت کاروائی کا مطالبہ کیا ہے.

ممتاز تجزیہ نگار زید حامد نے کہا ہے کہ پی ٹی ایم نے آج پہلی مرتبہ ٹی ٹی پی کے خلاف مسلح‌بغاوت کر دی ہے اور یہ انڈیا میں‌مودی کی دوبارہ حکومت میں آنے پر بہت خوش ہیں، ریاست کو چاہیے کہ وہ انہیں‌فوری طور پر کچل دے.

پی ٹی ایم حملہ، سوشل میڈیا پر جعلی تصویروں‌ کا استعمال، انڈیا سے پاک فوج مخالف مہم چلانے کا انکشاف

باغی ٹی وی کی رپورٹ کے مطابق سوشل میڈیا صارفین کا کہنا تھاکہ پی ٹی ایم آستین کا سانپ اور دشمن قوتوں‌ کی ایجنٹ جماعت ہے اسے کچلنا نہایت ضروری ہے. زید حامد کی طرح دیگر صحافیوں، دانشوروں، سیاسی، مذہبی و سماجی جماعتوں کے کارکنان نے بھی پی ٹی ایم کے خلاف فوری کاروائی کا مطالبہ کیا ہے.

پی ٹی ایم نے ٹی ٹی پی کی طرح‌ مسلح بغاوت شروع کر دی، ریاست ان کی دہشت گردی فوری کچلے. زید حامد

چین کے نائب صدر وانگ چی شن تین روزہ دورہ پر پاکستان پہنچ گئے ہیں اور پاکستانی وزیر خارجہ شاہ محمود قریشی نے ان کا والہانہ استقبال کیا ہے.

چینی نائب صدر وانگ چی شن کا یہ دورہ بہت اہمیت کا حامل ہے. اپنے اس دورے کے دوران نائب صدر وانگ چی شن صدرمملکت عارف علوی اوروزیراعظم عمران خان سے الگ الگ ملاقاتیں کریں گے۔ وانگ چی شن 13 ویں نیشنل پیلزکانگریس اورمرکزی فارن افئیرز کمیشن کے رکن ہیں۔ مرکزی فارن افئیرز کمیشن چین کی کمیونست پارٹی کا اہم ادارہ ہے۔

ترجمان دفترخارجہ نے اس دورہ سے متعلق کہا ہے کہ چین کے نائب صدر وانگ چی شن کے دورہ پاکستان سے دونوں ممالک کے درمیان سدابہارسٹریٹجک تعاون اوراشتراک کار کے عزم کی عکاسی ہوتی ہے۔ ان کادورہ دونوں ممالک کے درمیان اعلیٰ سطح کے دوطرفہ رابطوں کی ایک کڑی ہے جس میں وزیرعظم عمران خان کے نومبر2018ءکے دورہ چین اورپھر اپریل 2019 ءمیں دورہ چین اوردوسری بیلٹ اینڈ روڈ فورم میں شرکت کے بعد تیزی آئی ہے۔

پشتون تحفظ موومنٹ کے لیڈر محسن داوڑ اور ساتھیوں کی طرف سے میران شاہ میں پاک فوج کی چیک پوسٹوں‌ پر فائرنگ کے بعد جوابی کاروائی کرتے ہوئے پی ٹی ایم کے متعدد کارکنان کو گرفتار کر لیا گیا ہے.

باغی ٹی وی کی رپورٹ کے مطابق فورسز اہل کاروں اورپی ٹی ایم کارکنوں میں جھڑپ دتہ خیل کےقریب ہوئی. بتایا گیا ہے کہ یہ جھڑپ اس جگہ ہوئی جہاں کئی دنوں سے پی ٹی ایم کارکنوں نے دھرنا دے رکھا ہے. پی ٹی ایم لیڈر اور کارکنان جو پاک فوج اور دفاعی اداروں کے خلاف مذموم مہم چلا رہے ہیں اتوار کے دن ساری حدیں‌ پار کر گئے اور پاک فوج کی چیک پوسٹوں پر بھی فائرنگ کر دی جس کے بعد پی ٹی ایم کارکنان کو حراست میں لیا گیا ہے.

اس موقع پر مقامی ایم این اے محسن داوڑ اورعلی وزیربھی علاقے میں موجود تھے. محسن داوڑ عوام کو پاکستانی فوج اور ریاست کے خلاف مسلسل اکسا رہا ہے. اتوار کے دن محسن داوڑ اور اس کے ساتھیوں نے میران شاہ کے بویا علاقہ میں چیک پوسٹ پر فائرنگ کے ساتھ ساتھ پاک فوج کے جوانوں‌کے خلاف اشتعال انگیزی نعرے بازی بھی کی.

یاد رہے کہ محسن داوڑ تمام اخلاقی حدیں‌پار کرتے جارہے ہیں. پاک فوج سمیت دیگر ریاستی اداروں کے خلاف ہرزہ سرائی کرنے پر پشتون تحفظ موومنٹ (پی ٹی ایم) پر پابندی کے لیے اسلام آباد ہائی کورٹ میں درخواست بھی دائر کر دی گئی ہے جس کی سماعت
جسٹس عامر فاروق پیر کو کرینگے، یہ درخواست کرنل (ر) جاوید اقبال کی جانب سے دائر کی گئی ہے۔